Morgunblaðið - 03.02.2005, Qupperneq 30

✝ Lilja KolbrúnSteindórsdóttir
fæddist á Teigi á
Seltjarnarnesi 6.
desember 1938. Hún
lést 27. janúar síð-
astliðinn. Foreldrar
hennar voru hjónin
Oddný Hjartardóttir
húsfreyja, f. á Borð-
eyri 1898, d. 1976,
og Steindór Kristinn
Ingimundarson
verkstjóri, f. á Sogni
í Ölfusi 1899, d.
1960. Systkini Lilju
eru Ingimundur, f.
1920, d. 1993, Magnús, f. 1922, d.
1958, Steindór, f. 1924, d. 1990,
Guðbjörg, f. 1926, d. 1927, Frið-
þeirra Lilju og Trausta eru: 1)
Dóra Kristín, f. 1961. Börn henn-
ar eru Björn Líndal, Ásdís Erna
og Steinar Trausti. 2) Björn Lín-
dal, f. 1962, kvæntur Guðrúnu El-
ínu Benónýsdóttur, f. 1961. Börn
þeirra eru Steinar Hrafn, Benóný
Þór og Kolbrún Arna.
Lilja Kolbrún ólst upp á Teigi á
Seltjarnarnesi en flutti þaðan
norður í Miðfjörð í Vestur-Húna-
vatnssýslu og bjó lengst af í húsi
er þau Trausti byggðu, Varma-
landi á Laugarbakka. Hún hóf
ung störf við fiskvinnslu hjá
Sænska frystihúsinu, en eftir að
hún flutti norður var heimilið
hennar starfsvettvangur í nokkur
ár. Seinna starfaði hún í eldhúsi
grunnskólans á Laugarbakka og
síðustu árin starfaði hún í eldhúsi
Heilbrigðisstofnunarinnar á
Hvammstanga.
Útfór Lilju Kolbrúnar verður
gerð frá Melstaðarkirkju í dag og
hefst athöfnin klukkan 14.
rik, f. 1928, Gyða, f.
1929, Hreinn, f. 1930,
d. 1999, stúlka óskírð,
f. 1933, d. 1933, Guð-
mundur, f. 1934, d.
1989, Daníel Jón, f.
1935, d.1936, Daníel
Jón, f 1937, d. 1941,
Jón Víðir, f. 1940, d.
2004, og Ívar, f. 1942.
Lilja Kolbrún gift-
ist hinn 20. febrúar
árið 1965 Trausta
Björnssyni bifreiða-
stjóra, f. í Laufási í
Víðidal 8. febrúar
1938. Foreldrar hans
voru Ingibjörg Jónsdóttir, f 1913,
d. 1994, og Björn Líndal Guð-
mundsson, f. 1906, d. 1996. Börn
Eitt það erfiðasta sem kemur fyrir
okkur í lifandi lífi er að kveðja sína
nánustu, en nú er komið að því að ég
þarf að kveðja hana Lillu systur sem
lést þann 27. jan. á heimili sínu á
Laugabakka. Minningarnar streyma
fram en Lilla systir var fædd og upp-
alin á Teig á Seltjarnarnesi og var
þriðja yngst af 14 systkinum en ellefu
eru nú látin.
Elsku systir, mig langar að rifja
upp nokkrar góðar minningar um
samverustundir okkar. Við vorum
ætíð mjög góðir vinir frá barnæsku
og hélst svo alla tíð. Ég á yndislegar
minningar um góða og trygga systur
sem ég gat alltaf leitað til í blíðu og
stríðu þegar við vorum að alast upp
heima á Teig. Þú kenndir mér margt
sem var gott veganesti út í lífið. Ég
minnist þess þegar þú kenndir mér
undirstöðuatriðin þegar ég fór fyrst í
skóla og þú varst ætíð til staðar þegar
ég þurfti á aðstoð að halda, og ég man
þegar þú kenndir mér fyrstu sporin í
dansi heima í stofu og hættir ekki fyrr
en ég gat dansað við þig vals.
Lilla systir byrjaði ung að vinna hjá
föður okkar í Sænska frystihúsinu.
Hún var mjög dugleg og ósérhlífin
þar sem hún vann og vel liðin og eft-
irsóttur vinnukraftur við hvað sem
hún tók sér fyrir hendur. Æsku árin
liðu fljótt og minnist ég þeirra með
gleði. Mesta gæfuspor Lillu var þegar
hún kynntist eftirlifandi eiginmanni
sínum, Trausta Björnssyni frá Lauf-
ási. Þau gengu veginn saman með ást
og umhyggju fyrir hvort öðru og voru
mjög samhent hjón. Þau byggðu sér
framtíðarheimili á Laugabakka þar
sem þau bjuggu alla tíð. Það var
dásamlegt að heimsækja þau hjón á
Laugabakka og var það föst venja hjá
mér og minni fjölskyldu að koma við
hjá þeim þegar við áttum leið norður í
land og þá var rætt um allt eins og
leiklist og söng sem var þeim svo hug-
leikin en þau hjón sungu í fjöldamörg
ár í kórum því það var þeirra áhuga-
mál sem þau áttu saman.
Lilla og Trausti áttu tvö börn sem
eru Dóra Kristín sem býr í Reykjavík
og á hún þrjú börn og Björn Líndal
sem býr á Hvammstanga og á þrjú
börn, þetta voru gimsteinarnir Lillu
og Trausta sem nú kveðja ástkæra
eiginkonu, móður og ömmu sem var
þeim allt.
Nú þegar komið er að kveðjustund
leitar hugur minn til Trausta og fjöl-
skyldu. Megi góður Guð styrkja þau í
sorg sinni. Við þökkum fyrir allar
dýrmætu stundirnar sem við áttum
með þér, elsku systir mín, með bæn
sem móðir okkar gaf okkur í vega-
nesti út í lífið.
Nú bið ég, Drottinn, bænir mínar,
sem barn ég krýp við fætur þínar.
Gef þú mér líf mitt vel að vanda
og vera trúr til muns og handa.
Ver þú mín systir og ástrík móðir,
veit mér að lifa í í heimi hér
að himna fái ég vist með þér.
(O.H.)
Hvíl þú í friði, elsku systir. Guð
blessi þig.
Ívar (litli bróðir) og fjölskylda.
Þegar ég flutti haustið 1998 á
Laugarbakka átti ég því láni að fagna
að búa fyrstu árin á móti Lilju og
Trausta og eignaðist góða vini sem
tóku mér og fjölskyldu minni opnum
örmum og vildu allt fyrir okkur gera.
Það var alltaf gott að koma til Lilju
og Trausta og setjast við eldhúsborðið
og spjalla um daginn og veginn yfir te-
bolla eða gosi og ekki vantaði meðlæt-
ið.
Lilja var dugnaðarforkur og dreif
hlutina af og ákaflega bóngóð, hvort
sem það var að elda mat í hádeginu
fyrir börnin mín eitt sumar þegar ég
var að vinna eða úrbeina kjöt fyrir
fermingu og margt fleira. Aldrei vildi
Lilja taka neitt fyrir, en mér þótti af-
skaplega vænt um þau fáu skipti sem
ég gat endurgoldið henni hjálpina.
Með hlýhug og þakklæti í hjarta
kveð ég þig, elsku Lilja.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Elsku Trausti, Dóra, Björn og fjöl-
skyldur, megi Guð styrkja ykkur í
sorginni.
Andrea og fjölskylda.
Það var sem ský drægi fyrir sólu er
við fréttum lát Lilju vinkonu okkar.
Hún sem ævinlega var full af eldmóði
og bjartsýni um allt það er betur mátti
fara og dró aldrei af sér við hin ýmsu
verkefni. Nú er hún ekki lengur á
meðal okkar. Í mörg ár starfaði hún í
sóknarnefnd Melstaðarsóknar og var
formaður þar um árabil. Þau voru
mörg verkefnin sem hún innti af hendi
í þágu kirkjunnar og aldrei minnst á
laun að loknu dagsverki. Trausti var
líka hinn sterki bakhjarl sem studdi
hana með ráðum og dáð.
Lilja hafði ákveðnar skoðanir á hin-
um ýmsu málum og fór ekki dult með
þær og oft urðu líflegar umræður við
eldhúsborðið í Varmalandi. Við þökk-
um Lilju alla samfylgdina, tryggð og
vináttu margra ára og eigum dýrmæt-
ar minningar um góða konu.
Elsku Trausti, Dóra, Bjössi og fjöl-
skyldur, Guð leiði ykkur og styrki á
erfiðum stundum. Minningarnar
björtu munu lýsa ykkur veginn fram
undan.
Sóknarnefnd Melstaðarsóknar.
Hún Lilja Steindórs er dáin. Þessi
hræðilegu orð flugu um sveitina á
föstudagsmorguninn. Við munum
sakna áratuga langrar samveru á
kirkjuloftinu; Lilju sem mætti manna
best á æfingar, ekki síður eftir að við
fengum Trausta til liðs við okkur,
Lilju sem alltaf kom með kaffið, jafn-
vel þó hún gæti ekki mætt sendi hún
það með Trausta eða einhverjum öðr-
um, Lilju sem hafði bækurnar í röð og
reglu og fékk þar af leiðandi titilinn
skjalavörðurinn, Lilju sem alltaf
mundi eftir stórafmælum félaganna,
Lilju sem var okkar virkasti félagi á
námskeiðum og ófáum söngferðum
og kirkjuheimsóknum sem kórinn fór
í. Ef farið var í rútu var ævinlega
sungið alla leiðina og hafði Lilja alltaf
lag á takteinum svo við þyrftum ekki
að syngja sama lagið tvisvar. Ein ferð
er sérstaklega minnisstæð þar sem
við sungum 96 lög úr Kjósinni og
norður á Laugarbakka þar sem hver
fór til síns heima.
Lilja hafði ákveðnar skoðanir á
hlutunum og var ófeimin að láta þær í
ljós, en var jafntilbúin að sætta sig við
ef þær reyndust ekki réttar.
En lífið heldur áfram og við á
kirkjuloftinu heiðrum minningu okk-
ar kæru söngsystur, þjöppum okkur
saman og reynum að gera okkar
besta, hér eftir sem hingað til.
Elsku Trausti. Við biðjum góðan
guð að styrkja þig og fjölskyldu þína.
Félagarnir í kirkjukór
Melstaðar- og Staðarbakkasókna.
Það er sunnudagur. Þrjú pör af
augum mæna óþreyjufull niður á Kúl-
una af bæjarhlaðinu á Söndum og
bíða eftir að Willys-jeppinn komi
keyrandi með bestu vinina innan-
borðs. Og svo koma þau blaðskell-
andi, Lilja og Trausti, Dóra og Bjössi
og tilveran í sveitinni verður öll önnur
og skemmtilegri. Við förum í búið á
ruslahaugunum, fjöruferðir og hjóla-
túra.
Þessir sunnudagar og aðrir tylli-
dagar, eins og afmæli og jól með fjöl-
skyldunni í Varmalandi, voru fastir og
ómissandi liðir í okkar tilveru.
Síðar ómæld gleði yfir því að flytja í
næsta hús við þau á Laugarbakka.
Lilja búin að útbúa stóra flatsæng
fyrir alla í stofunni fyrstu nóttina og
dekka borð.
Næstu árin var stanslaus sam-
gangur á milli húsa og Lilja varð fast-
ur hlekkur í tilveru okkar systkin-
anna. Alltaf hlý og innileg en föst fyrir
og ákveðin og tók þátt í uppeldi okkar
ekki síður en sinna barna.
Mörgum árum síðar, þegar Jón
Bergmann og Björn Líndal yngri
voru komnir til sögunnar, var Lilja
enn í uppeldishlutverkinu og bak-
dyrnar í Varmalandi stóðu sem fyrr
opnar fyrir ungviðinu úr Lindar-
brekku. Lilja og Trausti að skutla í
skólann, á íþróttaæfingar og ísköld
mjólk og súkkulaðikaka beið á borð-
inu þegar heim var komið.
Elsku Trausti, Dóra, Bjössi og fjöl-
skyldur, okkar innilegustu samúðar-
kveðjur sendum við ykkur við þennan
mikla og óvænta missi.
Elsku Lilja, takk fyrir allt.
Kristín, Þorvarður,
Bogey og Jón Bergmann.
LILJA KOLBRÚN
STEINDÓRSDÓTTIR
30 FIMMTUDAGUR 3. FEBRÚAR 2005 MORGUNBLAÐIÐ
MINNINGAR
Við þökkum innilega öllum þeim, sem auðsýndu
okkur samúð, hlýhug og vináttu við andlát og
útför ástkærs eiginmanns míns, föður okkar,
tengdaföður, afa og langafa,
HÁKONS SALVARSSONAR
bónda,
Reykjarfirði.
Steinunn Ingimundardóttir,
Ragheiður Hákonardóttir, Guðbjartur Ásgeirsson,
Ingimundur Hákonarson,
Salvar Hákonarson,
Marinó K. Hákonarson, Júlía B. Þórðardóttir,
barnabörn og barnabarnbörn.
Blómabúð
MICHELSEN
ÞÚ VELUR AÐEINS ÞAÐ
BESTA Í GLEÐI OG SORG
44 ÁRA
STARFSREYNSLA Í
ÚTFARARSKREYTINGUM
MICHELSEN
HÓLAGARÐI
SÍMI 557 3460
Ástkær eiginmaður minn, faðir okkar, tengda-
faðir, afi og langafi,
MAGNÚS STEFÁNSSON
frá Kalastöðum,
Dalbraut 55,
Akranesi,
sem lést föstudaginn 28 janúar, verður jarðsung-
inn frá Akraneskirkju föstudaginn 4. febrúar
kl. 11.00 árdegis.
Jarðsett verður í Saurbæjarkirkjugarði.
Þeim, sem vilja minnast hans, er bent á líknarstofnanir.
Sigríður Jensdóttir,
Ásgerður Ásta Magnúsdóttir, Ólafur Magnússon,
Þorbjörg Unnur Magnúsdóttir, Karl Sigurðsson,
Þorvaldur Ingi Magnússon, Brynja Þorbjörnsdóttir,
Soffía Sóley Magnúsdóttir, Gísli Runólfsson,
Ásta Jenný Magnúsdóttir, Jón Haukur Hauksson,
barnabörn og barnabarnabörn.
Ástkær eiginkona mín, móðir, tengdamóðir,
dóttir og amma,
HALLDÓRA JÓHANNSDÓTTIR,
Hjallabraut 88,
Hafnarfirði,
verður jarðsungin frá Víðistaðakirkju í Hafnar-
firði á morgun, föstudag 4. febrúar, og hefst
athöfnin kl. 15.00.
Einar Gíslason,
Kristín Einarsdóttir, Úlfur Grönvold,
Brynja Einarsdóttir, Örn Almarsson,
Þóra Einarsdóttir, Árni H. Björgvinsson,
Steinþóra Guðlaugsdóttir, Jóhann Lárusson
og barnabörn.
Elskuleg systir okkar, mágkona og frænka
GUÐBJÖRG GUÐMUNDSDÓTTIR
frá Stóru-Drageyri,
Grettisgötu 26
lést á hjúkrunarheimilinu Skjóli aðfaranótt
1. febrúar.
Útför hennar verður gerð frá Fossvogskirkju
mánudaginn 7. febrúar kl. 15,00.
Blóm og kransar eru vinsamlegast afþakkaðir, en þeim, sem vilja minnast
hennar, er bent á líknarstofnanir.
Þuríður Guðmundsdóttir,
Halldóra Guðmundsdóttir,
Vernharður Guðmundsson, Lydia Thjell,
Kristófer Guðmundsson, Hlíf Traustadóttir,
Guðmundur Kristjánssson, Helga Zoëga,
Edda Alexandersdóttir
og fjölskyldur.
Morgunblaðið birtir minningargreinar alla útgáfudagana.
Skil Minningargreinar skal senda í gegnum vefsíðu Morgunblaðsins: mbl.is
(smellt á reitinn Morgunblaðið í fliparöndinni – þá birtist valkosturinn „Senda
inn minningar/afmæli“ ásamt frekari upplýsingum).
Skilafrestur Ef birta á minningargrein á útfarardegi verður hún að berast fyrir
hádegi tveimur virkum dögum fyrr (á föstudegi ef útför er á mánudegi eða
þriðjudegi). Ef útför hefur farið fram eða grein berst ekki innan hins tiltekna
skilafrests er ekki unnt að lofa ákveðnum birtingardegi. Þar sem pláss er tak-
markað getur birting dregist, enda þótt grein berist áður en skilafrestur rennur
út.
Minningargreinar