Dagur - 14.05.1986, Blaðsíða 2
2 - DAGUR - 14. maí 1986
ÚTGEFANDI: ÚTGAFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SfMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi),
INGIBJÖRG MAGNÚSDÓTTIR (Húsavík), YNGVI KJARTANSSON,
KRISTJÁN G. ARNGRfMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari_____________________________
Varhugaverðar
tillögur
íbúar landsbyggðarinnar hafa lengi barist gegn
þeirri þróun að allar mikilvægustu ríkisstofnan-
irnar séu í Reykjavík og hvergi annars staðar.
Reynt hefur verið með öllum ráðum að snúa
þessari þróun við en þar gildir hið fornkveðna að
auðveldara er um að tala en í að komast
Upp á síðkastið hafa komið fram tillögur frá
nefndum ýmissa ráðuneyta Sjálfstæðisflokksins
um að auka enn á misréttið á milli landshluta
með því að minnka völd og umsvif ríkisstofnana
úti á landsbyggðinni og auka fjarstýringuna frá
höfuðborginni. Nýjasta dæmið um slíkt eru til-
lögur svo kallaðrar „skattsvikanefndar" sem
fjármálaráðherra skipaði til að kanna umfang
skattsvika hér á landi. Nefndin telur að ríkis-
skattstjóri sé í reynd valdalítill og þar sem skatt-
stofurnar séu sjálfstæðir ákvörðunaraðilar um
eigin vinnubrögð sé heildarskipulagi ábótavant
og vinnubrögð ósamræmd. Auk þess er fullyrt
að skattstofurnar skorti menntað og þjálfað
starfsfólk til að vinna úr skattframtölum á viðun-
andi hátt. Lagt er til að skattaeftirliti verði
stjórnað alfarið frá Reykjavík en skattstofurnar á
landsbyggðinni verði nánast lagðar niður í
núverandi mynd. Nefndin hugsar sér að skatt-
stofurnar myndu eftirleiðis gegna hlutverki eins
konar umboðsskrifstofa — þær yrðu minniháttar
útibú frá Reykjavík, og þangað gætu menn leitað
til að fá ýmis gögn til útfyllingar.
Það er álit flestra sem skattaeftirliti tengjast
að nefndin hafi ekki kynnt sér þessi mál sem
skyldi og tillögurnar endurspegli það. Á skatt-
stofunum starfar fjöldinn allur af hæfu og
reynslumiklu fólki og þess hefur ávallt verið
gætt að halda góðum tengslum við skattrann-
sóknastjóra og vísa til hans umfangsmeiri
málum. Hins vegar er það staðreynd að erfitt
hefur reynst að fá fólk með sérþekkingu í bók-
haldi til starfa í skattakerfinu, vegna þess að
launin hjá hinu opinbera eru ekki sambærileg
við það sem gerist og gengur á atvinnumarkað-
inum. Þar eru skattstofurnar á landsbyggðinni
engin undantekning og vandinn verður ekki
leystur með flutningi til Reykjavíkur. Slíkt er frá-
leitt að ætla.
Varla þarf að nefna hvílíkt óhagræði það yrði
fyrir fólk og fyrirtæki úti um land ef það þyrfti að
leita til Reykjavíkur til að gera athugasemdir og
leita upplýsinga um skattframtöl sín.
Það er rétt að vara eindregið við þessari áráttu
ákveðinna afla að vilja flytja alla hluti til Reykja-
víkur. Hér býr ein þjóð í einu landi og það er
ákaflega varhugavert að ala á misrétti og sundr-
ungu meðal landsmanna. Tillögur „skattsvika-
nefndar" um miðstýringu skattaeftirlitsins eru
vart til annars fallnar.
BB.
„Ekki í annan tíma jafn
mikið um bókanir“
- á ferðamönnum til Akureyrar, segir Gunnar Karlsson,
nýráðinn hótelstjóri á Hótel KEA
Fyrir nokkru var tilkynnt að
Gunnar Karlsson hefði verið
ráðinn hótelstjóri á Hótel
KEA og tekur hann við stöð-
unni á morgun, fimmtudag.
Gunnar hefur áður verið hótel-
stjóri á Hótel KEA en hefur
nú í tvö ár verið framkvæmda-
stjóri Kaffibrennslu Akureyr-
ar. Hann er í viðtali dagsins og
ræðir við Dag um ferðamál.
Fyrst spurði ég um menntun
hans á sviði hótelrekstrar.
„Ég er að nokkru leyti uppal-
inn á Hótel KEA. Ég byrjaði á
að læra þar framreiðslu. Eftir það
lærði ég hótelstjórn og hótel-
rekstur úti í Noregi og starfaði
svo eftir það á Hótel KEA sem
aðstoðarhótelstjóri þangað til að
ég fór í Háskóla íslands þar sem
ég lærði viðskiptafræði og lauk
prófi þaðan árið 1981. Um ára-
mótin 1979/80 tók ég við hótel-
stjórn á KEA og var því í eitt og
hálft ár hótelstjóri með skólan-
um.“
- Var það ekki strembið?
„Það var dálítið strembið, jú.
En ég var með góðan aðstoðar-
hótelstjóra sem var Ásdís Árna-.
-dóttir sem sér nú um skrifstofu
Samvinnuferða/Landsýnar á
Akureyri, þannig að þetta gekk
allt saman.
í þessu starfi var ég svo til
haustsins 1983. Þá hætti ég og
kenndi þann vetur í verslunar-
deild framhaldsdeilda Gagn-
fræðaskólans sem síðar varð hluti
af Verkmenntaskólanum. Ég tók
svo við framkvæmdastjórastarfi í
Kaffibrennslunni í júní 1984 og
verð því búinn að vera hér í tvö
ár þegar ég skila Helga M. Bergs
lyklinum í næsta mánuði.“
- Þú hefur þó ekki sagt skilið
við ferðamálin í þessi tvö ár?
„Nei, ég hef alltaf verið viðloð-
andi þetta þannig að ég hef verið
formaður Ferðamálafélags Akur-
eyrar og hef reyndar verið það
allt frá því að við endurreistum
Ferðamálafélagið haustið 1981.
Þá hafði starfsemi þess legið niðri
um nokkurra ára skeið.“
- Hvert er hlutverk Ferða-
málafélags Akureyrar?
„Ferðamálafélagið er samtök
áhugamanna um ferðamál og þá
fyrst og fremst þeirra sem vinna
að ferðaþjónustu og aðalþáttur-
inn í starfi Ferðamálafélagsins er
að vekja athygli á ferðaþjónustu
sem atvinnugrein og vekja
athygli á því sem betur mætti fara
og ónýttum möguleikum. Að
nokkru marki vinnum við að
kynningarstarfsemi. í rauninni
má segja að við séum nokkurs
konar málpípa ferðaþjónustunn-
ar á Akureyri.
Á síðustu árum hafa kynning-
armálin orðið ríkari þáttur í okk-
ar starfsemi. í fyrsta lagi höfum
við rekið upplýsingamiðstöð í 4
sumur og hyggjumst nú reka
hana 5. sumarið í röð. í hitteð-
fyrra gáfum við út Akureyrar-
bækling sem var nú bara svona
frumgerð að bæklingi. í fyrra gáf-
um við hann svo aftur út í breyttri
mynd í öllu glæsilegra formi og
þar fylgdi m.a. kort af Akureyri.
Þennan bækling gefum við út aft-
ur í ár og þetta tvennt hefur verið
okkar aðalverkefni síðustu ár.
Ef ég á að telja upp eitthvað af
því sem við höfum áður gert þá
lögðum við í upphafi mikla áherslu
á lengingu flugbrautarinnar og
það fékkst nú í gegn. Við lögðum
mikla áherslu á endurbætur á
tjaldstæðunum og það mál er nú í
höfn. Við lögðum mikla áherslu á
endurbætur í Hlíðarfjalli. Það
hefur ekki mikið komið út úr því
en þó eitthvað. Við létum líka
mikið í okkur heyra um hótel-
málin á Akureyri en staðan í
þeim var mjög slæm á þessum
tíma. Síðan hefur orðið gjör-
breyting í þeiin efnum. Litlum
gistiheimilum hefur fjölgað mjög
mikið. í fyrra var Hótel Stefanía
opnað og gjöroylting hefur orðið
á Hótel KEA þar sem herbergjum
var fjölgað mikið.“
- Hvaða nýjungar sérðu helst-
ar fyrir þér í ferðamálum á þessu
svæði á næstunni?
„Ég veit ekki hvort hægt er
að tala um svo miklar nýjungar.
Auðvitað kemur alltaf eitthvað
nýtt upp á hverju ári, en því mið-
ur sýnist mér að stærsta nýjungin
sem við áttum von á að fá í sumar
komi ekki, en þar á ég við Gríms-
eyjarferjuna. Mér sýnist að það
líti vel út með bókanir og ég hef
það eftir Gísla Jónssyni hjá
Ferðaskrifstofu Akureyrar að
það hafi ekki í annan tíma verið
jafn rnikið um bókanir og nú fyrir
sumarið. Það hefur orðið mikil
aukning í ráðstefnuhaldi á Akur-
eyri og það tengist þessari miklu
aukningu á gistirými og því að öll
aðstaða til ráðstefnuhalds hefur
gjörbreyst til hins betra. Ég vænti
mér einmitt heilmikils af þeim
þætti í framtíðinni. Mér finnst
því að við getum verið nokkuð
bjartsýn hér. Menn hafa verið
hræddir um að umræðan um
hryðjuverk fæli menn frá að
ferðast. Mér sýnist að þetta komi
fyrst og fremst til með að hafa
áhrif á komu Bandaríkjamanna
til landsins og það hefur ekki svo
mikil áhrif á okkur hér fyrir norð-
an því að þeir eru alls ekki svo
stór hluti af þeim ferðamönnum
sem koma til okkar.“
- Hefur Ferðamálafélagið tek-
ið einhverja afstöðu til hug-
mynda sem upp hafa komið um
byggingu orlofsbúða í bæjarland-
inu?
„Við höfum nú ekki gefið frá
okkur neina opinberlega yfirlýs-
ingu en hins vegar var okkur boð-
ið að vera á fundinum þar sem
þessi hugmynd var kynnt og
stjórn Ferðamálafélagsins gat
ekki annað en lýst ánægju sinni
með þessar hugmyndir.“
- Telur þú að það sé nægilega
vel búið að ferðaþjónustu á
Akureyri af hálfu yfirvalda?
„Það er dálítið erfitt að svara
þessari spurningu. Það er alltaf
spurning hversu mikil afskipti
hins opinbera eiga yfirleitt að
vera af atvinnulífinu. Menn hafa
afskaplega mismunandi skoðanir
á því. Ég verð að segja það að á
þessum árum frá 1980 og þá sér-
staklega á síðustu þremur árum
hefur umræða um ferðamál sem
atvinnugrein aukist mikið. Mér
finnst að afstaða stjórnvalda og
e.t.v. sérstaklega bæjaryfirvalda
hafi gjörbreyst. Mér finnst menn
hafi opnað augun fyrir mikilvægi
ferðaþjónustunnar sem atvinnu-
greinar. Atvinnumálanefnd
bæjarins hefur t.d. lagt áherslu á
þýðingu ferðamála og þeir hafa
stutt við bakið á ferðamálum.
Hins vegar er alls ekki búið vel
að Ferðamálaráði fslands og það
hefur aldrei fengið þær fjárveit-
ingar sem því ber samkvæmt
lögum. Á undanförnum árum
hafa verið að koma upp lands-
hlutasamtök í ferðamálum og
það er vel. Þau þarf að efla og
það þarf að efla Ferðamálaráð og
með því heildarskipulagningu í
ferðamálum á íslandi.“ -yk.