Fréttablaðið - 04.09.2002, Blaðsíða 10

10 4. september 2002 MIÐVIKUDAGURBLAK
GÓÐ HÁVÖRN
Anna Vania Mello og Darina Mifkova frá
Ítalíu verja hér smell frá Iliönu Petkovu frá
Búlgaríu. Heimsmeistarakeppni kvenna í
blaki fer nú fram í Muenster í Þýskalandi.
David Dunn, leikmaður Black-burn Rovers, hefur verið
kallaður til liðs við enska lands-
liðshópinn, sem mætir Portúgal í
vináttulandsleik á laugardaginn,
til að fylla skarð Kieron Dyer
sem þurfti að draga sig úr hópn-
um vegna meiðsla. Dunn hefur
staðið sig frábærlega með Black-
burn og undir 21 árs landsliði
Englands. Hann skoraði meðal
annars ótrúlegt mark í leik gegn
Hollandi í lok síðasta árs. Hann
skoraði einnig fyrir Blackburn
þegar liðið gerði 2-2 jafntefli við
Liverpool í ensku úrvalsdeildinni.
Robert Pires, leikmaðurArsenal, vonast til að geta
sparkað knettinum á ný í október.
Pires meiddist á
hné í mars og
missti þar af leið-
andi af heims-
meistarakeppn-
inni í Suður-Kóreu
og Japan. Hann
fór í aðgerð í maí
og hefur verið í
sjúkraþjálfun í
Suður-Frakklandi. „Ég vona að ég
verði til í slaginn þann 22. októ-
ber þegar við mætum Auxerre í
Meistaradeild Evrópu,“ sagði
Frakkinn snjalli, sem var valinn
besti leikmaður ensku úrvals-
deildarinnar á síðasta tímabili.
Nú gengur sú saga fjöllumhærra að Steve McManaman,
fyrrverandi leikmaður Liverpool
og núverandi leikmaður Real Ma-
drid, sé á leið til Inter Milan á
Ítalíu. McManaman er sagður
eiga að ganga upp í kaupin á
Ronaldo sem keyptur var til Ma-
drídar-liðsins í byrjun þessarar
viku.
FÓTBOLTI
HÁTTVÍSI Leikmennirnir sem
spörkuðu bolta upp í stúkur þar
sem stuðningsmenn andstæðing-
anna sátu eru Hlynur Stefánsson,
leikmaður ÍBV, og Þorvaldur Ör-
lygsson, spilandi þjálfari KA.
Undarlegt þykir að leikmennirnir
skuli sýna slíkt hátterni og þá sér-
staklega í ljósi þess að þeir eru
báðir fyrrverandi atvinnumenn í
knattspyrnu og með leikreyndari
mönnum deildarinnar.
„Þetta gerðist bara í hita leiks-
ins og ég hef beðist afsökunar á
þessu,“ segir Hlynur Stefánsson
aðspurður um atvikið. „Þetta var
framkoma sem sæmir hvorki mér
né mínu félagi. Ég varð mér til
skammar og biðst afsökunar á
því. Slíkt kemur ekki aftur frá
minni hálfu, það er nokkuð ljóst.“
Þorvaldur Örlygsson segist
hafa beðið manninn sem fékk
boltann í andlitið afsökunar. „Í
bræði minni sparkaði ég boltan-
um upp í stúku og maður varð
fyrir því óláni að fá boltann í and- litið. Því miður fékk hann boltann
í höfuðið og gleraugu hans sködd-
uðust. Við erum búnir að heyrast
og ég bið Grindvíkinga fyrirgefn-
ingar á því sem gerðist. Heimsku-
pör mín voru hlutur sem átti ekki
að gerast.“
Geir Þorsteinsson, fram-
kvæmdastjóri Knattspyrnusam-
bands Íslands, segir sambandið
líta svona atvik alvarlegum aug-
um. „Svona mál berast til aga-
nefndar í gegnum dómara og eft-
irlitsmenn á vettvangi og þau
koma þá fram í skýrslu þeirra.
Það verður að koma í ljós hvort
gerð hafi verið skýrsla um mál-
ið,“ segir Geir. Samkvæmt 12.
grein starfsreglna aganefndar
KSÍ er framkvæmdastjóra sam-
bandsins heimilt að vísa til úr-
skurðar aganefndar atvikum sem
skaðað geta ímynd knattspyrn-
unnar eða þeirra sem taka þátt í
leiknum. Þar segir jafnframt að
slík atvik þurfi ekki að koma
fram á skýrslu dómara eða eftir-
litsmanna kappleikja. Geir vildi
þó ekki tjá sig um það hvort KSÍ
myndi aðhafast eitthvað í málinu,
þó skýrslur um málin berist ekki
aganefndinni.
Aganefndin getur sjálf tekið
upp málið því líkt og segir í 2.
grein starfsreglna nefndarinnar.
„Þá fjallar nefndin um önnur mál,
sem berast henni og/eða hún telur
ástæðu til að hafa afskipti af
vegna leikja, sem fram fara í
landinu, enda fjalli ekki aðrir um
þau.“
kristjan@frettabladid.is
Skammast sín
fyrir heimskupörin
Leiðindaatvik áttu sér stað í tveimur leikjum Íslandsmótsins í knatt-
spyrnu í fyrradag. Tveir leikmenn spörkuðu knettinum upp í áhorf-
endastúkur. Í öðru tilvikinu lenti boltinn í andliti áhorfanda sem vank-
aðist við. Leikmennirnir hafa beðist afsökunar á atvikunum.
GEIR ÞORSTEINSSON
Framkvæmdastjóri KSÍ getur vísað atvikum
sem þessum til aganefndar.
STUÐNINGSMENN KR
Fengu að finna fyrir skothörku Hlyns Stefánssonar í leik KR og ÍBV á mánudaginn var.
STARFSREGLUR
AGANEFNDAR KSÍ
12. gr. ÓSÆMILEG FRAMKOMA
12.1. Framkvæmdastjóra KSÍ er heimilt
að vísa til úrskurðar aganefndar atvikum
sem skaðað geta ímynd knattspyrnunn-
ar eða þeirra sem þátt taka í leiknum.
Slík atvik hafa þá ekki komið fram í at-
vikaskýrslu dómara eða eftirlitsmanns á
kappleikjum en geta verið hvers kyns
ósæmileg framkoma á leikstað eða á
annan hátt opinberlega.
12.2. Framkvæmdastjóri skal skila grein-
argerð til aganefndar ásamt gögnum
máli sínu til staðfestingar sem málsaðil-
ar skulu fá afrit af. Málsaðilum skal gef-
inn kostur á að skila skriflegri greinar-
gerð fyrir næsta fund aganefndar. Ef
aganefnd telur að um ósæmilega hegð-
un hafi verið að ræða skal nefndinni
heimilt að úrskurða viðkomandi eftir
eðli brotsins. Viðurlög geta verið eftirfar-
andi:
a) áminning
b) ávítur
c) sekt að upphæð kr. 30.000
d) leikbann
ÞORVALDUR ÖRLYGSSON
Hefur beðist afsökunar á framkomu sinni.
HREYSTI Tveir keppendur í hreysti
(fitness) voru á mánudag dæmdir
í tveggja ára keppnisbann fyrir
ólöglega lyfjanotkun á Íslands-
mótinu fyrr á árinu samkvæmt
úrskurði dómstóls Íþróttasam-
bands Íslands, ÍSÍ. Þriðji kepp-
andinn var dæmdur í þriggja
mánaða bann fyrir sömu sakir.
Hreystisfólkið er óhlutgengt til
þátttöku í æfingum, keppnum og
sýningum á vegum Íþrótta- og
Ólympíusambands Íslands, sér-
sambanda þess og félaga eða deil-
da innan sérsambandsins á meðan
bannið er í gildi.
Íslandsdeild IFBB, sem hélt Ís-
landsmótið, er ekki aðili að ÍSÍ.
Lyfjaeftirlit ÍSÍ hafði frumkvæði
að lyfjaprófunum og var sett skil-
yrði þess efnis að þeir íþrótta-
menn sem ekki stæðust próf yrðu
kærðir fyrir brot sín. Keppnis-
fólkið hlaut samt sömu dóma hjá
IFBB nema þeir tóku gildi frá
keppnisdegi. 
Keppendur í hreysti falla á lyfjaprófi:
Tveggja ára
keppnisbann
FÓTBOLTI Valsstúlkur unnu stórsig-
ur á Grindavíkurstúlkum í leik
liðanna í efstu deild í gærkvöldi.
Lengi vel var þó ekki útlit fyrir að
miklu munaði með liðunum þegar
upp væri staðið. Valsstúlkur leid-
du með tveimur mörkum gegn
engu þegar 23 mínútur voru eftir
af leik liðanna. Þá settu þær rauð-
klæddu í fluggírinn svo um mun-
aði. Áður en leik lauk voru þær
búnar að skora sjö mörk gegn lán-
lausum Grindavíkurstúlkum án
þess að þær síðarnefndu næðu að
svara fyrir sig.
Sigurinn dugar Valsstúlkum
væntanlega skammt í baráttunni
á toppi deildarinnar. Grindavíkur-
stúlkur féllu hins vegar úr deild-
inni. Þær eiga ekki lengur mögu-
leika á því að komast upp fyrir FH
sem er í næst neðsta sæti.
Breiðablik lagði FH að velli í
Hafnarfirði. Úrslitin 1-0. 
Góður sigur Valsstúlkna:
Grindavíkur-
stúlkur fallnar