Morgunblaðið - 14.06.2005, Blaðsíða 18

Afhentu skýrslu um kostn-
að við umferðaróhöpp
Hellisheiði | Talsmaður Vina
Hellisheiðar, Sigurður Jónsson, af-
henti í gær Bergþóri Ólasyni, að-
stoðarmanni samgönguráðherra,
skýrslu um tjón vegna umferð-
aróhappa á Suðurlandsvegi, frá
Reykjavík til Selfoss, síðustu
fimmtán árin. Viðstaddur var Óli
H. Þórðarson, formaður Umferð-
arráðs.
Í skýrslunni sem unnin var í
samvinnu við tryggingafélögin
kemur fram að kostnaður við um-
ferðaróhöpp á þessari leið nemur
um fimm milljörðum síðustu fimm-
tán árin og er þá samfélagslegum
kostnaði og kostnaði þeirra sem
tjónum valda bætt við útlagðan
bótakostnað tryggingafélaganna.
Sigurður Jónsson leggur
áherslu á að áform um fram-
kvæmdir á Hellisheiðinni verði
endurmetin í ljósi þessa. Vegurinn
verði settur í forgang við ákvarð-
anir um framkvæmdir og að stefnt
verði að fjögurra akreina vegi með
vegriði á milli. Sigurður segir að á
þeim kafla sem nú sé verið að laga
sé ekki gert ráð fyrir vegriði á
milli gagnstæðra akstursleiða.
Hann segir jafnframt ljóst að for-
senda þess að árangur náist í
þessari baráttu sé að allir þing-
menn kjördæmisins séu einhuga
um málið.
Morgunblaðið/Jim Smart
18 ÞRIÐJUDAGUR 14. JÚNÍ 2005 MORGUNBLAÐIÐ
MINNSTAÐUR
SUÐURNES
LANDIÐ
Reykjanesbær | „Ég var ári lengur en
flestir úr hópnum, þurfti að taka mér frí í
kringum tvennar kosningar og fleira,“ segir
Böðvar Jónsson, sölumaður og formaður
bæjarráðs Reykjanesbæjar. Hann útskrif-
aðist sem viðskiptafræðingur frá Háskól-
anum á Akureyri um helgina og varð efstur
af 72 nemendum deildarinnar þótt hann
stundaði fjarnám.
Böðvar hóf námið haustið 2000, þegar
Háskólinn á Akureyri fór að bjóða íbúum
Reykjanesbæjar upp á fjarkennslu. Böðvar
þurfti að hægja á sér í náminu í baráttunni
fyrir sveitarstjórnarkosningarnar 2002 og
sleppti einni önn fyrir alþingiskosningarnar
árið eftir þar sem hann var einnig í fram-
boði fyrir Sjálfstæðisflokkinn. Það tók hann
því fimm ár að ljúka viðskiptafræðináminu í
stað fjögurra og útskrifaðist því ári seinna
en flestir úr hópnum sem hóf nám saman
haustið 2000.
Böðvar er önnum kafinn maður, er í fullu
starfi sem sölumaður hjá Eignamiðlun Suð-
urnesja og starfar mikið að stjórnmálum.
Hann er formaður bæjarráðs Reykjanes-
bæjar sem er eitt að mestu valda- og
ábyrgðarstörfum í meirihlutanum, auk þess
sem hann er varaþingmaður og formaður
Sambands sveitarfélaga á Suðurnesjum.
Þess vegna vaknar spurning um það hvar
hann finni tíma fyrir námið? „Maður skipu-
leggur tímann eins og hann er. Ég hef nýtt
helgarnar vel og á góða fjölskyldu sem hef-
ur gefið mér tækifæri til að sinna þessu. En
ég viðurkenni líka að þetta hefur oft verið
stíft,“ svarar Böðvar.
Alltaf að bíða eftir tækifærinu
Eftir að hann útskrifaðist sem stúdent frá
Fjölbrautaskóla Suðurnesja hugðist Böðvar
gerast flugumferðarstjóri og fór að læra
það fag. Í því var hann í tæp tvö ár en sá
þá að það starf ætti ekki við hann. Fljótlega
eftir það hóf hann störf hjá Eignamiðlun
Suðurnesja og hefur verið þar í fjórtán ár.
En hann segist alltaf hafa verið að bíða
eftir tækifæri til frekara náms. Sem bæj-
arfulltrúi átti hann þátt í því að Háskólinn á
Akureyri hóf að bjóða fjarnám í Reykja-
nesbæ og hellti sér sjálfur í námið. Hann
segir að fjarnámið sé
stórkostlegt tækifæri
fyrir eldra fólk, eins
og hann orðar það í
fyrstu en leiðréttir síð-
an í fjölskyldufólk, til
að hefja aftur nám.
Sjálfur verður Böðvar
37 ára í sumar. Hann
segir að fjölskyldufólk
geti stundað námið í
heimabyggð og tekið
það á þeim hraða sem
því hentar. „Þetta er
eitt mesta byggðamál
sem upp hefur komið
hér á landi í mörg ár.“
Hann segir að vel sé
staðið að þjónustu við
fjarnema í Reykja-
nesbæ en þeir hafa að-
stöðu hjá Miðstöð sí-
menntunar á
Suðurnesjum, í gamla
barnaskólahúsinu í
Keflavík. „Ég veit að
símenntunarstöðv-
arnar hér og víðar
eiga nokkuð undir
högg að sækja. Þær
hafa lagt töluvert í að
koma þessari aðstöðu
upp en hafa ekki feng-
ið framlög til að
standa undir honum,“
segir Böðvar. Segir
hann að eigendur MSS
séu að greiða 2 til 3
milljónir með þessari
starfsemi á hverju ári.
Telur hann sanngjarnt
að ríkið styðji fjar-
námið alls staðar með sama hætti og sam-
bærilega starfsemi á Austurlandi og Vest-
fjörðum.
Kosningar næst á dagskrá
Það kom Böðvari á óvart þegar í ljós kom
við athöfnina að hann væri efstur í við-
skiptafræðideildinni. „Ég vissi að mér hefði
gengið vel og gæti verið sáttur við nið-
urstöðuna en leiddi hugann satt að segja
ekkert að því hvort ég yrði efstur,“ segir
hann. Hann segir að þetta hafi verið svo
fjarri sér að hann hafi ekki einu sinni
kveikt á því þegar hringt var frá skólanum
til að spyrja hvort hann yrði viðstaddur út-
skriftarathöfnina. „En það er vissulega
gaman að því,“ segir Böðvar.
Hann er lítið farinn að huga að frekara
námi. Segir að það verði að minnsta kosti
ekki alveg strax. Næsta mál á dagskrá sé
að undirbúa sveitarstjórnarkosningarnar
næsta vor.
Böðvar Jónsson útskrifaðist með hæstu einkunn viðskiptafræðinga frá Háskólanum á Akureyri
Tafðist frá námi í
tvennum kosningum
Viðskiptafræðingur Böðvar Jónsson, sölumaður fasteigna og for-
maður bæjarráðs, fann sér tíma til að stunda háskólanám.
Eftir Helga Bjarnason
helgi@mbl.is
ALDREI hafa fleiri sótt um að komast í
fjarnám við Háskólann á Akureyri, hjá
Miðstöð símenntunar á Suðurnesjum, en
nú í vor. Sextíu nemendur hafa sótt um.
Útlit er fyrir að kennsla hefjist á þremur
sviðum, í viðskiptafræði og leikskóla-
kennarafræðum, auk hjúkrunarfræði
sem þegar hefur verið ákveðin.
Guðjónína Sæmundsdóttir, for-
stöðumaður Miðstöðvar símenntunar á
Suðurnesjum, segist ekki enn hafa upp-
lýsingar um það hvað Háskólinn á Ak-
ureyri taki marga af þessum umsækj-
endum inn. Hún segir ákveðið að nýr
hópur hjúkrunarfræðinema hefji nám
enda hafi 25 verið skráðir í það fyrr í
vetur og fleiri bæst við. Næsta vetur
verða um fjörutíu nemendur í fjarnámi í
Reykjanesbæ, í námi sem þegar er hafið.
Ef það gengur eftir að tekið verður inn í
þrjá nýja námshópa tvöfaldast sá fjöldi,
að minnsta kosti.
Fjarnámsnemarnir tuttugu af Suð-
urnesjum sem luku námi í vor frá Há-
skólanum á Akureyri útskrifuðust form-
lega við athöfn skólans á Akureyri um
helgina. Eins og á síðasta ári verður
þessum áfanga einnig fagnað heima í
héraði. Verður háskólahátíð haldin á
þjóðhátíðardaginn, klukkan 13, í Kirkju-
lundi, safnaðarheimili Keflavíkurkirkju.
Guðjónína segir mikilvægt að halda
slíka hátíð, það sýni sig á umsóknunum í
vor. Telur hún að hátíðin í fyrra hafi
sýnt íbúunum að fjarnámið væri raun-
hæfur kostur og að nemendurnir lykju
námi. Rekur hún metfjölda umsókna nú
til þessa.
Húsnæði í Íþróttaakademíunni
Aðstaðan í húsnæði Miðstöðvar sí-
menntunar við Skólaveg hefur varla
dugað fyrir fjarnemana og hefur verið
rætt um að þeir fengju aðstöðu í hús-
næði Íþróttaakademíunnar í Reykja-
nesbæ sem nú er í byggingu. Guðjónína
segir að verið sé að semja um þetta og
að málið skýrist væntanlega í vikunni.
Ekki liggur fyrir hvort aðstaðan þar
muni duga, það fer eftir því hversu
margir nemendur bætast við og hvernig
stundaskráin verður. Guðjónína segir að
ef þörf gerist verði áfram hægt að nota
aðstöðuna við Skólaveg.
Metfjöldi
umsókna um
háskólanám
Hrunamannahreppur | Unnið er að
stækkun kirkjugarðsins í Hruna en
rými fyrir leiði var að verða búið,
fyrir önnur en þau sem búið er að
taka frá. Gert er ráð fyrir 134 graf-
reitum í viðbótinni.
Jafnframt verður unnið að lag-
færingum á bílastæðum, drenlagnir
settar í skurði og malarstígar gerð-
ir á milli fyrirhugaðra grafa. Það
var Einar Sæmundsen hjá Land-
mótun sem annaðist hönnun svæð-
isins. Verktaki er Gröfutækni ehf. á
Flúðum og verklok verða um miðj-
an júlí.
Sú kirkja sem nú stendur í Hruna
var byggð 1865 og safnaðarheimili
1992. Formaður sóknarnefndar er
Marta Esther Hjaltadóttir en prest-
ur í Hruna er Eiríkur Jóhannsson.
Bætt við kirkjugarðinn
Morgunblaðið/Sigurður Sigmundsson
Viðbót Stórvirk tæki eru notuð við stækkun kirkjugarðsins í Hruna.