Árbók Hins íslenzka fornleifafélags - 01.01.1959, Page 21

24
ÁRBÓK FORNLEIFAFÉLAGSINS
hafi verið með sperrum, því ekki sáust nein merki eftir innstafi
né eftir stoð, sem mæniás hefði hvílt á. Vestasta sperran virðist
hafa verið um 50 sm frá gafli, og má það teljast eðlilegt, en alls
hafa sperrurnar líklega verið 5. Ekki sáust merki þess, að stofan
hafi verið þiljuð að innan, en hafi þilin aðeins náð niður að pöll-
um, er þess ekki að vænta.
IV. Frá bæjardyrum lágu göng í framhaldi af þeim inn í lítið
ferhyrnt hús, 2x2 m að stærð í gólfhæð. Vesturveggur ganganna var
beint framhald af vesturvegg bæjardyra. Stoðarhola var við vegg-
inn þar sem göngin byrja, og er trúlegt að þar hafi verið hurð,
enda fundust tvö brot af fjöl með gati á og látúnslaufi um gatið
í uppmokstri úr göngum og bæjardyrum; ef til vill eru brotin
úr hurðinni. Göngin eru 80—90 sm víð og 2,3 m löng. Gólfið
er hellulagt, og á efstu hellunni mátti sjá merki eftir þröskuld.
Gólfinu hallaði rnjög til suðurs, og er efsta hellan 40 sm hærri
en sú neðsta. Göngin lágu inn í suðausturhorn hússins, og í
suðvesturhorni sást að verið hafði timburgólf og holt undir,
en frammi fyrir dyrum hafði verið grafið of djúpt áður en gólfs-
ins var leitað, en eflaust hefur gólfið náð þvert íyfir húsið að
sunnan. Upp við norðurvegg sáust ekki nein merki gólfs á 90 sm
bili. Þetta gólf var að vísu aðeins lag af dökku hismi með óveru-
legum tréleifum í, en yfir og undir var vikur, sem virtist foorinn
með vatni. Gólfið er um 10 sm hærra en efsta hella í göngum, eða
í hæð við þröskuld. Þró er undir gólfi, meira en 50 sm djúp, en
í botni er leðja með miklum beinaleifum, einkum úr stórgripum.
Úr þessari þró liggur lokræsi undir göng, bæjardyr og 5 m fram
fyrir bæjarvegginn, samtals 14,6 m langt. Ræsið er hlaðið úr grjóti
að því er virðist, með steinum og smámöl í botni, nálægt 20 sm
vítt og 25 sm djúpt. Grein úr því nær inn í stofugöng, en ekki
alla leið inn í stofu, en þar voru göngin hrunin saman og sást
ekki endi lokræsisins þar. Ræsið liggur fram úr hlaðbrúninni, sem
að mestu hefur verið úr torfi, en nokkrir steinar hafa þó verið
í henni, en hún er nú 40 sm hærri en vilpan fyrir framan. Yfir
hellunum og hlaðinu fyrir framan stéttina hefur verið einhver gras-
rót. Framan við ræsisendann var að því er virtist vilpa, en ekki
raunveruleg for, og mátti sjá að áfram hafði runnið suður úr henni.
í botni vilpunnar bar mest á smárri möl og sandi.
í norðvesturhorni IV er einskonar vindauga, sem liggur út í gegn