Dagblaðið Vísir - DV - 07.03.2001, Blaðsíða 9

MIÐVIKUDAGUR 7. MARS 2001
9
Fréttir
Vinstri grænir neita að hafa rætt við R-lista um samstarf:
Völd og skipting
sæta við
kjötkatlana
- sett ofar málefnum, segir formaður Reykjavíkurfélags VG
„Mér sýnist helst að fólk vilji
meira ræða völd og skiptingu sæta
við kjötkatlana heldur en að ræða
hvaða málefni eigi að setja á odd-
inn, í hvemig borg við viljum búa
og hvernig hagsmunum borgaranna
verði best komið,“ sagði Sigríður
Stefánsdóttir, formaður stjómar
Reykjavikurfélags vinstri grænna
við DV, i kjölfar nýafstaðins fundar
stjórnarinnar. Þar var gerð sam-
þykkt þar sem bornar voru til baka
þær fréttir fjölmiðla að vinstri
grænir hefðu átt viðræður við full-
trúa R-lista vegna hugsanlegs borg-
arsamstarfs. Sigríður sagði þessar
fregnir algjörlega úr lausu lofti
gripnar. Hvorki hefðu farið fram
formlegar viðræður né málaumleit-
anir af neinu tagi.
Samkvæmt heimildum DV er
mikil andstaöa í röðum vinstri.
grænna við sameiginlegt prófkjör
umræddra flokka.
Þar á bæ hyllast
menn fremur að
því að skipað yrði
á lista, eftir að
hver flokkur hafi
valið sína fulltrúa
með sínum hætti.
Sigríður benti á
að R-listinn væri
ekki til sem slíkur
nema út kjörtímabilið. Að því loknu
stæðu eftir Samfylkingin og Fram-
sóknarflokkurinn. Hvort vinstri
grænir færu í samstarf fyrir eða eft-
ir kosningar myndi byggjast alfarið
á því hvernig þær áherslur sem VG
vildu leggja fram í borgarmálum
yrðu best tryggðar.
„Við erum mjög fylgjandi því að
félagshyggjuöfl standi saman,“
sagði Sigríður. „Ég geri ekki ráð
fyrir að neitt okkar langi til að sjá
borgina í höndum sjálfstæðismanna
á nýjan leik. Vinstri grænir eru
með mjög mikið fylgi samkvæmt
skoðanakönnunum. Þá er sú spurn-
ing ef til vill tímabær hvort kjósend-
ur þurfi ekki í nafni lýðræðisins að
fá að segja hvort þeir vilji leggja
áherslurnar lengra til vinstri, þar
sem við erum, heldur en t.d. Sam-
fylkingin."
Aðspurð um afstöðu vinstri
grænna til prófkjörs fyrir borgar-
stjórnarkosningar sagði Sigríður
mjög mismunandi hvemig prófkjör
leggðist í fólk. „Almennt séð er mín
persónulega skoðun sú að það sé
skelfilegt að sjá flokksfélaga eyða fé
og kröftum í að berjast hver við
annan um sæti á lista og fara síðan
að safna saman brotunum af þess-
um félagsmönnum og segja þeim að
fara að vinna saman." -JSS
Sigríður
Stefánsdóttir.
DV-MYND HARl
Vjollca Krasniqi, bókmennta- og félagsfræðingur
Hún talaði ásamt fleirum á ráöstefnunni Konur og Balkanstríðin sem haldin
var í hátíðarsal Háskólans.
Konur og stríð
Ráðstefna var haldin á fóstudag-
inn í Háskólanum undir heitinu
Konur og Balkanstríðin og voru
gestir þrjár konur frá
Balkanskaga, þær Zarana Papic,
aðstoðarprófessor í mannfræði við
háskólann i Belgrad, Vesna Kesic,
félags- og sálfræðingur frá Króatíu
og Vjollca Krasniqi, bókmennta-
og félagsfræðingur frá Kosovo.
Konurnar þrjár eru allar þekktar
á alþjóðavettvangi og fjölluðu á
ráðstefnunni um pólitískt ástand á
Balkanskaga með sérstakri
áherslu á reynslu kvenna.
Einnig voru gestir á ráðstefn-
unni kvikmyndagerðarkonurnar
Gréta Ólafsdóttir og Susan Muska
sem nú eru að vinna heimilda-
mynd um konur í stríðinu á
Balkanskaga.
Ráðstefnan var vel sótt og gerð-
ur góður rómur að málflutningi
gestanna sem og þeirra heima-
manna sem tóku til máls.
-þhs
Fyrirhuguð ræktun 750 ferkílómetra af barrskógi hér á landi:
50-60.000
rjúpuungar tap-
ast í hámarksári
- segir Ólafur K. Nielsen líffræðingur
Ólafur K. Nielsen, líffræðingur
hjá Náttúrufræðistofnun, segir að
fórnarkostnaður við fyrirhugaða
ræktun barrnytjaskóga hér á landi
sé mikill á kostnað rjúpnastofnsins.
Sé miðað við 750 ferkílómetra rækt-
un barrskóga og 10 rjúpnapör á fer-
kílómetra, sem sé algengur þéttleiki
viða i íslenskum móum, megi gera
ráð fyrir að 50-60.000 rjúpuungar
tapist úr hauststofninum í hámarks-
ári.
Talsverð umræða hefur spunnist
um þau ummæli Sivjar Friðleifs-
dóttur umhverflsráðherra á Alþingi
að framtíð mikilvægustu uppeldis-
svæða rjúpunnar verði ekki
eyðilögð t.d. með skógrækt. Þeirri
staðhæfingu að skógrækt eyði rjúpu
hafa skógræktarmenn mótmælt.
Ólafur veitti ráðherra þær upplýs-
ingar sem ummælin byggðust á.
„Það eru uppi áætlanir fjármagn-
aðar af hinu opinbera um að rækta
nytjaskóga til timburframleiðslu,"
segir Ólafur. „Skógræktarmenn
segja mér að þetta eigi að vera einir
750-800 ferkílómetrar af grónu landi
sem fara undir þessa skóga. Ég geri
ráð fyrir að megnið af því sé mó-
lendi. Þær trjá-
tegundir sem not-
aðar eru til viðar-
framleiðslu eru
fyrst og fremst
vissar barr-
tegundir, en
einnig Alaskaösp
og birki. Þegar
þessir skógar
vaxa upp, sem
gerist á löngum
tíma, verður alger umbylting á öllu
gróðurfari og dýralífi. Rjúpan er
ekki skógarfugl. Varplönd hennar
eru fyrst og fremst opin svæði, s.s.
móar af ýmsum gerðum. Hún sækir
jafnframt inn i birkiskóga enda étur
hún birkið. Þetta karp snýst um
þessi stóru áform, það er barrskóg-
ana. Rjúpan getur ekki étið barrtré,
þannig að slikt skóglendi verður
henni dautt land.“
Ólafur segir að alltaf þegar nefnt
sé að rjúpan þríflst ekki í barrskóg-
um bregðist skógræktarmenn reiðir
við. En það sé ekki rétt að barrskóg-
inum fylgi aukin gróska, fleiri teg-
undir plantna og fugla. Hvað rjúp-
una áhræri sé það kolrangt. -JSS
Ólafur K.
Nielsen
S j ómannasamningarnir:
Lokalotan að hefjast
Tiðindalaust hefur verið frá við-
ræðum forsvarsmanna sjómanna og
útgerðarinnar undanfarna daga
þrátt fyrir nokkrar fundarsetur í
síðustu viku.
Samningafundi sem boðað hafði
verið til á mánudag var frestað að
ósk útgerðarmanna en fundað var
að nýju í gær hjá sáttasemjara. Við-
mælendur DV voru í gær á einu
máli um það að nú kynni að fara að
draga til tíðinda í þessari deilu,
verkfall væri að skella á eftir rúma
viku og sáttasemjari færi að láta á
það reyna fyrir alvöru hvort ein-
hver grundvöllur væri fyrir því að
ná samningum áður en til verkfalls-
ins kemur. „Lokalotan hlýtur að
fara að hefjast, tíminn í verkfall er
orðinn mjög knappur og nú verður
farið að setjast yfir þessi mál af
miklum þunga,“ sagði viðmælandi
okkar úr röðum sjómanna í gær.
-gk
—

Glæsilega hönnuð og kraftmikil hljómtækjstæða með 2x100W
útgangsmagnara, Power Bass hátalara og funkyblárri bakiýsingu.
Einingar sem auðvelt er að taka sundur, gegnsætt lok fyrir CD spilara
og allt það sem þú vilt hafa í alvöru hljómtækjastæðu og meira til.
—
BRÆÐURNIR
Lágmúla 8 • Sími 530 2800