Tölvumál - 01.01.1987, Síða 11

ENDURMENNTUNARNÁMSKEIÐ H.í.
í janúar og febrúar verða haldin þrjú námskeið á
vegum endurmenntunar Háskóla íslands, sem félagar
Skýrslutæknifélags íslands kynnu að hafa áhuga á.
1. Námskeið um UNIX-stýrikerfið, sem þeir Magnús
Gislason og Marius ólafsson, sérfræðingar hjá
Reiknistofnun halda 26. - 30. janúar n.k.
2. Námskeið um Undirstöðuatriði í hugbúnaðargerð
fyrir tæknimenn, sem Oddur Benediktsson,
prófessor heldur 3. - 5. febrúar.
3. Námskeið Upplýsingatæknin og stefnumótun, sem
Guðjón Guðmundsson, cand. merc og stunda-
kennari i H.í. heldur 26. febrúar.
Allar nánari upplýsingar fást á skrifstofu endur-
menntunarstjóra H.i. i síma 23712 eða 687664.
- RightWriter -
í nýútkomnu fréttabréfi íslenskrar forritaþróunar
sf eru góðar fréttir fyrir þá sem þurfa að skrifa
mikið af enskum viðskiptabréfum eða öðrum enskum
texta. Þar segir frá forriti, sem ÍF fékk nýlega
sent eintak af, og kallast RightWriter.
Forritið les ritvinnsluskjal (sem skrifað er á
ensku) og kannar innihald þess. Forritið finnur
ekki aðeins vélritunar- og stafsetningarvillur,
heldur eru gerðar tillögur að breyttu orðalagi,
bent á málfræðivillur, athugað hvort orðaröð sé
rétt, varað við of löngum eða flóknum setningum
o.fl.
fslensk forritaþróun hefur þegar pantað nokkur
eintök af RightWriter. Forritið getur lesið
skjöl allra helstu ritvinnsluforrita, sem seld
eru hérlendis, s.s. Orðsnilldar (WordPerfect),
Microsoft Word, Multimate, Hugrita, Ritstoðar
(Assistant Writer) og Ritvinnslu II (Easywriter
II). Væntanlegt verð er kr. 5000. -kþ.
11