Morgunblaðið - 16.04.1992, Side 59

Sfitíl JÍJI4A .9I 51U0AG*JTMMr*I OIQAJHHUöHOI/
MORGUNBLAÐIÐ FIMMTUDAGUR 16. ÁPRÍL 1992
59^

Stöðug endumýjun
Vinir Dóra senda frá sér breiðskífu með Pinetop Perkins
ÍSLENSKIR blústónlistarmenn hafa sótt í sig veðrið undanfarin
niisseri og haft til þess góðan meðbyr áheyrenda hér á landi.
Mest hefur borið á blússveitinni Vinum Dóra í því sambandi, enda
sveitin verið geysiiðin við tónleikahald aukinlieldur sem hún hefur
leikið undir hjá þremur bandarískum blúshetjum sem hingað hafa
komið undanfarið; Chicago Beau McGraw, Jimmy Dawkins og
Pinetop Perkins, en með tónleikum hljóðrituðum hér hafa komið
tveir diskar, sá seinni með Pinetop Perkins og vinum Dóra reynd-
ar nýútkominn. Fyrir stuttu voru Vinir Dóra á ferð í Bandaríkjun-
um og léku þá á blúskaupstefnunni South By Southwest í Austin
í Texas og í Chicago og frekari utanferðir eru í aðsigi.
Vini Dóra skipa Halldór „Dóri“
Bragason, Guðmundur Pétursson,
Haraldur Þorsteinsson og Jóhann
Hjörleifsson, en fleiri hafa verið
kallaðir til þegar mikið liggur við,
og Andrea Gylfadóttir hefur troðið
upp með sveitinni hvenær sem hún
hefur haft tíma aflögu. Einnig hef-
ur Ásgeir Óskarsson leikið iðulega
með sveitinni og lék með henni á
nýútkomnum disk með Pinetop.
Halldór Bragason segir Texas-
ferðina hafa verið ævintýri líkasta,
en það skipti miklu máli fyrir
Bandaríkjamarkað að sveitin hafi
komið fram á kaupstefnunni. „Það
sem kom okkur mest á óvart voru
viðtökur þeirra sem koma nálægt
þessum plötubransa voru góðar.
Við komum þarna fram sem blús-
band frá íslandi og áttum að spila
á þeim fræga blúsklúþb Antone’s,"
sem vakti mátulegan áhuga. Síðan
fréttu menn að Pinetop Perkins
og Chicago Beau myndu koma
fram með okkur og þá fóru þeir
að taka okkur af meiri alvöru.
Þetta samstarf okkar við Beau og
Perkins hefur því skipað okkur á
hærri sess en annars, en það hefur
þó skilað sér fyrst og fremst í tón-
listinni, sem.skiptir mestu máli. Á
kaupstefnunni var til að. mynda
að spila blússveit frá Eistlandi og
þegar við sáum hana og bárum
saman við það sem við vorum að
gera þá voru þeir hálfgerðir rokk-
arar á meðan við höfum haldið
okkur við ræturnar. Við fundum
það líka meðal þeirra svörtu tón-
listarmanna sem við hittum úti að
þeir litu á okkur sem bræður sína
í tónlistinni."
Halldór sagði að samstarfið við
Chicagorisana Chicago Beau,
Jimmy Dawkins og Pinetop Perk-
ins hefði kannski villt mönnum
sýn, því hann hefði orðið var við
að sumir teldu Vinu Dóra bara
undirleikara. „Vinir Dóra hafa lagt
áherslu á að byggja brýr milli tón-
listarmanna og milli tónlistar-
stefna. og leitast við að leiða sam-
an ólíka tónlistarmenn til að skapa
eitthvað nýtt og spennandi. Það
er alltaf sami kjarninn í Vinum
Dóra og við höfum ekki viljað fest-
ast í því að leika bara eina gerð
tónlistar eirts og svo margar aðrar
sveitir hafa gert. Hjá okkur hefur
verið stöðug endurnýjun og þó við
séum með okkar frumsömdu lög
sem við leikum á tónleikum þá
erum við ekki að kynna þau sér-
staklega; þetta er allt hluti af þeim'
heildaráhrifum sem við viljum ná
fram og höfum verið að þróa síð-
astliðin þrjú ár. Á þeim tíma hafa
komið fram með okkur á annað
hundrað gesta sem við höfum ver-
ið að skapa eitthvað nýtt með.
Fyrsta platan með Vinum Dóra
er á teikniborðinu og kemur út
24. október næstkomandi. Á þeirri
plötu verða eingöngu frumsamdir
blúsar og vinnuheitið á plötunni
er Kominn tími til,“ segir Halldór
og hlær.
„Fólk verður að átta sig á því
að þessar plötur sem við höfum
verið að gera með þessum
Chicagorisum hafa vakið athygli
úti og menn hafa lofað hvað það
er ferskur blær yfir Vinum Dóra.
í kjölfar piatnanna hefur okkur
svo verið boðið á mikla blúshátíð
á Sardiníu, þar sem við komum
til með að spila undir hjá Pinetop
og Beau og einnig koma fram með
okkar eigin prógramm, þar sem
Andrea Gylfadóttir leggur okkur
lið, og einnig er verið að_ bóka
okkur. víðar, þar á meðal í Ástral-
íu og Japan. Þar verðum við á
ferð við að kynna okkar eigin efni
og líka að leika undir hjá öðrum,
enda höfum við sýnt það og sann-
að að við höfum ólík stílbrigði á
valdi okkar.“
Því er við þetta að bæta að
Vinir Dóra halda þriggja ára af-
mælisfagnað í kvöld á Púlsinum.
Tónleikunum verðuf útvarpað, en
meðal gesta verða Bubbi Morthens
og söngkonan Margrét Kristín.
Árni Matthíasson
Vinir Dóra með Pinetop og Beau. F.v.: Haraldur Þorsteinsson, Ás-
geir Óskarsson, Joe Willie „Pinetop" Perkins, Lincoln „Chicago Beau“-
McGraw-Beuchamp, Guðmundur Pétursson og Halldór Bragason.
UR VETRI OG VOLÆÐI

mmér. Jti

Wmr-éS
JL iCf
VASKIR SVEINAR
OáSjNÖR HANDTÖK!
\
, NJOTTU LÍFSINS Á
'Ródum dekkjum
- NÝJUM EÐA SÓUIDUM!
TIMAPANTANIR
FYRIR SKIPULA61
ILAGÐA.'

sóLnmvG
SMIÐJUVEGi 32 * SÍMI 4 48 80
I SOL OG SUMARDEKK!