Morgunblaðið - 28.05.1958, Blaðsíða 20

V EÐRIÐ
Hægviðri. Léttskýjað.
jtttMnMfe
Fisksölumálin
Sjá bis. 10.
117. tbl. — Miðvikudagur 28. maí 1958
Mikill peningaþjófnaður
framinn í ,Fjalakettinum'
1 FYRRINÓTT var innbrotsþjófn
aður framinn í skrifstofu Guð-
jóns Hólm Sigvaldasonar héraðs-
lögmanns, sem er á annarri hæð í
„Fjalakettinum“ við Aðalstræti.
Var þar framinn verulegur pen-
inga- og skjalaþjófnaður.
Innbrotsþjófurinn eða þjófarn-
ir, því ekki er enn vitað hver hér
var að verki, þurfti ekki að
sprengja upp nema eina hurð.
Útihurð hússins var hægt að opna,
því rúða í hurðinni var brotin.
Mátti auðveldlega seilast í smekk-
lásinn. Framan við skrifstofu Guð
jóns er skrifstofa Sigurgeirs Sig-
íbúð skemmist
af eldi
Á annan í hvítasunnu, um nón-
bil, var bví veitt eftirtekt að reyk
lagði úr rishæð hússins Spítala-
stíg 4 hér í bæ og var slökkvi-
liðinu þegar gert viðvart.
Brunaverðir komu að luktum
dyrum í risíbúðinni, sem eldur
var kominn upp í, því heimilis-
fólkið, Matthías Jónasson sjómað-
ur, kona hans og fimm börn, voru
ekki heima. Slökkviliðsstarfið
tókst vel. Eldurinn var orðinn
allmagnaður er slökkviliðið kom
á vettvang. Varð af eldi þessum
töluvert tjón og íbúðin óhæf til
íbúðar. — Innanstokksmunir
skemmdust einnig, fatnaður eyði-
lagðist o. fl. Var innbúið allvel
vátryggt. Ókunnugt er um elds-
upptök.
Breytingar gerðar
á póststofunni
NÆSTA mánuð verður bréfa-
póststofan til húsa í kjallara
pósthússins (gengfci inn frá Aust-
urstræti). Hefir afgreiðslusalur
bréfapóststofunnar verið fluttur
niður í kjallarann vegna þess að
gera á allumfangsmiklar breyt-
ingar á aðalafgreiðslunni. Mun
ætlunin vera sú að stækka af-
greiðslusalinn svo, að hann nái
yfir alla fyrstu hæð pósthússins.
urjónssonar konsúls Israels. Var
hurðin sprengd upp. Úr þeirri
skrifstofu er innangengt í skrif-
stofu Guðjóns Hólms.
1 peningaskáp hans voru geymd
ir peningar og tékkar. — Þjófur-
inn gat opnað skápinn því lykil-
inn að honum fann hann í skrif-
borðsskúffu sem var opin. Guðjón
Hólm hafði gleymt skáplyklinum
í skúffunni. Þjófurinn hafði á
brott með sér tékka að upphæð
alls 150—160.000 krónur. Þetta
voru tryggingartékkar og var að-
eins einn þeirra í lagi. Þá voru
í skápnum 200 sterlingspund í
seðlum og 600—700 danskar krón-
ur og íslenzkir peningar að upp-
hæð 2000—3000 krónur. Þessu
var öllu stolið. Mál þetta er í
rannsókn.

Hvalfangarar hafa látið úr höfn
HVALVERTÍÐIN hér við land er
nú að hefjast. Fjöldi manns
kvaddi hvalveiðimennina að kvöldi
hvítasunnudags vestur á Ægis-
garði hér í Reykjavík, en þar lá
Kommúnistar hafa reynt
að spilla málstað
íslands sem mest
Einstök og ábyrgðarlaus framkoma
sjávarútvegsmálaráðherra
ÞJÓÐVILJINN, blað sjávarútvegsmálaráðherra, hélt enn á
laugardaginn fyrir hvítasunnu áfram að fara með örgustu
blekkingar og ósannindi um landhelgismálin. M. a. segir
blaðið að „Sjálfstæðisflokkurinn hefði neitað að standa að
stækkun landhelginnar í 12 mílur“!
Þessi staðhæfing kommúnistablaðsins, eins og aðrar
fullyrðingar þess um afstöðu Sjálfstæðismanna, á ekki við
minnstu rök að styðjast. Mun það koma í ljós síðar þegar
Sjálfstæðisflokkurinn telur tímabært að birta þjóðinni
nauðsynlegar upplýsingar um þátt sinn í viðræðunum milli
stjórnmálaflokkanna um framkvæmdir í þessum þýðingar ■
miklu málum. En Sjálfstæðisflokkurinn miðaði þá eins og
jafnan áður afstöðu sína við það eitt að hinn íslenzki mál-
staður sigraði, án þess að þjóðin leiddi yfir sig stórkostleg
vandræði vegna átaka við aðrar þjóðir, um hinar nauðsyn-
legu ráðstafanir til verndar íslenzkum fiskimiðum.
Sjávarútvegsmálaráðherra kommúnista og blað hans
hefur hins vegar hagað framkomu sinni í þessu örlagaríka
máli þannig, að engu er líkara en að það hafi viljað spilla
sem mest fyrir málstað Islands og leiða sem mestar hættur
yfir þjóðina.
Mikið tjón í eldsvoða í
Njarðvíkum
KEFLAVÍK, 25. maí — S. 1.
laugardag kom upp eldur í Skipa-
smíðastöð Njarðvíkur og urðu
allmiklar skemmdir.
Eldurinn kom upp á verkstæði
stöðvarinnar um kl. 12,30, en þá
var vinnu að ljúka. Breiddist
eldurinn mjög fljótt út svo þeir
er voru við vinnu fengu ekki
við neitt ráðið og urðu að hörfa
út úr húsinu. Einn mannanna
brenndist nokkuð á höndum og í
andliti og var gert að sárum hans
hér í sjúkrahúsinu en hann siðan
fluttur heim. Líður honum vel
eftir atvikum. — Slökkvilið
Keflavíkur og flugvallarins komu
brátt á vettvang og gátu ráðið
niðurlögum eldsins á fremur
skömmum tíma, en þá höfðu þeg-
ar orðið allverulegar skemmdir
í húsinu.
Eins og kunnugt er, hefur
skipasmíðastöðin undanfarið unn
ið að smíði nótabáta úr nýju
gerviefni sem nefnist deborine.
Var einn bátur í húsinu, sem
nærri var fullgerður og skemmd-
ist hann nokkuð en þó ekki svo
að unnt verður að gera hann aft-
ur sem nýjan. Hefur hiti verið
geysimikill yfir bátnum og sýnir
það gæði þessa nýja gerviefnis
að báturinn skyldi ekki skemm-
ast meir en raun varð á. Þá varð
stöðin fyrir tilfinnanlegu tjóni
þar sem mót það, sem bátarnir
eru gerðir í eyðilagðist með öllu,
en það er metið á um 200 þús.
kr. Var verið að móta nýjan bát,
sem hefði orðið sá fimmti i röð-
Skattafrumvarp
samþykkf
Á FUNDI efri deildar Alþingis i
gær var frumvarp ríkisstjórnar-
innar um breytingar á skattalög-
unum samþykkt sem lög. — Sjálf
stæðismenn fluttu tillögur um
ýmsar leiðréttingar á frumvarp-
inu, en þær náðu ekki fram að
ganga. Frá málinu verður nánar
sagt síðar.
Ungur sjómaður hrapaði
til bana í Eyjum
VESTMANNAEYJUM, 27. maí —
Sviplegt slys varð hér í Vest-
mannaeyjum á laugardagsmorg-
uninn. 24 ára sjómaður, Þorsteinn
Gunnarsson að nafni, hrapaði til
bana.
Þorsteinn var, ásamt þrem
mönnum öðrum, úti í svonefndu
Geirfuglaskeri, en þangað er um
tveggja klst. sigling á trillu.
Höfðu þeir farið þangað til
eggjatöku, þó svo mjög sé liðið
á varptímann. Var Þorsteinn í
svonefndum lærvað, ofarlega í
bjarginu, en það mun vera um
100 m hátt. Vildi þá svo slysa-
lega til að hann hrapaði. Kom
hann niður í sjóinn.
Félögum hans tókst að ná hon-
um stórslösuðum uþp í bátinn og
sigldu síðan heim. Var Þorsteinn
enn með lífsmarki er komið var
með hann í sjúkrahúsið hér, en
þar lézt hann af afleiðingum
hinna miklu áverka nokkru síð-
ar.
Þorsteinn lætur eftir sig konu
og tvö ungbörn. Hann átti for-
eldra á lífi hér í Vestmannaeyj-
um. —Bj. Guðm.
flotinn, allir bátarnir nýmálaðir fyrir hafnarmynnið flautuðu þeir
hátt og lágt. — Klutkkan á slag-
inu 11 losaði „flaggskip“ hval-
veiðiflotans, Hvalur 5, sem er
stærstur hvalveiðibátanna, land-
festar og brunaði út úr höfninni.
A þeim báti er Jónas Sigurðsson
skipstjóri. Nssstur kom Hvalur 3,
skipstjóri Ingólfur Þórðarson, þá
Hvalur 4, skipstjóri Kristján Þor-
láksson og lestina rak Hvalur 2,
skipstjóri Friðbert Gíslason. Þeg-
ar bátarnir voru komnir rétt út
i kveðjuskyni, en fjöldi ættingja
og vina veifaði. Á einum bát-
anna er kona, sem annast mun
matreiðslu fyrir áhöfnina á Hval
3, en á hverjum bátanna er 14
manna áhöfn. Hvalveiðivertíðinni
lýkur í lok septembermánaðar.
Ljósmyndari Mbl. tók mynd
þessa af hvalveiðibátunum er þeir
voru í þann mund að sigla út um
hafnarmynni Reykjavíkurhafnar.
Fjölsótt vormót S.U.S.
í Njarðvikum á mánudag
SAMBAND ungra Sjálfstæðis-
manna efndi til vormóts í sam-
komuhúsinu í Njarðvíkum að
kvöldi annars hvítasunnudags.
Vara-formaður sambandsins, Þór
Vilhjálmsson blaðamaður, setti
mótið, en aðalræðu kvöldsins
flutti Ólafur Thors, formaður
Sjálfstæðisflokksins. Talaði hann
um síðustu stjórnmálaatburði,
ræddi fyrst efnahagsmálin en
fjallaði síðan um það, sem gerzt
hefur í landhelgismálinu síðustu
daga.
Kristján Guðlaugsson, formað-
ur Heimis, félags ungra Sjálf-
stæðismanna í Keflavík, þakkaði
Eldhús
4 4
//
nœstu viku
ÚTVARPSUMRÆÐUR („eld-
hús“) verða á Alþingi á mánu-
dag og þr-iðjudag í næstu viku.
Munu þinglausnir sennilega verða
skömmu eftir að þeim umræðum
lýkur.
Ólafi Thors ræðuna og tóku
mótsgestir undir þakkir hans.
Kristján þakkaði einnig S.U.S.
fyrir að gangast fyrir vormótinu.
Auk nefndra ræðumanna komu
fram þrír listamenn, þeir Árni
Jónsson, Fritz Weisshappel og
Klemenz Jónsson. Að lokum lék
hljómsveit fyrir dansi.
Sjálfstæðismenn á Suðurnesj-
um fjölmenntu á vormótið.
Brotizl inn í Hraun-
sleypuna hl.
HAFNARFIRÐI — Um hvíta-
sunnuna var brotizt inn í Hraun-
steypuna, sem er fyrir sunnan
Hvaleyrarholtið, og stolið þaðan
tveimur hjólbörðum undan bif-
reiðum og miklu af ýmiss konar
verkfærum og olíudælu frá
kynditæki. Biður lögreglan þá,
sem einhverjar upplýsingar geta
gefið varðandi innbrot þetta, að
láta sig vita, sem allra fyrst.
—G. E.
Bezta veðrið sem komið
hefur í vor
Á SAMA tíma sem veður hefur
mjög mildazt um vestanvert
landið, eru enn kuldar um það
austanvert og það svo að í gær-
kvöldi kl. 6, er 11 stiga hiti var á
Eyrarbakka, sleit úr honum snjó
austur í Vopnafirði og þar var
hitinn aðeins 3 stig.
Dagurinn í gær var bezti dag-
urinn sem komið hefur á þessu
vori. Geta má þess t.d. að á Ak-
ureyri var í gærkvöldi 6 stiga
hiti, en hér í Reykjavík var 9
stiga hiti. Þó taldi Veðurstofan
sennilegt að næturfrost myndi
verða noðanlands í nótt er leið.
Vindáttin er norðaustanstæð
um land allt. Nú hefur það gerzt
með háþrýstisvæðið sem var yf-
ir Grænlandi og olli hinum miklu
kuldum, að það er nú yfir Græn-
landshafi og hér yfir landinu. Af
þeim sökum hefur dregið mjög
úr veðurhæðinni og má heita
stillt veður um land allt.
Aðspurður, upplýsti veðurfræð
ingurinn, að svo gæti farið að í
kjölfar þessa háþrýstisvæðis og
sólbjörtu daga, myndi draga til
suðaustanáttar, — rigningarátt-
arinnar um suðvestanvert land-
ið a.m.k. Þá myndi þykkna upp.
Svo gæti farið að suðaustanáttin
myndi hefja innreið sína í ríki
norðaustanáttarinnar á fimmtu-
daginn, en_gkki mætti þó á þessu
stigi fullyrða það.
Akranesbálar húasl
til síldveiða
AKRANESI, 27. maí. — Flestir
Akranesbátanna munu fara norð-
ur á sildveiðar í sumar. Rúmlega
helmingur bátanna er nú langt
kominn í að búa sig undir síldar.
vertíðina. Fimm reknetjabátar
fóru á veiðar í dag. — Oddur.