Morgunblaðið - 07.06.2002, Blaðsíða 24
VIÐSKIPTI/ATHAFNALÍF
24 FÖSTUDAGUR 7. JÚNÍ 2002 MORGUNBLAÐIÐ
R
Dell PowerEdge 500SC netfljónn
Intel Pentium III 1.13GHz/512k
256MB (2x128MB) 133MHz RAM
40GB 7200 snúninga IDE diskur
Intel 10/100 netkort á mó›urbor›i
3ja ára ábyrg› á vinnu og varahlutum
f
a
s
t
la
n
d
-
8
1
3
0
-
3
1
0
5
0
2
S É R S N I ‹ N A R L A U S N I R O G F Y R I R T Æ K J A R Á ‹ G J Ö F + I S O 9 0 0 1 V O T T A ‹ G Æ ‹ A K E R F I + H A F ‹ U S A M B A N D Í S Í M A 5 6 3 3 0 0 0 + W W W . E J S . I S
Dell PowerEdge 500SC er kraftmikill og öruggur netfljónn sem au›velt
er vi› a› eiga. Hann er sérhanna›ur fyrir vaxandi fyrirtæki sem flurfa
sveigjanleika í rekstri – fletta er lítill netfljónn í fullum gæ›um fyrir
fyrirtæki me› stórar hugmyndir.
Kraftaverk í krónum tali›
Tilbo›sver›: 129.400 m/vsk
EJS b‡›ur nokkrar tegundir fljónustusamninga me›
netfljónum; Bronsfljónustu í eitt ár, Bronsfljónustu
í flrjú ár, Silfurfljónustu í flrjú ár og Gullfljónustu í flrjú ár.
Ver› frá 7.800 m/vsk út samningstímann.
Allar nánari uppl‡singar á www.ejs.is
HLUTHAFAFU ND UR
Boðað er til hluthafafundar AcoTæknivals hf. föstudaginn 14. júní 2002,
kl. 12:00 í húsakynnum félagsins í Skeifunni 17, Reykjavík.
Dagskrá
1. Kosning stjórnar og varastjórnar.
2. Hlutafjáraukning, allt að 100 mkr. að nafnvirði. Núverandi hluthafar
falla frá forkaupsrétti.
3. Önnur mál.
Dagskrá hluthafafundar liggur frammi á skrifstofu félagsins, hluthöfum
til afhendingar.
Stjórn AcoTæknivals hf.
ÍSLAND hefur setið eftir í fram-
leiðniþróun síðustu þrjátíu ára, að
því er fram kemur í nýrri skýrslu
sem unnin var fyrir Iðntæknistofn-
un og forstjóri stofnunarinnar
gerði grein fyrir á ársfundi stofn-
unarinnar í gær.
Valgerður Sverrisdóttir, iðnað-
ar- og viðskiptaráðherra, ávarpaði
fundinn og sagði að Iðntæknistofn-
un myndi gegna mikilvægu hlut-
verki í þeim miklu breytingum
sem fyrirhugaðar eru í stuðnings-
umhverfi nýsköpunar á Íslandi á
næstu misserum. Stór þáttur í
þessum breytingum er boðuð ný-
skipan opinbers stuðnings við vís-
indarannsóknir, tækniþróun og ný-
sköpun sem sett var fram í þremur
frumvörpum sem fjallað var um á
nýliðnu vorþingi en komu ekki til
endanlegrar afgreiðslu. Valgerður
sagði að búast mætti við því að
felldar yrðu inn ábendingar sem
borist hafa og lúta m.a. að því að
styrkja þá þætti sem sameina
frumvörpin eins og t.d. starfsemi
þjóustumiðstöðvar vísindarann-
sókna.
Nýsköpunarmiðstöð á Akureyri
Hún gerði einnig grein fyrir því
að í samræmi við stefnu í byggða-
málum fyrir árin 2002-2005 væri
að því stefnt að nýsköpunarmið-
stöð yrði starfrækt á vegum Iðn-
tæknistofnunar á Akureyri auk
starfseminnar í Reykjavík. Í sum-
ar verður unnið að rekstraráætl-
unum með það að markmiði að
unnt verði að hefja starfsemina á
Akureyri í haust eða snemma vetr-
ar. Á Akureyri er einnig í und-
irbúningi að reisa Rannsókna- og
nýsköpunarhús við Háskólann þar
sem 14 ríkisstofnanir hafa sýnt
áhuga á að fá inni. Verði þessar
áætlanir að veruleika er hugmynd-
in sú að nýsköpunarmiðstöðin á
Akureyri fái inni í Rannsókna- og
nýsköpunarhúsinu og gæti það
orðið fyrir árslok 2003, að sögn
Valgerðar.
Skapandi hugsun og nýsköpun
verða mikilvæg hagnýt viðmið fyr-
ir fyrirtæki á 21. öldinni að mati
Phil Hanson, ráðgjafa hjá IBM,
sem einnig hélt erindi á ársfund-
inum.
Fyrir fyrirtæki í samkeppnis-
rekstri er mikilvægt að hafa hag-
nýt viðmið (e. benchmarking) til að
bera sig saman við önnur fyrirtæki
í sömu atvinnugrein eða öðrum og
fá þannig tækifæri til að bæta
frammistöðu sína, eins og fram
kom í máli Hansons.
Hanson sagði að fyrirtæki verði
að setja sér háleit markmið og
bera sig saman við þau bestu.
Markmiðið þurfi að vera að verða
fyrirtæki í fremstu röð (World
class company). Til að ná því
markmiði þarf að vera ljóst hvaðan
lagt er af stað og þar komi hagnýt
viðmið að góðum notum.
Fyrirtæki í óeðlilegu samkeppn-
isumhverfi líta stórt á sig
Aðeins 2% fyrirtækja eru í
fremstu röð, að sögn Hansons, en
fyrirtæki skiptast í 5 flokka eftir
mælingu með Microscope gagna-
grunninum og mælingatækinu:
berskjaldað, getur gert betur, efni-
legt, framsækið og í fremstu röð.
Árangur er mældur, sem og inn-
viðir og starfshættir fyrirtækis.
Þar sem frammistaða fyrirtækja
er undir 50% hvað árangur, innviði
og starfshætti varðar, er að mati
Hansons um fyrirtæki í óeðlilegu
samkeppnisumhverfi að ræða. Um
er að ræða fyrirtæki sem njóta
einhvers konar verndar, t.d. vegna
staðsetningar og sagði hann
nokkra samsvörun þar á milli ey-
landanna Bretlands og Íslands. Í
því sambandi sagði Hanson einnig
frá niðurstöðum athugana á því
hvernig forsvarsmenn fyrirtækja
sem mælast mismunandi í Micro-
scope skynja fyrirtæki sín. Í ljós
kom að þau sem eru í fremstu röð
eru lítillát og setja sig undir raun-
verulegt viðmið en þau sem ná
hvað minnstum árangri, þ.e. þau
sem eru í óeðlilegu samkeppnisum-
hverfi, líta stærst á sig og setja sig
langt yfir raunverulegt viðmið.
Í máli Hansons kom einnig fram
að ef bresk framleiðslufyrirtæki
myndu bæta frammistöðu sína á
við meðalframmistöðu keppinauta í
fremstu röð, gæti landsframleiðsla
í Bretlandi aukist um 300 milljarða
punda.
Samsvarandi tala fyrir Ísland er
140 milljarðar króna, eins og fram
kemur í skýrslu sem unnin var fyr-
ir Iðntæknistofnun og lögð var
fram í fyrradag. Þar er borin sam-
an framleiðni á Íslandi og í helstu
samanburðarlöndum og í ljós kem-
ur að framleiðni á Íslandi er í með-
allagi en ef Ísland er borið saman
við ríki í fremstu röð er fram-
leiðnin t.d. í Bandaríkjunum fjórð-
ungi meiri en hér á landi.
Aukin framlög til
rannsókna auka framleiðni
„Á árinu 2000 voru unnin árs-
verk hérlendis tæplega 140 þús-
und. Því má álykta að ef um sömu
framleiðni væri að ræða hér og í
Bandaríkjunum væri landsfram-
leiðsla hérlendis um fjórðungi
meiri eða sem nemur 140 millj-
örðum króna á verðlagi ársins
1995. Þar sem samanburðurinn
miðast við 1995 og framleiðnivöxt-
ur hér á landi hefur verið minni en
í Bandaríkjunum sem nemur fjórð-
ungi úr prósenti árlega, þá er
þessi munur heldur meiri í dag,“
sagði Hallgrímur Jónsson, for-
stjóri Iðntæknistofnunar, í umfjöll-
un sinni um skýrsluna á ársfund-
inum í gær.
„Hvað er framleiðni? Framleiðni
er mikilvægur mælikvarði á stöðu
þjóðfélags eða atvinnugreina. Út
frá framleiðni má sjá hvert tækni-
stig viðkomandi þjóðar er í sam-
anburði við aðrar þjóðir og þróun
þess yfir tíma. Jafnframt má með
framleiðni finna vísbendingar um
skilvirkni viðkomandi framleiðslu-
þátta, kostnaðarábata og jafnvel
lífsgæði viðkomandi ríkja, þar sem
framleiðni og raunlaun tengjast á
þann hátt að aukin framleiðni leið-
ir af sér meiri kaupmátt. Á þetta
einkum við um markaði sem sam-
keppni ríkir á,“ sagði Hallgrímur
m.a.
Hann gerði grein fyrir niður-
stöðum skýrslunnar og sagði að á
þrjátíu ára tímabili hafi Ísland set-
ið eftir í framleiðniþróun „og ef við
viljum keppa við til dæmis Noreg
og Finnland, þarf framleiðni að
aukast talsvert hérlendis. Af þeim
útreikningum sem gerðir voru má
ráða að talsvert meiri sveiflur eru í
framleiðnibreytingum hérlendis en
hjá hinum ríkjunum, ef litið er yfir
lengri tíma. Stafar þetta væntan-
lega af því hversu íslenskt atvinnu-
líf er háð afkomu í sjávarútvegi.“
Hallgrímur greindi einnig frá
niðurstöðum athugana OECD á
áhrifum aukinna framlaga til rann-
sókna og þróunar. Þær eru að 1%
aukning á framlögum fyrirtækja
til rannsókna og þróunar leiðir til
0,13% framleiðniaukningar. Sama
aukning til framlaga í erlend rann-
sóknar- og þróunarverkefni myndi
leiða til 0,44% framleiðniaukningar
og 1% aukning í opinberum fram-
lögum til rannsókna og þróunar
myndi leiða til 0,17% framleiðni-
aukningar.
Tap af rekstri
stofnunarinnar 7,8 milljónir
Magnús Friðgeirsson, stjórnar-
formaður Iðntæknistofnunar, gerði
grein fyrir ársreikningum stofn-
unarinnar og starfsemi hennar á
síðasta ári. Tap varð af rekstri
Iðntæknistofnunar á síðasta ári
upp á 7,8 milljónir, miðað við
hagnað upp á 25,7 milljónir árið á
undan. Tekjur námu alls 466,2
milljónum króna en gjöld 476,1
milljón. Skipting tekna Iðntækni-
stofnunar er með eftirfarandi
hætti, eins og Magnús greindi frá:
Sérfræðiþjónusta seld fyrirtækjum
29%, framlög frá iðnaðar- og við-
skiptaráðuneyti og Nýsköpunar-
sjóði atvinnulífsins til greiðslu á
styrkjum 12%, erlendar tekjur
10%, tekjur á fjárlögum 27%,
Rannís 9%, Nýsköpunarsjóður og
sambærilegir aðilar 8% og aðrar
tekjur 5%.
Ísland hefur setið eft-
ir í framleiðniþróun
Morgunblaðið/Kristinn
Valgerður Sverrisdóttir, iðnaðar- og viðskiptaráðherra, Hallgrímur
Jónsson, forstjóri Iðntæknistofnunar, og Phil Hanson, ráðgjafi hjá IBM,
voru ræðumenn á ársfundi Iðntæknistofnunar sem var haldinn í gær.
VIÐSKIPTAHALLI við útlönd var
1,5 milljarðar króna á fyrsta fjórð-
ungi ársins, samkvæmt bráða-
birgðauppgjöri Seðlabanka Íslands.
Á sama tíma í fyrra var viðskipta-
hallinn 18,5 milljarðar króna. Á
föstu gengi minnkaði hallinn um
19,5 milljarða króna. Minni við-
skiptahalli stafar einkum af sam-
drætti í innflutningi vöru og þjón-
ustu og í þáttagjöldum, en
útflutningur jókst lítillega frá fyrra
ári. Afgangur á vöruskiptajöfnuði
nam 5,7 milljörðum króna á fyrsta
ársfjórðungi. Á sama tíma í fyrra
var 7,1 milljarðs króna vöruskipta-
halli. Halli á þjónustuviðskiptum
var 1,3 milljarðar króna en hann
var 2,4 milljarðar króna á sama
tíma í fyrra. Hreinar þáttatekjur
voru neikvæðar um 5,5 milljarða
króna sem er þremur milljörðum
króna lægri fjárhæð en á sama tíma
í fyrra. Þar munar mest um minni
vaxtabyrði af erlendum skuldum
vegna vaxtalækkana á erlendum
lánamörkuðum.
Innstreymi fjár mældist 11,1
milljarður króna á fyrsta ársfjórð-
ungi, fyrst og fremst vegna er-
lendrar lántöku í formi skulda-
bréfaútgáfu og bankalána.
Fjárútstreymi vegna erlendra verð-
bréfakaupa nam 9,6 milljörðum
króna sem var nær helmingi meira
en á sama tímabili í fyrra. Beinar
fjárfestingar Íslendinga erlendis
námu 1,4 milljörðum króna en fjár-
festingar erlendra aðila á Íslandi
voru litlar sem engar.
Gjaldeyrisforði Seðlabankans
jókst lítillega á fyrsta fjórðungi árs-
ins og nam hann 36 milljörðum
króna í lok mars 2002.
Viðskiptahallinn
1,5 milljarðar