Fróðskaparrit - 01.01.1983, Page 104

Limir í Føroya Fróðskaparfelag farnir
seinastu 10 árini:
107
Niels á Botni varð føddur 30. mars 1895 í
Nólsoy og andaðist 20. juli 1982. Hann virk-
aði sum fuglakonservator í Nólsoy næstan
alla ævi sína. Niels á Botni var millum teirra,
sum tóku stig til at stovna Føroya Fróð-
skaparfelag, og í Fróðskaparritum 1. bók
hevur hann latið prenta greinina Hugskot
um hvítravnin. Hann hevði stóran kunnleika
um fuglar og hevur saman við øðrum, serliga
bretanum Kenneth Williamson, skrivað fleiri
greinir um fuglafrøði í útlendsk vísindalig
tíðarrit. Niels á Botni var kendur millum fugla-
frøðingar, og hann var tann, sum útlendskir
fuglafrøðingar fyrst av øllum vendu sær til,
tá teir vitjaðu Føroyar. Hann hevði bræva-
samband við vísindamenn í nógvum lond-
um.
Leif Dahl, føddur 17. oktober 1910 í Vági.
Hann tók læknaprógv í Danmark í 1938 og
starvaðist sum lækni í Føroyumfrá 1940—46
og seinni á Eiði í tíðarskeiðinum 1952—59.
Síðani arbeiddi hann sum lækni i Danmark.
Limur í Føroya Fróðskaparfelag gjørdist
hann í 1954. í Fróðskaparrit, 3. bók, skrivaði
hann greinina Firvaldar í Føroyum.
f 1956 gav Føroya Náttúra — Føroya
Skúli út bók hansara Firvaldar. Leif hevði
firvaldar sum frítíðarítriv. Bæði her í Før-
oyum og aðrastaðni savnaði hann firvaldar,
og hann átti tíðliga eitt stórt savn av teimum.
Leif Dahl gav hetta mikla savn, ið at enda
taldi einar 3.000 firvaldar, við testamenti til
Føroya Náttúrugripasavn í Havn. Tað var
hansara týðiliga ynski, at hetta lívsverk hans-
ara skuldi enda í Føroyum. Leif andaðist
15. mai 1982.
Pauli Dahl, føddur 9. november 1898 í Vági.
Hann tók læknaprógv í Keypmannahavn i
1923 og virkaði síðani sum lækni ymsastaðni
bæði í Føroyum og Danmark, til hann í 1931
gjørdist yvirlækni við Dronning Alexandrines
Hospital, seinni Landssjúkrahúsið. Hetta
starv røkti hann, til hann fór frá í 1967. Lim-
ur í Fróðskaparfelagnum gjørdist hann longu
árið eftir, at tað var stovnað. f Fróðskapar-
rit 1953 skrivaði hann greinina Cholesterol-
pleuritis. Umframt læknaarbeiðið, ið mang-
an var ógvuliga strævið, serliga tey fyrru
árini, hevði hann eisini politiskt medvit.
Hann var m.a. valdur inn á Føroya Løgting
í 1943—45 og 1946. Eisini seinni gjørdi hann
politiskt vart við seg, m.a. tá hann var stillari
hjá Karsteni Hoydal við fólkatingsvalið í
1962. Pauli Dahl doyði 3. mai 1977.
Petra Djurhuus varð fødd 11. august 1892 í
Nólsoy og andaðist 1. desember 1975. Hon
var útbúgvin sum konservator. Petra Djur-
huus var ikki limur í Føroya Fróðskapar-
felag, men var alla sína tíð ein av ídnastu
stuðlum felagsins. Saman við manni sínum
Hans Andrias Djurhuus skipaði hon so fyri,
at Náttúrugripasavnið og Bátahøllin fingu