Morgunblaðið - 08.04.1988, Side 56

56
MORGUNBLAÐIÐ, FÖSTUDAGUR 8. APRÍL 1988
KÖRFUKNATTLEIKUR / BANDARÍKIN
Hvaða lið hreppir íslandsbikarinn? Mor9unb™iöm Blðndal
Fyrlrllðar UMFN, ÍBK, Vals og Hauka halda hér í íslandsbikarinn eftirsótta. Einhver þeirra á eftir að hampa honum að lokinni úrslitakeppninni. Þeir eru
frá vinstri: fsak Tómasson fyrirliði UMFN núverandi fslands og bikarmeistara, Hreinn Þorkelsson ÍBK, Tómas Holton Val og Henning Henningsson úr Haukum.
Kansas meistari
- sigraði Oklahoma óvænt í úrslitum
ÚRSLITAKEPPNIN í bandaríska háskólakörfuknattleiknum er nú
lokið og aö venju varð nokkuð um óvœnt úrslit. Það voru 64 lið
sem komust f úrslitakeppnina. Leikið var með útsláttarfyrirkomu-
lagi og var liðum raðað í fjóra riðla, 16 lið f hverjum riðli. Keppn-
in hófst fyrir þremur vikum og voru leiknar fjórar umferðir uns
einungis sigurvegararnir í riðlunum fjórum voru eftir, en þau lið
kepptu síðan í fjögurra liða úrslitum um síðustu helgi.
Reuter
Danny Mannins var allt! öllu hjá Kansas. í úrslitaleiknum gegn Oklahoma
gerði hann 31 stig og tók 18 fráköst.
Liðin í háskólakörfuboltanum
leika í svæðabundnum riðlum
og síðan velur sérstök dómnefnd frá
íþróttasambandi háskólanna 64 lið
> úrslitakeppnina.
Gunnar Valnefndin er gagn-
Valgeirsson rýnd ár hvert fyrir
skrifar að skilja sterk lið
útundan í úrslita-
keppninni, í fyrra var nefndin gagn-
rýnd fyrir að skilja meistarana frá
1986, Louisville, útundan og nú
þótti mörgum einkennilegt þegar
stórlið Ohio State var ekki valið í
keppnina.
Óvœnt úrslK að venju
Það urðu óvænt úrslit að venju
strax í 64-liða úrslitunum. Þá sigr-
aði Murray State, sem er lið frá
litlum skóla, lið Norður-Karólínu
og lið Richmond sigraði mjög óvænt
meistarana frá Indiana. í 32-liða
úrslitunum urðu enn óvænt úrslit.
Þá sigraði Vanderbilt lið Pittsburg,
sem talið var eitt af fjórum bestu
liðunum, Rhode Island sigraði
Syracuse háskólann og Richmond
hélt óvæntri sigurgöngu sinni
áfram með því að slá út lið Georg-
ia Tech.
í 16-liða úslitunum urðu enn óvænt
úrslit er Kansas State sigraði óvænt
Purdue. Önnur úrlsit urðu þau að
Kansas vann Vanderbilt, Temple
vann Richmond, Duke sigraði
Rhode Island, Arizona sigraði Iowa,
Michigan tapaði gegn Norður-
Karólínu, Oklahoma sigraði Louis-
ville, og Villanova vann óvænt
Kentucky.
8-liða úslitin hófust síðan með því
að Duke sigraði Temple 63-53 og
Oklahoma átti ekki í neinum erfíð-
leikum með að sigra Villanova,
78-59. Þá sigraði Kansas nágranna
sína frá Kansas State 71-58 og
Arizona sigraði Norður—Karolínu
70-52.
Fjögurra liða úrslltin
Fjögurra liða úrslitin voru því um
síðustu helgi og þá mættust Kansas
og Duke og Arizona lék við Okla-
homa. Leikið var í Kansasborg og
var lið Kansas því sem næst á
heimavelli, en heimavöllur liðsins
er einungis um 50 kflómetra frá
þeim stað sem úrslitin fóru fram.
Fyrirfram var búist við hörkuleikj-
um og voru lið Duke og Arizona
talin sigurstranglegri í leikjunum.
En í undanúrslitaleikjunum á laug-
ardag gerðu Kansas og Oklahoma
sér lítið fyrir og unnu Duke og
Arizona. Það voru því Kansas og
Oklahoma sém léku til úrslita um
meistaratitilinn á mánudagskvöld.
Kansas gerði sér lítið fyrir og vann
Oklahoma 83-79. Það var besti leik-
maður úrslitakeppninnar, Danny
Manning, sem var allt í öllu hjá
Kansas í leiknum. Hann skoraði 31
stig, tók 18 fráköst og var hreint
óstöíðvandi. .
Sigur Kansas í keppninni er athygl-
isverður fyrir þá sök að liðið hefur
orðið fyrir miklum skakkaföllum í
vetur og lék því í úrslitakeppninni
án nokkurra af sínum bestu leik-
mönnum.
Leikurinn á mánudagskvöidið var
hnífjafn allan tímann og það var
ekki fyrr en fimm sekúndum fyrir
leikslok að Manning innsiglaði sigur
Kansas með tveimur vítaskotum
eftir að brotið var á honum í frák-
asti. Manning fékk mörg tilboð eft-
ir úrslitakeppnina í fyrra um að
leika í NBA-deildinni, en hann vildi
leika eitt ár í viðbót til að freista
þess að vinna meistaratitilinn fyrir
skólann sinn. Á mánudagskvöld
fékk hann ósk sfna uppfyllta.
:: * I
Norman Whitesldo.
ÍÞfémR
FOLK
■ NORMAN Whiteside segist
ekki hafa viljað fá fimm ára samn-
ing hjá Manchester United. „Ég
bað aðeins um tveggja ára samn-
ing, en því var neitað,“ sagði Whit-
eside. Hann er ekki ánægður með
upphæðina sem United vill fá fyrir
hann. Liðið fer fram á 1.5-2 milljón-
ir punda og Whiteside segir það
of háa upphæð. Þess má geta að
John Barnes var seldur á 800.000
pund. Margir telja að Whiteside
fari til Glasgow Rangers og taki
þar við stöðu Graeme Souness á
miðjunni.
■ LANDSLIÐSMENN Eng-
lands í knattspyrnu hittust í
Lundúnum um helgina og sungu
inn á hljómplötu sem þeir ætla að
gefa út fyrir Evrópukeppnina í
knattspymu sem hefst í júní. Lagið
heitir „Going All the Way.“ Tveir
leikmenn liðsins fengu rauða spjald-
ið í hljóðverinu. Það voru Steve
McMahon frá Liverpool og Peter
Reid frá Everton. Þeir voru að
sögn útsetjara lagsins hreint ótrú-
lega falskir.
■ ENGLENDINGAR hafa frek-
ar takmarkaðan áhuga á afmælis-
keppni enska knattspymusam-
bandsins sem fer fram á Wembley
16. og 17. aprfl. Aðeins er búið að
selja tæplega 13.000 miða. Það eru
16 lið sem taka þátt í þessari
keppni. Leikið er með útsláttarfyrir-
komulagi og hver leikur er 40
mínútur. Félög utan London hafa
kvartað yfir því að áhangendur
þeirra þurfí að leggja á sig langa
og kostnaðarsama ferð, kannski til
þess eins að sjá lið sitt leika í 40
mínútur. Steve Stride ritari Aston
Villa sagði: „Áhangendur okkar
þurfa að vera mættir á Wembley
kl. 12.30 og klukkustund síðar
gætu þeir verið á heimleið! Jim
Greenwood, talsmaður Everton
sagði: „Áhangendur okkar hafa
verið á Wembley átta sinnum á
síðustu fjórum árum svo það er
ekkert nýtt fyrir þá.“ Forráðamenn
enska knattspymusambandsins
vonast þó til þess að allir miðamir
seljist fyrir keppnina.
■ MICHEL Platini hefur til-
kynnt Leeds að hann komi til að
leika fjáröflunarleik fyrir John
Charles á Elland Road 12. aprfl.
Michael Platini og Ian Rush taka
einnig þátt í leiknum.
■ BRIAN Hill frá Kettering
verður dómari bikarúrslitaleiksins á
Wembley 14. maí.
■ PER Frimann, danski lands-
liðsmaðurinn hjá Anderlecht, hefur
hafnað tilboðum frá Spáni. Mall-
orca og Sporting Gijon vildu fá
hann til liðs við sig. Frimann segist
vilja fara aftur til Danmerkur og
leika með Bröndby.