Dagblaðið Vísir - DV - 27.03.1993, Side 18

18
LAUGARDAGUR 27. MARS1993
Þorgils Óttar Mathiesen er forstööumaður rekstrardeildar íslandsbanka en aöalfundur
bankans verður á mánudag og því hefur verið mikið aö gera. DV-mynd ÞÖK
Dagur í lífl Þorgils Óttars Mathiesen:
Fundasetur
og hand-
boltatal
Þriðjudagur 23. mars. „Ég
vaknaði klukkan átta eins og
ég er vanur og fékk mér ristað
brauð og kakó. Eins og ég hafði
kannski búist við fór bíllinn
ekki í gang. Ég á litinn Suzuki
Swift og geymirinn hefur verið
að stríða mér um tíma, sérstak-
lega eftir kaldar nætur. Ég hafði
lagt honum þannig kvöldið áð-
ur að ég gæti ýtt honum í gang.
Þegar það gekk ekki hringdi ég
í kunningja minn í næsta húsi
og bað hann um hjálp. Það gekk
loks að koma honum í gang en
ég kom aðeins of seint í vinnuna
fyrir bragöið," segir Þorgils Ótt-
ar Mathiesen, forstöðumaður
rekstrardeildar íslandsbanka,
sem segir frá degi í lífi sínu að
þessu sinni.
„Þegar í vinnuna kom tóku
við þessi hefðbundnu störf.
Fyrst hringdi reyndar Kristján
Arason og hundskammaði mig
fyrir að mæta ekki á æfmgu
kvöldið áður. Ég var á fundi og
komst ekki. Ég hef aðeins tekið
mig til eftir áramótin og æft
með strákunum fyrir úrslita-
keppnina sem byrjar 16. apríl.
Vegna þess að ég hafði verið
frá alla vikuna á undan, var
farstjóri handboltahðsins í Sví-
þjóð, biðu mín margvísleg
skilaboö sem ég þurfti að af-
greiöa. Ég var því að hringja
út og suður þar til klukkan ell-
efu en þá var fundur með sam-
starfsfólki mínu þar sem við
fórum yfir margvísleg gögn og
ræddum skipulagsbreytingar
sem orðið hafa og eru væntan-
legar. Undanfarið hafa tvö
útibú verið lögð niður, á Grens-
ásvegi og í Álfheimum. í apríl
verður enn eitt útibú lagt niður
sem hefur verið að Laugavegi
31. Þessar breytingar krefjast
talsverðra skipulagsbreytinga
og mín deild sér um þá hlið
mála.
Eftir hádegi var námskeið í
mötuneytismálum hjá okkur en
þau heyra einnig undir mína
deild og voru næringarfræðing-
ur og matreiðslumeistari að
kenna matseljum bankanna að
útbúa gott og næringarríkt
heilsufæði í hádegi. Við fáum
yfirleitt kalt borð í hádeginu,
mikið af brauði og áleggi.
Ég fékk mér snarl í hádeginu
en sat ekki námskeiðið. Hins
vegar fór ég að kaupa mér nýjan
rafgeymi í bílinn hjá Valdimar
Grímssyni í Pólum í Einholti
en faðir hans rekur fyrirtækið.
Við ræddum mikið um hand-
bolta - nema hvað - og fórum
yfir stöðuna.
Eftir hádegi þurfti ég aftur að
mæta á fund og nú með kolleg-
um mínum úr Landsbankanum
og Búnaðarbankanum. Við
ræddum ýmis mál en komumst
ekki að neinni niðurstöðu. Ég
hélt síðan í vinnuna aftur og
þar var ýmislegt sem beið mín,
svo sem að fylgjast með starfmu
í deildinni. Við erum með
póstmiðstöð, lager og einnig
hluthafaskrá en aðalfundur ís-
landsbanka verður á mánudag.
Við þurftum að afhenda at-
kvæðaseðlana fyrir fundinn en
þar verður kosið nýtt bankaráð.
Þetta verður fyrsti aðalfundur-
inn eftir að eignarhaldsfélög
bankanna voru lögð niður.
Klukkan 16.45 brunaði ég suð-
ur í Hafnarfjörð enda átti ég að
vera mættur á bæjarstjómar-
fund í Hafnarborg klukkan
fimm. Það hefur nú oft verið
rifist meira en á þessum fundi
enda var nýbygging í miðbæn-
um ekki á dagskrá. Þetta var
rólegheitafundur. Rætt var
meðal annars um lóöaúthlutan-
ir og húsnæðismál bæjarins.
Strax að loknum bæjarstjórn-
arfundi klukkan hálfátta dreif
ég mig á æfingu upp í Kapla-
krika. Við æfum núna á hverju
virku kvöldi. Það var hressandi
að hlaupa svolítið fyrir svefn-
inn. Eftir æfinguna settumst við
niður félagarnir í Sjónarhóli,
sem er félagsheimihð í Kapla-
krika, og ræddum málin. Ég var
kominn heim rétt fyrir tíu og
fór fijótlega í háttinn. Ég fer
yfirleitt snemma að sofa, ekki
seinna en ellefu."
-ELA
Finnur þú fímm breytingar? 198
Nafn:........
Heimilisfang:
Myndirnar tvær virðast við
fyrstu sýn eins en þegar betur
er að gáð kemur í ljós að á
myndinni til hægri hefur
fimm atriðum verið breytt.
Finnir þú þessi fimm atriði
skaltu merkja við þau með
krossi á hægri myndinni og
senda okkur hana ásamt nafni
þínu og heimilisfangi. Að
tveimur vikum liðnum birtum
við nöfn sigurvegara.
1. verðlaun: ELTA útvarps-
vekjaraklukka að verðmæti
5.450 frá versluninni Tónveri,
Garðastræti 2, Reykjavík.
2. verðlaun: Fimm Úr-
valsbækur að verðmæti kr.
3.950. Bækumar, sem eru í verö-
laun, heita: 58 mínútur, Sonur Ott-
ós, Kolstakkur, Leikmaðurinn og
Víghöfði. Bækurnar eru gefnar út
af Fijálsri fjölmiðlun.
Merkið umslagið með lausninni:
Finnur þú fimm breytingar? 198
c/o DV, pósthólf 5380,
125 Reykjavík
Vinningshafar fyrir hundrað
nítugustu og sjöttu getraun
reyndust vera:
1. Elísabet G. Þorsteins-
dóttir
Skólabrú 4, 780 Höfn.
2. Elsa Hjaltadóttir
Heiöargarði 11,230 Keflavík.
Vinningarnir verða sendir
heim.