Alþýðublaðið - 01.07.1989, Blaðsíða 12

Laugardagur 1. júlí 1989
Þjódleikhússtjóri um vanda hússins:
Yfirvöld gera
reksturinn
óbærilegan
hjóðleikhússljóri, Gísli
Alfreðsson, telur þá meðferð
sem fjármál leikhússins hafa
hlotið í kerfinu vera mesta
vandamál leikhússins og gera
rekstur þess nánast óbærileg-
an. Þetta kemur fram í yfir-
lýsingu sem Þjóðleikhúss-
stjóri sendi frá sér í gær.
Hann segir einnig að ekkert
tillit hafi verið tekið til fjár-
lagatillagna stofnunarinnar
á siðustu árum sem hafi vald-
ið mikilli skuld við ríkissjóð.
Tillögurnar hafi ætíð verið
skornar niður um 30-40%.
Þjóðleikhússtjóri segir að
fjárveitingavaldið hafi aldrei
viljað horfast í augu við hvað
það kostar að teka leikhúsið
og telur hann niðurskurð á
fjárlögum, frá tillögum leik-
hússins, glöggt vitni þar um.
Hann bendir einnig á að þeg-
ar fjárlög eru samþykkt séu
oftast ekki nema 10-14 dagar
þar til Þjóðleikhúsið þurfi að
byrja að vinna eftir þeini og
þá fyrir löngu hafi leikhúsið
skuldbundið sig fyrir allt ár-
ið og geti ekki rift gerðum
samningum án þess að greiða
slíkt dýru verði. Þjóðleikhús-
stjóri segir einnig að hafa
beri í huga að meginuppi-
staða kostnaðar við rekstur
hússins sé launakostnaður,
um 80%.
Að lokum bendir Þjóð-
leikhússtjóri á að 1984 hafi
komið frá fjármálaráðuneyt-
inu tillögur í þremur liðum
þar senr segir að aukafjár-
veitingar skyldu falla niður
með öllu, fjárlagatillögur
skyldu vera miklum mun ná-
kvæmari og ýtarlegri og um
leið yrði tekið til þeirra mun
meira tillit en áður hafði ver-
ið gert. Þetta telur Þjóðleik-
hússtjóri ekki hafa gengið
eftir því ekkert tillit hafi ver-
ið tekið til tillagna leikhúss-
ins. Sem áður segir telur
hann þetta tillitsleysi vera
meginvanda Þjóðleikhúss-
ins.
Aðalstjórn Borgaraflokksins:
12% söluskatt
á matvæli
„Aðalstjórn Borgara-
flokksins telur nauósynlegt
art undirbúa nýtt söluskatts-
kerfi, sem grundvnllist á því,
art helstu naurtþurftir verrti
án skattlagningar. Þart gæti
t.d. verirt með þeim liætti að
öll hefrtbundin matvæli,
kjöt, fiskur, mjólk, braurt og
grænmeti verði mert 0%
söluskatti. Önnur matvæli
svo og helstu lífsnaurtsynjar
heimilanna í landinu verrti
með hæst 12% söluskatti“.
Þetta kemur fram í ályklun
artalstjórnar og þingflokks
Borgaraflokksins frá því 29.
júní.
í ályktuninni segir einnig
að engar formlegar viðræður
hafi farið fram við Borgara-
flokkinn varðandi þátttöku
hans i ríkisstjórnarsamstarfi
síðan í janúar á þessu ári.
Upp úr þeim viðræðum slitn-
aði að mati Borgaraflokks-
manna vegna þess að
ríkisstjórnin var ekki tilbúin
að leggja af matarskattinn.
Borgaraflokkurinn segir
engar viðræður muni fara
fram að óbreyttu — þ.e. nteð-
an rikisstjórnin ekki hlustar
á skilyrði flokksins.
Borgaraflokkurinn telur
lykilatriði að færa stjórn
helstu málaflokka heim í
héruðin, nefnir þar mennta-
mál, heilbrigðismál, trygg-
ingamál og samgöngumál.
Þannig telur flokkurinn
hægast að tryggja sparnað
og ráðdeild og að auki: „Með
þessum hætti mætti fækka
þingmönnum og einfalda
yfirstjórn landsins, m.a.
starfsemi ráðuneytanna",
segir að lokum í ályktun
flokksins.
Grétar J. Guðmundsson forstöðumaður
Ráðg/afastöðvar Húsnœðisstofnunar:
Ástandið fer versnandi
hjá þeim tekjulægstu
Minni greiðslugeta vegna minni yfir-
vinnu. Ekkert fjármagn til greiðslu-
erfiðleikalána. Síðustu lán veitt í
apríl. Yfir 300 umsóknur hafa safn-
ast upp. Stór hluti getur enga björg
sér veitt.
Ástandið hjá tekjulægsta fólkinu með litlar íbúð-
ir virðist fara versandi, að sögn Grétars J. Guð-
mundssonar forstööumannns Ráðgjafastöðvar
Húsnæðisstofnunar ríkisins. Aðalástæðan er að
dregið hefur úr aukavinnu, þannig að greiðslugetan
hefur minnkað.
Ríkisstjórnin ákvað að verja 375 milljónum
króna til greiðsluerfiðleikalána á síðasta ári. Síðan
var bætt við 75 milljónum króna fyrir árið 1989.
Þessu fjármagni hefur öllu verið úthlutað. Otlánum
lauk í apríl síðastliðnum. Að sögn Grétars er ekki
vitað hvort fjármagn fæst til þessa lánaflokks, en
málið er til skoðunar hjá félagsmálaráðherra.
Húsnæðisstofnun tekur enn við umsóknum og
skoðar hvort eitthvað sé hægt að gera, þótt ekki sé
endilega í formi lána. Yfir 300 umsóknir hafa safn-
ast upp. Einstaka umsóknir eru frá því í janú-
ar/febrúar.
Grétar sagði að sér virtist ástandið nokkuð slæmt
hjá tekjulægsta fólkinu. Aðallega vegna þess hve
dregið hefur úr aukavinnu. „Ástandið virðist vera
að versnafaðallega hjá allra lægstlaunaða fólkinu."
— Finnurðu uppgjafartón hjá þessu fólki?
„Já, aðallega hjá þessu allra lægst launaða, sem
er með litlar íbúðir, lág laun og á ekki fyrir skuldun-
um. Þetta fólk virðist ekki geta reitt sig jafnmikið og
áður á yfirvinnuna. Fyrir einu til tveimur árum var
hægt að bjarga málunum með aukinni yfirvinnu,
sem virðist nú ekki í boði í mörgum starfsgreinum."
— Er þetta fólk sem hefur reist sér hurðarás um
öxl?
„Það er ekki ástæðan fyrir vandanum. Ástæðan
er eins og ég ságði aðallega minni greiðslugeta vegna
minni yfirvinnu. Fólk sem hefur reist sér hurðarás
um öxl köllum við ekki lengur neinn vanda. Það er
sjálfskaparvíti og er sem betur fer ekki svo stór
hluti. Eg held að hugsunarháttur sé aðeins að breyt-
ast hvað þetta snertirrEn því miður er stór hluti
þeirra sem eru umsóknir hjá okkur, fólk sem getur
enga björg sér veitt miðað við ríkjandi aðstæður,“
sagði Grétar J. Guðmundsson.
Kát börn í
Hafnarfirði
Er aftur kominn 17. júní?
Nei, þetta eru krakkarnir
á nýopnuðu foreldra-
reknu barnaheimili í
Hafnarfirði í gærmorg-
un. Barnaheimilispláss í
Hafnarfirði hefur tvö-
faldast siðustu þrjú árin.
A-mynd/E.ÓI.