Alþýðublaðið - 01.07.1989, Blaðsíða 9

Laugardagur 1. júlí 1989
9
Merming
Breytingar en engin bylting
o
— segir Lars Ake Engblom, hinn nýi forstöðumaður Nor-
ræna hússins um starfsstíl sinn í viðtali við Alþýðublaðið
Lars Áke Engblom heitir núverandi forstöðumaður Nor-
raena hússins, en við þvi starfi tók hann af Knut Ödegaard
fyrir einum fimm mánuðum siðan. Engblom kemur úr
nokkuð öðru umhverfi en fyrri forstöðumenn Norræna
hússins, en þeir hafa flestir verið listamenn eða a.m.k.
tengst listum mjög sterkum böndum. Lars Ake Engblom
kemur úr fjölmiðlaheiminum, skrifaði doktorsritgerð við
hiskólann í Gautaborg sem flokkast gssti undir fjölmiðla-
fræði og hefur undanfarin átta ár verið yfirmaður einnar
deildar TV2 í Sviþjóð, nánar tiltekið þeirrar sem starfar i
Smálöndunum. Alþýðublaðið hitti Lars Áke að máli og innti
hann eftir þvi hvort miklar breytingar yrðu á starfsemi
Norræna hússins i kjölfar þess að hann hefur tekið þar við
störfum hæstráðanda.
„Það er augljóst að hver maður
hefur sinn stíl og þess vegna hlýt-
ur einhver breyting að verða
merkjanleg. En á hitt hlýtur líka
að vera augljóst að húsið sjálft —
öll sú starfsemi sem fram fer hér
— vegur þungt og verður til þess
að ímynd starfseminnar er mikið
til hin sama. Bókasafnið, kaffi-
stofan og fleira og fleira mun auð-
vitað halda áfram á sama hátt og
verið hefur og húsið mun áfram
þjóna sem einhvers konar sam-
komustaður fyrir fólk af norrænu
bergi brotið og fyrir þá ferðamenn
sem hingað koma. Þetta gengur
allt saman áfram þrátt fyrir að
forstöðumaðurinn sé annar. “
— Nú er bakgrunnur þinn og
forvera þíns afar ólíkur — mun-
um við sjá þess ákveðin merki?
„Það er vissulega rétt, bak-
grunnurinn er annar og mínar
áherslur verða aðrar. Þó alls ekki
byltingarkenndar breytingar en
um leið og ég ætla að reyna að við-
halda hinu góða nafni hússins hef
ég ákveðnar hugmyndir um
hvernig hægt er að nýta það. í því
sambandi langar mig að nefna
sérstaklega að ég hef áhuga á að
reyna að höfða til ungs fólks
meira en verið hefur. Ég hef uppi
hugmyndir um að bjóða hingað
ungu fólki í kynnisferðir og leyfa
því að sjá í hverju starfsemin er
fólgin- kynna því til að mynda
bókasafnið, Norræna félagið og
ýmis samstarfsverkefni innan
hins norræna samstarfs og um
leið hvernig það getur komist í
tengsl við menningu og líf ann-
arra Norðuflandaþjóða. En auð-
vitað verður hér áfram áhersla á
listir og menningu eins og verið
hefur og samstarf við þá aðila sem
starfað hafa með húsinu á því
sviði heldur áfram. í þessu sam-
bandi má einnig segja að það
skipti máli hvaða aðila maður
þekkir og hefur haft samband við
í gegnum tíðina og ég býst við að
það hafi alltaf töluverð áhrif á
hvernig hver maður starfar."
— Hvernig meturðu Norræna
húsið og mikilvægi þess í norrænu
samstarfi?
„Ég hef einhvern tíma sagt það
áður að Norræna húsið sé það
best heppnaða í öllu hinu nor-
ræna samstarfi. Raunverulega
ætti að vera eitt slíkt í hverri höf-
uðborg aðildarlandanna. Ég tel
að Norræna húsið hér sé mjög
mikilvægt fyrir alla aðila. Bæði
fyrir íslendinga til að kynna þeim
hin Norðurlöndin og ekki síður
sem vettvangur fyrir Islandskynn-
ingar í hinum löndunum. Ég hef
mikinn áhuga á þeim þætti starfs-
ins og það hafa forverar minir
einnig haft. Núna hef ég t.d. verið
að vinna að ásamt Bókasambandi
íslands að gera ísland að höfuð-
aðtriðinu á Sænsku bókamess-
unni í Gautaborg á næsta ári. Það
má segja að það mál sé næstum
frágengið. Einnig má nefna í
þessu sambandi að við höfum
áhuga á að taka hingað Stóru nor-
rænu fjölmiðlaráðstefnuna 1991
en hún er haldin annað hvert árog
næst er komið að íslandi. Þétta er
mikil ráðstefna, yfirleitt eru um
250 þátttakendur — bæði fjöl-
miðlamenn og fræðimenn á þessu
sviði. Svo hef ég mikinn áhuga á
að iokka kollega mína úr blaða-
mannastétt til íslands og veita
þeim aðstoð við að fá rétta mynd
af landi og þjóð. Verða einskonar
upplýsingafulltrúi.“
— Þú varst áður yfirmaður
sjónvarpsstöðvar og nú ertu kom-
inn hingað sem forstöðumaður
Norræna hússins. Við fyrstu sýn
virðast þetta afar ólík störf.
„Já, en þau eru það ekki í raun
og veru. Ég var yfirmaður sjón-
varpsstöðvar i Smálöndunum.
Þessi stöð var ein þeirra sem sam-
an mynda TV2, sem er lands-
hlutasjónvarp. Við höfum tvær
sjónvarpsstöðvár í Svíþjóð, hin —
TVI — er unnin í Stokkhólmi en
sú sem ég vann við er unnin á ýms-
um stöðum í landinu. Ég þurfti
því að fást við alla mögulega hluti
þar, barnaefni, fréttir og hvað-
eina. Það er svipað hér í Norræna
húsinu, starfsemin er ákaflega
fjölbreytt. Við þurfum að sinna
verkefnum sem eiga að höfða til
margra og líka fárra. Sem dæmi
má nefna að við höfum í sumar
tekið upp vikulega fyrirlestra á
finnsku um það sem hæst ber á ís-
landi. Ég verð ánægður ef aðeins
einn hlustandi kemur því þetta er
nauðsynlegt. Hingað koma þrátt
fyrir allt um 5000 Finnar á ári. Á
hinn bóginn stöndum við líka fyr-
ir atburðum sem fleiri hundruð
manns sækja. Að auki, í sam-
bandi við það sem ég sagði áðan
um að höfða til ungs fólks, þá er
það sama vandamálið og í sjón-
varpsrekstrinum, aldurinn 15-35
ára er sá erfiðasti að ná til. Þannig
að í raun er margt líkt með þessum
tveimur störfum.“
— Hvaða ástæöur eru fyrir
komu þinni hingað?
„Ég kom fyrst til íslands sém
ungur sjóhvarpsrhaðuf árið 1969
og fékk þá strax mikinn áhuga á
landi og þjóð. Síðan þá hef ég allt-
af haft þann áhuga og auk þess
hef ég sem fréttamaður unnið
mjög mikið að máiefnum sem
tengjast norrænni samvinnu. Ég
var í mjög góðri stöðu sem ég vár
ánægður með en afréð samt að
freista þess að koma hingað þar
sem þetta var alveg sérstakt tæki-
færi og ég tel þetta mjög mikil-
vægt starf og mig langaði að
takast á við það. Ég verð að segja
það að mér hefur verið afar vel
tekið, starfsfólkið er mjög gott og
þetta er hreinlega besti vinnustað-
ur sem ég hef unnið á. Mjög góð-
ur andi í húsinu. Auk þess eru þdð
náttúrlega forréttindi að lesa sér
til um Island og islenska menn-
ingu í vinnutímanum. Um það er
ég mjög áhugasamur en langt því
frá neinn sérfræðingur í íslensk-
um málefnum, Það sem af er hef
ég haft mjög mikið að gera en' nú
þegar ég kem aftur frá Svíþjóð þá
ætia ég að hella mér út í íslensku-
námið. Ég hef lært nokkuð en
þarf að bæta verulega við mig í
nánustú framtið“, sagði Lars Áke
Engblöm að lokum.
LarsÁkeEngblom cetlarekki að bylta írekstri
Norrœna hússins en hefur hug á nokkrum
breytingum, einkum og sér í lagi sem varða
ungdóminn. Þessi fyrrverandi sjónvarpsstjóri
í Smálöndunum er ákaflega ánœgður með
veru sína það sem af er eins og fram kemur í
viðtalinu.
Eftir Kristján Kristjánsson og Einar Ólason