Þjóðviljinn - 27.08.1974, Blaðsíða 2

2 SÍÐA — ÞJÓÐVILJINN Þriðjudagur 27. ágúst 1974.
Ráðstefna um
rannsóknir
eyðibýla
i dag, þriöjudag, hefst á Húsa-
vík norræn ráöstefna um rann-
sóknir á eyöibýlum. Dr. Björn
Þorsteinsson, sagnfræðingur,
setur ráöstefnuna.
Erlendu þátttakendurnir komu
hingað til landsins i gærkvöld, en
halda árla morguns i dag til
Húsavikur, þar sem ráöstefnan
hefst um hádegisbiiiö. Þetta er i
fyrsta sinn sem ráösetna af þessu
tagi er haldin hérlendis.
I dag flytur Sigurður Þórarins-
son erindi á ráðstefnunni, sem
hann nefnir öskulög og elsta
byggð á íslandi. Siðdegis flytur
Páll Bergþórsson erindi um
veðurfar á Islandi á fyrri öldum.
A morgun flytur Björn Teits-
son, mag. art. erindi, og siðasta
ráðstefnudaginn flytja útlend-
ingarnir erindi: Um rannsóknir i
Stjördalen, finnskar rannsóknir,
byggðavandamál I Norbotten,
niöurstöður rannsókna i Smá-
löndum, byggðamál i Falster, og
um byggð i Friðriksborgaramti
fyrir 1688.
Þátttakendur eru frá öllum
Norðurlöndunum, nema Fær-
eyjum. Frá Danmörku eru sex
þátttakendur, frá Finnlandi 7,
Sviþjóð 12 og tslandi 7.
Björn Teitsson, mag. art. hefur
haft undirbúning ráðstefnunnar
með höndum, en hann á sæti i
undirbúningsnefnd ásamt Birni
Þorsteinssyni og Þorleifi
Einarssyni.
Orðsending til Austfirðinga:
frá þjóðhátíðar-
nefnd Múlaþings
Þjóðhátiðarárið liður. Hátiðar-
höldum er lokið.
Eiðahátið fyrir Múlaþing er að
sveipast minningamóðu. Þjóð-
hátiðarnefnd er þó enn að störf-
um, og þeim er hvergi nærri
lokið. Hátiðin hafði kostnað i för
með sér, sem merki og minja-
gripir, sem til sölu hafa verið og
eru enn, skyldu standa að veru-
legu leyti undir. Traustið var
fyrst og fremst sett á Aust-
firðinga um kaup á þessum grip-
um. Mikið hefur selst af þeim til
þessa, en þó er enn talsvert óselt.
En markmiðið er að selja öll
merkin og skildina. Sameinumst
nú um það, Austfirðingar, að
koma i verð þessum gripum.
Allir bilar i Múlaþingi eiga aö
vera merktir með drekanum, bil-
merkinu snyrtilega. Það kostar
200 krónur. Landvættinum fylgir
heill.
Athugiðum kunningja ykkar og
vini úr öðrum landsfjórðungum,
bflamerkið er fallegt. Utanálimd
merki i sama formi og bílamerkin
eru einnig til, látum þau lika
fljúga út. Litla, snyrtilega merkið
I barminn kostar 250 krónur. Það
eiga sem flestir Austfirðingar að
bera. Framleidd voru 7 þúsund
merki. Ef annar hver ibúi Múla-
þings kaupir það, sem er vægil.
áætlað, eru það 5 þúsund. Tvö
þúsund eru þá til áhugamanna og
velunnara um allt land, — já, og
þeirra sem vilja eiga fleiri en eitt,
til þess að vera ekki sifellt aö færa
þau til,þótt skipt sé um föt. Þjóð-
hátlðarárið eiga menn sem oftast
að bera merkið, jafnt i starfi og
leik.
Fánar og oddveifur voru einnig
til sölu. Fánarnir seldust allir á
Eiðahátið, en oddveifur eru enn-
þá til. Fána er hægt að útvega,
eins og þá sem til sölu voru á Eið-
um, ef eftirspurn er.
Veggskildirnir með Dyrfjöllin
og drekann seljast jafnt og þétt,
en enn er talsvert eftir. Margir
lýsa óánægju með þá og þvi mið-
ur, þeir eru nokkuð misjafnir. En
upplagið er ekki það mikið að óð-
um gengur á þá, og siðari timar
munu breyta matinu á þeim, og
þá verða þeir eftirsóttir.
Þessar eru tekjulindirnar, sem
hátlðarhaldið nýtur. Þær munu
ekki hrökkva til að greiða allan
kostnað, en vist er að það er
metnaðarmál Austfirðinga að
a.m.k. þessar tekjur skili sér til
fulls. Ein ákveðin lota i sölu nú á
næstunni i öllum byggðarlögum i
Múlaþingi undir forustu sveitar-
stjórna og þjóðhátiðarnefndar-
manna^ætti að nægja til að ná þvi
marki.
Þjóðhátiðarnefndin hefir öll
starfað kauplaust. Hún hefir lagt
á sig mikið starf, og þess vegna
telur hún sig hafa lög að mæla,
óskráð drengskapar- og siðalög,
Framhald á 11. siðu.
Beðiö eftir gengisskráningu. Myndin af lokunarskiitinu hjá Völundi
V ölundur lokaði
Selur helst ekki timbur fyrr en ihaldsstjórnin er
mynduð og gengið fellt
Timburverslunin Völundur
lokaði á fimmtudaginn var og
selur ekki timbur á næstunni.
Skýringin á lokuninni er sú, að
fyrirtækið skuidar lager sinn
að mestu og vill helst ekki
selja , fyrr en yfirvofandi
gengisfelling verður komin til
framkvæmda og íhaldsstjórn-
in mynduð.
„Það má segja að það sé al-
gjörlega lokað hjá okkur”,
sagði Jón Hafliðason, fulltrúi
hjá Völundi, ,,en þó fá ein-
stöku aðilar timbur hjá okkur.
Þeir eru þá gamlir viðskipta-
menn sem kaupa hér timbur i
stórum stil og gera upp við
okkur siðar. Það er tveggja
mánaða greiðslufrestur á
timbrinu frá Rússum og Pól-
verjum, og þvi getum við lán-
að stórum viðskiptaaðilum.
Við reynum lika að hjálpa
mönnum sem komnir eru utan
af landi. Það er svo afskap-
lega litið efni að hafa úti á
landi, og við verðum að selja
þeim timbur ef þeir eru komn-
ir um langan veg”.
— Fá sveitamennirnir timb-
ur þá á „gamla verðinu”?
„Já — ef eitthvað sérstakt
er, þá fá þeir hér efni”.
Jón Hafliðason sagði, að
timburverslunin gæti ekki
annað en beðið með að selja
þar til gengið verður fastá-
kveðið, þvi að „álagning á
timbur er svo lág. Yfirleitt er
álagningin ekki nema 13% —
örlitið hærri á einstöku teg-
undir, plötur og annað”.
Völundur lokaði á fimmtu-
daginn var, og er ætlunin að
hafa lokað eitthvað fram eftir
vikunni.
„Við opnum um leið og
rikisstjórnin”.
— En ef stjórnarmyndun og
gengisfelling dregst enn?
„Þá opnum við samt. Það er
ekki hægt að hafa lokað
lengi”.
Eins og Þjóðviljinn sagði frá
fyrir helgi, þá lagði Timbur-
verslun Árna Jónssonar 20%
gjald ofan á núverandi útsölu-
verð á timbri vegna yfirvof-
andi gengisfellingar.
Þau 20% fá menn greidd til
baka, ef gengið fellur ekki, en
ella falla þau inn i nýtt
timburverð.
—GG
Sumir yerða reiðir
þegar farið er fram á að oliustyrkurinn sé tekinn upp
í vangoldið útsvar
„Það er ógurlegt að fá þennan
oliustyrk á sig”, sagði bæjar-
gjaldkerinn i Hafnarfirði, þegar
Þjóðviljinn hafði af honum tal.
„Hann tefur svo fyrir annarri af-
greiðslu.”
— Hefur bærinn heimild til að
taka oliustyrkinn upp i vangoldin
útsvör?
„Við tökum styrkinn ekki nema
að fengnu samþykki viðkomandi
skuldara. Sumir verða reiðir,
þegar við stingum upp á þessu, en
þá má benda á, að lögtaksheimild
er fyrir vangoldnu útsvari. Ef
menn láta olíustyrkinn ganga upp
i vangoldin gjöld, þá grynnkar
það óneitanlega á. Margir taka
þessu vel.”
Oliustyrk fær hver fram-
teljandi, þ.e. allir sem orðnir eru
Framhald á 11. siðu.
UMBOÐSMENN ÓSKAST
Vestmanneyjar
Umboðsmaður óskasttil að annast dreifingu og inn-
heimtu fyrir Þjóðviljann í Vestmannaeyjum, nú
þegar eða frá næstu mánaðarmótum.
Upplýsingar hjá framkvæmdastjóra blaðsins í
Reykjavík, sími 17500.
Akureyri
Umboðsmaður óskasttil aðannast dreifingu og inn-
heimtu fyrir Þjóðviljann á Akureyri, nú þegar eða
frá næstu mánaðarmótum. Til greina kemur að 2
umboðsmenn skipti með sér bænum eða sjái um
hann í félagi.
Upplýsingar hjá framkvæmdastjóra blaðsins í
Reykjavík, sími 17500.
ÞJÓÐVILJINN Sími: 17500
Isafjörður
Umboðsmaður óskast til
að annast dreifingu og
útburð blaðsinsá (safirði,
nú þegar eða frá næstu
mánaðarmótum.
Upplýsingar hjá fram-
kvæmdastjóra blaðsins í
Reykjavík, sími 17500
Þjóðviljinn
Ráðinn forstjóri
tæknideildar
Á fundi húsnæðismálastjórnar
hinn 14. maí sl. var Haraldur V.
Haraldsson, arkitekt, ráðinn for-
stöðumaður tæknideildar Hús-
næöismálastofnunar rikisins.
Tekur hann við starfi sinu um
þessar mundir.
Haraldur er fæddur i Reykjavlk
hinn 3. ágúst 1932, sonur hjónanna
Haraldar V. Ólafssonar forstjóra
og Valgerðar Gísladóttur. Að
loknu stúdentsprófi við Mennta-
skólann i Reykjavlk nam hann
húsagerðarlist viö Tækniháskól-
ann i Stuttgart i V-Þýskalandi
árin 1951-1962 og stundaði siðan
sérnám þar I skipulagsfræðum
(verslunar- og ibúðahverfa) 1962
— 1963. Lokaprófi (Dipl. Ing.)
lauk hann frá Tækniháskólanum
j i Stuttgart vorið 1963. Hann
| starfaði við aðalskipulag Reykja-
vikur 1963 — 1964 og rak eigin
teiknistofu i borginni 1964 — 1967.
Haraldur réðst til Alusuisse og Is-
lenska Álfélagsins hf. árið 1967 og
hafði siðan umsjón með ýmsum
þáttum i byggingarframkvæmd-
um þessara aðila i Straumsvik
árin 1967 — 1972. Hann réðst til
starfa hjá arkitektafirmanu Prof.
E. Heinle, R. Wischer und
Partner i Stuttgart á miðju ári
1972, en það mun vera eitt hiö
stærsta sinnar tegundar i V-
Þýskalandi. Haraldur er nú
fluttur með fjölskyldu sinni til Is-
lands, eiginkona hans er Elsa
Hermannsdóttir. Tekur hann við
starfi slnu um þessar mundir,
eins og áður segir, sem forstöðu-
maður hinnnar nýstofnuöu tækni-
deildar Húsnæðismálastofnunar
rikisins.