Dagblaðið Vísir - DV - 21.07.1986, Blaðsíða 2

2
MÁNUDAGUR 21. JÚLÍ 1986.
Fréttir
Bnitust
inn í kaup-
félagið
Lögreglan á Akureyri handtók í
gærmorgun fjóra unga menn fyrir
innbrot í útibú Kaupfélags Suður-
Þingeyinga í Vaglaskógi.
Lögreglan haföi fyrr um morg-
uninn liaft afskipti af mönnunum
á tjaldstæðinu á Akureyri. Síðan
sást til ferða þeirra við kaupfélag-
ið. Munu þeir hafa farið þar inn
og tekið nokkuð af sígarettum og
sælgæti. Fjórmenningamir voru
handteknir skammt utan við Ak-
ureyri. Að sögn lögreglunnar voru
þrír þeirra nokkuð ölvaðir. Játuðu
þeir á sig innbrotið við yfirheyrsl-
ur.
-ÞJV
Ölvaður
ók á hjól-
reiðamann
Um hádegisbilið í gær var ekið
á útlendan hjólreiðamann á Suð-
urlandsvegi skammt vestan við
Hellu. Ökumaðurinn stakk af en
sjónarvottar gátu gefið greinar-
góða lýsingu á bílnum. Fannst
hann stuttu síðar á leið til Reykja-
víkur. Reyndist bílstjóri hans
töluvert ölvaður.
Talið er að hjólreiðamaðurinn
hafi sloppið ómeiddur. Sjónarvott-
ar sögðu hann hafa teymt hjólið
aftur upp á veginn og haldið áfram
ferð sinni.
Alls voru 10 ökumenn teknir fyr-
ir ölvun við akstur í Ámessýslu
um helgina. Að sögn lögreglunnar
á Selfossi mun það vera ívið meira
en gengur og gerist á þessum slóð-
um.
-ÞJV
Rjúkandi
nætursnarl
Um hálfáttaleytið í gærmorgun
var slökkviliðið kallað að húsi við
Seilugranda. Var mikill reykur í
íbúð þar en enginn eldur.
Húsráðandi mun hafa sett pitsu
í ofninn um nóttina en sofnað út-
frá eldamennskunni. Annar íbúi
hússins varð reyksins var og gerði
slökkviliðinu viðvart. Þegar
slökkviliðsmenn komu á staðinn
þurfitu þeir að brjótast inn í íbúð-
ina þar sem húsráðandi var sofandi
og kom ekki ti) dyra. Hann var
fluttur á slysadeild en fékk að fara
heim að lokinni skoðun.
-ÞJV
Eldur í
rúgbrauði
I gærmorgun var slökkviliðið
kallað að sendiferðabíl í Árbæ.
Þegar slökkviliðsmenn komu á
vettvang var töluverður eldur í
afturhluta bílsins þar sem vélin er.
Greiðlega gekk að slökkva eldinn.
Talið er að kviknað hafi í út frá
bensínslöngu. Fór hún í sundur og
sprautaðist þá bensín yfir vélina
með fyrrgreindum afleiðingum.
Bíllinn, sem er af Wolkswagen
rúgbrauð gerð, er mikið skemmd-
ur.
-ÞJV
íslandsmóti í svifflugi lokið:
Urslitin sjaldan jafntvísýn og nú
„Þau hafa sjaldan verið jafiispenn-
andi svifflugumótin og í ár, úrslitin
eru afskaplega tvísýn, þrír koma til
greina um að hljóta íslandsmeistara-
titilinn," sagði Þórmundur Sigur-
bjamason, mótsstjóri íslandsmótsins í
svifflugi, í samtali við DV í gærkvöldi
þegar mótinu, sem staðið hefur frá
laugardeginum 12. júlí, var lokið í gær
en stigatalningu ólokið.
„Baldur Jónsson, Eggert Norðdahl
og Steinþór Skúlason eru nú sigur-
stranglegastir. Það tekur töluverðan
tíma að reikna stigin út í heild, eftir
er að framkalla ljósmyndir sem kepp-
endur tóku í fluginu til að sanna hve
langt þeir hafa flogið. Það er ekki
hægt að segja um úrslit fyrr en búið
er að bera þetta saman.“
Sagði Þórmundur að mótið hefði
gengið mjög vel og verið án óhappa.
Af átta keppnisdögum vom fjórir gild-
ir, þ.e. þegar þremur keppendum tekst
að fljúga 25 km lágmarksvegalengd.
„Það þykir gott að fá fjóra gilda
keppnisdaga, þegar það veltur allt á
þvi hvemig veðrið er hvort hægt er
að keppa,“ sagði Þórmundur. „Og veð-
urguðimir hafa verið í ágætis skapi
þennan tíma.“ -BTH
Jóhann og Helgi
í 3. og 4. sæti
- á kanadíska meistaramótinu í skák
„Við erum nokkuð ánægðir með
þennan árangur, miðað við að þama
keppti þriðji stigahæsti skákmaður í
heimi, Rússinn Jusupov, sem deildi
1.-2. sætinu með landa sínum Kupreic-
hik, en þeir vom með átta vinninga,"
sagði skákmaðurinn Jóhann Hjartar-
son í samtali við DV í gærkvöldi þegar
opna kanadíska meistaramótinu í
skák var lokið eftir tíu umferðir. Jó-
hann varð í 3.-4. sætinu ásamt Helga
Ólafssyni, en þeir vom með sjö vinn-
inga. Guðmundur Sigurjónsson,
Bandaríkjamaðurinn Benjamin og
Kanadamaðurinn Jamequi fengu sex
vinninga.
„Það var nokkum veginn ljóst þegar
eftir níundu umferð hver sigurvegar-
inn yrði, svo þetta kom okkur ekki á
óvart. Helgi átti hins vegar skemmti-
lega skák við Jusupov í níundu
umferð, náði sterkri stöðu og hefði lík-
lega unnið hefðu þeir haldið áfram og
ekki gert jafhtefli," sagði Jóhann.
Á miili 50 og 60 manns tóku þátt í
þessu árlega kanadíska meistaramóti
sem fór að þessu sinni fram í Winnipeg.
-BTH
14 ára stúlka hreppti Benzinn
DV-mynd GVA
Það lá spenningur í loftinu á Sprengisandi á föstudagskvöldið þegar dregið var í lokakeppni Trivial Pursuit og Sprengisands, enda var um veglegan vinning
að ræða, M-Benz Gazella 1929. Tommi, sjálfur eigandi staðarins, dró úr um 6000 miðum og vinninginn hreppti 14 ára stúlka, Jóna Dís. Þar sem hún var stödd uppi
i Landmannalaugum yfir helgina verður bíllinn ekki afhentur fyrr en á morgun. 220 aukavinningar vom einnig dregnir út, en þeir sem ekkert unnu vom leystir
út meö gjöfum, ókeypis máltíð á Sprengisandi. Á þriðja hundrað manns vom á staðnum. -BTH
Rauði krossinn:
Heldur
námskeið
í almennri
skyndihjálp
Reykjavíkurdeild RKÍ heldur
námskeið í almennri skyndihjálp
og hefst það þriðjudaginn 22.
júlí kl. 20 og stendur í 5 kvöld.
Leiðbeinandi verður Guðlaugur
Leósson. Námskeiðið verður
haldið í kennslusal RKÍ að Nóat-
úni 21. Þeir sem vilja taka þátt
í því geta látið skrá sig hjá deild-
inni í síma 28222.
Á námskeiðinu verður lögð
áhersla á fyrirbyggjandi leið-
beiningar og ráð til almennings
við slys og önnur óhöpp. Þar
verður kennd endurlífgun,
fyrstahjálp við bruna, kali og
eitrun af völdum eiturefha og
eitraðra plantna. Einnig verður
kennd meðferð helstu beinbrota
og stöðvun blæðinga og fjallað
um ýmsar ráðstafanir til vamar
slysum í heimahúsum. Fjallað
verður um margt fleira sem kem-
ur að notum þegar menn og dýr
lenda í slysum. Námskeiðinu
lýkur með prófi sem hægt er að
fá metið í fjölbrautaskólum og
iðnskólum. -BTH
Hópuppsagnir næsta
baráttuvopn BSRB?
„Það er mín skoðun að hópuppsagn-
ir séu eitt okkar sterkasta vopn í
kjarabaráttunni. Á næstimni munum
við ræða af fullri alvöm hvemig hægt
er að beita þessu heita vopni," sagði
Kristján Thorlacius, formaður BSRB,
í viðtali við DV.
Kristján sagði að hópuppsagnir
hefðu þegar gefið árangur og væm
viðurkenndar af ríkinu.
„Ég veit ekki hvert Kristján er að
fara með þessu. Ég sé ekki að það séu
aðstæður núna sem gefa tilefrii til
slíkra yfirlýsinga," sagði fjármálaráð-
herra er ummæli Kristjáns vom borin
undir hann.
„Ég tel að uppsagnir okkar hafi tví-
mælalaust skapað pressu. Mér finnst
afar ólíklegt að við hefðum náð fram
þessum launahækkunum án þeirra,"
sagði Einar Bjamason, formaður
Landssambands lögreglumanna, er
hann var inntur álits á áhrifum hó-
puppsagna.
Hann sagði að lögreglumenn hefðu
verið hikandi í upphafi að beita þess-
ari aðferð og talið hana jafnvel úrelta.
„En frá okkar bæjardyrum séð var
þetta eina löglega leiðin. Flestar óróa-
hreyfingar í okkar röðum heyra
nefnilega undir landráð," sagði Einar.
APH