Morgunblaðið - 23.06.1989, Blaðsíða 33

MORGUNBLAÐIÐ FÖSTUDAGUR 23. JÚNÍ 1989
33
4-
Þesslr hringdu ...
Athugasemd vegna skrifa
Gunnlaugs Þórðarsonar
Grétar Kristjánsson hringdi:
Vegna ummæla Gunnlaugs
Þórðarsonar í grein sem birtist í
Morgunblaðinu fyrir nokkru vil
ég koma eftirfarandi á framfæri.
G-samtökin, Samtök gjaldþrota
einstaklinga, voru stofnuð til að
opna hreinskilna umræðu um
þessi mál með það að markmiði
að koma í veg fyrir gjaldþrot og
það segir í lögunum hjá okkur.
Tilgangurinn er að hjálpa fólki
að öðlast aftur sjálfsvirðingu sína
og fjárhagslegt sjálfstæði ef unnt
er. Og gjaldþrota fólk öðlast ekki
fjárhagslegt sjálfstæði nema
greiða skuldir sínar. Ég get upp-
lýst að fenginni reynslu undan-
farna mánuði að stór hluti af
þessu fólki er mjög andlega brotið
og alls ekki fært um að troða á
einum eða neinum þó það vildi.
Að öðru leyti vil ég fagna þessu
framlagi Gunnlaugs til umræð-
unnar - ég er honum sammála í
flestu sem hann skrifar að undan-
skildu þessu, sem hann segir um
samtökin okkar. Höfum við höfum
ákveðið að hittast og ræða þessi
mál, og hugsa ég gott til sama-
starfs við þennan mann úr lög-
fræðingastétt.“
Góður útvarpsþáttur
Þórður hringdi:
„Það er mikill skaði að
Steingrímur Ólafsson er hættur
að vera með þáttinn Reykjavík
síðdegis en undir hans stjórn var
þátturinn mjög góður. Steingrím-
ur er hættur á Bylgjunni og farinn
að starfa á FM95 og þyrfti að
koma af stað svipuðum þætti þar
því það er ekki á allra færi að sjá
um svona þátt. Vona ég að fólk
hafi samband við Steingrím og
hvetji hann til að fara af stað
með þátt sem þennan á nýju út-
varpsstöðinni því mikill fengur
væri í því fyrir útvarpshlustend-
ur.“
Köttur
Ársgamall högni, hvítur og
svartur með rauða 61, hvarf að
heiman frá Logafold fyrir viku.
Vinsamlegast hringið í síma
675310 ef hann hefur einhvers
staðar komið fram.
Er haft samráð?
Guðlaug hringdi:
„Ég hef verið að hugsa um
hvort haft sé samráð um verð á
sumarblómum því þau kosta alls
staðar það sama, þ.e. 45 krónur.
Það þyrfti að gera könnun á þessu
svo hið sanna komi í ljós.“
Úr
Úr tapaðist á leiðinni frá Sund-
laug Vesturbæjar til Ámagarðs
við Suðurgötu fyrir um það bil
þremur vikum. Finnandi vinsam-
legast hringi í síma 12209.
Óvirðing við íslenska
fánann
S.H. hringdi:
„Á 17. júní sá ég tvo unga
drengi spranga um með íslenska
fánann sem þeir höfðu fyrir sjal
og létu hann dragast í götuna.
Finnst mér þetta mikil óvirðing
og óviðeigandi að íslendingar fari
þannig með sinn eigin fána. Mér
finnst líka óviðeigandi að fólk láti
mála fánann á andlit sitt eins og
nú er farið að gera t.d. í sam-
bandi við knattspyrnuleiki. Ég er
ekki að ásaka þessa unglinga, þar
er hins vegar greinilegt að þeim
hefur ekki verið innrætt virðing
fyrir fánanum og er það uppeldinu
sem er ábótavant.“
Gleraugu
Gleraugu fundust við Rauðár-
árstíg á móts við Guðrúnargötu.
Upplýsingar í síma 691130 að
deginum.
Svört gleraugu töpuðust 17.
júní við Ástún í Kópavogi eða þar
í grennd. Finnandi er vinsamleg-
ast beðinn að hringja í síma
41892.
Dönsk spægipylsa
Unnur hringdi:
„Ég kom frá Kaupmannahöfn
fyrir skömmu. Þar keypti ég m.a.
spægipylsu og fékk þær upplýs-
ingar að leyfilegt væri að fljdja
hana inn hér því um soðin mat-
væli væri að ræða. Þegar ég kom
til landsins var mér hins vegar
sagt að óheimilt væri að flytja inn
þessa spægipylsu því hún væri
einungis soðin upp að 80 gráðum
og var hún tekin af mér. Nú lang-
ar mig til að vita hvað varð um
spægipylsuna mína og hvað verð-
ur um þessi matvæli sem tekin
eru af fólki í tollinum."
Fríðindi ríkisstarfsmanna
Skattgreiðandi hringdi:
„Mikið er talað um sparnað í
ríkisrekstri og vil ég benda á eina
leið til að spara. Fólk sem vinnur
á ríkisstofnunum nýtur margt
þeirra forréttinda að borga ekki
aínotagjöld. Þetta gildir um
starfsfólk Pósts og síma og tek
ég það einungis sem dæmi því
fríðindi sem þessi eru algeng hjá
starfsmönnum ríkisfyrirtækja.
Fólk sem vinnur hjá ríkinu á ekki
að hafa nein forréttindi fram yfír
starfsmenn fyrirtælqa í einkaeign.
Þama er hægt að spara. Þessi
mál þarf að taka föstum tökum.“
Páfagaukur
Grænn páfagaukur fannst í
rafstöðinni við Elliðaár fyrir
nokkru. Upplýsingar í síma
84321.
Er hugsunin eitthvað brengluð?
Til Velvakanda.
Fyrir nokkrum dögum var viðtal
við ungan íslending á Rás 2 um
þróun mála í Kína að undanförnu.
Þessi ungi maður virtist vera
kunnugur Kína, að minnsta kosti
talaði hann svo. Gott ef hann var
ekki formaður vinafélags íslend-
inga og Kínveija. Ég missti af
nafni mannsins og get því ekki
nafngreint hann, enda skiptir það
kannski ekki máli. Það sem vakti
furðu mína hins vegar var að í lok
samtalsins klykkti hann út með
því að leggja að jöfnu aðför kínver-
skra hermanna að námsmönnum,
eins og sagt hefur verið frá í frétt-
um, og aðför íslenskra lögreglu-
manna að Islendingum sem höfðu
safnast saman við Alþingishúsið
fyrir rúmlega 40 árum.
Mér er allsendis óskiljanlegt
hvernig hægt er að setja sama-
semmerki milli þess að kínverskir
hermenn skjóti til bana tugi ef
ekki hundruð samlanda sína og
því að íslensk lögregla kastaði
táragasi yfir samlanda sína sem
höfðu haft uppi óróa. Er hugsunin
ekki eitthvað brengluð þegar lagt
er að jöfnu byssa og táragas eða
byssa og kylfa?
Annað atriði sem fram kom á
Rás 2 vakti athygli mína þegar
ungur piltur sem fær kosningarétt
eftir eitt ár spurði hvort ekki væri
hægt að fá skýr svör við því hvort
Steingrímur Hermannsson, for-
sætisráðherra, hafi svarið rangan
eið um áfengiskaup sín. Þessi ungi
piltur sagðist hafa tekið eftir því
að Steingrímur hafí svarið að ekki
hefði verið sent áfengi á afsláttar-
kjörum heim til hans en svo hefði
annað komið í ljós. Útvarpsmaður-
inn sagði að kanna þyrfti hvernig
væri komist að orði í réttarskjölun-
um, annars væri þetta vert allrar
athygli.
Mér fínnst þetta vel athugað
hjá þessum unga pilti og nauðsyn-
legt að kanna orðalagið og hvað
það var sem Steingrímur var að
sveija. Það er nefnilega alvarlegt
mál að sveija rangan eið og
Steingríms vegna nauðsynlegt að
hið rétta komi fram, svo að hann
verði ekki hafður fyrir rangri sök.
En ungi pilturinn er efnilegur kjós-
andi, þykir mér. Við kjósendur
látum nefnilega bjóða okkur sitt
af hveiju án þess að láta í okkur
heyra. Þeir segja nú svo mikið
þessir blessuðu stjórnmálamenn
og tala oft í báðar áttir, svo að
enginn veit hvað þeir eru í raun-
inni að segja eða hvað þeir, strangt
til tekið, meina. Þeir vilja halda
öllum möguleikum opnum. Það
hvarflar ekki að þeim að þeir þurfi
að standa kjósendum skil á gerð-
um sínum eða skoðunum. Við hin-
ir óbreyttu kjósendur eigum bara
að koma á kjörstað og kjósa. Við
getum hins vegar sjaldan vitað
hvað það er sem við erum að kjósa
yfir okkur, því að það sem stjóm-
málamennimir segja fyrir kosn-
ingar fer sjaldnast saman við það
sem þeir gera eftir kosningar.
Hulda
HEILRÆÐI
Enginn má fara út á bát á ám eða vötnum án þess að hafa
björgpinarvesti. Þau þurfa að snúa þeim sem þau nota sjálf-
krafa í flotlegu með öndunarfæri yfir vatnsfletinum. Öll eiga
þau að vera með endurskinsborðum, flautu og Ijósi.
TJöfðar til
A-L fólks í öllum
starfsgreinum!
AS-TENGI
Allar gerðir
Tengið aldrei
stál - í - stál
L-L
& <s®
8 VESTURGÖTU 16 SIMAR 14680 - 21480
Lækjargötu 3 - Skólastrætismegin,
sími 621455.
Vilt bú verða skiptinemi
í Ástralíu eða á Nýja-Sjálandi
skólaárið 1990
ASSE á íslandi hefur fengið leyfi til að senda
örfáa skiptinema til viðbótar til Astralíu og Nýja-
Sjálands skólaárið 1990.
Farið verður út um miðjan janúar og komið heim
aftur rétt fyrir jólin.
Þeir, sem eru fæddir eftir 1. júní 1971, 1972 og
1973, geta sótt um.
Umsóknarfrestur er til 26. júní.
Allar nánari upplýsingar á skrifstofu ASSE frá
kl. 13-17 alla virka daga.
Balens
GARÐTRAKTORAR
SLÁ í GEGN
STRANDFLUTNINGAR
FRÁ HAFNARFIRÐI
NÆSTI BROTTFARARDAGUR
25. 6. FRÁ HAFNARFIRÐI
TIL ÍSAFJARÐAR
TIL SKAGASTRANDAR
TIL DALVÍKUR
TIL NORÐFJARÐAR
TIL REYÐARFJARÐAR
FAXAFROST HF.
TRAUSTUR HLEKKUR
í NÚTÍMA FLUTNINGUM
VÖRUMÓTTAKA HJÁ FAXAFROST HF. ÓSEYRARBRAUT 14B, HAFNARFIRÐI.
SlMAR 652275 / 651214 ■ TELEFAX 651744