Dagur - 25.09.1990, Blaðsíða 6

6 - DAGUR - Þriðjudagur 25. september 1990
Ferðamál sem atvinmigrem á Norðurlandi
Ein atvinnugrein sem á hvað
mesta möguleika til að vaxa á
Norðurlandi er ferðaþjónusta.
Norðurland hefur upp á allt að
bjóða gróðurfarslega og veður-
farslega jafnt á sumrum sem á
vetrum. Norðurland hefur orð á
sér fyrir veðursæld á sumrum og
síðan yfirleitt mikinn snjó á
vetrum. Þessa eiginleika eiga
Norðlendingar að nýta sér til að
byggja upp ferðaþjónustu yfir allt
árið.
Uppbyggingu ferðaþjónustu
þarf að skipuleggja langt fram í
tímann, þannig að allir þættir
ferðaþjónustu fari vel saman.
Byggja þarf upp ferðaþjónustu
sem framtíðaratvinnugrein og
nýta þá auðlind sem náttúra
landsins hefur upp á að bjóða, án
þess að eyðileggja viðkvæmustu
svæðin með of miklum átroðn-
ingi. Á viðkvæmustu svæðunum
þarf að gera fyrirbyggjandi ráð
stafanir.
Samgöngur fara batnandi a
landi, bundið slitlag á vegum
eykst stöðugt og þekur t.d. nær
alla leiðina frá Reykjavík til
Húsavíkur. Hálendisvegir koma
niður á fimm stöðum á Norður-
landi. Sjóleiðis eru samgöngur
góðar, hafnir á mörgum stöðum
sem geta þjónustað flest skemmti-
ferðaskip. Flugsamgöngur eru
góðar við flesta þéttbýliskjarna
norðanlands. Á Akureyri er flug-
völlur sem getur nú þegar tekið
við millilandaflugi, þar er þó
nauðsyn að bæta þjónustuna þeg-
ar umferð um flugvöllinn eykst.
Á Akureyri hefur gistiaðstaða
aukist og batnað síðustu árin.
Að þessu framansögðu tel ég
að Akureyri geti byggst upp sem
miðstöð ferðaiðnaðar á Norður-
landi og jafnvel fyrir landið allt.
Þangað komi ferðafólk fyrst með
flugi, skipum eða jafnvel land-
leiðina. Frá Akureyri dreifist
fólkið síðan til hinna ýmsu svæða
norðvestanlands og norðaustan-
lands o.s.frv.
Tekjur af ferðamönnum geta
verið verulegar. Skv. könnun
sem gerð var í júlí 1988 kom fram
að hver ferðamaður eyddi að
meðaltali 85.000 krónum hér á
landi. Meðaldvöl var 11 dagar.
Þegar þessar tölureru framreikn-
aðar til dagsins í dag eru þetta
u.þ.b. 116.000 kr. Ef hægt væri
að auka ferðamannastraum um 5
þúsund einstaklinga þýddi það
5.000x116.000 eða 580 milljónir
króna. Þá er ekki tekið tillit til
margfeldisáhrifa þjónustuþátta.
í markaðssetningu á ferða-
þjónustu er nauðsynlegt að
skilgreina hvað Norðurland hefur
upp á að bjóða og skipta ferða-
fólki niður eftir því í ákveðna
markhópa og skipuleggja ferða-
þjónustuna þannig að þörfum
þeirra sé fullnægt.
Notaðir lyftarar
Rafmagn - Diesil 0,6-3 tonn.
Ýmsar gerðir ★ Mikið úrval
Veltibúnaður og varahlutir.
HRINGIÐ EÐA LÍTIÐ INN!
STEINBOCKÞJÓNUSTAN
Kársnesbraut 102, 200 Kópavogur.
Sími 91-641600.
Vinningstölur laugardaginn
22. sept. ’90
VINNINGAR FJÖLDI | VINNINGSHAFA UPPHÆÐ Á HVERN VINNINGSHAFA
1. 5af 5 | 1 5.193.334.-
2.4 TÆ 2 272.349.-
3. 4af 5 128 7.340.-
4. 3af5 4.713 465.-
Heildarvinningsupphæð þessa viku:
8.869.097.-
UPPLÝSINGAR: SÍMSVARI 681511 - LUKKULÍNA 991002
Tryggvi Sveinbjörnssun.
a) Áhugafólk um ísl. hestinn.
- Islenski hesturinn fer sigurför
um heiminn í vinsældum, og hafa
íslendingar ekki nýtt þann mögu-
leika nægjanlega. Bæði er varðar
heildarstefnu um útflutning á ísl.
hestinum og markaðssetningu
hér heima. Melgerðismelar í
Eyjafirði og Vindheimamelar í
Skagafirði eru ákjósanlegustu
staðir landsins til að byggja upp
alhliða aðstöðu til iðkunar á þess-
ari íþrótt. Þar væri hægt að
byggja upp námskeiðshald fyrir
erlenda aðdáendur ísl. hestsins.
Fyrst í stað mætti nýta félags-
heimilin í sveitunum fyrir þann
hluta sem fer fram innan dyra.
Fara í lengri eða skemmri reið-
túra í íslensku umhverfi. Sam-
hliða þessari þjónustu er upplagt
að setja upp árlegt sölumót
(markað) þar sem íslenskir hesta-
eigendur sýndu erlendum og inn-
Iendum gestum gæðinga sína.
b) Fólk sem stundar vetrar-
íþróttir. - Vetraríþróttir eru
íþróttir sem fara ört vaxandi hjá
almenningi. Á Norðurlandi er
hægt að lengja tímann með upp-
byggingu skíðasvæða á fleiri
stöðum en nú er og jafnframt að
bæta þá aðstöðu sem þegar er
fyrir.
c) Áhugafólk um útiveru,
gönguferðir og ýmiss konar
náttúruskoðun. - Mengun er
alltaf að aukast, úti um allan
heim, þar af leiðir að fólk hefur
sótt í auknum mæli til þeirra
landa sem hafa óspillta náttúru
og hreint loft. Fólk úr stórborg-
um nýtur þess að komast í kyrrð
og vera úti í tæru lofti og fara í
stuttar gönguferðir, án tímasetn-
ingar og eftir nákvæmu skipulagi.
Það vill vera frjálst í ósnortinni
náttúru og skoða jarðfræðilegar
minjar eða dýralíf o.s.frv.
d) Fólk sem hefur áhuga fyrir
vetrarferðum um hálendið á
skíðum, vélsleðum, jeppum og
snjóbílum. - Vetrarferðir um
hálendi íslands verða sífellt vin-
sælli meðal íslendinga. Eflaust er
hægt að auka þennan fjölda með
skipulögðum ferðum undir leið-
sögn þrautþjálfaðra manna. Þess-
ar ferðir er hægt að markaðssetja
erlendis. Ekki þyrfti að hafa
áhyggjur af viðkvæmri náttúru
þegar snjór er yfir öllu. Þessar
ferðir er hægt að skipuleggja með
aðstoð björgunarsveita sem hafa
öll tæki til þess þ.e. snjóbíla, vél-
sleða og fl. Með þessu gæti skap-
ast fjáröflun fyrir björgunarsveit-
irnar í framtíðinni.
e) Hálendisferðir á sumrum
fara alltaf vaxandi jafnt hjá
íslendingum sem erlendum ferða-
mönnum. Þarna þarf að auka
skipulag til að átroðningur um
viðkvæma staði verði ekki of
mikill. Þetta verk er nauðsynlegt
svo við eyðileggjum ekki auðlind
okkar. ’ Nauðsynlegt er að
íslenskir fararstjórar verði með
öllum hópum sem ferðast um há-
lendið.
Svona mætti halda lengi áfram
með upptalningu á möguleikum
t.d. veiðiáhugafólk, listunnend-
ur, fólk í sumarleyfi á ferð um
landið, og fundir og ráðstefnur.
Nauðsynlegt er að velja rétta
hópa sem skilja mest eftir sig er
varðar þjónustu og tekjur.
Núna þegar allt bendir til að
álver verði staðsett á Keilisnesi,
þurfa Norðlendingar að vinna
markvisst að skipulagningu svona
uppbyggingar og fara fram á við
ríkisvaldið að auka framlög til
uppbyggingar samgangna bæði í
lofti og landi, einnig að taka virk-
an þátt í markaðssetningu
erlendis. í lofti þarf að koma
áreglubundnu beinu flugi frá
Skandinavíu og Mið-Evrópu til
Akureyrar. Einnig frá Banda-
ríkjunum til Akureyrar eða
a.m.k. að tengja flug beint frá
Keflavík til Akureyrar við flug
frá Bandaríkjunum. Slík þjón-
usta ggeti einnig auðveldað allan
fraktflutning til og frá Norður-
landi. Á landi er nauðsynlegt að
ljúka sem fyrst við uppbyggingu
hringvegarins með bundnu slit-
lagi. Einnig væri nauðsynlegt að
byggja upp eina leið yfir hálendið
t.d. Sprengisandsleið. Með því
styttist leiðin milli áhugaverðra
staða á Norður- og Suðurlandi.
Þá þarf verulegt fjármagn að
koma frá sveitar- og bæjarfélög-
um jafnframt því að vera í for-
svari fyrir slíkri uppbyggingu.
Gera þarf markaðsáætlun til
næstu 10-15 ára, þar kæmi fram
staða þessara mála í dag, hverjir
eru möguleikarnir er varðar
fjármagn, uppbyggingu sam-
gangna, gistiaðstöðu, nýjar auð-
lindir og fl. Þar á eftir kæmi fram-
kvæmdaáætlun með ábyrgðar-
svið, tímalengd og kostnaður við
slíka uppbyggingu.
Ef svona uppbygging á að
verða að veruleika, þurfa allir að
vera með jákvæðan hugsunarhátt
og hrinda frá sér öllu svartsýnis-
tali.
Samkeppni milli einstakra
landshluta má ekki eiga sér stað,
samstillt átak verður að vera fyrir
hendi.
Tryggvi Sveinbjörnsson.
Iitilræði vegna
tónlistarveislu
Ég get ekki neitað því, að ég rak
upp nokkuð stór augu, þegar ég
sá í Degi í morgun stórletraða
fyrirsögn:
„Tónlistarveisla framundan".
Og forvitni mín var hreint ekki
svo lítil, að vita hvað undir þess-
ari fyrirsögn leyndist. Og viti
menn: Jú, þar var komin kynning
á fyrirætlun Passíukórsins á
Akureyri á komandi vetri.
Og þar sem ég hef svo margs
góðs notið frá þessum kór, lifnaði
forvitnin um allan helming. Og
ekki reyndust fyrirheitin lítil.
Hefja átti „veisluna" á frumflutn-
ingi áttraddaðrar messu, eftir
Carpentier. Þótt ég hafi alloft
heyrt þetta nafn þá skal ég viður-
kenna vanþekkingu mína á afrek-
um þessa höfundar en dálítið
kom það mér undarlega fyrir
sjónir, ef hér væri um að ræða
tónverk sem aldrei hefði komið
fyrir eyru áheyrenda fyrr (en svo
skil ég orðið frumflutningur),
þótt höfundurinn hafi nú legið í
gröf sinni frá því herrans ári
1951, að því er The Oxford Com-
panion to Music, frá 1970 hermir.
:(Þetta ágæta rit hefir svo mikið
við hann, að birta af honum
mynd, auk lofsamlegra ummæla
um verk hans).
Næst á svo að koma annar
frumflutningur. Sem sé, á verki
Finnans Hekki Sarmanto: New
Hope Jazz Mass, og komi þar til
liðs við kórinn „nokkrir færustu
djassarar landsins" auk söngkon-
unnar Diddú. Er þá komið að
þriðja atriðinu, sem raunar er
höfuðástæðan fyrir að ég sting
hér niður penna, þ.e. Strengleik-
um Björgvins Guðmundssonar,
sem mér skilst að flutt sé í tilefni
100 ára afmælis höfundarins.
Vissulega er ég því samþykkur að
fyrir því sé full ástæða að þessa
afmælis sé minnst á sem vegleg-
astan hátt en kannski hefði frekar
átt að velja eitthvert annarra
verka hans sem minna væri þekkt
og ef til vill sýndi enn betur þann
mikla „anda“, sem að baki þeirra
stendur. Um það má deila.
En hvernig skilja ber að hér sé
um „alheimsfrumflutning“ að
ræða, er ekki á mínu færi. Ég er
þess fullviss að engu okkar sem
þátt tókum í flutningi þessa verks
undir stjórn Björgvins á þjóð-
hátíðardegi okkar í Stokkhólmi
árið 1951 er úr minni liðin sú
stemmning, sem þá ríkti í Kon-
serthuset. Og hvernig skilja á þar
sem segir „Roar Kvam, stjórn-
andi kórsins, hefur útsett verkið
fyrir kór og hljómsveit," veit ég
ekki. Af því að allir sem verkið
þekkja vita að það er, af höfundi,
útsett fyrir kór með einsöngs- og
tvísöngsinnskotum. Er hann
kannski að leika sama leikinn og
Páll P. Pálsson þegar hann lim-
lesti mörg vel gerð lög sem
höfundar þeirra höfðu búið til
flutnings einsöngvara, með því
að færa þau í kórbúning, samber
„Sólsetursljóð" Bjarna Þorsteins-
sonar og ýmis fleiri. Um undir-
leikinn gegnir öðru máli. Hann
gerði höfundurinn aðeins fyrir
píanó og er auðvitað fengur í að
fá hann í hljómsveitarbúningi og
flutningi og hefir Roar Kvam
áður sýnt það ljóslega, að fyrir
því er honum trúandi.
Passíukórinn á Akureyri. Mín-
ar bestu óskir um gott gengi um
langa framtíð.
Akureyri 18. sept. 1990
Páll Helgason.