Dagblaðið - 28.06.1979, Blaðsíða 8
8
DAGBLAÐIÐ. FIMMTUDAGUR 28. JÚNÍ 1979.
Steindauð ferðamannaumferð við Mývatn í maímánuði:
Stóragjá tekur
við af Grjótagjá
„Vorið var sérstaklega erfitt allri
ferðamannaþjónustu við Mývatn.
Höfuðorsökin voru lélegar samgöngur
vegna veganna og það er ekki nema
rúm vika síðan öræfaleiðin opnaðist i
austur og umferð á hringvegi hófst,”
sagði Arnþór Björnsson, hótelstjóri i
Reykjahlíð við Mývatn, er DB-menn
fóru þar um.
„Maímánuður var hér alveg stein-
dauður og mikið var um afpant-
anir á gistingu og þjónustu. Júní hefur
verið þokkalegur en umferð íslendinga
er óvenjulega litil enn og varla hafin að
heitið geti,” sagði Arnþór. Hann var
þó all bjartsýnn á sumarið þvi allmargir
væru búnir að bóka sig til dvalar og
Mývatnssveitin því greinilega enn vin-
sæl bæði meðal útlendinga og íslend-
inga.
Hjá Arnþóri i Reykjahlið er hótel-
rými fyrir 45 gesti en 150 komast fyrir í
matsal hótelsins. Meðal nýjunga á
staðnum er tilkoma nýs fyrirtækis sem
Eldá heitir. Annast það flutning ferða-
Ferðamenn skoða margir Grjótagjá, þar sem nú er engum manni fært að synda,
enda vatnið 59 gráðu heitt.
Allir hétu þeir fornsögulegum nöfnum
strákarnir þrír sem voru að svamla í
Stórugjá við Mývatn. Fimlega klifu
þeir milli stórra bjarganna og smeygðu
sér ofan í. Ófeigur, Sighvatur og Sturla
voru nöfn þeirra og þeir eru 10 og 11
ára gamlir, baða sig oft í Grjótagjá,
cnda hcimamcnn i Rcykjahlíð.
DB-myndir Hörður
fólks til og frá Húsavíkurflugvelli og
ætlar síðan að gangast fyrir kynnisferð-
um við Mývatn, annast bátaleigu o.fl.
Flugleiðir munu, að sögn Arnþórs,
styrkja hið nýja fyrirtæki á einhvern
hátt.
Meðal vinsælustu staða við Mývatn
eru Grjótagjá og Eldgjá. Lengi hefur
fólk baðað sig og synt i Grjótagjá, en i
siðustu jarðhræringum hitnaði vatn
svo i gjánni að óhæft er til baða. Er
vatnið þar nú 59 gráður á Celsíus.
Stóragjá hefur tekið við al' Grjóta-
gjá. Þar hefur vatn hitnað úr 13
gráðum í 26 gráður og er þar nú vin-
sæll baðstaður. En gæta skulu ferða-
menn sín á erfiðri leið niður i gjána og
þar er allþröngt.
Í. Hótel Reykjahlið eru vínveitingar
og sagði Amþór að þær nytu vinsælda
á kvöldin, en litil sala væri að deginum
þó léttvín séu fáanleg. „En sterku vinin
seljast æ minna en hin léttu og þróunin
hefur verið stöðug i þá átt i þau 8—9 ár
sem vinveitingar hafa verið hérna,"
sagði Arnþór. - ASt.
RainbowWarríor:
Hæstiréttur vísaði
farbannsmálinu frá
Kæran á farbann það sem borgar-
fógeti lagði á Rainbow Warrior á
meðan beðið var úrskurðar í lög-
bannsmálinu á hendur Greenpeace,
var tekið fyrir i Hæstarétti i gærdag
Var dórnur Hæstaréttar á þá lund að
,,máli þessu er vísað frá Hæstarétti”
eins og stendur orðrétt í dómsorði
Hæstaréttar.
DB sneri sér til Harðar Ólafssonar,
lögmanns Greenpeace manna, er
kærði farbannsúrskurðinn á sinum
tíma til Hæstaréttar. Um frávisunar-
dóm Hæstaréttar hafði hann þetta að
segja: „Frávisunardómur Hæstarétt-
ar táknar það, að mínu viti, að ntáls-
aðili sem fylgir stefnu ríkisvaldsins og
fógetaréttur fyrir þennan aðila, geta
l'arið sinu fram, þótt ólöglegt kunni
að vera, einungis ef framferðinu
hefur verið hætt, þegar Hæstiréttur
þarf að kveða upp dóm sinn um lög-
mæti þess eins og á stóð. ”
Hvað varðar þá töf sem varð á að
mál þetta, sem krafðist ógildingar
farbannsins, yrði tekið fyrir, sagði
Hörður: „Hæstarétti virðist það ekki
á móti skapi, að bíða ögn með dóm
sinn, t.d. frá föstudegi til miðviku-
dags, til að gefa málsaðilum og
fógetarétti og þeim yfirvöldum, sem
fógetaréttur hefur gefið e.t.v. ólög-
mætar fyrirskipanir, kost á að Ijúka
sér af. ”
Farbannið var lagt á Rainbow
Warrior strax 18. júní og kært til
Hæstaréttar þann 20. Líða því sjö
dagar frá því að málið er kært og þar
til Hæstiréttur hafði afgreitt það.
- BH
Messtofa, cmbættisbústaður Bjarna Pálssonar landlæknis. Var embættisbúsladur
landlækna og fyrsta lyfjabúd í 71 ár eða til ársins 1834.
DB-mynd Hörður
Rotary vill endur-
reisa Nesstofu
— á 75 ára afmæli hreyfingarinnar
Á umdæmisþingi Rotaryhreyfingar-
innar á íslandi, sem haldið var á Akur-
eyri dagana 22.-24. júni sl„ var
ákveðið, að hreyfingin tæki sér fyrir
hendur að vinna að endurreisn Nes-
stofu, embættisbústaðar Bjama Páls-
sonar fyrsta landlæknis á íslandi.
Rotaryhreyfingin verður 75 ára á því
Rotaryári sem hefst 1. júlí nk. Yrði
þetta því afmælisverkefni hreyfingar-
innar. Tillaga þessi kom frá Rotary-
klúbbi Seltjarnarness og samþykktu
þingfulltrúar að óska eftir því við
stjórnir allra klúbba landsins að fé yrði
safnað i þessuskyni. i Nesstofu er hug-
myndin að kotua upp stofnun um sögu
læknisfræðinnar í tengslum við Há-
skóla íslands og safn læknisáhalda og
lyfjaútbúnaðar frá fyrri tið.
Á þinginu var einnig samþykkt til-
laga frá Rotaryklúbbi Siglufjarðar um,
að Rotaryumdæmið athugi á hvern
hátt það gæti beitt kröftum sínum til að
stuðla að aukinni menntun og mannúð
á Grænlandi. Á þinginu voru mættir
fulltrúar frá öllum Rotaryklúbbum
landsins en þeir eru 22 að tölu. Þcgar
flest var voru þátttakendur um 200,
Rotaryfélagar og konur þeirra. Er-
lendir fulltrúar voru Robert A. Man-
chester ásamt konu sinni og gestur
þingsins, dr. Cecil Baker Rotaryfélagi
frá Ástralíu ásamt konu sinni. Aðaler-
indi þingsins flutti Kristján J. Gunnars-
son fræðslustjóri og nefndist erindi
hans Rotary á ári barnsins. Viðtakandi
umdæmisstjóri er Baldur Eiriksson,
skrifstofustjóri á Akranesi. í lok um-
dæmisþingsins sóttu þingfulltrúar
guðsþjónustu i - Akureyrarkirkju þar
sem sr. Úlfar Guðmundsson frá Ólafs-
firði predikaði og sr. Birgir Snæbjörns-
son, Akureyri, predikaði en þeir cru
báðir Rotaryfélagar. -(;AJ
— á Evrópumeistaramótið, sem hefst á sunnudaginn
Evrópumeistaramótið í bridge hefst í
Lausanne í Sviss á sunnudaginn. Á
blaðamannafundi i gær var tilkynnt um
skipun islenzka landsliðsins og er hún
þessi:
Ásmundur Pálsson, Guðlaugur R.
.lóhannesson, Símon Símonarson,
Hjalti Eliasson, Örn Arnþórsson og
Jón Ásbjörnsson. Fyrirliði er Ríkharð-
ur Steinbergsson.
Líklegt er að 22 þjóðir taki þátt i
mótinu og verða spilaðir 32 spila leikir,
allirspilaviðalla.
Fyrirkomulag keppninnar verður
m.a. með þeim hætti, að spilað verður í
lokuðum sal og skermar notaðir horna
á milli yfir spilaborðin, þannig að
keppendurnir sjá aðeins annan and-
stæðinginn. Landsliðið heldur utan á
laugardag.
Talsvert er síðan landsliðið var valið,
en ekki var tilkynnt um það fyrr vegna
þess hve seint fékkst vitneskja um fjár-
styrk menntamálaráðuneytisins til
fararinnar.
- JB
LANDSLIDID TIL SVISS
3%fyrirríkiogbæ
í framhaldi af samningum þeim,
sem undirritaðir voru milli ASÍ ann-
ars.vegar og Vinnuveitendasambands
íslands og Vinnumálasambands sam-
vinnufélaganna hins vegar, þann 25.
júní s!„ var á þriðjudag undirritaður
samningur við ríkið og Reykjavikur-
borg um 3% grunnkaupshækkun, er
tók gildi 25. júni.
Samningarnir voru undirritaðir af
Snorra Jónssyni fyrir hönd ASÍ,
Guðmundi Karli Jónssyni fyrir hönd
ríkisins og Magnúsi Óskarssyni f.h.
Rcykjavíkurborgar. - ÓV
íslenzka landsliðið í bridge, sem keppir á EM i Sviss. Frá vinstrl: Ríkharður Steinbergsson, fyrirliði, Örn Arnþórsson,
Símon Simonarson, Jón Asbjörnsson, Guðlaugur R. Jóhannesson, Hjalti Eliasson. Á myndina vantar Ásmund Pálsson.
DB-mynd Hörður
ISLENZKA BRIDGE-