Morgunblaðið - 10.04.1994, Blaðsíða 47
MORGUNBLAÐIÐ IÞROTTIR SUNNUDAGUR 10. APRÍL 1994
47
eða þriðja sæti, þinn besti tími,
hvað getur þú gert. Sundmenn eru
haldnir sjálfspíslahvöt. Fáum hugn-
ast það í raun að æfa, en það, sem
æfingin skilar, er miklu meira en
hægt er að fá í flestum öðrum
íþróttum, þar sem æft er þrisvar í
viku. Sundmaður veit að það sem
hann fær áorkað, er nokkuð, sem
mjög fáir geta gert. Hvatningin
kemur frá þér sjálfum, en þjálfarinn
setur mörkin og verðlaunar, þegar
við á. Það er mikilvægt og má ekki
gleymast."
Hvatning
Þegar minnst er á hvatningu
færist þjálfarinn allur í aukana.
„Hvað þetta varðar er ástandið
gott í Ægi og Sundsambandið ger-
ir það sem það getur, en það er í
önnur horn að líta. Hérna á hand-
boltinn hug allra og fær mestu
umfjöllunina. Sundfólkið hjá mér,
sem er 17 ára, leggur sennilega
meira á sig en „atvinnumenn“ í ís-
lenskum handbolta, en það fær
enga eftirtekt. Þannig er þetta og
við getum ekkert gert við því, en
við megum ekki bugast, því við
verðum að eignast sundmenn á
heimsmælikvarða. Ég get ekki kraf-
ist sömu umfjöllunar um krakkana,
sem ég þjálfa, og handboltalandslið-
ið fær, því það er á meðal þeirra
bestu í Evrópu. Við eigum ekki að
líta á handboltamenn og knatt-
spyrnumenn sem óvini heldur horfa
upp til þeirra og læra af þeim, kynn-
ast réttum vinnubrögðum, en þegar
ég kem með krakka, sem verða á
meðal þeirra bestu í Evrópu, horfir
öðru vísi við. Þá talar sundfólkið
fyrir sig sjálft.“
Sérðu það fyrir þér í nánustu
framtíð?
„Ég hefði ekki gert nýjan tveggja
ára samning, ef ég hefði ekki trú
á árangri á alþjóða vettvangi á
tímabilinu. Ég er sannfærður um
að íslendingar eignast sundmenn,
sem standa sig á alþjóða vettvangi,
fýrir 1996. Krakka, sem ná að kom-
ast í úrslit á Evrópumóti unglinga
og jafnvel sigra, og keppendur, sem
verða í b- eða a-úrslitum á stórmót-
um fyrir 1996. Efniviðurinn er fyr-
ir hendi og ef allir leggjast á eitt
er bjart framundan."
Petteri sagði hvatningu frá Sund-
sambandinu mikilvæga í þessu sam-
bandi. Þar skipti máli að bjóða upp
á fleiri æfingabúðir, sérstaklega
erlendis. Fyrir 14 til 15 ára krakka
hefði mikið að segja að fá tækifæri
til að taka þátt í alþjóða mótum og
því þyrfti að auka samskipti við
aðrar þjóðir Evrópu. Hins vegar
yrði að hafa í huga að það hefði
ekkert upp á sig að senda of unga
krakka í æfingar og keppni erlend-
is, krakka yngri en 12 ára. 12 til
15 ára unglingar gætu haft gott
af því að kynnast andrúmsloftinu í
sundinu erlendis, en því mætti aldr-
ei gleyma að um börn væri að ræða
og þess vegna yrði að meðhöndla
þau sem slík, veita þeim nauðsyn-
legt öryggi, halda vel utan um þau,
gæta allra þátta, ekki síst matar-
æðis. Síðast en ekki síst þyrfti að
skapa þjálfurum bestu mögulegar
aðstæður og vinna með þeim.
„Landsliðsnefnd á ekki að segja
þjálfurum fyrir verkum heldur
starfa við hliðina á þeim.“
Afreksmenn skapa peninga
Allt kostar þetta og hvaðan eiga
peningarnir að koma?
„Ég vil bera þetta saman við
Finnland. Finnar voru slakir í sundi
fyrir sex árum, lakari en íslending-
ar. Þá varð hugarfarsbreyting, nýj-
ar hugmyndir komu með ungum
þjálfurum — markvissari uppbygg-
ing. I kjölfarið skutust tveir sund-
menn á toppinn. Árangur þeirra
vakti athygli á greininni, umfjöllun-
in varð meiri og síðan streymdu
peningarnir inn. Þetta er það, sem
þarf að gerast hér og þá er ég ekki
að tala um íslandsmethafa og sigur-
vegara á íslandsmótum heldur einn
til tvo afreksmenn á alþjóða vett-
vangi. Þá koma peningarnir.“
Hann sagðist sjá jnjá til fimm
efnilega sundmenn, sem gætu náð
langt með réttum vinnubrögðum.
Eydís Konráðsdóttir og Lára Hrund
Bjargardóttir væru þar fremstar í
flokki, en Iðunn Gylfadóttir og
Hjalti Guðmundsson hefðu einnig
mikla hæfileika. „Þessi fjögur eru
efnilegust þeirra yngri,“ sagði
hann, en í eldri hópnum kæmu fleiri
til greina; Magnús Konráðsson.-Sig-
urgeir Hreggviðsson, Hörður Gunn-
arsson, Ríkharður Kristinsson, Ósk-
ar Örn Guðbrandsson og Svavar
Kjartansson. Logi Kristjánsson og
Arnar Freyr Ólafsson æfðu í Banda-
ríkjunum og væru komnir lengra,
en með sama áframhaldi ættu þeir
örugglega að komast í b-úrslit á
EM 1995.
„Sundið hefur verið í lægð og til
að koma í veg fyrir að sama staða
verði ríkjandi næstu 20 árin er
nauðsynlegt að breyta uppbygging-
unni. Við verðum að móta íslenska
æfingaáætlun, sem byggir á mikilli
vinnu og rannsóknum. Þjálfarar
verða að stunda fræðin betur og
leggja áherslu á að treysta undir-
stöðurnar í þeim tilgangi að halda
náðu þrepi, því þá getum við eign-
ast sundmenn eins og Eðvarð Þór
Eðvarðsson og Ragnheiði Runólfs-
dóttur.“
Petteri sagði að miklu máli skipti
að fá sem flesta til að æfa sund,
því þá væru meiri möguleikar á
afreksfólki. Auk þess væri sundið
góð undirstaða fyrir aðrar íþrótta-
greinar, en sundfélög hefðu ekki
staðið sig nógu vel í því að fá krakka
til sín, þó nánast allir landsmenn
væru í sundi. „Allir geta æft sund,
sama hvar þeir standa, því þjálfun-
in miðast við getuna hveiju sinni
og við erum til dæmis með 10 mis-
munandi flokka. Margir átta til 12
ára krakkar kunna; ðeins skólabak-
sund, þegar þeir byija, en æfingin
skapar meistarann. Þetta snýst
hvorki um viðkomandi félag eða
Sundsambandið heldur sundmann-
inn og allir viðkomandi verða að
gera sér grein fyrir því. Það er
sundmaðurinn, sem æfir, keppir og
kemst á alþjóða stall. Því verða
aðrir, sem tengjast honum, að
leggja sig 100% fram fyrir hann.“
m Morgunblaðið/Kristinn
A morgunæfingu
ÍÆÓÁR,sunjdmenij æfatvisýaf.áíjagbyn'ai;morgupa?fingipgjarp^fyrirvppjuj
Fjölskyldutilboð
til Kanarí 23. maí
Það er engin tilviljun að Kanaríeyjar eru vinsælasti áfangastaður íslendinga í dag. Hér er
frábært að eyða fríinu í hreint einstöku loftslagi, hitinn um 25 gráður yfir daginn, en aldrei
of heitt. Heimsferðir bjóða nú einstaklega glæsilega aðstöðu fyrir farþega sína. Ný mjög
rúmgóð smáhýsi, vel búin. Við fullyrðum að það eru fáir áfangastaðir með jafn góðan
aðþúnað fyrir fjölskylduna og hér á Kanarí.
Verð frá kr.
39.900
Verb frá kr. 58.900
Verb p.mann m.v. 2 í smáhýsi
1 Flugvallarskattar kr. 3.660 fyrir fullorbna, 2.405 fyrir börn.
HEIMSFERÐIR
Austurstræti 17, 2. hæð • Sími 624600
aír europa TURAUIA
Fylgstu meb á sunnudögum!
Á sunnudögum kemur út efnismikiö og áhugavert blab meö fjölmörgum greinum og viötölum.
Birt eru vibtöl viö athyglisveiöa einstaklinga, íslenska sem erlenda, til sjávar og sveita, borga og
bæja. Metnaðarfullir blabamenn skrifa um málefni sem tengjast öllum hliöum mannlífsins.
Á hverjum sunnudegi er umfjöllun um þab nýjasta úr heimi kvikmynda og dægurtónlistar.
Einnig er ab finna stutta pistla þar sem lesendur fræðast um ýmis athyglisverö mál svo sem
læknisfræbi, sibfræbi, vínsmökkun, umhverfismál og stangveibi. Þeir sem hafa gaman af dular-
fullum glæpasögum fyrri tíma fá nýja sögu í hverri viku og fastir libir eins og Reykjavíkurbréf,
Helgispjall og Gárur eru á sínum stab. Allt þetta og mikiu meira er í sunnudagsblaðinu.
m
■ kjamt málsímt