Fréttablaðið - 04.09.2002, Page 6
Tveir björgunarsveitarmennfóru að Raufarfelli í gær til
að aðstoða erlenda ferðamenn.
Danskt par hafði fest bíl sinn í
krapi. Maðurinn lagði af stað um
sex leytið í gær að leita eftir að-
stoð. Hann náði í skála sex
klukkustundum síðar. Á meðan
beið vanfær kona hans í bílnum.
Lítið bar til tíðinda hjá lögregl-unni á Blönduósi í gær. Bæjar-
lífið gekk sinn rólyndisgang. Þó
eru menn farnir að undirbúa slát-
urtíðina og árbundnar göngur eftir
fé. Gengu göngukóngar því manna
á milli og leituðu uppi fólk sem var
reiðubúið að leggjast í göngur.
Fá skip voru á sjó í gær. Sam-kvæmt upplýsingum frá Til-
kynningaskyldu skipa voru 270
skip á sjó og telst ekki mikið.
Venjulega er um það bil 400 skip
á miðunum kringum landið.
Heldur hefur fækkað á Seyðis-firði að undanförnu. Ungt
fólk í framhalds- og háskólanámi
hefur haldið á brott. Umstang í
kringum ferðir Norrænu fer líka
að heyra sumrinu til. Næst síð-
asta ferð hennar er á morgun.
Ríkisstjórn Frakklands sagð-ist í gær ætla að gera reglur
um 35 stunda vinnuviku sveigj-
anlegri. Jafnt leiðtogar Sósí-
alistaflokksins sem og verka-
lýðsforkólfar gagnrýna þessi
áform harðlega. Ríkisstjórn
Sósíalistaflokksins setti regl-
urnar um 35 stunda vinnuvik-
una.
Kínversk stjórnvöld hafa lok-að aðgangi netverja þar í
landi að bandarísku leitarþjón-
ustunni Google. Engin skýring
var gefin, en Google hefur ekki
síað burt vefsíður sem kín-
verskum stjórnvöldum eru ekki
þóknanlegar.
6 4. september 2002 MIÐVIKUDAGURSPURNING DAGSINS
Er sumarið búið?
Það er alveg pottþétt búið. Haustveðrið
er komið.
Jón Smári Einarsson
SKÓLAMÁL Runólfur Ágústsson,
rektor Viðskiptaháskólans á Bif-
röst, hefur ákveðið að gefa kost á
sér til áframhaldandi starfa fyrir
skólann. Runólfur hefur verið rekt-
or í fjögur ár og sækist nú eftir end-
urráðningu til annarra fjögurra
ára. Áður en af ráðningu Runólfs
getur orðið verður hann að ganga í
gegnum ráðningarferli sem felur
meðal annars í sér hæfnismat og
skoðanakannanir meðal nemenda,
starfsfólks og þeirra sem útskrifast
hafa frá Bifröst. Samkvæmt regl-
um skólans má sami maður aðeins
gegna starfi rektors í átta ár. Run-
ólfur tilkynnti ákvörðun sína við
skólasetningu á Bifröst um síðustu
helgi og féll þar með frá hugmynd-
um um framboð í næstu alþingis-
kosningum fyrir Samfylkinguna í
Norðvestur - kjördæmi.
Á Bifröst hefur byggst upp
myndarlegt háskólaþorp með 500
íbúum sem er án hliðstæðu hér á
landi. Skólasetningin fór fram í ný-
byggðu skólahúsi sem er viðbót við
það sem fyrir var en að auki er unn-
ið að byggingu nýrra nemenda-
garða, kaffihúss og leikskóla. Nem-
endur í Bifröst verða 331 talsins í
vetur.
Viðskiptaháskólinn:
Runólfur áfram á Bifröst
RUNÓLFUR ÁGÚSTSSON
Áfram rektor - ekkert framboð.
Reykjavík:
Ólæti á
mynd-
bandaleigu
LÖGREGLUMÁL Hópur tvítugra pilta
veittust að þrítugum manni í and-
dyri Laugarásvídeós að Dalbraut
um hálfellefuleytið í fyrrakvöld.
Að sögn sjónvarvotts virðist for-
saga vera sú að fyrir nokkru hafði
forsprakki árásarmannanna verið
valdur að umferðaróhappi þegar
hann keyrði aftan á bíl þess sem
veist var að en var ósáttur við
málalok. Hóf hann að atyrða
manninn og fór svo að upp hófust
slagsmál þeirra á milli og naut
hann aðstoðar félaga sinna. Tókst
manninum að verjast og hafði
árásaraðilann undir en félagar
þess síðarnefnda lögðu á flótta.
Kallað var til aðstoðar lögreglu
sem tók niður nöfn málsaðila.
Enginn var handtekinn vegna
málsins.
HJÚKRUNARHEIMILI „Það fé sem inn-
heimt er af landsmönnum í formi
nefskatts í framkvæmdasjóð aldr-
aðra hefur ekki verið notað á rétt-
an hátt,“ segir Benedikt Davíðs-
son formaður félags eldri borg-
ara. Hann segir ríkið hafa notað
þetta fé í rekstur í stað fram-
kvæmda sem sé andstætt lögun-
um. „Þessi skattur
var hugsaður til
uppbyggingar á
hjúkrunarheimil-
um en ríkinu ber að
greiða 40% af
stofnkostnaði auk
þess að reka hjúkr-
unarheimilin þegar
þau hafa tekið til
starfa,“
Benedikt er
þeirrar skoðunar
að sveitarfélögin
hafi einnig dregið
lappirnar í byggingu hjúkrunar-
heimila, „Ég veit til þess að
Hrafnista í Reykjavík hefur beðið
lengi eftir að geta hafist handa við
að byggja og einnig er fyrirtæki
sem heitir Markholt að bíða eftir
grænu ljósi frá ríkinu.
Ingibjörg Hjaltadóttir hjúkr-
unarforstjóri öldrunarsvið á
Landakoti segir að nú þegar bíði
að minnsta kosti 200 aldraðir í
heimahúsum eftir plássi og yfir
100 manns á sjúkrahúsunum. „All-
ir þeir sem bíða inni á sjúkrahús-
unum eru í dýrari rúmum og
kostnaðurinn því meiri en hann
þyrfti að vera ef þetta fólk væri
vistað á hjúkrunarheimilum.“
Guðmundur Hallvarðsson for-
maður stjórnar Hrafnistu segir að
allt frá 1991 hafi legið fyrir beiðni
í heilbrigðisráðuneytinu um að fá
að byggja sem svarar 60 rúmum
við Hrafnistu í Reykjavík en ekki
fengist framkvæmda-og rekstrar-
leyfi enn. „Við höfum einnig lýst
okkur reiðubúna til að byggja við
Hrafnistu í Hafnarfirði sem svar-
ar 90 rúmum eða meira og feng-
um það svar frá ráðuneytinu að
ekki væri þörf á hjúkrunarrými í
Reykjanesumdæmi. Þrátt fyrir
það er stór hluti sjúklinga sem þar
býr, úr Reykjavík.“
Guðmundur segir að á meðan
Hrafnista hafi beðið eftir leyfi
hafi Sóltún verið byggt. „Við
erum loks að byrja á að byggja við
Hrafnistu í Reykjavík og það ætti
að vera komið í gagnið 2004. En
það hefur ekki neitt gerst í sam-
bandi við Hrafnistu í Hafnarfirði.
Við bíðum eftir svari frá ráðu-
neytinu.“
bergljot@frettabladid.is
Ríkið notar
féð í annað
Í framkvæmdarsjóð aldraðra er innheimt ákveðin upphæð af öllum
skattgreiðendum meðal annars til uppbyggingar á hjúkrunarheimili.
Ríkisvaldið hefur hins vegar notað hluta af fénu í rekstur en ekki upp-
byggingu. Hrafnista hefur beðið í 10 ár eftir framkvæmdarleyfi.
HRAFNISTA HEFUR BEÐIÐ Í 10 ÁR
Loks nú hefur verið gefið grænt ljós á byggingu þrátt fyrir að þörfin hafi verið brýn.
Allir þeir sem
bíða inni á
sjúkrahúsun-
um eru í dýr-
ari rúmum og
kostnaðurinn
því meiri en
hann þyrfti að
vera ef þetta
fólk væri vis-
tað á hjúkrun-
arheimilum.
FÉLAGSMÁL Mæðrastyrksnefnd byrj-
ar í dag úthlutanir til skjólstæðinga
sinna eftir sumarlokanir. Ásgerður
Jóna Flosadóttir, formaður nefndar-
innar, segir neyðina síst minni nú en
áður. Mikið hafi verið um símhring-
ingar og fyrirspurnir. „Því miður
getum við ekki sinnt mörgum þess-
ara erinda sem koma inn á borð til
okkar. Oft eru vandamálin það stór
að erfitt er að taka á þeim.“
Ásgerður segir að ákveðið hafi
verið að lengja opnunartíma á út-
hlutunardögum um klukkustund.
Því sé opið frá klukkan 14.00 til
18.00. Úthlutun matar fari fram alla
miðvikudaga og fataúthlutun sé
fyrsta og þriðja hvern miðvikudag.
„Tryggum vinum Mæðrastyrks-
nefndar hefur fjölgað en þeir eru
forsenda fyrir starfsemi okkar.
Þau fyrirtæki sem gera okkur
kleift að úthluta matvælum í viku
hverri eru Mjólkursamsalan, Myll-
an-Brauð og Ömmubakstur. Þá
fáum við stuðning frá Viðskipta-
netinu auk þess sem verslunin
Toppskór hefur ákveðið að gefa
nefndinni allan þá skófatnað sem
fellur til eftir útsölur,“ segir Ás-
gerður þakklát bakhjörlum
Mæðrastyrksnefndar.
Lækkanir allsstaðar:
Krónan,
Decode og
úrvalsvísitala
VIÐSKIPTI Helstu hlutabréfavísitöl-
ur lækkuðu í gær. Úrvalsvísitala
Kauphallar Íslands var þar engin
undantekning. Þá lækkaði krónan
einnig. Úrvalsvísitala og krónan
hafa verið að láta undan síga að
undanförnu. Gengisvísitala krónu
fór í 131,7 stig og lækkaði gengi
krónunnar um 0,69%. Úrvalsvísi-
talan lækkaði um 1,44%. Gengi
bréfa Decode fór í sögulegt lág-
mark, eða niður fyrir 2 dollara
hluturinn.
Hryðjuverkamaðurinn alræmdi,Abu Nidal, var jarðaður í
kyrrþey í Bagdað síðastliðinn
fimmtudag. Hann lést með dular-
fullum hætti í Írak í síðasta mán-
uði. Fatah-samtökin skýrðu frá
þessu í gær.
Shimon Peres, utanríkisráðherraÍsraels, segist ekkert skilja í því
hve mikið af mótmælum á ráð-
stefnu SÞ í Jóhannesarborg hafi
beinst gegn Ísrael.
Mæðrastyrksnefnd:
Úthlutun hefst að nýju í dag
GENGI GJALDMIÐLA
Bandaríkjadalur 88.38 0.11%
Sterlingspund 137.77 0.75%
Dönsk króna 11.8 1.04%
Evra 87.65 1.06%
Gengisvístala krónu 131,70 0,69%
KAUPHÖLL ÍSLANDS
Fjöldi viðskipta 377
Velta 10.394 milljónir
ICEX-15 1.267 -0,44%
MESTU VIÐSKIPTI
Guðmundur Runólfsson hf. 319.320.835
Íslandsbanki hf. 261.748.040
Búnaðarbanki Íslands hf. 156.655.699
Mesta hækkun
Hraðfrystihúsið-Gunnvör hf. 4,84%
Kögun hf. 3,53%
SÍF hf. 2,56%
Mesta lækkun
Tryggingamiðstöðin hf. -5,00%
Hraðfrystistöð Þórshafnar hf. -3,85%
Flugleiðir hf. -2,56%
ERLENDAR VÍSITÖLUR
DJ: 8401 -3,00%
Nsdaq: 1273,4 -3,10%
FTSE: 4028,6 -3,60%
DAX: 3431,2 -4,90%
Nikkei: 9217 -3,20%
S&P: 887 -3,20%
ERLENT
ERLENT
INNLENT