Dagur - 30.09.1985, Blaðsíða 8

8 - DAGUR - 30. september 1935
„F :imm“ í viðtali
- „Það er ekki vegna þess að við eigum svo leiðinlegar konur"
i: SHj <*’ ■■ ; W.i'í i w fi ; i i ^ |fl* i s * 4IRHIRHR^| e ■ I dMkJB mm Í^|||Í|||||||||^^
Peir eru engir öldung-
ar, en samt hafa þeir
leikið í hljómsveitum
frá 20 og upp í 28 ár,
með hléum að vísu.
Þekktustu hljómsveitir
sem þeir hafa myndað
kjarnana í eru Húsa-
víkur-Haukar, Víbrar
og Stuðlar. ífyrrahaust
stofnuðu þeir nýja
hljómsveit er kallast
einfaldlega „Fimm“,
og léku þeir á dans-
leikjum víða um
Norðurland, með
miklufjöri ífyrravetur.
- Nöfn og hljóðfæri?
„Nú við heitum Sigurður Frið-
riksson hljómborðsleikari, Leifur
Vilhelm Baldursson gítar, Stefán
Helgason trommur, Hafliði Jó-
steinsson sem sér um söng ásamt
hinum og Karl Hálfdánarson
bassaleikari og umboðsmaður.“
- Hvaða tegund tónlistar leik-
ið þið helst?
„Dinermúsík, gömlu dansana
og nýju, einnig erum við að
hugsa um að bjóða upp á
skemmtiatriði, þegar líða tekur
á árshátíðarvertíðina. Við höfum
nýlega hafið æfingar aftur og
erum bókaðir á fyrsta dansleik-
inn um mánaðamótin."
- Hafa ekki orðið miklar
breytingar á tónlistinni og dans-
leikjunum öll þessi ár?
„Eg sé ekki neinar stórbreyt-
ingar á dansleikjunum, en ég
hald að melódían sé að koma
aftur,“ segir Vilhelm.
Eftir mikar umræður hjá fimm-
menningunum sættast þeir á að
áfengisneysla hafi heldur aukist
og einkum meðal yngri aldurs-
hópa.
- Nú eruð þið allir fjölskyldu-
menn, hvernig nennið þið að æfa
kvöld eftir kvöld og spila á dans-
leikum um helgar?
„Það er ekki vegna þess að við
eigum svo leiðinlegar konur,“
segir Sigurður. „Nú og svo fáum
við aur til að borga saltið í graut-
inn.“
- Borðið þið þá mikiö saltan
graut?
Nú svöruðu allir í einu og
reyna varð að sjá hvað þeir sögðu
því ekki heyrðist það. Ekki virt-
ust þeir vilja játa á sig saltneyslu
í því magni að þeim yrði meint af
á nokkurn hátt. Hafliði svaraði
síðan fyrri spurningunni. „Það er
ekki auðvelt að losna við þessa
bakteríu, það er gaman að
skemmta fólki og svo er það
mjög góður félagsskapur að
starfa í svona hljómsveit."
„Ástæðan er að þetta er áhuga-
mál og svo er félagsskapurinn
góður,“ segir Vilhelm.
Nú ferðist þið mikið um á vet-
urna í sambandi við dansleika-
hald, lendið þið ekki oft í svaðil-
förum og ævintýrum?
„Það var ævintýri að fara til
Grímseyjar í maí í vor. Við fór-
um með Samkór Dalvíkur, sem
hélt söngskemmtun og gaf ágóð-
an til sundlaugarbyggingar í
Grímsey. Farartækin sem við
notuðum voru frá hraðbátum
upp í varðskip. Þetta var mjög
eftirminnileg ferð sem tókst frá-
bærlega vel, það var besta veður
sem komið hafði í eyjunni í ára-
raðir, og þar eru mjög sjaldan
haldin svona böll. Núna er beðið
eftir okkur út í Grímsey,“ segir
Hafliði og Stefán bætir við: „Og
næst höldum við ball í Kolbeins-
ey á leiðinni til Grímseyjar."
„Þú spurðir um svaðilfarir,"
segir Sigurður hugsandi. Það
versta sem ég hef lent í var
blindstórhríð á leiðinni frá
Vopnafirði, það var 17. júní og
við vorum fastir uppi á fjallgarði,
svo veltum við bíl einu sinni. En
við höfum sloppið lifandi frá
þessum ferðalögum ennþá.“ Nú
vill Karl segja sitt álit 'á málun-
um: „Það versta sem ég hef lent í
voru buxurnar hans Hafliða,“
segir hann ákveðinn, en neitar að
ræða málið frekar.
Þá er bets að kveðja þá félaga,
aðeins fróðari af tóninum í um-
ræðunum hvað það er sem þeir
kalla góðan félagsskap og þeir
sækjast eftir. Þó konurnar séu
ekki neitt leiðinlegar er erfitt að
hafna umgengni við fjóra gaman-
sama félaga. - IM
Hagkaup auglýsir:
Nú bjóðum við ný egg á
kr. 148,- pr. kg.
Rúgmjöl kr. 16,- pr. kg.
4 slátur m/sviðnum haus
í kassa kr. 699,-
★ ★ ★
Höfum einnig mikið úrval af
útifatnaði barna
og skólabuxum.
HAGKAUP Akureyri