Morgunblaðið - 17.02.2001, Qupperneq 70

„ÉG HEF leikstýrt nokkrum aug-
lýsingum t.d. fyrir Jakobs Tekex
og American Style (þeirri sem ger-
ist á skyndibitastaðnum út í geimn-
um),“ segir Hjálmar aðspurður
hvað hann hafi verið að bardúsa í
kvikmyndagerðinni fyrir Gildruna.
„Svo stofnaði ég ásamt fjölskyldu
minni Listaskálann í Hveragerði,
sem var 1000 fermetra menningar-
miðstöð en það reyndist ekki skiln-
ingur fyrir slíkum menningar-
rekstri og var hann því lagður
niður árið 1999. Eftir það fór ég á
fullu í Gildruna. Sölvi Jónsson á
hugmyndina að myndinni og við
skrifuðum handritið saman. Á með-
an þessum frumstigi myndarinnar
stóð gerði ég auglýsingar, vann á
geðdeild og í járnsmiðju þar sem
ég lenti í vinnuslysi og var frá
starfi í hálft ár.
Í anda Hitchcock
Um hvað fjallar Gildran?
„Gildran gerist árið 1950 og
fjallar um Guðjón Karlsson rithöf-
und sem er að ljúka sinni nýjustu
skáldsögu. Nótt eina vaknar hann
upp við símtal sem hann telur að sé
frá fjárkúgara en annað furðulegra
á eftir að koma í ljós.
Myndin er tekin í film noir stíl
sem var einkennandi fyrir þennan
áratug í kvikmyndum, sem mér
finnst allt of lítið notaður í dag en
ég er mjög heillaður af því hvernig
ljós og skuggar kallast á og búa til
vissa stemmningu í myndinni.
Einnig vísar persónusköpuninn til
film-noir stílsins en allar persón-
urnar eru á gráum svæðum varð-
andi siðferði og samvisku. Það má
segja að myndinni líkist gömlu
Hitchcock þáttunum sem voru
sýndir í sjónvarpinu hér fyrir
nokkrum árum. Jóhannes
Tryggvason var kvikmyndatöku-
maður og var með mér nánast í
gegnum allt ferlið. Við fengum
stórt hús sem heitir Hólar við
Kleppsveg lánað og innréttuðum
það í anda 6. áratugarins, en stuttu
eftir að tökum lauk var húsið rifið.
Einnig tókum við myndina að hluta
í vinnustofu Hallsteins Sigurðar-
sonar myndhöggvara en verk hans
koma nokkuð við sögu og gefa
skemmtilegan myndrænan blæ.
Tökurnar tóku í sjálfu sér ekki
mjög langan tíma en öðru máli
gengdi um eftirvinnsluna og fjár-
mögnunarleiðir. Þú verður að fórna
vissu til þess að gera stuttmyndir
vegna þess að það eru ekki miklir
möguleikar á því að græða peninga
í þessum bransa, þá má segja að
þetta sé erfitt gaman.
Heppinn
með leikara
Hverjir leika í myndinni?
„Ég var mjög heppinn með leik-
ara en þau Valgeir Skagfjörð,
Hjalti Rögnvaldsson og Guðrún Þ.
Stephensen samþykktu öll að taka
að sér hlutverk. Einnig leikur Ólöf
Jara, dóttir Valgeirs, í myndinni.
Við skrifuðum handritið með þessa
leikara í huga og þeim leist vel á
handritið og vildu taka þátt í
myndinni.“
Breyttu þeir persónum sínum
eitthvað?
„Ég leyfði þeim að laga málfar
sitt að handritinu svo lengi sem
þeir hljómuðu eins og þeir væru að
tala á 6. áratugnum.“
Hvernig finnst þér markaður
fyrir stuttmyndir hér á landi?
„Stuttmyndin hefur ekki verið í
hávegum höfð hér á landi og það
eru ekki mikill vettvangur fyrir
hana nema stuttmyndadagar, en að
mínu mati hafa stjórnendur þeirra
ekki verið nægilega duglegir við að
sía góðu myndirnar frá þeim
slæmu. Metnaðarfullar stuttmynd-
ir verða oft fyrir barðinu á óvand-
aðari myndum vegna þess hversu
gífurlegt magn er sýnt á dögunum.
Oft vill verða að áhorfandinn hefur
misst þolinmæðina þegar kemur að
góðri mynd.
Það eru mjög fáar leiðir til að
fjármagna stuttmynd, að fá hana
sýnda í sjónvarpi er ein leiðin.
Stuttmyndin á miklu meiri athygli
skilið en hún fær.“
Hvernig ætlarðu að dreifa mynd-
inni?
Að undanskilinni frumsýning-
unni í dag verður hún sýnd sem
aukamynd hjá Filmundi, vonandi
með einhverri gamalli og góðri
film-noir mynd. Síðan veit ég ekki
um hvað verður um hana.“
Stuttmyndin gefur frelsi
Hvað er það skemmtilegasta við
gera mynd?
„Það skemmtilegasta er þegar
ferlið kemur allt saman og sjá fólk
detta inn í myndina. Þegar afrakst-
ur erfiðisins kemur í ljós. Ástæðan
að ég kom nálægt svo mörgum at-
riðum við Gildruna var að ég þekkti
ekki svo marga í þessum bransa,
nokkuð sem maður lærir mjög mik-
ið af.“
Hvernig lítur framtíðin út?
„Ég er núna að vinna að nokkr-
um handritum og einhverjar stutt-
myndir eru á döfinni. Svo langar
mig líka því að gera lengri myndir.
Gildran er mjög hefðbundin mynd
þ.e. hún inniheldur 3 þætti eins og
vaninn er í bandarískri kvikmynda-
gerð. Það væri gaman að vinna að-
eins með formið því að stuttmyndin
gefur manni svo mikið frelsi að
vera með tilraunastarfsemi.“
Morgunblaðið/Árni Sæberg
„Ég er mjög heillaður af því
hvernig ljós og skuggar kallast
á og búa til vissa stemmningu...“
Valgeir Skagfjörð og Hjalti Rögnvaldsson fara með
titilhlutverk í Gildrunni.
Hinn 25 ára gamli leik-
stjóri Hjálmar Ein-
arsson frumsýnir stutt-
mynd sína Gildruna í
Háskólabíói í dag. Ottó
Geir Borg hitti Hjálmar
að máli og ræddi við
hann um fyrri störf,
framtíðina og Gildruna.
Stuttmyndin Gildran verður frumsýnd í Háskólabíói í dag
Erfitt
gaman
Ara Matthíassyni, Selmu Björnsdóttur og öðrum aðstand-
endum sýningarinnar var vel fagnað að henni lokinni.
Leikstjórinn Ari, framleiðandinn
Baltasar og plantan Auður II.
ÞAÐ RÍKTI góð stemmning í Chat Noir-
leikhúsinu í Ósló er Litla hryllingsbúðin
var frumsýnd þar á fimmtudagskvöldið. En
leikhúsið, sem er í hjarta miðbæjarins, er
fremst í flokki norskra leikhúsa hvað varð-
ar uppsetningu á söng- og gamanleikjum.
Leikhúsið er rekið af ABC Teaterdrift AS
undir stjórn Tom Sterris en þess má geta
að hann fer nú með hlutverk hins spillta
tannlæknis í Hryllingsbúðinni.
Allir leikarar og söngvarar í sýningunni
eru norskir en leikstjórn er í höndum Ara
Matthíassonar en auk hans kemur fjöldi
annarra þekktra Íslendinga að sýningunni.
Selma Björnsdóttir útsetur dansa og Þor-
valdur Bjarni Þorvaldsson sér um útsetn-
ingu tónlistar. Þá eru Baltasar Kormákur
og Lilja Pálmadóttir framleiðendur sýning-
arinnar.
Ari er ekki alls ókunnur Litlu hryllings-
búðinni því er hún var sýnd í Borgarleik-
húsinu fyrir skömmu sá hann um að gæða
plöntuna óhugnanlegu lífi á meðan Bubbi
Morthens léði henni rödd sína. Í Chat Noir
er það hins vegar Jan Werner sem fetar í
fotspor Bubba og hrópar í sífellu á mat:
„Mat meg!“ Stjarna Werners skín skært í
Noregi um þessar mundir og í blaðadóm-
um sem birtust um sýninguna í norskum
dagblöðum í gær eru allir gagnrýnendur
sammála um að frammistaða hans hafi ver-
ið einstök. Þá er leik Brede Bøe ekki síður
hampað en hann fer með hlutverk Baldurs
sem nefnist Seymor í norsku útgáfu verks-
ins.
Íslensk planta og brennivín
Þeir sem sáu Hryllingsbúðina í uppsetn-
ingu Borgarleikhússins eiga þó fleiri góð-
kunningja en Ara í norsku uppfærslunni
því plantan, Auður II, var flutt frá Íslandi
til Chat Noir og er jafnvel enn blóðþyrst-
ari en áður eftir ferðalagið yfir Atlants-
hafið. Það er reyndar fleira íslenskt sem
gleður augað í sýningunni því meðal leik-
muna er flaska af íslensku brennivíni sem
féll vel í kramið hjá þeim Íslendingum sem
mættu á frumsýninguna en þeir voru fjöl-
margir. Blaðamaður gaf sig á tal við
nokkra þeirra og voru þeir sem rætt var
við á einu máli um að sýningin væri til-
komumikil og einkar fjörleg og vissulega
snerti það íslensk hjörtu að hún á rætur að
rekja til heimalandsins.
Margt góðra gesta
Eins og áður segir ríkti góð stemmning
meðal frumsýningargesta sem tóku vel
undir með klappi og hlátrasköllum alla
sýninguna. Líkt og á frumsýningum á Ís-
landi var hópur þjóðþekktra einstaklinga
meðal gesta og bar blaðamaður meðal ann-
ars kennsl á betri helming dúettsins
Bobbysocks sem heilluðu alla Evróvisjón-
áhorfendur um árið og heimsóttu Ísland í
kjölfarið. Þá var fjöldi þekktra andlita úr
vinsælum norskum sápuóperum meðal
gesta en Guri Schanke, sem fór með hlut-
verk Auðar (Audrey), hefur einmitt m.a.
gert garðinn frægan í einni slíkri sem kall-
ast Hotell Cæsar.
Leikhúsið Chat Noir er einkar skemmti-
lega innréttað og sitja leikhúsgestir við
borð og geta sötrað drykki meðan á sýn-
ingu stendur. Um þessar mundir er því til-
valið fyrir Íslendinga á ferðalagi í Noregi
að skella sér í norskt/íslenskt leikhús og
rifja upp kynnin af Baldri, Auði, tannlækn-
inum Brodda sem haldinn er ólæknandi
kvalalosta og plöntunni blóðþyrstu.
Scanpix
Litla hryllingsbúðin var frumsýnd í Ósló á fimmtudaginn
sem er svo sem ekki í frásögur færandi nema fyrir þær
sakir að leikstjórinn er Ari Matthíasson og auk hans koma
fleiri Íslendingar að sýningunni. Sunna Ósk Logadóttir
var á frumsýningunni og sá norskar stjörnur berjast
við blóðþyrsta plöntu.
Íslenskættuð
Hryllingsbúð í Ósló
FÓLK Í FRÉTTUM
70 LAUGARDAGUR 17. FEBRÚAR 2001 MORGUNBLAÐIÐ
Claroderm þvottapokinn hreinsar óhreinindi og
fitu, jafnvel úr fínustu svitaholum, gefur húðinni
hreint og ferskt útlit. Húðhreinsun án allra
kemiskra hreinsiefna.
Húðvandamál og bólur?
Claroderm
Apótek Lyfja
Lyf & heilsa
APÓTEK
APÓTEK