Morgunblaðið - 03.02.2005, Side 12

12 FIMMTUDAGUR 3. FEBRÚAR 2005 MORGUNBLAÐIÐ
FRÉTTIR
MORGUNBLAÐINU hefur borist
eftirfarandi athugasemd frá Evu
Magnúsdóttur, upplýsingafulltrúa
Símans, á ummælum sem höfð
voru eftir Alfreð Þorsteinssyni,
stjórnarformanni OR, í Morgun-
blaðinu í gær:
„Í fréttum Morgunblaðsins mið-
vikudaginn 2. febrúar síðastliðinn
komu fram ýmsar ásakanir og
rangfærslur í máli Alfreðs Þor-
steinssonar, stjórnarformanns
Orkuveitu Reykjavíkur. Alfreð
segir að miðað við það sem hann
kallar „óheyrilega gjaldtöku“ sem
Síminn hafi viðhaft, áður en OR
kom til sögunnar, hafi verið full-
komlega réttlætanlegt að OR færi
út í fjarskiptarekstur. Jafnframt
fullyrðir hann að „kostnaður við
gagnaflutninga hafi lækkað um
tugi prósentna með tilkomu OR“.
Þessu hefur Alfreð og forsvars-
menn OR/Línu.Nets ítrekað haldið
fram á síðustu árum en þeir kærðu
Símann fyrir að lækka verð á
gagnaflutningi. Í niðurstöðu sam-
keppnisráðs segir orðrétt … „að
lækkuninni hafi ekki verið beint
sérstaklega gegn Línu.Neti í þeim
tilgangi að þröngva fyrirtækinu út
af markaði. Samkeppnisráð telur
að Landssíminn hafi ekki brotið
gegn ákvörðun samkeppnisráðs nr.
41/1997 með því að lækka verð á
gagnaflutningsþjónustu hinn 1.
október 2000“.
Síminn hefur því ekki brugðist
sérstaklega við samkeppni Orku-
veitunnar í verðskrá sinni en sem
dæmi lækkaði Síminn verð á
gagnaflutningi til landsbyggðar-
innar um allt að 50% í apríl 2004.
Síminn hefur þannig unnið að því
að einfalda verðskrá sína og mæta
kröfum landsbyggðar, – en mest
er þar um að ræða svæði sem
Orkuveitan hefur ekki sinnt. Þetta
er í takt við þá þróun sem verið
hefur í heiminum – að verð á
gagnaflutningi fer sífellt lækk-
andi.“
Athugasemd frá Símanum
Ásakanir og rang-
færslur í máli Al-
freðs Þorsteinssonar
MORGUNBLAÐINU hefur borizt
eftirfarandi frá Jóni Hermannssyni
kvikmyndagerðarmanni:
„Í Morgunblaðinu á þriðjudag birt-
ist athugasemd frá dagskrárstjóra
RUV, Rúnari Gunnarssyni, vegna
viðtals við mig í sunnudagsblaði
Morgunblaðsins. Ég vil gera nokkrar
athugasemdir við grein Rúnars.
Fyrst fjallar Rúnar um það, sem
ég kallaði valdníðslu (misneyting er
víst lagamálið). Það er rétt hjá
Rúnari, að ég bauð RUV umrædda
íslenskukennsluþætti upphaflega. Þá
hvarflaði ekki að mér, að RUV hygð-
ist sýna þættina án þess að greiða
fyrir þá! Í framhaldi af boði mínu var
mér afhent einhliða yfirlýsing,
undirrituð af Rúnari, þann 29.
nóvember 2001. Í þeirri yfirlýsingu
kom fram, að RUV myndi ekki greiða
fyrir sýningu þáttanna. Ég taldi, að
yfirlýsing þessi hlyti að vera byggð á
einhverjum misskilningi þar sem
engin fordæmi eru fyrir því, að RUV
fái gefins efni, annað en aug-
lýsingaefni, af þessari stærðargráðu (
21 X 20mín.), frá aðilum utan RUV.
Sjálfur gerði ég ekkert nema að fá
yfirlýsinguna afhenta. Ekki var ósk-
að eftir samþykki mínu, hvorki
munnlegu eða skriflegu. Auðvitað var
ég forviða þegar mér barst þessi ein-
hliða yfirlýsing Rúnars.
Ég taldi víst að gerður yrði skrif-
legur sýningarsamningur við mig
eins og alltaf er gert þegar um er að
ræða efni, sem RUV á ekki sjálft.
Í yfirlýsingu dags. 18. júlí 2003
kemur að valdníðslu RUV í garð und-
irritaðs. Þar er ég þvingaður til að
undirrita ótakmarkaðan sýningarrétt
á þáttunum út árið 2004 endurgjalds-
laust að venju, en frumsýning þeirra
fór fram frá byrjun árs 2003. RUV
hefir sent út þættina mína, „Viltu
læra íslensku“ samtals í tuttugu og
fjórar klukkustundir.
Undirskriftar minnar var aflað
með því, að RUV keypti annað efni
eftir mig og skilyrti þau kaup með
því, að ég undirritaði yfirlýsinguna
varðandi íslenskukennsluþættina!
Rúnar segir í grein sinni, að und-
irritaður hafi beðið sig um að end-
ursýna þáttaröðina veturinn 2004-
2005! Þetta er ósatt, sbr. fyrri sam-
skipti aðila! Það skal tekið fram að
nefndur Rúnar hafði samband við
mig eftir að samtalið við mig birtist í
Morgunblaðinu og spurði hvort RUV
ætti að halda sýningu þáttanna
áfram! Að sjálfsögðu taldi ég það af
og frá!
Í niðurlagi greinar Rúnars er talað
um mikla bjartsýni á fjármögnun
kvikmynda. Má vera að nokkuð sé til í
því, sem Rúnar segir, en á löngum
ferli undirritaðs í kvikmyndagerð,
sem spannar rúm 30 ár, hefur mér þó
tekist að koma í framkvæmd og ljúka
5 bíómyndum í fullri lengd og meira
en 50 heimilda- og stuttmyndum.
Embættismenn, sem sitja í vernd
stjórnvalda og hafa ekki þurft að
vinna á opnum og stundum mis-
kunnarlausum frjálsum markaði,
ættu að fara varlega í dóma af þessu
tagi. Svona föðurleg umhyggjusemi
lýsir valdhroka og kemur úr hörðustu
átt.“
Athugasemd frá Jóni Hermannssyni
Hrokafullt svar
frá ríkisstofnun
Mál Bobbys
Fischers
mikið mann-
úðarmál
STUÐNINGSMENN Bobbys
Fischers hafa sent Alþingi bréf
og vakið athygli á stöðu máls
hans sem virðist stranda á því að
japönsk yfirvöld vilja ekki heim-
ila honum að ferðast til Íslands
án vegabréfs þrátt fyrir að utan-
ríkisráðherra hafi boðið honum
landvist og heimilað honum að
koma hingað án vegabréfs.
Að sögn Sæmundar Pálssonar,
vinar Fischers og eins fulltrúa
stuðningshópsins mun allsherj-
arnefnd Alþingis, líklega taka
málið fyrir á fundi sínum og í
framhaldinu vonast hann til þess
að Alþingi muni greiða atkvæði
um að veita Fischer íslenskan
ríkisborgararétt. „Ég á nú von á
því að málið fari í gegn, þótt það
sé ekkert gefið í þessum efnum,“
segir hann.
Í bréfi stuðningshópsins til Al-
þingis segir m.a. að um sé að
ræða mikið mannúðarmál og hafi
stærstu fréttastofur heimsins
kynnt málið á þann veg að örlög
Fischers séu í reynd í höndum
Alþingis Íslendinga. Stórbrotin
örlagasaga Fischers muni því um
ókomna tíð tengjast þeirri
ákvörðun sem þingmenn nú taka.
Stuðningshópurinn minnist í
bréfinu orða Halldórs E. Sig-
urðssonar þáverandi fjár-
málaráðherra sem sagði í ávarpi
sínu við krýningu Bobbys Fisc-
hers sem heimsmeistara í skák í
Laugardalshöll að loknu einvígi
þeirra Borís Spasskís sum-
arið1972 að íslenska þjóðin árn-
aði bæði Spasskí og Fischer allra
heilla og myndi fagna þeirri
stundu ef þeir ættu eftir að
heimsækja íslensku þjóðina á ný.
Varðhald Fischers í
hæsta máta einkennilegt
Sæmundur segir varðhald
Fischers í hæsta máta ein-
kennilegt og telur að sleppa eigi
manninum. „Það hefur aldrei
verið glæpur að tefla skák,“ segir
hann. „Hann hefur verið í varð-
haldi í nærri sjö mánuði og það
er ómannúðlegt að halda honum
inni. Hann hefur verið með mik-
inn höfuðverk og svima und-
anfarna tvo mánuði og fær lítið
að fara út, eða 45 mínútur í senn
fimm daga vikunnar.“
Meirihluti aðal-
fundar Freyju
„Skorum
á for-
manninn
að leita
sátta“
Í YFIRLÝSINGU frá fé-
lagskonum sem mynduðu
meirihluta á aðalfundi Freyju,
félags framsóknarkvenna í
Kópavogi, í síðustu viku eru
hörmuð þau orð sem fallið hafa
eftir fundinn, einkum yfirlýs-
ingar Sivjar Friðleifsdóttur.
Eins og fram hefur komið
snýst ágreiningurinn um það
hvort aðalfundur félagsins hafi
verið löglegur, þ.e. hvort 43
konur hafi verið réttilega
skráðar í félagið þegar aðal-
fundur fór fram. Um þátt Sivj-
ar segir í yfirlýsingunni:
„Hún mætti seint til aðal-
fundar Freyju og hafði sig þar
mjög í frammi, en hún var sú
eina á fundinum sem ekki er
félagi í Freyju. Yfirlýsingar
hennar um að innganga okkar
í félagið og þátttaka í fund-
inum sé tilkomin vegna und-
irgefni við ákveðna karlmenn í
Framsóknarflokknum er hrein
móðgun og með ólíkindum að
slíkt komi frá forystukonum í
stjórnmálum sem hafa undan-
farna mánuði hvatt konur til
að koma til starfa í stjórnmál-
um.
Við frábiðjum okkur að vera
dregnar inn í átök sem virðast
vera milli forystufólks í Fram-
sóknarflokknum. Við óskum
hins vegar eftir því að fá að
starfa með Freyju í friði og
munum sérstaklega leggja
okkur fram við að starfa með
þeim konum, sem borið hafa
starf félagsins uppi áratugum
saman í Kópavogi. […] Á aðal-
fundinum leituðum við sátta
með því að styðja sitjandi for-
mann til áframhaldandi starfa.
[…] Skorum við á formanninn
að leita sátta í félaginu,“ segir í
tilkynningunni.
Eins og fram hefur komið
bíður nú laganefndar flokksins
að skera úr um lögmæti aðal-
fundar.
Skilorðsbundið fangelsi fyrir
að misþyrma gamalli konu
HÉRAÐSDÓMUR Reykjavíkur
hefur dæmt rúmlega þrítugan mann
í þriggja mánaða skilorðsbundið
fangelsi fyrir líkamsárás með því að
hafa ráðist á aldraða konu og marg-
sinnis slegið hana í andlitið þegar
hann átti að aðstoða hana á salerni.
Árásin var framin fyrir um einu ári
á hjúkrunarheimilinu Víðinesi þar
sem konan var vistmaður og mað-
urinn starfaði sem sjúkraliði.
Í niðurstöðu dómsins segir að
maðurinn hafi viðurkennt að hafa í
nokkur skipti klappað konunni
nokkuð hressilega með flötum lófa
og handarbaki á báða vanga og tal-
aði um löðrunga í því sambandi.
Hann gaf þær skýringar á áverkum
sem fundust á öðrum stöðum á kon-
unni að þeir kynnu að orsakast af
því að konan hafi fallið eða sigið nið-
ur á gólf baðherbergisins.
Tveir starfsmenn heimilisins
sögðust báðar hafa séð manninn slá
konuna mörg högg í andlitið með
flötum lófa og handarbaki, hafi
hann slegið hana á báðar kinnar,
fram og til baka, og hafi þetta gerst
í þremur lotum. Í hverri lotu hafi
höggin verið fimm til tíu, allföst og
veitt með ofsafengnum hætti og
frekar virst gefin í því skyni að
þagga niður í gömlu konunni en að
ná athygli hennar, eins og maðurinn
bar um.
Vanlíðan og ótti
Í dómnum segir að þó að það
hefði verið nokkrum annmörkum
háð fyrir starfsmennina tvo að sjá
til árásarinnar, væri sannað að hann
hefði slegið konuna margsinnis í
andlitið með flötum lófa og hand-
arbaki og einnig ýtt í öxl hennar.
Með því hafi hann gerst sekur um
líkamsárás. Hann var á hinn bóginn
sýknaður af ákæru um að hafa mis-
þyrmt konunni með öðrum hætti.
Árásin var talin til þess fallin að
valda ósjálfbjarga gamalmenni mik-
illi vanlíðan og ótta, og hafi verið
framin á stað þar sem konan átti að
teljast óhult. Taldi dómurinn refs-
ingu hæfilega þriggja mánaða fang-
elsi, skilorðsbundin til tveggja ára.
Konan lést í lok apríl 2004 og var
málið þingfest nokkru síðar. Mað-
urinn var sýknaður af bótakröfu frá
dánarbúi konunnar þar sem dóm-
urinn taldi að hún hefði fallið niður
við andlátið.
Ásgeir Magnússon kvað upp
dóminn. Katrín Hilmarsdóttir sótti
málið f.h. lögreglustjórans í Reykja-
vík. Gestur Jónsson hrl. var til
varnar.
BYRJAÐ er að rífa hús gömlu Bæjarútgerðarinnar á
Norðurbakkanum í Hafnarfirði en í þeirra stað mun
rísa nýstárlegt bryggjuhverfi. Um 440 íbúðir verða í
nýja hverfinu, en útboði lauk nýlega.
Hús Bæjarútgerðarinnar voru byggð á árunum 1955-
58 og hafa hýst margskonar starfsemi, nú síðast Hafn-
arfjarðarleikhúsið Hermóð og Háðvör. Leikfélagið hef-
ur nú fengið nýja og hentugri aðstöðu að Strandgötu
50 samkvæmt samningi milli Hafnarfjarðarbæjar og
menntamálaráðherra.
Afgreiðslu á skipulagstillögum Norðurbakkahverf-
isins hjá bænum lýkur á næstu vikum. Samkvæmt upp-
lýsingum frá Hafnarfjarðarbæ er búist við að bygging
bryggjuhverfisins hefjist næsta sumar.
Morgunblaðið/Jim Smart
Bæjarútgerðin víkur fyrir bryggjuhverfi