Þjóðviljinn - 19.03.1985, Blaðsíða 2

FREITIR
Útvarpslögin
Atkvæðagreiðslu frestað
Útvarpið
Fréttir
á Rás 2
Fréttamenn á Skúlagötu
matreiða og lesa
fréttirnar
J
Fyrsta apríl n.k. hefjast frétt-
aútsendingar á Rás 2 og munu
fréttamenn Rásar 1 við Skúla-
götuna annast bæði fréttaöflun-
ina og fréttalesturinn.
Markús Örn Antonsson út-
varpsstjóri sagði í samtali við
Þjóðviljann í gær að fréttatími
Rásar 2 yrði 3 mínútur í senn, kl.
11, 15, 16 og 17. í fréttatímanum
kl. 16 verður fyrstu þremur mín-
útunum útvarpað á báðurrl rásun-
um en að þeim loknum heldur
fréttalestur áfram á Rás 1.
Fréttamenn munu sjálfir ann-
ast lestur fréttanna og er fyrir-
hugað að bæta við einum starfs-
manni á fréttastofu útvarps af
þessu tilefni.
-Áí.
Dilkakjötið
1800 tonn
fárin út
500 eftir
Nú í marslok verður væntan-
lega búið að flytja út 1800 tonn af
dilkakjöti frá sl. hausti. Áætlað
var að flytja alls út 2300 tonn.
Eftir eru þannig 500 tonn af á-
formuðum útflutningi og er þá
miðað við að innalandsneyslan
minnki ekki. Á því munu þó
nokkrar horfur vegna aukins
framboðs á öðrum kjöttegund-
um, en þó væntanlega ekki í mikl-
um mæli.
Horfur með útflutninginn nú
eru mun betri en á sl. ári. í mars-
lok í fyrra var búið að flytja út
1400 tonn en eftir stóðu þá af út-
flutningsþörfinni 2300 tonn.
Það kjöt, sem út hefur verið
flutt nú, hefur farið til Færeyja,
Svíþjóðar, Danmerkur, Noregs,
V-Þýskalands og Japan.
-mhg.
Útvarpið vill halda í afnotagjöldin.
Útvarpið hafnar nefskattinum
Ingvar Gíslason, forseti neðri
deildar alþingis frestaði í gær
afgreiðslu útvarpslagafrum-
varpsins, en til stóð að þá yrðu
greidd atkvæði um framkomnar
breytingatillögur og málinu vísað
til þriðju og síðustu umræðu í
deildinni.
Ástæða frestunarinnar mun
vera ágreiningur um afgreiðslu-
máta, þ.e. í hvaða röð breytinga-
tillögur verða bornar upp og tók
forseti sér frest fram á miðviku-
dag til að kanna þann ágreining
nánar. Fyrir helgi ákvað Friðrik
Sófusson að láta tillögu sína um
auglýsingaútvarp ekki koma til
atkvæðagreiðslu fyrir en við
þriðju umræðu, en sem kunnugt
er, eru stjórnarflokkarnir á önd-
verðum meiði í því máli.
Ríkisútvarpið hefur nú sent
menntamálanefnd neðri deildar
greinargerð vegna hugmynda um
að taka upp nefskatt í stað af-
notagjalda. Leggst útvarpið ein-
dregið gegn þeim hugmyndum og
vill halda í afnotagjöldin a.m.k. í
þau þrjú ár sem nýjum útvarps-
lögum er ætlað að gilda. Brögð
hafa verið að því að tæki, sem
skráð eru á sama eiganda hafi
verið á fleiri heimilum en hans
eigin, og leggur útvarpið til að
sett verði skýrari ákvæði í reglu-
gerð um heimild til að hafa fleiri
en eitt tæki á sama nafni. Nefndin
mun taka afstöðu til þessa fyrir 3.
umræðu, en miðað við 105 þús-
und útvarpsnotendur á landinu
yrði nefskatturinn um 3.200
krónur á mann ef innheimtuhlut-
fall hans yrði 85%.
-ÁI
„Ég er ekkert að hita ykkur upp með ræðu. Skjótið þið bara". Andrei Tarkofskí á málþingi ásamt Árna Bergmann túlki,
Andrei Tarkofskí á íslandi:
Þeir vilja að sem
fæstir viti af mér
Sovésk yfirvöld hafa til
þessa engu svarað tilmælum
okkar hjóna um að fá son okk-
ar og ömmu hans til okkar. Þau
hafa komið í veg fyrir að ég
gæti starfað að kvikmynda-
gerð og ýtt mér með því úr
landi og nú vilja þau að sem
fæstir viti af mér, verkum mín-
um og baráttu minni fyrir því
að sameina fjölskylduna.
Á þessa leið fórust rússneska
kvikmyndastjóranum Andrei
Tarkofskí orð á málþingi í Há-
skólanum á laugardag og blaða-
mannafundi.
Hann taldi, að andmæli so-
véska viðskiptafulltrúans í
Reykjavík gegn kvikmyndavik-
unni sem áhugamenn um list hans
og stuðningsmenn hans í ofan-
greindu mannréttindamáli efndu
til, væru ekki komin til af við-
skiptahagsmunum. Hann kvaðst
telja að hverju landi væri heimilt
að nota myndir sínar til að efna til
yfirlitssýninga, þar væri ekki um
sölu til venjulegrar dreifingar að
ræða.
Mikið fjölmenni var á málþing-
inu í Háskólanum og var spurt af
kappi. Tarkofskí taldi líf lista-
mannsins erfitt hvar sem væri,
þótt erfiðleikarnir væru aðrir í
heimalandi hans en hér vestra.
Hann kvaðst sjá mjög eftir sínum
sovésku áhorfendum sem skildu
sigöðrum betur. fslenskum kvik-
myndamönnum ráðlagði hann á
blaðamannafundi að leggja sig
ekki eftir ódýrum skemmtimynd-
um - það væri vonlaus vegur
hvort eð væri og heimurinn troð-
fullur af slíkum varningi. Nær
væri að vinna af alvöru og alúð að
myndum, sem ættu sér þjóðlegar
rætur og um leið ættu von í áhuga
þeirra sem um víðan heim létu sig
velferð kvikmyndalistar varða.
Tarkofskí kom hér á föstudag
og hélt ávarp áður en síðasta
mynd hans, Nostalghia, var sýnd
í Háskólabíói. Á sunnudag fór
hann með konu sinni og Tarkof-
skíhópnum austur fyrir fjall,
ræddi við Halldór Laxness, þáði
boð Vigdísar Finnbogadóttur
forseta og kvöldverðarboð borg-
arstjóransí Reykjavík. Hann hélt
til Parísar í gærmorgun. _ÁB
T0RGIÐ
10 manns týndust fyrir austan
Heklu. Var það nokkuð ríkis-
stjórnin?
Vatnsmýrin
Framkvæmdir
verði stöðvaðar
Umhverfismálaráð Reykjavík-
ur samþykkti á miðvikudag að
óska eftir því að flugmálastjóri
stöðvaði framkvaemdir í Vatns-
mýri innan flugvallargirðingar
meðan gerð verður úttekt á
vatnsbúskap Tjarnarinnar í sam-
vinnu við Háskóla íslands.
í greinargerð með samþykkt-
inni er bent á að fyrir nokkrum
árum var ferskvatnsstreymi til
Tjarnarinnar minnkað með bygg-
ingu nýs ræsis sem flytur það í
Skerjafjörð. Ekki sé vitað hvaða
áhrif frekari framkvæmdir á
þessu svæði kunni að hafa, hvorki
þær sem nú eru í gangi innan flug-
vallargirðingar né fyrirhuguð
vegarlagning hringinn í kringum
öskjuhlíð.
Þá ákvað umhverfismálaráð að
flýta friðlýsingu Vatnsmýrarinn-
ar norðan Norræna hússins en
það mál hefur verið á döfinni
árum saman. -ÖS.
Kennaradeilan
400 manns í
Sjallanum
Frá Helga Guðmundssyni,
blaðamanni Þjóðviljans á Akur-
eyri:
f gærkvöldi efndu kennarar,
nemendur og fulltrúar foreldra til
fundar í Sjallanum til að ræða
kennaradeiluna og voru um 400
manns á fundinum og ríkti mikil
stemmning fyrir málstað kenn-
ara. Töluðu fulltrúar allra ofan-
greindra hópa og auk þess
Heimir Pálsson fv. menntaskóla-
kennari. Kom það m.a. fram að
þeir nemendur Menntaskólans,
sem enn stunda sjálfsnám, munu
ekki mæta í skólann á morgun til
þess að leggja áherslu á samstöðu
með kennurum og fulltrúar ann-
arra skóla svo sem Verkmennta-
skólans munu einnig efna til
stuðningsaðgerða.
1 15 80
Allir með Steindóri!
ALLAR STÆRÐIR SENDIBÍLA
Riðuveikin
Víðtækarí aðgerðir en áður
ífyrsta sinn tekið fyrir samfellt svæði
Fjárskipti vegna riðuveiki hóf-
ust haustið 1978 austur á
Jökuldal. Síðan hefur fé verið
fargað á þeim bæjum þar sem
riðan hefur komið upp svo scm í
Skagafirði, Árnessýslu og víðar.
í haust gerðist það hins vegar
að tekið var fyrir samfellt svæði
burtséð frá því hvort riðu hafði
orðið þar vart á öllum bæjum eða
ekki. Á þessu svæði eru Barða-
strandarhreppur, Patrekshrepp-
ur og tveir bæir í Auðkúluhreppi.
Munu þær aðgerðir hugsaðar sem
fyrsti áfangi í fjárskiptum á svæð-
inu sunnan Mjólkár í Arnarfirði.
Að því er best er vitað mun innan
skamms tekin ákvörðun um
framhaldið en málið er við-
kvæmt. Talið er að enn séu eftir
tvær kindur í Tálknanum og verð-
ur reynt að ná þeim með ein-
hverjum hætti.
Þar til í haust hafa afurðatjóns-
bætur verið miðaðar við skattmat
ær og þá að hluta greiddar í des.
sama ár og fénu er fargað en að
fullu í febrúar árið eftir. Nú geta
menn hinsvegar valið um þennan
kost eða að fá greidd næsta haust
65% af frálagsverði 15 kg dilks
miðað við verðlagsgrundvallar-
verð.
Ekki munu mikil brögð að því
að bændur hafi hætt búskap
vegna fjárskiptanna sérstaklega.
Sumir hafa sinnt annarri vinnu á
meðan þeir voru fjárlausir, 2-3
ár, og nokkrir hafa horfið að öðr-
um búgreinum.
-mhg.