Dagur - 25.09.1990, Page 4

4 - DAGUR - Þriðjudagur 25. september 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
SKÚLI BJÖRN GUNNARSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavik vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KRISTJÁN LOGASON
PRÖFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON
AUGLÝSINGASTJÓRI: FRlMANN FRlMANNSSON
DREIFINGARSTJÓRI:
INGVELDUR JÓNSDÓTTIR, HEIMASIMI 22791
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SIMFAX: 96-27639
Landsbyggð á
krossgötum
Allt bendir til að þróun þjóðfélagsmála á næstu
árum, og þeim tíma sem eftir lifir af 20. öldinni, muni
ráða úrslitum um framtíð byggðar utan suðvestur-
horns landsins. Menn hafa áhyggjur af stöðu hinna
dreifðari byggðarlaga, og ekki að ástæðulausu. Nú
finnst mörgum að komið sé að vendipunkti í byggða-
málum, þar sem miklu skipti að rétt sé á haldið.
Allar stéttir íslensks þjóðfélags hafa upplifað stór-
kostlegar umbyltingar frá lokum síðari heimsstyrj-
aldarinnar. í sjávarútvegi og landbúnaði hefur opin-
ber stefnumörkun sveiflast frá því að leggja áherslu
á því sem næst óhefta framleiðslu, til kvótans og tak-
markana sem einkennir þessar greinar svo mjög á
okkar tímum. Ytri aðstæður knúðu menn til að horf-
ast í augu við vandamál atvinnuveganna af raunsæi
og grípa til slíkra ráðstafana, hvort sem það líkaði
betur eða verr. Um leið og stjórnvöld urðu að skerast
í leikinn með þessum hætti var lögð á þau aukin
ábyrgð; að finna úrlausnir í atvinnumálum fyrir
byggðarlög landsins.
Meðal landsmanna eru skiptar skoðanir um
hversu langt skuli gengið í byggðamálum. Þau öfl
eru sterk sem telja það ekki hlutverk stjórnvalda að
styðja við byggð á þeim stöðum þar sem opinberra
aðgerða er greinilega þörf, eigi búseta ekki að leggj-
ast af. Víst er, að eigi opinberar aðgerðir að koma að
gagni, þegar til lengri tíma er litið, verður einnig að
vera vilji og framtak fyrir hendi hjá heimamönnum til
að skapa varanlegan búsetugrundvöll.
Tilfærsla fjármuna frá þéttbýli til dreifbýlis, í einu
eða öðru formi, er auðveldur skotspónn pólitískra
afla sem vilja slá sig til riddara á kostnað lands-
byggðarinnar. Þá helgar tilgangurinn því miður oft
meðalið.
íslenska þjóðin á rætur í atvinnuvegunum sem
hafa haldið lífi í henni gegnum aldirnar. Landbúnað-
urinn og sjávarútvegurinn eru máttarstólparnir sem
grundvalla lífsskilyrði hennar, ásamt þeim iðnaði og
þjónustu sem komið hefur jafnhliða hraðri tækniþró-
un. Menning og saga þjóðarinnar er órjúfanlega
tengd þeim atvinnuvegum sem hér hafa verið
stundaðir. Getum við hugsað okkur að skólabörn
læri um það eftir einhverja áratugi að á íslandi hafi
eitt sinn verið stundaður landbúnaður, og sjávarút-
vegsfyrirtækin hafi verið í eigu landsmanna sjálfra?
Sú umræða um byggðaþróun sem fram fer víða um
land er ekkert gamanmál. Hún er sprottin af skiln-
ingi fólksins á að raunverulegra aðgerða er þörf. í
ljósi sögunnar þarf oft ekki nema litla þúfu til að
velta þungu hlassi, landsbyggðinni í óhag. Rangri
byggðastefnu má líkja við sjúkdóm, sem ekki er
hægt að lækna eftir að ákveðnu stigi er náð. Aukist
fólksflótti af landsbyggðinni, þarf ekki að spyrja að
afleiðingunum. Þær munu verða skráðar af sögurit-
urum framtíðarinnar. EHB
Frá íslensku sjávar-
útvegssýningunni 1990
„Með mörg kauptilboð í vasanum“
- segir Eggert ísberg hjá Treflaplasti á Blönduósi
Trefjaplast hf. á Blönduósi
mætti á sjávarútvegssýninguna
meö fjórða trefjaplastbátinn
sem fyrirtækiö hefur smíðað
og vakti báturinn mikla athygli
forvitinna gesta, þar sem hann
stóð fyrir utan Laugardalshöll-
ina.
Eggert ísberg, framkvæmda-
stjóri Trefjaplasts, var að vonum
ánægður með sýninguna. Eggert
sagðist ekki hafa átt von á þeim
góðu viðbrögðum sem báturinn
fékk. „Ég er með nokkur kauptil-
boð í vasanum og það mun skýr-
ast síðar í þessari viku eða um
næstu helgi hver verður kaupandi
að bátnum,“ sagði Eggert.
Aðspurður um hvort eitthverti
eitt atriði varðandi bátinn hafi
vakið meiri athygli en annað,
sagði Eggert það hafa verið stærð
bátsins. „Báturinn er mjög rúm-
góður, jafnt í lest, lúkar, vélar-
rými og vistarverum," sagði
^ ^íi
f'jljf :
Eggert Isberg stendur við trefjaplastbátinn sem er til sýnis á Islensku sjávar-
útvegssýningunni.
Eggert.
Til að koma bátnum frá
Blönduósi til Reykjavíkur land-
leiðina þurfti Trefjaplast að
smíða sérstakan undirvagn.
Eggert sagði að sú ráðstöfun hafi
margborgað sig. „Við þurftum
ekki að láta hífa bátinn í sýning-
arbásinn og spöruðum því stórar
fjárhæðir. Við ókum bara beint í
básinn með bátinn. Það þurfti að
hífa bát hérna við hliðina á okkur
og það kostaði einar 80 þúsund
krónur,“ sagði Eggert. -bjb
Slippstöðin hf. á Akureyri var
að sjálfsögðu á íslensku sjávar-
útvegssýningunni að kynna
sína starfsemi og fyrir svörum í
þeim bás var Sigurður G.
Ringsted, forstjóri.
í sama bás var verið að kynna
nýja dótturfyrirtæki Slippstöðv-
arinnar, Gagnamiðiun hf., sem
sagt var frá í blaðinu sl. föstudag.
Sigurður sagði í samtali við Dag
að Gagnamiðlun og hugbúnaður-
inn Viðhaldsvaki hafi vakið
mikla athygli á sýningunni og
tími Slippstöðvarmanna að
mestu farið í að kynna nýja fyrir-
tækið.
Gunnar Arason, Sigurður G. Ringsted, Gunnar Skarphéðinsson, Eiríkur
Rósberg og Jón Sæmundsson.
Menn gáfu sér tíma og ræddu máJin
- Viðhaldsvakinn vakti mikla athygli
„Varðandi okkar hefðbundnu
kynningu hjá Slippstöðinni þá
hefur sýningin gengið vel. Við
höfum hitt marga fyrrverandi og
núverandi viðskiptavini, og þeir
stoppað lengi hjá okkur. Mér
finnst hafa verið meira um það en
á síðustu sýningum, menn hafa
gefið sér tíma og rætt málin,“
sagði Sigurður.
Eiríkur Rósberg, fram-
kvæmdastjóri Gagnamiðlunar,
var ánægður með viðbrögðin við
Viðhaldsvakanum þegar Dagur
hitti hann að máli í lok sýningar-
innar í Laugardalshöll. Eiríkur
sagði að hátt í 100 aðilar, jafnt
innlendir sem erlendir, hafi skrif-
að sig niður með hugsanleg kaup
í huga á Viðhaldsvakanum til
notkunar í sínum skipum. „Þetta
eru miklu betri viðbrögð en við
þorðum nokkurn tímann að
vona,“ sagði Eiríkur ennfremur.
Gagnamiðlun hf. mun ekki
eingöngu vera með Viðhaldsvaka
á sínum snærum. Má þar nefna í
viðbót „Bæjarvaka" og „Verk-
smiðjuvaka“ til nota fyrir bæjar-
félög og verksmiðjur, sem koma
að sama gagni og Viðhaldsvak-
inn, þ.e. stuðla að betra viðhaldi
og eftirliti. -bjb
Nýja færavinda DNG fékk góð viðbrögð
- milli 30 og 40 vindur seldar á sýningunni
„Sýningin fór rólega af stað en
síðustu daga hefur verið
stöðugur straumur til okkar.
Nýja tölvuvindan hefur vakið
athygli og sjómenn spenntir
fyrir henni.“ Svo mælti Kristján
Jóhannesson hjá DNG á
Akureyri en á sýningunni var
fyrirtækið með til sýnis nýja
tölvustýrða færavindu.
Fyrir þrem árum setti DNG á
markað tölvustýrða færavindu,
sem í dag hefur yfir 85% mark-
aðshlutdeild á innlendum mark-
aði. Nýja vindan er afrakstur
þróunarstarfs síðustu ára og hef-
ur hún fengið góð viðbrögð.
Kristján sagði að sýningin núna
væri ekki eins lífleg og árið ‘87,
en þrátt fyrir það hafi gengið vel
að selja vindurnar. Áður en síð-
asti sýningardagur rann upp var
DNG búið að selja yfir 30 færa-
vindur, jafnt af gömlu sem nýju
gerðinni.
„Síðan eru margir aðilar að spá
í spilin þannig að heildarútkom-
an á eftir að koma í Ijós eftir
þessa sýningu. Margir af okkar
innlendu viðskiptavinum, og
einnig erlendir, hafa komið við
hjá okkur og látið ánægju sína í
ljós,“ sagði Kristján að lokum.
-bjb
F.v. Nfls Gíslason, Ásgrímur Benjamínsson, Kristján Jóhannesson og Reyn-
ir Eiríksson.