Morgunblaðið - 26.06.1984, Blaðsíða 28

32
MORGUNBLAÐIÐ, ÞRIÐJUDAGUR 26. JÚNÍ 1984
Framsögumenn og stjórnarmenn SSA, L frá v.: Smári Geirsson, skólameistari Framhaldsskólans á Neskaupstað,
Einar Már Sigurðarson, skólafulltrúi, Þorvaldur Jóhannsson, formaður SSA og Helgi Halldórsson, stjórnarmaður
SSA. Ljósm.: Mbl./Ólafur
Egilsstaðir:
SSA kynnir stöðu verk- og
tæknimenntunar á Austurlandi
EgilsstöAum, 22. júní.
NÝLEGA boðaði stjórn Sambands
sveitarfélaga á Austurlandi til kynn-
ingarfundar hér á Egilsstöðum um
stöðu verk- og tæknimenntunar í
fjórðungnum og hugsanlegt sam-
starf sveitarfélaganna um frekari
uppbyggingu og rekstur slíks náms
við Framhaldsskólann í Neskaup-
stað — sem er móðurskóli iðn- og
verkmenntunar á Austurlandi.
Formaður SSA, Þorvaldur Jó-
hannsson, bæjarstjóri á Seyðis-
firði, setti fundinn en síðan tóku
framsögumenn til máls, þeir
Smári Geirsson, skólameistari
Framhaldsskólans í Neskaupstað
og Einar Már Sigurðarson, skóla-
fulltrúi — en þeir félagar hafa að
undanfömu heimsótt fjölmarga
skóla víðsvegar um land sem sinna
verk- og tæknimenntun. Smári
Geirsson greindi í stórum dráttum
frá uppbyggingu iðn- og verk-
menntunar við Framhaldsskólann
í Neskaupstað og þeirri kostnað-
arskiptingu sem þar hefur ríkt
milli ríkis og sveitarfélags. Þá
greindi Einar Már Sigurðarson
frá för þeirra félaga í aðra fjórð-
unga og tilhögun mála — þar sem
sveitarfélögin hafa náð samkomu-
lagi um sameiginlegan rekstur
verk- og tæknimenntunar. Síðan
greindi hann frá hugmyndum
þeirra félaga varðandi samvinnu
sveitarfélaga á Austurlandi um
uppbyggingu og rekstur verk- og
tæknimenntunar.
Stjórn SSA hefur ákveðið að
halda sérstaka kynningarfundi
um mál þetta víðs vegar um Aust-
urland og taka málið síðan fyrir á
aðalfundi sambandsins — sem
haldinn verður á Höfn í Horna-
firði dagana 24. og 25. ágúst.
næstk. Þegar hafa nokkrir slíkir
fundir verið haldnir — og á næst-
unni verða haldnir fundir á
Vopnafirði og Neskaupstað.
Sérstaklega eru sveitarstjórn-
armenn boðaðir til þessara kynn-
ingarfunda auk skólamanna og
annarra þeirra er málið varðar
öðrum fremur.
Á fundinum á Egilsstöðum var
hugmyndum þeirra Smára Geirs-
sonar og Einars Más Sigurðssonar
um uppbyggingu og rekstur verk-
og tæknimenntunar á Austurlandi
vel tekið — og stjórnarmönnum
SSA þökkuð vönduð vinnubrögð
sem felast í kynningarfundum
þessum áður en málið er lagt fyrir
aðalfund síðla sumars. Fundar-
stjóri á Egilsstaðafundinum var
Helgi Halldórsson, stjórnarmaður
SSA.
— Ólafur.
Samvinnubankinn á Grundarfirði
mun frá og með miðvikudeginum 27. júní nk.
auka við þjónustusvið sitt og sjá um sölu
á ferða- og námsmannagjaldeyri.
Þar verður einnig hægt að stofna innlenda
gjaldeyrisreikninga auk þess sem útibúið veitir
alla þjónustu varðandi VISA-greiðslukort.
ERLEND
VIÐS
vinnubankmn
Grundarfirði
Hátíðarhöldin á fæð
ingarstað Jóns Sig-
urðssonar 17. júní
HÁTÍÐARMESSA var að Hrafns-
eyri, fæðingarstað Jóns Slgurðsson-
ar, hinn 17. júní síðastliðinn í tilefni
40 ára afmælis lýðveldisins. Séra
Dalla Þórðardóttir, sóknarprestur á
Bfldudai, prédikaði en séra Torfi
Stefánsson þjónaði fyrir altari.
Kirkjukór Þingeyrar söng, en Jón
Kr. Olafsson frá Bfldudal söng ein-
söng. í messulok afhenti Agúst
Böðvarsson Ijósritað eintak af Guð-
brandsbiblíu, sem gjöf til kirkjunnar
á Hrafnseyri til minningar um móð-
ur sína, systur og eiginkonu.
Tekin var í notkun nýr messu-
skrúði, hökull og rykkilín sem
Guðrún Steinþórsdóttir húsfrú á
Hrafnseyri, ásamt eiginmanni og
móður, Ragnheiði Stefánsdóttur,
hefur gefið til Hrafnseyrarkap-
ellu. Hökullinn er ofinn af Guð-
rúnu Vigfúsdóttur á ísafirði.
Eftir messu voru tvö börn frá
Þingeyri skírð í kapellunni. Þá fór
fram hátíðarsamkoma, sem Þór-
hallur Ásgeirsson, formaður
Hrafnseyrarnefndar, stjórnaði, en
nefndin var öll viðstödd að
Hrafnseyri þennan dag. Doktor
Matthías Jónasson flutti ræðu
dagsins í minningu Jóns Sigurðs-
sonar. Karlakórinn á Þingeyri
söng nokkur lög undir stjórn Tóm-
asar Jónssonar og Elís Kjaran
Friðfinnsson ýtustjóri flutti frum-
ort ljóð. Safn Jóns Sigurðssonar
var formlega opnað þennan dag og
verður það opið alla daga í sumar.
Safnvörður er Jón Guðmundsson.
Á annað hundrað manns var á
Hrafnseyri á þessum hátíðisdegi.
Var öllum viðstöddum boðið til
veislu á eftir á vegum Hrafnseyr-
arnefndar og ábúenda staðarins.
MbL/Júlfus.
Tveir af starfsmönnum Hellisins, þeir Jónas Þórðarson og Grétar Stefáns-
son.
Nýr veitingastaður
í miðbænum
NÝR veitingastaður hefur verið
opnaður að Tryggvagötu 26 og ber
hann heitið Hellirinn. Eigendur
Hellisins eru þeir Vignir J. Jónsson,
Daníel Þórisson, Vatnar Viðarsson,
Jónas Þórðarson, Gunnar Stefáns-
son, Rannver Sveinsson, Snorri
Steinþórsson og Leifur Miðfell. Einn
eigendanna, Vatnar Viðarsson arki-
tekt hannaði staðinn, sem er innrétt-
aður með íslensku stuðlabergi.
Á hinum nýja veitingastað er
boðið upp á salatbar og heitt
hlaðborð í hádeginu. A kvöldin er
sérréttamatseðill en auk hans er í
boði matseðill kvöldsins. Fyrir-
hugað er að koma upp kaffihlað-
borði um miðjan daginn.
Hellirinn, sem tekur 110 manns
í sæti, verður opinn sem hér segir:
Mánudaga, þriðjudaga og mið-
vikudaga frá kl. 11.30 til 23;
fimmtudaga frá kl. 11.30 til 1;
föstudaga og laugardaga frá kl.
11.30 til 3 og sunnudaga frá kl. 18
til 1.
„Stroku-
stelpan“
í Laugarásbíói
LAUGARÁSBÍÓ hefur nú tekið til
sýningar gamanmyndina „Stroku-
stelpan“ eftir Mark Miller og Don
Williams.
Myndin segir frá stelpunni Sav-
annah sem lendir óvart í klóm
strokufanga. Hún uppgötvar um
síðir að hjá strokuföngunum fékk
hún það sem framagjarnir for-
eldrar hennar gátu aldrei veitt
henni.
Með aðalhlutverk í myndinni
fara Mark Miller, Donovan Scott
og Bridgette Anderson.