Tölvumál - 01.07.2002, Blaðsíða 31
Kjallaragrein
SuSur-Kórea
Hið suður-kóreska fyrirtæki Hancom
Linux hefur undirritað samning við
innkaupastofnun hins opinbera um kaup
hennar á 120 þúsund eintökum af Linux-
skrifstofuvöndlinum HancomOffice, sem
er samhæfður Microsoft Office - þar á
meðal Word og Excel. Samningurinn mun
spara kóreska ríkinu háar fjárhæðir til
langtíma litið og örva viðskipti hjá stað-
bundnum hugbúnaðarhúsum, sem mörg
hver eiga í harðvítugri samkeppni við
Microsoft.
Tæland
Ríkisstyrktur starfshópur, með heitinu
National Electronics and Computer
Technology Centre eða einfaldlega
Nactec, tilkynnti fyrir skemmstu um að
hann hefði í samvinnu við innlend hug-
búnaðarhús þróað eigin vöndul af hug-
búnaði, sem byggður er á opnum stöðlum,
fyrir einkatölvur og netþjóna hins opin-
bera. Linux-SIS (School Internet Server)
er lausn sem ætluð er netþjónum og Linux
TLE (Thai Linux Extension) er lausn sem
grundvölluð er á Red Hat Linux-stýrikerf-
inu. Nactec gefur nú hugbúnaðinn til opin-
berra stofnana og smáfyrirtækja. Verk-
efninu er fyrst og fremst ætlað að minnka
bilið milli notkunar á löglegum og ólög-
legum hugbúnaði, ásamt því að ýta undir
þróun tælenskra hugbúnaðarhúsa á
viðskiptabúnaði.
Tævan
Samkeppnisstofnun Tævan hefur um
nokkurt skeið verið með verðlagningar-
stefnu Microsoft til rannsóknar og gert við
hana margháttaðar athugasemdir. í Tævan
hefur í sama stíl verið að kanna ýmsar
leiðir til að brjóta niður algjöra einokunar-
stöðu Microsoft á markaði í Tævan. Ymsir
háttsettir embættismenn og pólitíkusar
hafa stutt við opinbera styrki fyrir þróun
hugbúnaðar er byggir á opnum stöðlum,
til að rnynda Linux. Samningaviðræður
jafnt Microsoft sem Linux-fyrirtækja eru
þó enn á frumstigi.
Þýskaland
Þýska innanríkisráðuneytið hefur undir-
ritað samning við IBM um að kynna til
sögunnar hjá opinberum stofnunum
vélbúnað og hugbúnað sem styður við
Linux. IBM samþykkti jafnframt að selja
ríkinu búnaðinn á niðursettum kjörum í
staðinn fyrir þennan einstæða aðgang að
nýjum markaði fyrir lausnir fyrirtækisins.
IBM hyggst nota Linux-stýrikerfi frá
SuSE Linux, sem er einmitt þýskt fyrir-
tæki. Þess má geta að Linux-fyrirtækin
Caldera, Conectiva, SuSE Linux og
Turbolinux hafa nú tekið höndum saman
unt að keppa við Red Hat á fyrirtækja-
markaði með sameiginlega útgáfu af
Linux er nefnist „UnitedLinux". Þýska
þingið hugleiddi enn fremur að skipta yfir
til Linux fyrir um það bil ári, en Microsoft
kom þá til skjalanna og bauð mjög
niðursett verð á hugbúnaði sínu og þingið
hætti himinlifandi við allt sarnan.
Tölvumál
31