Morgunblaðið - 16.07.2002, Page 50

FÓLK Í FRÉTTUM
50 ÞRIÐJUDAGUR 16. JÚLÍ 2002 MORGUNBLAÐIÐ
ER eitthvað til sem heitir hið„fullkomna morð“? Þessuhafa kvikmyndahöfundarvelt óþreyttir fyrir sér svo
lengi sem kvikmyndir hafa verið
gerðar. Og þessu velta ungir bráð-
greindir skólastrákar einnig fyrir sér
– og ákveða að láta á það reyna í
Murder By Numbers, nýjustu mynd
hins margreynda Barbets Schroeder.
Áformin: Velja fórnarlamb af
handahófi, svo engin tengsl eru milli
líksins og morðingja, og skilja ekki
eftir neinar vísbendingar. Einfalt, er
það ekki?
Kannski ekki ef rannsóknarlög-
regla á við Cassie Mayweather
(Sandra Bullock) tekur að sér rann-
sókn málsins. Þrátt fyrir ungan aldur
hefur hún þurft að glíma við margar
illleysanlegar morðgáturnar og iðu-
lega með árangursríkum hætti, ekki
með því að fylgja bókstaf lögreglu-
fræðanna heldur eigin innsæi og að
neita sér um að leita hinna augljósu
svara. En félagi hennar Sam Ken-
nedy (Ben Chaplin) er rödd skyn-
seminnar, lögga sem lætur ekkert
framhjá sér fara, og heldur, ólíkt
Mayweather, í heiðri vinnureglurnar.
Saman eru þau óárennilegt teymi
sem morðingjarnir ungu höfðu ekki
áformað að myndu rannsaka morðið
á hinum miðaldra kvenmanni sem
finnst myrtur í skóglendi nokkru,
fjarri mannabyggðum. Einu vísbend-
ingarnar eru; mannshár og vefir og
spottar úr fatagörmum.
Heimsspekingurinn Schroeder
Murder By Numbers er 12. leikna
kvikmynd Schroeders, sem nam
heimspeki við Sorbonne-háskóla og
hóf sinn kvikmyndaferil fyrst sem
skríbent, svo aðstoðarmaður hjá
Godard og því næst framleiðandi
mynda Erics Rohmers. Fyrsta leik-
stjórnarverkefni hans var More sem
hann gerði árið 1969 og gerði hann
fáeinar myndir á áttunda áratugnum,
þ.á m. tvær heimildarmyndir. Þótt
hann hafi verið nokkuð kunnur í evr-
ópskri kvikmyndagerð varð nafn
hans þó ekki heimsfrægt fyrr en
hann gerði sína fyrstu mynd vestan-
hafs 1987. Það var Barfly, örlagasaga
um líf útigangsmanna, gerð eftir
sögu Charles Bukowski, og skartaði
Mickey Rourke og Faye Dunaway.
Myndin vakti þónokkra athygli og
keppti í aðalkeppninni í Cannes.
Næsta mynd er þó trúlega hans
merkilegasta til þessa. The Reversal
of Fortune var frumsýnd 1990 og er
sannsöguleg mynd um málaferlin yf-
ir yfirstéttarmanninum Claus Von
Bülow sem dreginn var fyrir dóm
fyrir meinta morðtilraun á forríkri
eiginkonu sinni. Myndin færði
Schroeder hans fyrstu og einu Ósk-
arsverðlaunatilnefningu en Jeremy
Irons gerði gott betur og fékk Óskar
fyrir eftirminnilega túlkun sína á Von
Bülow.
Myndirnar sem Schroeder hefur
gert síðar hafa
þótt upp og ofan,
Single White Fe-
male er lostafull-
ur ofsóknarhasar,
Kiss of Death
mislukkaður
ruddakrimmi, Be-
fore and After
lamað fjölskyldu-
drama, Despe-
rate Measures of-
urvenjuleg
lögguspenna og
La Virgen de los
sicarios grimmi-
leg naflaskoðun.
Síðastnefnda
myndin var ólík
því sem hann hef-
ur fengist við síðasta áratuginn. Hún
er lítil, gerð utan Hollywood og er á
spænsku. Þar er Schroeder að upp-
lifa á ný gömlu heimkynni sín í Kól-
umbíu þar sem hann bjó og ólst upp
sem ungur maður, og uppgötvar rétt
eins og höfuðpersóna myndarinnar
að margt hefur breyst. Þótt fátæktin
og eiturlyfjabölið sé allsráðandi sé
enn hægt að finna fegurðina sem ein-
kennir landið í minningunni. Af þess-
ari mynd hefði mátt halda að hann
væri búinn að segja skilið við Holly-
wood en því fór fjarri. Murder By
Numbers er
Hollywood-
mynd, með ein-
hverri frægustu
Hollywood-
stjörnu samtím-
ans, en samt ber
hún, líkt og önn-
ur verk hans,
handbragð hins
evrópska leik-
stjóra.
Sannar fyr-
irmyndir
En þar sem
hann var stadd-
ur í Evrópu á
helstu kvik-
myndahátíð
heimsins að kynna nýju Hollywood-
myndina sína tilkynnti hann mönnum
að ekkert væri fjær huga sínum en að
hjakka í sama farinu, að markmið
hans væri ætíð að gera öðruvísi mynd
en sú síðasta var. Og sálfræðitryllir
er sannarlega eitthvað annað en kól-
umbískt samfélagsdrama.
Með Schroeder í Cannes, þar sem
myndin var sýnd utan keppni, voru
lykilleikarar myndarinnar, Sandra
Bullock og efnin tvö sem fara með
hlutverk morðingjanna ungu, Ryan
Gosling og Michael Pitt.
Hugmyndina að fléttunni, þ.e. að
láta tvo unglingspilta fremja morð
sér til „gamans“, til þess eins reyna á
gáfur sínar, má rekja aftur til at-
burða sem áttu sér stað 1924 þegar
tveir námsmenn, Nathan Leopold og
Richard Loeb, rændu og myrtu 14
ára dreng til þess eins að svala fróð-
leiksfýsn sinni. Þetta er síður en svo í
fyrsta sinn sem sá vofveiflegi raun-
verulegi viðburður verður kvik-
myndahöfundum að yrkisefni, Hitch-
cock studdist við hann í The Rope frá
1948 og það var einnig gert í rétt-
ardramanu Compulsion frá 1959.
En það sem greinir þessa nýjustu
morðgátu frá hinum eru hinar miklu
tækniframfarir sem átt hafa sér stað
við rannsókn á slíkum málum. Og það
er farið með óvenju ítarlegum hætti
út í vinnubrögð rannsóknarlögreglu-
manna, hvernig þeir þurfa að púsla
saman, af þolinmæði og útsjónar-
semi, púsluspili í nær óteljandi pört-
um.
Bullock segist hafa lagt sig alla
fram, að eigin frumkvæði, við að
reyna að gera lögreglukonuna May-
weather sem trúverðugasta og þá
skipti ekki svo litlu að vinnubrögð
hennar væru sem sönnust. „Ég fékk
að fylgjast með starfi rannsóknarlög-
reglunnar og tók þá eftir því að fas
kvenna og nálgun þeirra við starfið er
öðruvísi en karla. Oft er sagt um kon-
ur að þær séu næmari en karlar og
lögreglukonurnar virðast nýta þann
hæfileika við rannsóknarstörf sín. Ég
fékk óvenju langan tíma til að und-
irbúa mig og nýtti hann eins og ég
gat.“
Bíóklisja eða blákaldur
veruleiki?
Oftar en ekki eiga söguhetjur í
löggumyndum sem þessari við per-
sónuleg vandamál að stríða, eiga í
hjónabandserfiðleikum, eru einmana
eða glíma við einhvers konar fíknir.
Það verður fljótlega ljóst að May-
weather er engin undantekning þar
á. Henni líður ekki vel, hún er köld og
á erfitt með að bindast tilfinninga-
böndum. En spurningin er hvort
þetta sé bara enn ein bíóklisjan eða
blákaldur veruleiki sem fólk í svona
starfi þarf að horfast í augu við?
„Það er erfitt að vera ósnortinn af
þrýstingnum sem fylgir þessu erfiða
starfi. Þetta getur ekki annað en haft
áhrif á einkalífið, enda ekki hægt
losna við það þótt búið sé að stimpla
sig út. Einn stærsti vandinn sem fólk
í þessu starfi á við að etja er að það er
hægðarleikur að missa tök á veru-
leikanum á þann veg að halda að
heimurinn sé á heljarþröm, uppfullur
af morðóðu fólki.“
Bullock hefur verið að færa sig upp
á skaftið sem framleiðandi undanfar-
ið. Hún framleiddi myndirnar Gun
Shy og Miss Congeniality og er yf-
irframleiðandi Murder By Numbers.
Hún segir ástæðuna fyrir því ekki
vera þá að hún vilji fá að ráða meiru
eða hafa frekari áhrif á tilurð mynda
sinna heldur miklu fremur þá að þeg-
ar hún fái trú á einhverjum verkefn-
um þá sé hún tilbúin til að gera allt
sem í hennar valdi stendur til að auð-
velda gerð þeirra. „Það eina sem ég
gerði til að reyna að hafa áhrif á sjálfa
myndina var að berjast fyrir því að
Barbet fengi að vinna sína vinnu óá-
reittur og að sem minnst yrði hróflað
við handritinu. Ég vildi alls ekki
horfa upp á að sagan yrði gerð eitt-
hvað aðgengilegri eða mildari.“
Ryan Gosling og Michael Pitt hafa
fengið góða dóma fyrir túlkun sína á
morðingjunum ungu en segja má að
þeir séu enn nýbúar í landi kvik-
myndanna. Hinn 22 ára Gosling, sem
ku eiga í ástarsambandi við Bullock
þessa dagana, byrjaði feril sinn í
sjónvarpi en sást í Remember The
Titans og næst á undan umræddri
mynd lék hann aðalhlutverkið í hinni
margrómuðu en umdeildu The Belie-
vers. Pitt er ári yngri en Gosling en
hann ættu einhverjir að þekkja úr
myndunum Hedwig and the Angry
Inch og Finding Forrester. Aðspurð-
ir segjast þeir sáttir við flestar hliðar
bransans, líka að þurfa að þvælast á
kvikmyndahátíðir og veita viðtöl.
Báðir gripu þeir hlutverk sín fegins
hendi og litu á þau sem mikið fram-
faraskref á nýbyrjuðum ferli. Þeir
segja að þeim hafi ekki fundist erfitt
að setja sig í spor morðingja. „Burt-
séð frá siðferðisbrenglun þeirra þá
eru þetta heillandi persónur, hugs-
andi náungar sem ég a.m.k. myndi
hafa gaman af að umgangast,“ segir
Pitt letilegri töffararöddu. „Þeir eru
bara villtir og ég get ekki annað en
vorkennt þeim.“
Schroeder hefur verið óspar á lofið
á þessa drengi og sagðist í Cannes
hafa alla trú á því að þeir yrðu er
fram líða stundir í hópi merkustu
kvikmyndaleikara. „Ég er vanari því
að leikstýra þaulvönum leikurum en
ég get í sannleika sagt að það var
engin munur á, því að þeir eru full-
þroska leikarar.“
Nýjasta mynd Barbets Schroeders heitir Murder By Numbers og er morðgáta með
Söndru Bullock í aðalhlutverki. Skarphéðinn Guðmundsson sat blaðamannafund með
þeim og ungum meðleikurum Bullock í Cannes á dögunum.
Morgunblaðið/Halldór Kolbeins
Lykillið Murder By Numbers í Cannes-sólinni: Barbet Schroeder, Mich-
ael Pitt, Sandra Bullock og Ryan Gosling.
Leikur að
morðum
Sýningar eru hafnar á myndinni Murder By Numbers
skarpi@mbl.is
Sandra Bullock leikur klóka
löggu í tilvistarkreppu sem
fylgir eigin eðlishvöt.
13.07. 2002
19
9 3 4 9 0
9 8 3 9 1
22 27 31 33
11
10.07. 2002
17 40 41
44 45 47
14 20
Fyrstu vinningar
fóru til Noregs
og Finnlands.
Þrefaldur
1. vinningur
í næstu viku
Kefla-
valtarar
Röratengi
Fiskislóð 26 · Sími: 551 4680 · Fax: 552 6331
www.sturlaugur.is
i i l í i
l i
iskislóð 26 Sími: 551 4 80
www.sturlaugur.is
VÁKORT
Eftirlýst kort nr.
4507-4500-0030-3021
4507-2800-0001-4801
4507-4500-0030-6412
4507-4500-0030-6776
4507-2900-0005-8609
4741-5200-0002-4854
4548-9000-0059-0291


 
      
 
  
  

  




         
  ! "#

"$%&'
  ()( )$$$