Árbók Landsbókasafns Íslands - 01.01.1974, Qupperneq 11

LANDSBÓKASAFNIÐ 1973
11
Haínaríirði, gaf safninu kvæði Magnúsar Stefánssonar, Stjána bláa, með hendi höf-
undarins, ritað hæði venjulegri skrift og spegilskrift.
Tvö bréf frá Þorsteini Erlingssyni til sr. Rögnvalds Péturssonar og eitt frá Stephani
G. Stephanssyni til Skafta Brynjólfssonar. Gefandi Margrét Pétursson í Winnipeg,
dóttir sr. Rögnvalds.
Sr. Gísli Brynjólfsson afhenti eitt bréf Guðmundar Jónssonar frá Húsey til Vigfúsar
Einarssonar skrifstofustjóra.
Hjálmar og Ingibjörg eftir Sigurð Björnsson frá Bergsstöðum. Gjöf Tryggva Svein-
björnssonar bókbindara.
Dr. Finnur Sigmundsson afhenti bréfasafn sr. Sigtryggs Guðlaugssonar á Núpi.
Sr. Benjamín Kristjánsson afhenti bréfasafn Björgvins Guðmundssonar tónskálds,
ennfremur dagbækur hans og nokkur fleiri gögn.
Þessir aðilar afhentu handrit, þótt þeirra sé ekki getið nánara: Dr. Finnur Sig-
mundsson, Indriði Indriðason, frú Ingibjörg Arnadóttir.
Af handritum, sem keypt voru á árinu, skulu þessi talin:
Rímur af Olgeiri danska eftir Guðmund Bergþórsson, skrifaðar 1806. - Rímur af
Cæsar eftir Jón Espólín m. h. sr. Hjálmars Guðmundssonar á Hallormsstað, sem
breytti rímunum og jók. - Rímur af Bertram eftir Guðmund Bergþórsson. - Eylands-
rímur eftir Pál Bjarnason á Hryggjum. - Rímur af Jasoni bjarta. - Halldór Pálsson á
Ásbjarnarstöðum skrifaði þrennar síðast nefndu rímurnar 1843. En allar rímurnar
fimm voru keyptar af Klausturhólum s. f. Þá voru af sama aðila keyptar Rímur af
Rollant hinum frækna eftir Jón Þorsteinsson í Fjörðum m. h. Jóns Jónssonar á Veiði-
læk.
Keyptar voru af Þorsteini Matthíassyni kennara dagbækur föður hans, Matthíasar
Helgasonar á Kaldrananesi.
Bréf til Bjarna amtmanns Thorarensens frá Oddi lækni Hjaltalín, dags. að Berserkja-
hrauni 20. ágúst 1834, skrifað fyrir hann, en undirritað af honum sjálfum. -
Landamerkj askj al, er varðar Galtardalstungu og Litla-Galtardal, dags. 26. apríl 1775
og undirritað af Boga Benediktssyni. Hvort tveggja keypt af Jónu H. Valdimarsdóttur
í Reykjavík.
Loks voru keypt nokkur handrit úr dánarbúi drs. Björns Karels Þórólfssonar, m. a.
Olgeirsrímur og Bósarímur í handritum frá því um 1800.
Vér flytjum beztu þakkir öllum þeim, er gefið bafa Landsbókasafni íslands handrit
eða stuðlað að því á annan veg, að þau kæmust í vörzlu þess.
ÞJÓÐDEILD f þjóðdeild unnu á árinu auk Ólafs Pálmasonar deildarstjóra
Haraldur Sigurðsson bókavörður (síðasta ársfjórðunginn) og
Nanna Bjarnadóttir bókavörður.
I stað Haralds Sigurðssonar í orlofi hans fyrstu níu mánuði ársins vann drýgst