Alþýðublaðið - 06.05.1962, Page 4
á verður opin næstu daga frá kl. 6 e. h. til kl. 9 e. h.
Svona er það
á bak við tjöldin
VIÐ mundum ekki líta við,
þótt við mættum honum á götu.
Hann er ósköp venjulegur mað-
ur, ungur maður, sem hæglega
fellur inn í mannhafið í Reykja-
vík, án þess, að eftir honum sé
tekið. Samt hefur hann haft
mikil áhrif á æðstu stjórnmál
þjóðarinnar í vor.
Þessi ungi Reykvíkingur býr
í lítilli íbúð í einu af ytri hverf-
tun bæjarins. Hann er fæddur
og uppalinn utan borgarinnar,
en hefur dvalizt hér árum sam-
an — rétt eins og þúsundir.
annarra Reykvíkinga. Hann hef-
ur stundað ýmis konar almenna
vinnu.
Ef við ræddum við þennan
unga mann um stjórnmál, mund
um við þegar finna, að hann hef
ur á þeim mikinn áhuga. En
hann virðist óskýr í tali, það er
ekki gott að. átta sig á, hvaða
flokk liann aðhyllist. Helzt hef-
ur síðustu árin virzt sem hann
hallaðist langt til vinstri.
Hafi kommúnistar talað við
hann, hefur hann aftur á móti
talað eins og ákafur kommún-
isti. Hann hefur hallað sér að
þeim flokki, kynnzt þar áhrifa-
mönnum, mætt á fundum og
starfað. Þannig hefur hann kom-
izt nær og nær kjarna kommún-
istastarfsins í Reykjavík, feng-
ið að ganga um skrifstofur og
ræða við trúnaðarmenn flokks-
foringjanna.
Svo fékk hann tækifærið, sem
hann hafði lengi stefnt að. —
Hann komst yfir fjölda af bréfum
og skýrslum frá ungkommúnist-
um í Austur-Þýzkalandi, Moskvu
og víðar um járntjaldslöndin.
Skýrslurnar voru flestar skrif-^
aðar á næfurþunnan flugpóst
pappír — og hann stakk þeim í
vasa sinn. Þegar hann fór að
lesa skjölin, reyndust þau vera
skýrslur frá íslenzkum ungkomm
um um ástandið í Austur-Þýzka
landi, skýrslur frá Árna Berg-
mann og fleirum í Moskvu frá
deildinni þar, gagnrýni stúd-
entanna á starfinu hér Heima og
persónulegar upplýsingar, sem
sýndu, hversu. þaulskipulagt allt
er, hj.á hinum alþjóðlega komm-
únisma — netinu, sem piltarn-
ir okkar hafa flækt sig í. Þarna
blasti við á þunnum blöðunum
sláandi mynd af því, hvernig ís-
lenzkir kommúnistar eru á valdi
hinnar alþjóðlegu flokksvélar.
Ungi, maðurinn gekk með
skjölin í vasanum nokkra daga,
unz liann fékk tækifæri til að
skila þeim. Sá, sem tók við þeim,
er háttsettur maður í innra
skipulagi Sjálfstæðisflokksins.
Þar voru skjölin skoðuð og af-
rituð. Og nú hafa tvö fyrstu
þeirra verið birt í Morgunblað-
inu, skýrslan frá Austur-Þýzka-
landi og um SÍA.
Það gefur að skilja, að menn
sem stunda tafl stjórnmálabar-
áttunnar eru forvitnir að vita,
hvað foringjar hinna flokkanna
hugsa og hyggjast fyrir. — Til
skamms tíma var reynt að hlera
með því að tala við andstæðing-
ana sjálfa í þeirri von, að þeir
segðu meira en þeir ætluðu sér
— eða láta mann tala við ann-
an mann, sem eitthvað kynni að
segja. Allt þetta breyttist, þeg-
ar kommúnistum óx fiskur um
hrygg í stjórnmálum okkar. Þá
urðu hinir flokkarnir fljótlega
varir við, að tekin höfðu verið
upp ný vinnubrögð.
Kommúnistar höfðu síðan um
1930 byggt upp flokkskjarna
með mjög ströngum aga. Þeir
sendu menn til útlanda til að
læra allar baráttuaðferðir, sem
erlendir kommúnistar höfðu
notað. Og nú fór að bera á því,
sérstaklega á stríðsáranum og
síðan, að kommúnistar vissu
grunsamlega mikið, sem gerðist
innan hinna flokkanna. Þetta
kom fram í Þjóðviljanum og á
annan hátt. Smám saman varð
raunsýnum mönnum ljóst, að
kommúnistar höfðu annað hvort
gert út menn inn í hina flokk-
ana eða komizt þar í tengsl. við
menn, sem veittu þeim víðtæk-
ar upplýsingar. Hins vegar var
þá lítið um, að lýðræðisflokk-
arnir fengju upplýsingar úr
innri röðúm kommúnista. Þar
var svo mikill agi og svo mikil
tortryggni, að slíkt gerðist ekki.
Nú hin síðustu ár hefur þetta
mikið breytzt. Hinir flokkarnir
eru varari um sig, þegar um
trúnaðarmál er að ræða, og
kommúnistar hafa ekki þau
njósnasambönd, sem þeir áður
höfðu. Til viðbótar er aginn
innan raða kommúnista orðinn
mun minni en áður var, svo að
nú tekst hinum flokkunum að
frétta margt úr innsta hring
þeirra. Þannig hefur Alþýðu-
blaðið til dæmis birt leynilegar
ályktanir frá kommúnistaþing-
um, sem Lúðvík Jósefsson lét
samþykkja að birta ekki — til
þess eins að hin blöðin ekkl
næðu í þær. Og nú er Morgun-
blaðið byrjað að birta skýrslar
frá stúdentunum í Austur-
Þýzkalandi.
Þessi breyting hefur haft víð-
tæk áhrif í röðum kommúnista.
Þar er mikil gagnrýni á forust-
una og hinir hörðu kommar sjá,
að samstarfsbröltið við aðra að-
ila og þátttaka í ríkisstjórn hef-
ur stórspillt hinum gamla flokks
aga.
Það er heldur óskemmtilegt
að segja frá svona málum. Við
í lýðræðisflokkunum höfum yf-
irleitt litlu að leyna og störfum
fyrir opnum tjöldum. Sú litla
leynd, sem notuð er, stafar af
því, að við viljum ekki láta hina
flokkana vita um mál okkar, fyrr
en þau koma fram. Hins vegar
er allt öðru máli að gegna um
kommúnista. Þeir eru eins og
bórgarísjaki, þar sem meiri-
hluti jakans er neðansjávar og
sést ekki. Þar er selluskipulag
þeirra, áróðursþjálfun, bylting-
aruppeldið og sambandið við
kommúnista annarra landa. Þess
vegna innleiddu kommúnistar
nýjar starfsaðferðir í stjómmál-
um hér eins og annars staðar.
Hinir flokkarnir eru nú loks
farnir að verja hendur sínar
gagnvart kommunum á þessu
sviði.
MELAVÖLLUR
hefst í kvöld kl. 8,30. Þá keppa:
VALUR-ÞRÓTTUR
Ðómari: Carl Bergmann.
Á morgun (mánudag) kl. 8,30 keppa:
KR-VÍKINGUR
Dómari: Magnús Pétursson.
Sjáið fyrstu kappleiki vorsins.
Bílasýning Heklu
að Laugavegi 170 — 172
verður opnuð í dag kl. 1 og verður opin til kl. 9 í kvöld
4 6. maí 1962 - ALÞÝ0UBLAÐIÖ
l