Morgunblaðið - 16.07.2002, Blaðsíða 15

MORGUNBLAÐIÐ ÞRIÐJUDAGUR 16. JÚLÍ 2002 C 15HeimiliFasteignir
3ja HERBERGJA
2ja HERBERGJA
SUMARHÚS
SÉRBÝLI
4-7 HERBERGJA
arsamvinnufélagsins á afsal fyrir
þinglýsingu þess og víða utan
Reykjavíkur þarf áritun bæjar/
sveitarfélags einnig á afsal fyrir þing-
lýsingu þess.

Samþykki maka – Samþykki maka
þinglýsts eiganda þarf fyrir sölu og
veðsetningu fasteignar, ef fjölskyldan
býr í eigninni.

Gallar – Ef leyndir gallar á eigninni
koma í ljós eftir afhendingu, ber að
tilkynna seljanda slíkt strax. Að öðr-
um kosti getur kaupandi fyrirgert
hugsanlegum bótarétti sakir tómlæt-
is.
Gjaldtaka

Þinglýsing – Þinglýsingargjald
hvers þinglýsts skjals er nú 1.200 kr.

Stimpilgjald– Það greiðir kaup-
andi af kaupsamningum og afsölum
um leið og þau eru lögð inn til þing-
lýsingar. Ef kaupsamningi er þinglýst,
þarf ekki að greiða stimpilgjald af af-
salinu. Stimpilgjald kaupsamnings
eða afsals er 0,4% af fasteignamati
húss og lóðar, þ. e. 4.000 kr. af hverri
milljón.

Skuldabréf – Stimpilgjald skulda-
bréfa er 1,5% af höfuðstóli (heildar-
upphæð) bréfanna eða 1.500 kr. af
hverjum 100.000 kr. Kaupandi greiðir
þinglýsingar- og stimpilgjald útgef-
inna skuldabréfa vegna kaupanna, en
seljandi lætur þinglýsa bréfunum.

Stimpilsektir– Stimpilskyld skjöl,
sem ekki eru stimpluð innan 2ja
mánaða frá útgáfudegi, fá á sig
stimpilsekt. Hún er 10% af stimp-
ilgjaldi fyrir hverja byrjaða viku. Sekt-
in fer þó aldrei yfir 50%.

Skipulagsgjald – Skipulagsgjald er
greitt af nýreistum húsum. Af hverri
byggingu, sem reist er, skal greiða
3‰ (þrjú pro mille) í eitt sinn af
brunabótavirðingu hverrar hús-
eignar. Nýbygging telst hvert nýreist
hús, sem virt er til brunabóta svo og
viðbyggingar við eldri hús, ef virðing-
arverð hinnar nýju viðbyggingar
nemur 1/5 af verði eldra hússins.
Þetta á einnig við um endurbætur,
sem hækka brunabótavirðingu um
1/5.
Húsbyggjendur

Lóðaumsókn – Eftir birtingu aug-
lýsingar um ný byggingarsvæði geta
væntanlegir umsækjendur kynnt sér
þau hverfi og lóðir sem til úthlutunar
eru á hverjum tíma hjá byggingaryf-
irvöldum í viðkomandi bæjar- eða
sveitarfélögum – í Reykjavík á skrif-
stofu borgarverkfræðings, Skúlatúni
2. Skilmálar eru þar afhentir gegn
gjaldi, ef tilbúnir eru. Umsækjendur
skulu fylla út nákvæmlega þar til gert
eyðublað og senda aftur til viðkom-
andi skrifstofu. Í stöku tilfelli þarf í
umsókn að gera tillögu að húshönn-
uði en slíkra sérupplýsinga er þá get-
ið í skipulagsskilmálum og á umsókn-
areyðublöðum.

Lóðaúthlutun – Þeim sem út-
hlutað er lóð, fá um það skriflega til-
kynningu, úthlutunarbréf og þar er
þeim gefinn kostur á að staðfesta út-
hlutunina innan tilskilins tíma, sem
venjulega er um 1 mánuður. Þar koma
einnig fram upplýsingar um upp-
hæðir gjalda o.fl. Skilyrði þess að
lóðaúthlutun taki gildi eru að áætluð
gatnagerðargjöld o.fl. séu greidd á
réttum tíma. Við staðfestingu lóðaút-
hlutunar fá lóðarhafar afhent nauð-
synleg gögn, svo sem mæliblað í tví-
riti, svo og hæðarblað í tvíriti og skal
annað þeirra fylgja leyfisumsókn til
byggingarnefndar, auk frekari gagna
ef því er að skipta.

Gjöld – Gatnagerðargjöld eru mis-
munandi eftir bæjar- og sveit-
arfélögum. Upplýsingar um gatna-
gerðargjöld í Reykjavík má fá hjá
borgarverkfræðingi en annars staðar
hjá byggingarfulltrúa. Að auki koma
til heimæðargjöld. Þessi gjöld ber að
greiða þannig: 1/10 innan mánaðar
frá úthlutun, síðan 30% sex mán-
uðum eftir úthlutun, 30% tólf mán-
uðum eftir úthlutun og loks 30%
átján mánuðum eftir úthlutun.

Framkvæmdir – Áður en unnt er
að hefjast handa um framkvæmdir
þarf framkvæmdaleyfi. Í því felst
byggingaleyfi og til að fá það þurfa
bygginganefndarteikningar að vera
samþykktar og stimplaðar og eft-
irstöðvar gatnagerðargjalds og önn-
ur gjöld að vera greidd.
Einnig þarf að liggja fyrir bréf um
lóðarafhendingu, sem kemur þegar
byggingarleyfi er fengið og nauðsyn-
legum framkvæmdum sveitarfélags
er lokið, svo sem gatna- og holræsa-
framkvæmdum.
Í þriðja lagi þarf að liggja fyrir stað-
setningarmæling bygginga á lóð en
þá þarf einnig byggingarleyfi að
liggja fyrir, lóðarafhending að hafa
farið fram og meistarar að hafa skrif-
að upp á teikningar hjá byggingarfull-
trúa. Fylla þarf út umsókn um vinnu-
heimtaugarleyfi til rafmagnsveitu og
með þeirri umsókn þarf að fylgja
byggingarleyfi, afstöðumynd sem
fylgir byggingarnefndarteikningu og
umsókn um raforku með undirskrift
rafverktaka og húsbyggjanda.
Umsækjanda er tilkynnt hvort hann
uppfyllir skilyrði rafmagnsveitu og
staðfestir þá leyfið með því að greiða
heimtaugargjald. Fljótlega þarf að
leggja fram sökklateikningar hjá
byggingarfulltrúa og fá þær stimpl-
aðar en að því búnu geta fram-
kvæmdir við sökkla hafist. Þá þarf út-
tektir á ýmsum stigum framkvæmda
og sjá meistarar um að fá bygginga-
fulltrúa til að framkvæma þær.

Fokhelt – Fokheldisvottorð, skil-
málavottorð og lóðasamningur eru
mikilvæg plögg fyrir húsbyggjendur
og t.a.m. er fyrsta útborgun húsnæð-
islána bundin því að fokheldisvottorð
liggi fyrir. Byggingarfulltrúar gefa út
fokheldisvottorð og skilmálavottorð
og til að þau fáist þarf hús að vera
fokhelt, lóðarúttekt að hafa farið
fram og öll gjöld, sem þá eru gjald-
fallin að hafa verið greidd. Skrifstofur
bæja- og sveitarfélaga (í Reykjavík
skrifstofa borgarstjóra) gera lóð-
arsamning við lóðarleigjanda að upp-
fylltum ýmsum skilyrðum, sem geta
verið breytileg eftir tíma og að-
stæðum. Þegar lóðarsamningi hefur
verið þinglýst, getur lóðarhafi veð-
sett mannvirki á lóðinni.
Húsbréf

Húsbréfalán – Lán innan hús-
bréfakerfisins eru svokölluð hús-
bréfalán. Þau eru veitt til kaupa á
notuðum íbúðum, til nýbygginga ein-
staklinga, nýbygginga byggingaraðila
og til endurbóta á eldra húsnæði.
Annars vegar er um að ræða fast-
eignaveðbréf, sem gefin eru út af
íbúðarkaupanda, húsbyggjanda eða
íbúðareiganda, og eru þau skuldavið-
urkenningar þessara aðila. Húsbréfin
sjálf koma kaupanda ekki beint við.
Seljendur aftur á móti eignast hús-
bréf með því að selja Íbúðalánasjóði
fasteignaveðbréfin.
Þar með losna seljendur við að inn-
heimta afborganir af fasteignaveð-
bréfunum og geta notað húsbréfin á
þann hátt, sem þeir kjósa; ýmist með
því að selja þau á verðbréfamarkaði,
eiga þau sem sparnað eða nota hús-
bréfin til að greiða með annaðhvort
við kaup, eða upp í skuldir sínar. Hér
að neðan er birt dæmi um þann feril,
sem á sér stað við kaup á notaðri
íbúð. Frekari upplýsingar ásamt al-
mennri fjármálaráðgjöf í tengslum
við lánveitinguna veita bankar og
sparisjóðir.

Kaup á notaðri íbúð
 Frumskilyrði fyrir húsbréfaláni, er
að umsækjandi verður að sækja
um skriflegt mat á greiðslugetu
sinni hjá banka eða sparisjóði.
 Þegar mat þetta er fengið, gildir
það í sex mánuði.
 Umsækjandi skoðar sig um á fast-
eignamarkaðnum í leit að notaðri
íbúð.
 Þegar hann hefur í höndum sam-
þykkt kauptilboð, kemur hann því
til Íbúðalánasjóðs ásamt greiðslu-
matskýrslu og öðrum fylgigögnum
 Meti stofnunin kauptilboðið láns-
hæft, fær íbúðarkaupandinn af-
hent fasteignaveðbréfið til und-
irritunar og hann getur gert
kaupsamning.
 Fasteignaveðbréfið er síðan afhent
seljanda eftir undirskrift.
 Því næst lætur kaupandi þinglýsa
kaupsamningi og kemur afriti til
seljanda.
 Seljandi lætur þinglýsa fast-
eignaveðbréfinu, útgefnu af kaup-
andanum, sem Íbúðalánasjóður
síðan kaupir og greiðir fyrir með
húsbréfum. Afgreiðsla þeirra fer
fram hjá Íbúðalánasjóði.
 Stofnunin sér um innheimtu af-
borgana af fasteignaveðbréfinu.

Lánskjör – Fasteignaveðbréfið er
verðtryggt. Lánstími er 25 eða 40 ár
og ársvextir eru nú 5,1%. Þeir eru
fastir og breytast því ekki á lánstím-
anum. Gjalddagar á nýjum fast-
eignaveðbréfum eru nú mánaðarlega
eða ársfjórðungslega og afborganir
hefjast á 3ja reglulega gjalddaga frá
útgáfu bréfsins, sé um mánaðarlega
gjalddaga að ræða og öðrum reglu-
lega gjalddaga sé um ársfjórðungs-
lega gjalddaga að ræða.
Á allar greiðslur, bæði vexti og af-
borganir, eru jafnan reiknaðar verð-
bætur í samræmi við neyzluvísitölu.
Lántökugjald er 1%. Mánaðarleg
greiðslubyrði af 1 millj. króna láni til
25 ára er í dag 5.924 kr.

Önnur lán– Íbúðalánasjóður veitir
einnig fyrirgreiðslu vegna byggingar
leiguíbúða eða heimila fyrir aldraða,
meiriháttar endurnýjunar og end-
urbóta eða viðbygginga við eldra
íbúðarhúsnæði.
Margir lífeyrissjóðir veita einnig lán
til félaga sinna vegna húsnæðis-
kaupa, svo að rétt er fyrir hvern og
einn að kanna rétt sinn þar. Mögu-
leikar á lánum til kaupa á íbúðar-
húsnæði kunna einnig að vera fyrir
hendi hjá bönkum og sparisjóðum.
alltaf á þriðjudögum
HEIMILI/FASTEIGNIR