Fróðskaparrit - 01.01.1983, Side 24

UM IKKI AT FLYTA ANNAN FÓTIN...
27
ráðið av at seta Gudfrøðideildina á stovn.
Ætlanin við hesi deild var umframt at skipa
fyri undirvísing, at hon eisini skuldi koma at
virka sum granskingarstovnur innan føroyska
kirkjusøgu og føroyskt trúarlív og sum bíbliu-
týðingarstovnur. Tað varð bert roknað við
einum hálvum føstum starvi á deildini, og ein
samskipan fekst tí í lag við Føroya Lærara-
skúla, soleiðis at deildarleiðarin helvtina av
arbeiðstíð síni skuldi undirvísa á læraraskúl-
anum. 1. august 1980 varð Lisbeth Michelsen,
cand. theol., sett sum deildarleiðari á Gud-
frøðideildini. Hon sat í hesum starvi til 1983.
Eftirmaður hennara er Petur Martin Rasmus-
sen, cand. theol., ið varð settur í starvið 1.
august 1983.
Gudfrøðilesturin var til og við 1983 skip-
aður sum ein partur av gudfrøðiligum
embætisprógvi; endaligt prógv mátti takast
aðrastaðni. Frá heystið 1983 er skipað so
fyri, at tað nú eisini ber til at taka hjágrein
ella exam.art.-nám í kristni/religión við
Fróðskaparsetrið.
Hægri útbúgvingar, sum ongantíð komu
Tær áður umrøddu 11 nevndirnar, sum eftir
tilmæli frá setursráðnum og við góðkenning
landsstýrisins vórðu settar í juli 1974, fingu
til setning at kanna
tørvin á hægri lestri her heima i Føroyum,
tá ið hugsað verður um framtíðararbeiði í
tí føroyska samfelagnum.
vánirnar at fáa rikið tílíkan lestur her heima,
tá ið hugsað verður, fyrst og fremst um
læraratilboðið, men eisini um aðrar um-
støður — eitt nú stovnar,
kostnaðin av slíkum tiltaki.
Nevndirnar gjørdu eitt dygdararbeiði, og
1.11.1975 kundi setursráðið leggja tilmæli
fyri landsstýrið, har uppskotini vóru býtt í
tríggjar bólkar:
Útbúgvingar at byrja september 1976:
Fiskiídnaður, edv, fyrisiting og gudfrøði
Útbúgvingar at kanna framvegis:
Lærarastørv, læknafrøði, ravmagnstøkni
og bókasavnskunnleiki.
Útbúgvingar at útseta fyri fyrst:
Sjúkrasystrastørv, blaðmanna-, útvarps- og
sjónvarpsvirki og landbúnaður.
Landsstýrið tók undir við at fremja út-
búgvingarnar í fyrsta bólki, tó so at fiski-
ídnaður og edv vegna hølistrot skuldu stegða
eitt ár. í fyrstu atløgu valdi løgtingsins fíggj-
arnevnd fyrisitingarútbúgvingina, men treyt-
að av at játtanin til setrið ikki varð økt í tí
sambandinum. Samstundis hevði fíggjar-
nevndin kravt munandi niðurskurð í fíggjar-
ætlan setursins sum heild. Sostatt datt henda
útbúgving niðurfyri. Tá ið av tornaði, sam-
tykti tingið at játta eina lítla peningaupp-
hædd til gudfrøðideild við setrið.
Magnus Danielsen, sum í 2 ár var lærari á
Støðisútbúgvingini og aftur starvaðist á
Danmarks tekniske Højskole, beyð sær til
at halda fram við kanningini av útbúgving í
ravmagnstøkni. í 1977 greiddi hann vala álit
úr hondum um 3 ára hægri útbúgving í tøkni
(fleiri greinir). Tríggjar ferðir søkti seturs-
ráðið um játtan til útbúgvingina, seinastu
ferðina til eina avmarkaða 3 ára hægri út-
búgving við ravmagns- og maskintøkniligum
innihaldi og orku sum sergrein. Men eingin
játtan fekst.
í sínum lagi hevur Støðisútbúgvingin gjørt
royndir at fáa í lag edv-útbúgving í framhaldi
av og saman við støðisútbúgving. Tær hava
ikki eydnast.
Setursráðið hevur viðgjørt uppskot um
serligt ársnám í mentanarfrøði, serliga før-