Morgunblaðið - 04.07.2002, Blaðsíða 20

LANDIÐ
20 FIMMTUDAGUR 4. JÚLÍ 2002 MORGUNBLAÐIÐ
Bryggjuhverfi
Glæsiíbúðir
22 nýjar fullb. íbúðir á hagstæðu verði
Lítið við á Valhöll og fáið teikningar eða á www.nybyggingar.is (undir fjölbýli)
Vorum að fá í einkasölu nýjar glæsilegar 2ja, 3ja, 4ra og 5-6 herb. „penthouse“ íb. í þessu
vinsæla hverfi. Íbúðirnar eru vel skipulagðar og afhendast fullfrágengnar án gólfefna með
góðum innréttingum og flísalögðum baðherb. Frágangur hússins að utan er mjög vandað-
ur og nær viðhaldsfrír. Hús klætt að utan með áli og álgluggar. Stæði í lokuðu bílskýli
fylgir öllum íbúðum.
Verð: 2ja herb. íb. 10,5 millj.
3ja herb. íb. 13,7 millj.
4ra herb. íb. 14,9 millj.
Verð á stærri íb. frá 16,9 millj.
Gjafavara
Fiskislóð 26 · Sími: 551 4680 · Fax: 552 6331
www.sturlaugur.is
i i l í i
l i
SJÁLFSAGT hefur aldrei annar
eins fjöldi fallhlífastökkvara liðið
um loftin blá yfir Egilsstöðum eins
og síðustu tíu dagana eða svo. Stór
hópur reyndra stökkvara, íslenskra
og erlendra, kom með sérstaklega
útbúna flugvél, rússneska Antonov
28, með sér og hefur verið í linnu-
litlum loftdýfum upp á hvern dag.
Veðurtilbrigði hafa verið ýmis, allt
frá stingandi ísnálum yfir í hlýtt
meginlandsloftslag. Allir hafa kom-
ist slysalaust niður á öryggissvæði
við flugvöllinn, en einkum hefur
mönnum verið hætt við því í sunn-
anátt að lenda ofan í Lagarfljóti og
því hafður bátur með mannskap til
taks allan daginn.
Þessi samkoma fallhlífastökkv-
ara er kölluð „Top of the world
boogie“ eða „Extreem Week“ og er
nú haldin í þriðja skiptið. Tilgang-
urinn er að gefa íslenskum stökkv-
urum færi á að stökkva úr mikilli
hæð úr flugvél, sem tekur marga í
einu og kemur mönnum hratt og
örugglega upp á sem skemmstum
tíma.
Þrír Bandaríkjamenn voru m.a.
fengnir til Egilsstaða að kenna ís-
lenskum stökkvurum það nýjasta í
frjálsu falli og ýmsum kúnstum
sem menn gera á leiðinni niður. Þá
var sænskur fallhlífastökkvari með
sérstaka reynslu í að stökkva með
óvana fenginn til liðs við hópinn.
Fjölmargir gestir hafa fengið að
spreyta sig á fallhlífastökki og
fengið nokkra kennslu þar um í
leiðinni. Sagt er að margir pissi í
buxurnar svona í fyrsta sinn, en
reyndari menn brosa bara út í ann-
að þegar þeir heyra um slíkt. Það
er kannski ekki skrítið að óvanir
verði skelkaðir þegar þeir horfa á
fleygiferð niður um 13.000 til
14.000 fet og eiga að hoppa – núna!
Hægt er að fylgjast með mál-
efnum þessa hóps á vefslóðinni
www.skydive.is/boogie.
Linnulausar loftdýfur á Egilsstöðum um helgina
Fjör hjá íslenskum
fallhlífastökkvurum
Morgunblaðið/Steinunn Ásmundsdóttir
Egilsstaðir
AFMÆLISHÁTÍÐ var haldin í
Norska húsinu laugardaginn 29.
júní og þess minnst að 12. maí voru
liðin 200 ár frá fæðingu Árna kaup-
manns Thorlacius og 170 ár síðan
hann hóf að byggja Norska húsið.
Afkomendur hjónanna Árna
Thorlacius og Önnu Magdalenu
mættu og færðu Norska húsinu gjaf-
ir. Árni Freyr Sigurlaugsson flutti
minningabrot um forföður sinn.
Hann afhenti 15 bækur úr bókasafni
Árna Thorlacius sem Árni merkti
sjálfum sér. Hér er um að ræða rit-
röð um sögu og landafræði sem gef-
in var út í Kaupamannahöfn á ár-
inum 1820–1830. Þá fékk safnið að
gjöf frá Jórunni Thorlacius silfur-
skeið, eina af 24 sem til eru og
merktar fangamarki Önnu Magda-
lenu. Guðrún Anna Thorlacius gaf
Norska húsinu silfurskírnarbikar
og mynd af Árna Jóseph Thorlacius,
barnabarni Árna, en hann dó mjög
ungur úr blóðeitrun eftir að hafa
stungið sig á ryðguðum öngli. Einn-
ig barst safninu Ættartölur Thorla-
cius-ættarinnar sem Jón Thorlacius
skráði, en hann var sonur Árna
Ólafs, sem var sonur Daníels sonar
gamla Árna.
Þá var opnuð sýning Guðfinnu A.
Hjálmarsdóttur sem á þennan hátt
vill heiðra minningu langalangafa
síns Árna Thorlacius og er sýningin
byggð á minningabrotum sem
tengdust lífi hans og starfi. Mynd-
irnar eru unnar á handgerðan papp-
ír með Image-on ætingum og fleiri
grafíkaðferðum. Aldís Sigurðar-
dóttir þakkaði gjafirnar og fagnaði
því að nú væru þær komnar heim
aftur.
Á afmælishátíð Norska hússins
kom fram sönghópurinn „Sex í
sveit“ frá Grundarfirði og borg-
firski þjóðdansahópurinn Sporið.
Fjölmenni var í Norska húsinu
þennan laugardag og þ.á m. norski
sendiherrann, Kjel Halvorsen.
Morgunblaðið/Gunnlaugur Árnason
Afkomendur Árna Thorlacius afhentu Norska húsinu gjafir úr búi Árna:
Frigg Árnadóttir, Árni Freyr Sigurlaugsson, Anna Margrét Thorlacius,
Guðfinna A. Hjálmarsdóttir og Aldís Sigurðardóttir safnvörður.
Norska húsið fær gjafir
úr búi Árna Thorlacius
Stykkishólmur
Í TILEFNI af 35 ára rithöfund-
arafmæli Guðjóns Sveinssonar
stóð Félag ljóðunnenda á Austur-
landi fyrir skemmtun á Staðar-
borg í Breiðdal nú í lok júní. Þar
var einnig fagnað útkomu nýrrar
ljóðabókar og hljómdisks sem
höfundurinn sendi nýlega frá sér
og tileinkar eiginkonu sinni sem
varð sjötug í maí. Á diskinum er
að finna tuttugu og tvö lög, flest
eftir Guðjón. Flutt var tónlist af
diskinum en fjölskylda höfundar
sá að mestu leyti um flutninginn.
Hljómsveitina skipuðu börn,
barnabörn og tengdabörn höf-
undar og má segja að það hafi
ríkt sannkölluð fjölskyldustemn-
ing á sviðinu á Staðarborg. Heið-
ursgestir kvöldsins voru Elín Ósk
Óskarsdóttir og Kjartan Ólafsson
og fluttu þau nokkur lög af disk-
inum við mikinn fögnuð gesta.
Erla Sigurðardóttir myndlistar-
maður sýndi myndir úr þremur
bókum eftir Guðjón og verða þær
áfram til sýnis á Staðarborg í
júlí. Magnús Stefánsson fór yfir
rithöfundarferil Guðjóns, höf-
undur las nokkur ljóð og að lok-
um var stiginn léttur dans á þess-
ari fallegu júnínótt í Breiðdal.
Guðjón Sveinsson rithöfundur ásamt hópnum sem sá um dagskrána í til-
efni af 35 ára rithöfundarafmæli hans.
Rithöf-
undar-
afmæli í
Breiðdal
Breiðdalsvík
Á FYRSTA fundi nýkjörinnar
hreppsnefndar Þórshafnar-
hrepps, 14. júní sl., var oddvita
falið að ganga frá ráðningu
Björns Ingimarssonar sem
sveitarstjóra til næstu fjögurra
ára.
Ráðinn
sveitarstjóri
Þórshöfn