Morgunblaðið - 26.06.1984, Blaðsíða 3
MORGUNBLAÐIÐ, ÞRIÐJUDAGUR 26. JÚNÍ 1984
3
r--------
Eru
þeir að
fá 'ann
">
m
i--------
Sá stærsti í sumar
„ÞETTA voru 25 mínútna hörku-
átök og strax mikil tvísýna, því
laxinn tók aðeins um 40 metrum
fyrir ofan svona kílómetra lang-
ar flúðir sem þarna eru og ef
hann hefði farið þar framaf lítið
eða óþreyttur, þá hefði ég tapað
honum," sagði Gunnlaugur
Gunnarsson úr Kópavogi, sem
18. júní síðastliðinn veiddi þann
stærsta lax á stöng sem Mbl.
hefur frétt af á þessu sumri.
Laxinn var 25 punda hængur,
108 sentimetrar og lúsugur. Lax-
inn veiddi Gunnlaugur á Breið-
unni í Blöndu, agnið var 28
gramma svartur Tóbí.
„Það bjargaði málinu, að lax-
inn synti upp ána og þreytti sig
þar verulega áður en hann lét
síga niður eftir. Hann fór svo
niður flúðirnar og þar verður
maður að príla upp á 30 til 40
metra háa ídetta til að halda lín-
unni frá klettum. Jóhannes
Snorrason, þaulvanur maður
þarna, kom mér til hjálpar og
náði skepnunni í háf á síðustu
stundu að kalla má,“ sagði
Gunnlaugur að lokum. Hann
hefur veitt í Blöndu síðan árið
1957 og fyrir nokkrum árum
veiddi hann þar 24 punda lax.
Lífleg veiöi á
Arnarvatnsheiði
Stangveiði er hafin í Fiski-
vötnum á Arnarvatnsheiði og er
fært þar um fyrir jeppabifreiðir
mun fyrr en í mörg ár, enda
sumarið ósvikið mörgum vikum
fyrr á ferðinni en í háuherrans
tíð. Meginstraumur veiðimanna
hefur legið til þessa að Úlfsvatni
og Arnarvatni litla, en nýlega
varð leiðin eftir atvikum greið
Fallegur lax þreyttur í Friðriksgjafa I Grímsá.
að Arnarvatni stóra þannig að
veiðimenn eru teknir að flykkj-
ast þangað einnig. Eftir því sem
Mbl. veit best, hefur veiði verið
mjög lífleg á Heiðinni, mikið mý,
oft gott veður og feitur og falleg-
ur silungur, að minnsta kosti
innan um. Þarna veiða flestir
eitthvað, en einkum er þetta
paradís fyrir fluguveiðimenn.
Veiðileyfi eru seld á Húsafelli og
kosta 350 krónur fyrir eina stöng
í einn dag. í Kalmanstungu eru
seld veiði í Reykjavatn sem er
fyrir sunnan fljót.
4. júlí hald-
inn hátíðlegur
í Árbæjarsafni
Menningastofnun Bandaríkj-
anna fyrirhugar að halda árlegt
boð sitt í tilefni af 4. júlí, þjóðhá-
tíðardegi Bandaríkjamanna í Ár-
bæjarsafni, eftir opnunartíma
safnsins. Ráðgert er að gróðursetja
tré sem Bandaríkjamenn gefa og
hafa veitingar á boðstólnum.
Nanna Hermannnsson, safn-
vörður í Árbæjarsafni sagði að
sér fyndist eðlilegt að lána svæð-
ið meðal annars til svona sam-
koma, það væri þáttur í því að
auka lífið á svæðinu. Það hefði
aldrei verið farið fram á það áð-
ur að halda svona samkomu í
safninu, en hins vegar hefðu ver-
ið haldnar sýningar í safninu og
jafnvel ráðstefnur og það væri
tilvalið að nota safnið á þennan
hátt, en auðvitað færi það eftir
veðri hvernig til tækist. Sams
konar nýtingu á söfnum, sagðist
hún þekkja bæði frá Danmörku
og Svíþjóð.
Nanna sagði aðsókn að safn-
inu ekki hafa verið nógu góða
það sem af væri sumri, en að-
sóknin færi mikið eftir veðri.
Hún sagði að sú nýbreytni hefði
verið tekin upp í safninu að
bjóða upp á tónlist á sunnudög-
um og væru það tónlistarmenn
sem kölluðu sig Kelta sem byðu
upp á írska þjóðlagatónlist.
Nanna sagði að Dillonshús
væri nú í viðgerð og væri fyrir-
hugað að viðgerðinni lyki 1
sumar. Þegar henni væri lokið
yrði sett upp færeysk sýning í
safninu.
Ekið á bíl
við Hlégarð
EKIÐ var á bifreið af gerðinni
Honda Civic á stæði við félags-
heimilið Hlégarð í Mosfellssveit
fóstudaginn 23. júní sl. Skemmdist
vinstra frambretti töluvert.
Rannsóknarlögreglan í Hafn-
arfirði óskar eftir að vitnum að
árekstrinum, og eru þeir sem
kynnu að hafa einhverjar upp-
lýsingar um hann, beðnir að láta
vita af sér í síma 51566. Skrá-
setningarnúmber bifreiðarinnar
er G-19519.
Síðustu bflarnir
sérstök lánakjör
Við bjóðum nú örfáa seinustu Suzuki Alto og Suzuki sendibíla
af árgerð 1984 með einstökum lánakjörum.
Helmingurinn lánaður
Suzuki Atto:
verð frá aðeins 226.000 kr.
Margfaldur íslandsmeistari
í sparakstri
Allir Suzuki bílar með
6 ára ryðvamarábyrgð
Suzuki sendibílar:
Háþekjubíll
verð aðeins 194.000 kr.
Með hliðarrúðum
verð aðeins 217.000 kr.
Hvar færðu betri verð og betri kjör?
SVEINN EGILSSON HF,
Skeifunni 17. Sími 685100.
SUZUKI