Morgunblaðið - 04.07.2002, Blaðsíða 8

FRÉTTIR
8 FIMMTUDAGUR 4. JÚLÍ 2002 MORGUNBLAÐIÐ
Umferðarráð með augun á vegunum
Ánægja og ör-
yggi við stýrið
FRAMUNDAN erumestu ferðahelgarársins. Íslendingar
eru með eindæmum ferða-
glaðir og vilja gjarnan
ferðast í bíl um eigið land.
Þrátt fyrir miklar vega-
bætur um allt land á und-
anförnum árum þarf þjóðin
að horfa upp á fjölda fólks
bíða bana í umferðarslys-
um á þjóðvegunum. Um-
ferðarráð stendur í miklu
upplýsinga- og forvarna-
starfi um land allt. Við-
fangsefnin eru fjölmörg,
eins og sjá má á heimasíð-
unni www.umferd.is, en
vegna ferðahelganna
ræddi Morgunblaðið við
Sigurð Helgason, upplýs-
ingafulltrúa Umferðar-
ráðs, um umferðina á þjóð-
vegum landsins.
– Hver er helsta orsök slysanna
að ykkar mati?
„Aukinn hraði á vegum landsins
veldur fleiri slysum, það er grund-
vallaratriði. Við viljum höfða til
skynsemi hvers og eins um að
fylgja hraðatakmörkunum, sýna
varúð og tillitssemi og fara sér
hægt í mikilli umferð. Um leið og
einhver ekur of hratt býður hann
heim hættunni á alvarlegum slys-
um og banaslysum. Einnig eru bíl-
beltin algjörlega nauðsynleg, enda
sjáum við að þau skipta verulegu
máli í alvarlegum slysum. Ölvunin
kemur því miður einnig allt of oft
við sögu.“
– Hvar má helst sjá ölvunar-
aksturinn?
„Hann er nú sjáanlegur næstum
alls staðar, því miður. Í sumarbú-
staðahverfum má víða sjá ölvunar-
akstur, og verður fylgst sérstak-
lega vel með þeim svæðum núna
um helgina, sem og aðrar helgar í
sumar. Engu skiptir þótt fjarlægð-
irnar séu stuttar, ölvunarakstur á
ekki að líðast. Við höfðum bæði til
skynsemi þeirra sem setjast undir
stýri ölvaðir og þeirra sem fallast á
að sitja í bíl með ölvuðum öku-
manni.“
– Hvað með framúraksturinn?
„Ökumenn verða að sýna tillits-
semi og þolinmæði þegar fram-
úrakstur er annars vegar. Þeir
sem hægja á umferðinni þurfa að
vera meðvitaðir um það og víkja út
í kant eins og þeir mögulega geta
ef þeir valda töfum á veginum.
Með þeim hætti má afstýra fram-
úrakstri, sem annars væri óum-
flýjanlegur og veldur oft mikilli
streitu meðal ökumanna. Hins
vegar má einnig sjá framúrakstur
þar sem ökumenn græða sáralítið
á glæfraskapnum og færast ein-
ungis fram um einn bíl eða örfáar
mínútur í akstri. Oftar en ekki hitt-
ast svo allir í næstu vegasjoppu áð-
ur en glannaskapurinn hefst á ný.“
– Ökumaður þarf að vera vel
upplagður fyrir akstur, ekki satt?
„Jú, að sjálfsögðu. Fjöldamörg
dæmi eru um að fólk vinni fullan
vinnudag, til dæmis á föstudegi,
drífi sig úr vinnunni í
undirbúning ferðarinn-
ar og eigi fyrir höndum
margra klukkustunda
akstur. Þar er mikil
hætta á að ökumaður sé
orðinn of þreyttur til að halda fullri
einbeitingu á þjóðvegunum. Þess
vegna er mjög mikilvægt að vera
vel upplagður, stoppa reglulega,
teygja úr sér og fara vel með sig.“
– Er ekki lykilatriði að njóta
ferðarinnar?
„Jú, einmitt. Við hvetjum alla
ferðalanga til að njóta ferðalags-
ins, ekki eyða því í bölv og ragn
vegna umferðarinnar. Skemmtileg
bílferð er kjörinn vettvangur til að
hafa það skemmtilegt. Streitan
sem heltekur þá sem eru að reyna
að flýta sér er höfuðóvinur ham-
ingjusamrar ferðar fjölskyldunn-
ar.“
– Vegabætur hér á landi hafa ef-
laust bætt ferðamöguleikana, ekki
satt?
„Jú, ef við lítum 20-30 ár aftur í
tímann sjáum við hvernig aðstæð-
ur til ferðalaga hafa gjörbreyst hér
á landi. Það ber að þakka og þess
ber að njóta með ánægjuríkri ferð
um góða vegi. Hins vegar höfum
við á Umferðarráði séð að því betri
sem vegirnir gerast, því meiri
hætta er á hraðakstri. Þar verða
ökumenn að halda í við sig og stilla
hraða í hóf. Þar er það mannlegi
þátturinn sem bregst, fólki bregst
bogalistin við aksturinn og slysin
gerast. Ef hraðanum er stillt í hóf
og allir spenntir í öryggisbelti má
fyrirbyggja slysin.“
– Er ekki sérstakt átak núna
gegn slysum á vegunum?
„Vátryggingafyrirtækin standa
fyrir átaki gegn slysum yfir sum-
armánuðina sem við styðjum ein-
dregið, enda mikilvægt að sem
flestir taki þátt í forvörnum og
breytingu til hins betra í umferð-
armálunum. Umferðarráð fagnar
öllu góðu sem styður málstað okk-
ar um bætta umferðarmenningu.“
– Hvernig fylgist Umferðarráð
með umferðinni á vegunum?
„Við vinnum náið
með sex umferðar-
fulltrúum Slysavarna-
félagsins Landsbjargar
og Umferðarráðs, sem
staðsettir eru út um
landið. Þeir eru okkar helsti tengi-
liður við umferðina um allt land og
þökkum við eindregið fyrir allar
þær upplýsingar sem við fáum frá
þeim. Einnig fáum við fjölda sím-
tala frá vökulum ökumönnum og
einnig mikinn tölvupóst á netfang-
ið okkar, postur@umferd.is. Upp-
lýsingunum sem við fáum deilum
við svo með ökumönnum með pistl-
um okkar á helstu útvarpsstöðv-
unum í allt sumar.“
Sigurður Helgason
 Sigurður Helgason er fæddur í
Reykjavík 1954. Hann lauk stúd-
entsprófi frá MR 1975, stundaði
nám í bókasafnsfræði og sagn-
fræði við HÍ. Starfaði sem kenn-
ari og bókavörður í Fellaskóla
1977 til 1985, var frétta- og dag-
skrárgerðarmaður hjá RÚV
1985 og 1986. Framkvæmda-
stjóri Fararheillar ’87 sem var
samvinnuverkefni bifreiðatrygg-
ingafélaganna árið 1987. Hann
hefur verið upplýsingafulltrúi
Umferðarráðs frá 1. febrúar
1988. Er kvæntur Önnu B. Ólafs-
dóttur og eiga þau þrjú börn,
Stefán Ólaf, Ölmu og Sigríði.
Flýtum okkur
hægt – kom-
um heil heim