Morgunblaðið - 27.11.1987, Blaðsíða 5

MORGUNBLAÐIÐ, FÖSTUDAGUR 27. NÓVEMBER 1987
C 5
mánaða starfsþjálfunar er krafist
eftir fyrra árið og hægt að fá
prófskírteini i hótelrekstri eftir það.
Ásdfs Guðmundsdóttir er á öðru
ári í Hosta. Hún er búsett í Dubai
með foreldrum sínum og fer þang-
að að námi loknu. „Námið hér er
erfitt og ég er ánægð með það,“
sagði hún. „Ég vann á Sheraton-
hóteli í Dubai í sumar og á von á
að fá starf þar þegar ég útskrifast."
Það eru nú alls 16 íslenskir nem-
endur í Hosta. 11 þeirra eru í eins
árs ferðamálanámi sem undirbýr
þá fyrir IATA- og UFTAA-próf, en
bæði eru ætluð fyrir starfsfólk á
ferðaskrifstofum. Hosta er eini
heimavistarskólinn í Sviss sem
býður upp á þetta nám en það er
einnig kennt í Aarau og Zurich.
„Námið miðast við að þjálfa okkur
í að veita þá þjónustu sem ferða-
skrifstofur eiga að bjóða upp á,“
sagði Anna Þorgrímsdóttir, sem
hóf námið í ágúst. „Við lærum
mikla landafræði svo að við getum
svarað spurningum fólks og unnið
hratt. Okkur er kennt að gefa út
farseðla og spara fyrir ferðamann-
inn. Fólk eyðir oft miklum fjármun-
um í feröalög og því er mikið í
húfi að feröin gangi vel.“
Fyrsti hluti íbanda-
rísku háskólaprófi
Enginn íslendingur hefur enn
stundað nám í enskumælandi hót-
elskólanum Institut Hotelier,
Cesar Ritz, í smábænum Le Bou-
veret við Genfarvatn. Hann hefur
verið rekinn í nokkur ár í gömlu
stórhóteli sem hefur verið gert
upp. Hann býður upp á nokkrar
mismunandi námsskrár eftir því
hversu mikið nemendur vilja læra.
Einn námsmöguleikinn er að læra
hótelrekstur á svissneska vísu í tvö
ár og flytja sig síðan yfir í banda-
rískan háskóla og útskrifast þaðan
tveimur árum seinna með
bandarískt háskólapróf (BA) í hót-
el- og viðskiptafræði. Nokkrir
ágætir háskólar í Bandaríkjunum,
t.d. Washington State University,
University of Massachusetts at
Amherst og Virginia Polytechnic
Institute and State University, við-
urkenna námið í Le Bouveret sem
fyrri hluta í háskólanámi.
Enskumælandi skólarnir sem
eru nefndir hér, nema sá i Bluche-
Sierre, kosta 20 til 25 þúsund sv.
franka (520 til 650 þús. ísl. kr.) á
ári. Fæði, uppihald og öll skóla-
gjöld eru innifalin í því. Skólinn í
Bluche er aðeins ódýrari. Lána-
sjóður íslenskra námsmanna hefur
verið fiestum íslensku nemendun-
um í Sviss innanhandar. Skólarnir
krefjast stúdentsprófs eða starfs-
reynslu á hóteli eða veitingastað
við inntöku. Enskukunnátta verður
að vera góð. Þeir útskrifa nemend-
ur sem þekkja alla hnúta i hótel-
rekstri og ættu að vera færir um
að gegna stjórnunarstörfum. „Við
ætlumst ekki til að fá að ganga
beint inn í hótelstjórastörf á ls-
landi,“ sagði einn íslensku
nemendanna. „En við vitum að það
er þörf fyrir fólk með okkar mennt-
un heima.“ Og marga langar til að
sjá sig um í veröldinni áöur en
þeir snúa aftur heim. Eða eins og
einn námsmannanna sagði: „Ég
kaus þetta nám af því að þaö opn-
ar mér möuleika til að vinna fyrir
mér og sjá heiminn um leið.“
Texti og myndir:
Anna Bjarnadóttir
Námfyrir
fólk með
frama-
viljann
á hreinu
ÝR Gunnlaugsdóttir gekk í
Schweizerische Hotelfach-
schule Luzern, SHL, fyrsta
þýskumælandi hóelskólann í
Sviss, I fyrra. „Skólinn var
miklu strangari og erfiðari en
ég átti von á,“ sagði Ýr.
„Dæmi um það er að strax
fyrsta daginn var óg látin
þjóna eldri nemendum til
borðs í hádeginu og ætlast til
að ág gerði það almennilega.
Ég hafði aldrei komið nálægt
svona starf i fyrr og fór alveg
á taugum. Ég sullaði auðvitað
súpu á einn strákinn og hann
forðaðist mín borð alla önnina
— þótt mór færi sem betur fer
fram.“ Ýr býr í Luzern með
Sigurði Grótarssyni, knatt-
spyrnumanni.
Námið í SHL er byggt þannig
upp að fyrst eru tekin tvö tíu
vikna námskeið í matreiðslu og
þjónustu og síðan þriggja mán-
aða námskeið í hótelstjórn,
sem felur í sér gestamóttöku.
Lærðir kokkar eða þjónar þurfa
ekki að taka námskeiðin í sínum
greinum. Eftir grunnnámið taka
nemendurnir þriggja mánaða
lokanámskeið í hótelstjórn og
skyldum greinum. Fjögurra
mánaða starfsþjálfunar er kraf-
ist eftir hvert námskeið og
nemendurnir útskrifast með
hótelstjórapróf þegar þeir hafa
staðist öll próf og uppfyllt kröf-
ur skólans. SHL er ekki heima-
vistarskóli. Námið tekur alls um
tvö ár og kostar án uppihalds-
kostnaðar um 20.000 sv. franka
(um 520.000 ísl. kr.). „Nemend-
ur úr þessum shóla eru öruggir
um góðar stöður og ganga oft
fyrir öðrum á stórhótelum hér
í Sviss,“ sagði Ýr.
Hún sagði að mjög góð
þýskukunnátta væri nauðsyn-
leg í skólanum og nemendurnir
þyrftu einnig helst að kunna
frönsku. Hún er nú í starfsþjálf-
un í eldhúsi á fínum, ítölskum
matstað í Luzern en kemur
ekki til með að halda áfram í
SHL. „Ég hélt að ég kynni þýsku
ágætlega þegar ég byrjaði í
skólanum en ég átti þó í erfið-
leikum með málið. Það er talað
sérmál með mörgum frönskum
hugtökum í hótelbransanum og
ég kunni þau alls ekki. Krakk-
arnir sem voru með mér í
skólanum höfðu mörg reynslu
í faginu eða voru úr hótelfjöl-
skyldum og áttu þess vegna
auðveldara með námið en ég.
Ég fann fyrir því að koma úr
allt öðrum menningarheimi en
krakkarnir frá meginlandi Evr-
ópu. Margir gefast upp í
skólanum en flestir þeirra sem
halda áfram eru karlmenn með
framaviljann á hreinu."
Varla
störf við
hæfi allra
ELMAR Kristjánsson útskrifaðist
úr Hótel- og veitingaskóla Íslands
fyrir tveimur árum. Hann er nú
kokkur á heimili í Genf. Ég forvitn-
aðist um skoðun hans á vinsæld-
um svissneskra hótelskóla meðal
islendinga og spuröi hvort hann
hefði áhuga á slíku námi. „Auðvit-
að hefði ág áhuga á þvf,“ sagði
hann. „Ég klippti meira að segja
einu sinni út auglýslngu frá einum
þeirra f íslensku blaði.
En skólarnir eru mjög dýrir og
ég sé ekki að íslenskur vinnumark-
aöur hafi störf við hæfi fyrir alla
sem fara út í þetta nám. Það er
hætt við að krakkarnir fari heim
með prófskírteini í hótelstjórn upp
á vasann og enginn vilji sjá þá.
Nú hefði ég meiri áhuga á að taka
námskeið í einhverju sem viðkem-
ur matseld og bæta þannig við
mig í mínu eigin fagi.“
Elmar hefur verið í Genf síðan
í haust. Hann býst við að veröa
þar í ár. Hann vann á Gauki á Stöng
og á Edduhóteli á Húnavöllum
áður en hann fór út. Hann starfar
á heimili sem helduroft samkvæmi
09 sagði að það væri góð reynsla.
„Eg þarf til dæmis að elda fyrir sjö
manns í kvöld. Ég sé hvað er fersk-
ast í verslununum og vel það (
matinn. Kjötið hér er rándýrt og
erfitt að fá góðan fisk en græn-
meti er mjög gott. Fersk krydd eru
á boðstólum og ég nota þau gjam-
an við að skreyta matinn.
Kvöldverðir hér eru yfirleitt þrf-
til fjórrétta. Ég ber þá fram á disk-
unum og býð gestum af fati ef
þeir vilja meira. Fólk ætlast ekki
til að fá hrúgu af mat sem það
getur mokað upp í sig í miklum
flýti eins og oft hættir til með fólk
heima. Hér gefur það sér góöan
tíma til að njóta matarins og það
er gaman að elda fyrir það.“