Morgunblaðið - 27.09.1991, Blaðsíða 10

10
MORGUNBLAÐIÐ FÖSTUDAGUR 27. SEPTEMBER 1991
Menningar- o g
minningar sj óður
kvenna 50 ára
50 AR eru liðin frá stofnun Menningar- og minningarsjóðs kvenna.
Haldið verður upp á afmælið með hátíðarfundi í Gerðubergi á morg-
un, laugardag.
Hugmyndina að stofnun sjóðsins
átti Bríet Héðinsdóttir, en af form-
legri stofnun varð þó ekki fyrr en
rúmu ári eftir dauða hennar að
börn hennar lögðu fram tvö þúsund
kr. dánargjöf frá móður sinni. Það
var á 85 ára afmælisdegi hennar
27. september 1941 og telst það
stofndagur sjóðsins. Hefur sá dagur
einnig verið fjáröflunardagur sjóðs-
ins.
Hlutverk sjóðsins hefur fyrst og
fremst verið að styrkja konur til
náms, jafnt hér á landi sem erlend-
is með náms- og ferðastyrkjum.
Ennfremur að veita konum styrk
til ritstarfa eða verðlauna ritgerðir,
einkum um þjóðfélagsmál er varða
áhugamál kvenna. 335 konur hafa
hlotið styrki úr sjóðnum til náms í
ýmsum stnrfsgreinum. Margskonar
listnám vegur þar þungt en einnig
raunvísindanám og rannsóknar-
störf.
Auk styrkveitinganna er annar
þáttur í starfi MMK að varðveita
minningu mætra kvenna og karla.
Sjóðurinn hefur gefið út æviminn-
ingabækur alls í fimm bindum. Á
Landsbókasafni er að finna handrit
MMK-bókanna í veglegu bandi.
Fyrsti formaður sjóðsins var
Laufey Valdimarsdóttir, við stofnun
1941, Næst kom Katrín Thoroddsen
sem gegndi formennsku í meira en
20 ár. Núverandi formaður er Hjör-
dís Þorsteinsdóttir sem jafnframt
er framkvæmdastjóri KRFÍ.
Haldið verður upp á afmælið með
hátíðarfundi í Gerðubergi laugar-
daginn 28. september og hefst dag-
skráin kl. 11.30.
Sigríður Erlendsdóttir sagnfræð-
ingur mun flytja erindi um sögu
og starfsemi sjóðsins. Þar verða
flutt ávörp og tveir nemendur Guð-
mundu Elíasdóttur, Ása Lísbet
Björgvinsdóttir og Vilborg Reynis-
dóttir syngja einsöng og tvísöng við
undirleik Láru Rafnsdóttur. Boðið
verður upp á léttan hádegisverð.
„Stóra bókin“ þ.e. handrit MMK-
bókanna sem í eru æviágrip og
myndir 376 kvenna og karla verða
til sýnis fyrir gesti og fjölmiðla á
fundinum.
í tilefni af 50 ára afmælinu verða
gefin út sérstök hátíðarkort sem
verða fyrst um sinn til sölu á skrif-
stofu félagsins. Að lokum skal þess
getið að sjóðurinn er í vörslu Kven-
réttindafélags íslands.
(Úr fréttatilkynningu)
Agatha Kristjánsdóttir við eitt verka sinna.
Málverkasýning í Eden
AGATHA 'Kristjánsdóttir hefur
opnar málverkasýningu í Eden í
Hveragerði. Sýningin stendur til
7. október.
Agatha fæddist í Reykjavík 31.
júlí 1935 og er uppalin þar.
Hún hefur stundað myndlist í
átta ár og á þeim tíma verið í Mynd-
listaklúbbi Háaleitis, svo og sótt
ýmis námskeið. Hún hefur ferðast
mikið og sótt sýningar og söfn.
Einnig hefur Agatha stundað nám
í píanóleik.
Myndir hennar eru teiknaðar eft-
ir eigin skissum og hugmynda.
Þetta er önnur einkasýning hennar.
Morgunblaðið/Theodór Kr. Þórðarson
Reykholtsstaður. Austan við nýbyggingu kirkju og Snorrastofu er gamla kirkjan, skólahúsin þar
austan og sunnanvið.
Minningarhátíð Snorra
Sturlusonar í Reykholti
Borgarnesi.
I TILEFNI af því að liðin eru 750 ár frá vígi Snorra Sturlusonar
efndu skólanefnd héraðsskólans í Reykholti og sóknarnefnd Reyk-
holtskirkju til minningarhátíðar í Reykholti síðastliðinn mánudag.
Á annað hundrað manns komu að Reykholti af þessu tilefni.
Minningarhátíð hófst með at-
höfn í gömlu kirkjunni á Reyk-
holti. Kirkjukórinn söng og sóknar-
presturinn, séra Geir Waage, bauði
gesti velkomna. Síðan var hátíðinni
fram haldið í skólahúsi staðarins.
Dagskráin þar hófst á erindi séra
Þóris Stephensen, staðarhaldara í
Viðey, um Snorra Sturluson. Þá
sungu þeir Sigurður Rúnar Jóns-
son og Njáll Sigurðsson nokkur
gömul lög og Sigurður Rúnar lék
á langspil. Nemendur Héraðsskól-
ans í Reykholti lásu úr verkum
Snorra og séra Jón Einarsson
prestur á Saurbæ flutti_ erindi um
skólastarf í Reykholti. í Reykholti
er í smíðum ný kirkja' og bóka-
skemman Snorrastofa. Þar verður
meðal annars íbúð fræðimanns og
aðstaða til bókmenntarannsókna.
Ólafur Noregskonungur kom að
Reykholti sumarið 1988 og færði
þá Reykholti eina milljón norskra
króna að gjöf frá norsku þjóðinni
til uppbyggingar Snorrastofu. Síð-
an hefur verið byggt að mestu
fyrir söfnunar- og gjafafé frá inn-
lendum og erlendum aðilum. Þá
hafa Reykdælir jagt fram mikla
sjálfboðsvinnu við uppbyggingu
þessa mannvirkis.
Við athöfnina á mánudag af-
henti séra Þórir Stephensen pen-
ingagjöf til kirkjubyggingarinnar.
Séra Jón Einarsson, formaður
Héraðsnefndar Borgfirðinga, færði
Snorrastofu Islensku alfræðiorða-
bókina að gjöf frá Héraðsnefnd-
inni. Þá afhentu norsku sendi-
herrahjónin, Per og Liv Aasen,
peningagjöf frá Noregi og þeim
sjálfum til byggingarinnar.
- TKÞ.
Gestir við minningarhátið í tilefni af 750 ára ártíð Snorra Sturlusonar. Á fremsta bekk er séra
Geir Waage og norsku sendiherrahjónin Per og Liv Aasen.
/ ÞAÐ ER BARA BÆJARLEIÐ 1 BORGARNES V
VIÐ
Komið við í einni glæsilegustu
þjónustumiðstöð landsins.
Opið frá kl. 8-23.30 alla daga.
Kjörbúð með miklu matvöruúrvali - Veitingasalur -
Greiðasala - Olíu- og bensínsala - Útibú Sparisjóðs
Mýrasýslu - Upplýsingamiðstöð ferðamanna - Úrvals
snyrtiaðstaða með skiptiborði fyrir kornabörn.
KAUPFELAG BORGFIRÐINGA - OLÍUFÉLAGIÐ HF.
r v\ \ | in \« '.á t \y\ \ 'A \ '•
IfiÉJsXSímSém L 4 9 $6 i-íi"