Morgunblaðið - 08.11.2001, Blaðsíða 29

ERLENT
MORGUNBLAÐIÐ FIMMTUDAGUR 8. NÓVEMBER 2001 29
SPÁNSKUR dómari var skotinn til
bana í úthverfi borgarinnar Bilbao í
Baskalandi snemma í gærmorgun.
Talið er, að basknesku hryðjuverka-
samtökin ETA hafi verið að verki en
þau báru einnig ábyrgð á mikilli
bílsprengingu í Madrid í fyrradag.
Þá slösuðust næstum 100 manns, þar
af tveir alvarlega.
Dómarinn, Jose Maria Lidon
Corbi, var skotinn tveimur skotum í
höfuðið er hann ók út úr bílskúrnum
við heimili sitt í úthverfinu Getxo í
gærmorgun. Talið er, að banamenn
hans hafi verið tveir að minnsta kosti
en í bílnum með dómaranum voru
kona hans og annar sonur þeirra.
Formaður dómarafélagsins í Baska-
landi sagði í gær, að morðið væri
„villimannlegur verknaður, framinn
af brjáluðu fólki“.
Talið er víst, að ETA hafi staðið að
bílsprengingunni í Madrid í fyrradag
en þá slösuðust 95 manns. Leikur
grunur á, að tilgangurinn hafi verið
að ráða af dögum Juan Junquera,
háttsettan embættismann í vísinda-
og tækniráðuneytinu, en hann var
nærstaddur er sprengjan sprakk en
slapp með minniháttar meiðsl.
Óþekkta
þjóðhetjan
Aðeins nokkrum mínútum eftir
sprenginguna var tvennt handtekið,
karl og kona, og fannst sprengiefni
og skammbyssa í fórum þeirra. Eru
þau sögð vera Aitor Garcia Aliaga,
sem lengi hefur verið orðaður við
ETA, og Ana Belen Egues Gurrutx-
aga, fyrrverandi bæjarráðsmaður
fyrir Herri Batasuna, stjórnmála-
arm ETA.
Handtöku þeirra ber að þakka ár-
vökulum ökumanni, sem sá parið
hlaupa frá bílnum, sem sprengjan
var í, og forða sér burt á öðrum bíl.
Elti hann bílinn, hringdi í lögregluna
og sagði henni til þar hún gat sjálf
látið til skarar skríða.
Maðurinn er nú mikil hetja í aug-
um Spánverja en frægðarinnar verð-
ur hann að njóta í einrúmi því ekki er
talið rétt að birta nafn hans af ótta
við hefnd ETA.
Óþekkta þjóðhetjan, sem er karl-
maður, sagði í viðtali við dagblaðið
El País að hann hefði hringt í neyð-
arnúmer lögreglunnar en þá voru
fjórar mínútur liðnar frá sprenging-
unni. „Ég sá þau á hlaupum frá
sprengjustaðnum. Ég elti,“ kvaðst
hann hafa sagt lögreglunni og veitt
allar nánari upplýsingar um leið og
hann ók Land Rover-bifreið sinni á
eftir á hvítum Ford Escort hryðju-
verkamannanna. Lýsti hann ökuleið-
inni ítarlega og gaf upp skráningar-
númer bílsins. „Nú ætla ég að
stoppa, ég held þau hafi séð mig,“
sagði hann á horni einu og var þá
hvattur til að halda sig í öruggri fjar-
lægð frá tilræðismönnunum. Fór svo
að lokum að óþekkta hetjan yfirgaf
bifreiðina þegar hann sá lögreglu-
menn nálgast en þá höfðu hryðju-
verkamennirnir farið úr Escort-bif-
reiðinni og sýndust vera að leita sér
að öðrum bíl til að stela. Fór svo að
lokum að parið ákvað að reyna að
komast undan fótgangandi. Skömmu
síðar voru þau handtekin.
12 myrtir í ár
Sagt er, að ETA hafi breytt um að-
ferðir fyrst eftir hryðjuverkin í
Bandaríkjunum 11. september en at-
burðir síðustu tveggja daga þykja
sýna, að hreyfingin sé tekin til við
sömu hryðjuverkin og áður. 12
manns hafa látist í tilræðum hennar
á þessu ári og meira en 800 hundruð
síðustu þrjá áratugi.
Dómari skotinn til
bana við heimili sitt
Madrid. AP, AFP.
Líklega annað
hryðjuverk ETA
á tveimur dögum