Fréttablaðið - 13.03.2004, Síða 2

2 13. mars 2004 LAUGARDAGUR
“Já - það má segja að hún sé það.“
Kristinn Kristinsson er formaður Félags sjóntækja-
fræðinga. Nýsamþykkt lög veita sjóntækjafræðing-
um heimild til að mæla sjónina í fólki og fullvinna
gleraugu og snertilinsur.
Spurningdagsins
Kristinn, er þá sjónmælingalausnin í
sjónmáli?
■ Noregur
MADRÍD, AP Milljónir Spánverja
streymdu út á götur í gærkvöldi til
að sýna samstöðu og mótmæla
hryðjuverkunum sem framin voru
í Madríd á fimmtudagsmorgun.
Sjö mánaða stúlka sem lést síðdeg-
is í gær var 199. fórnarlamb
árásanna til að láta lífið. Móðir
stúlkunnar er á sjúkrahúsi en ekk-
ert er vitað um afdrif föður henn-
ar. Engin kennsl hafa verið borin á
84 lík.
Spænskt þjóðfélag var sem
lamað í gær. Spánverjar komu víða
saman til að minnast hinna látnu,
byrjuðu í gærmorgun og héldu því
áfram fram á kvöld. Stjórnvöld
báðu fólk um að hafa einnar mín-
útu þögn til minningar um fórnar-
lömb árásanna, sums staðar stóð
fólk enn í sömu sporunum, þögult,
tíu mínútum síðar.
Mikil taugaspenna ríkir í
Madríd. Lögregla rýmdi lestarstöð-
ina í Atocha í gær vegna ótta við að
sprengju hefði verið komið fyrir.
Sá ótti reyndist ástæðulaus.
„Ég sá lestirnar og brast í grát.
Mér fannst ég svo hjálparlaus og
varð svo reið,“ sagði ung spænsk
kona, Isabel Galan.
Jose Maria Aznar forsætisráð-
herra hét því að finna þá sem bera
ábyrgð á árásunum. „Við munum
koma þeim seku í hendur réttvís-
innar,“ sagði forsætisráðherrann
fráfarandi. „Við útilokum ekkert
við rannsóknina,“ sagði hann og tók
fram að enn hefði ekki verið slegið
fast hverjir hefðu skipulagt árás-
irnar, þær verstu í sögu Spánar.
Böndin bárust strax að ETA,
hryðjuverkahreyfingu Baska,
sem hefur áður reynt svipuð til-
ræði en án árangurs. Í gær af-
tóku forsvarsmenn ETA með öllu
að hafa átt aðild að voðaverkun-
um. Þá lýstu samtök sem segjast
tengjast al-Kaída ábyrgð á hend-
ur sér og bíll með sprengihettur
og Kóraninn fannst nálægt til-
ræðisstað. Fjölmennt lið sér-
fræðinga leitar vísbendinga í
flökum lestanna og allar deildir
lögreglunnar koma að málinu.
Bandaríkjamenn buðu í gær
fram aðstoð sína við rannsókn
málsins.
„Þú getur ekki ímyndað þér
hryllinginn,“ sagði Carmen
Santos, hjúkrunarkona á einu
sjúkrahúsa Madrídar. „Við sáum
barka fólks óvarða, brotin bein
standa út í loftið og fólk sem mis-
sti húðina. Þetta var ólýsanlegt.“
Þingkosningar á morgun fara
fram eins og til stóð. Árásirnar
eru sagðar geta ráðið úrslitum.
Telji kjósendur að ETA beri
ábyrgð á þeim kjósi þeir frekar
Lýðflokkinn sem verið hefur við
völd. Telji þeir að al-Kaída standi
að baki þeim kjósi þeir frekar
gegn stjórninni sem dró Spán-
verja óviljuga inn í innrás í Írak.
Í gærkvöldi bárust fregnir um
að Ana Palacio utanríkisráð-
herra hefði sent tilmæli til sendi-
herra Spánar um að ETA bæri
ábyrgð á ódæðinu. ■
HRYÐJUVERK Í MADRÍD Kári Gunn-
laugsson, sem búsettur er í næsta
nágrenni við Atocha lestarstöðina
þar sem öflugustu sprengingarn-
ar urðu, segir sterkustu viðbrögð
Madrídarbúa og Spánverja vegna
hermdarverkanna á fimmtudag
vera samstöðu.
Þó eru bæði reiði og ótti einnig
áberandi viðbrögð við atburðinum
og segir Kári að fólk óttist að
þessi árás kunni að vera byrjunin
á einhverju meiru.
Að sögn Kára voru viðbrögð
lögreglu til mikillar fyrirmyndar
og nefnir hann sem dæmi að um
hádegi á fimmtudag hefði verið
hægt að hringja í neyðarlínur til
þess að fá upplýsingar um afdrif
ástvina. Þá segir hann að sam-
staða Spánverja hafi meðal
annars komið fram í því að
einungis fáeinar klukkustundir
hafi tekið að safna því blóði sem
þurfti til þess sinna þeim fjórtán
hundruð mönnum sem slösuðust í
sprengingunum.
Kári segir að víða megi sjá
kertaljós loga í gluggum og svarta
sorgarborða en þriggja daga
þjóðarsorg hefur verið lýst yfir á
Spáni vegna hryðjuverksins.
Hann segir að Spánverjar taki
þjóðarsorgina mjög hátíðlega.
„Flestir vilja meina að þetta sé
ETA einfaldlega vegna þess að
allt í kringum þetta bar keim af
því sem ETA hefur verið að gera,“
segir Kári um það hverjir séu
taldir bera ábyrgð á ódæðinu.
Hann bendir hins vegar á að svo
mikill mannskaði samræmist ekki
þeim aðferðum sem ETA hefur
beitt hingað til. ■
KJARNORKUVOPNUM MÓTMÆLT
Grænfriðungar hafa barist gegn kjarnorku-
vopnum, meðal annars vegna hættu á
slysum.
Kjarnorkusprengja:
Skaddast í
flutningum
SEATTLE, AP Langdræg eldflaug,
vopnuð kjarnorkuoddi, skaddaðist
þegar verið var að flytja hana úr
kafbáti í flotahöfn nálægt Seattle í
Bandaríkjunum síðla á síðasta ári.
Gat kom á hlífina yfir kjarnorku-
oddinum en að sögn embættis-
manna í bandaríska varnarmála-
ráðinu lak ekkert geislavirkt efni
út.
Hernaðarsérfræðingar segja
hættuna á kjarnorkuslysum mjög
litla en fjórir yfirmenn sem báru
ábyrgð á flutningi kjarn-
orkuflaugarinnar voru leystir frá
störfum. ■
STJÓRNARFLOKKAR STYRKJAST
Norsku stjórnarflokkarnir bæta
allir við sig fylgi samkvæmt
nýrri skoðanakönnun. Hægri-
flokkurinn mælist með 21%,
Kristilegir demókratar með níu
prósent og Venstre með fjögur
prósent. Verkamannaflokkurinn
fengi aðeins 24% samkvæmt
könnuninni en Framfaraflokkur-
inn sautján prósent. Sósíalistar fá
fimmtán prósent.
LÖGREGLUMÁL „Lögreglumennirnir
sneru við og óku burt á ofsahraða
þegar þeir sáu ljósmyndarann,“
segir Ástþór Magnússon forseta-
frambjóðandi. Ástþór var staddur
á skrifstofu Friðar 2000 í gær-
morgun að bíða eftir því að lög-
reglan skilaði tölvum sem lagt
hafði verið hald á í tengslum við
rannsókn á dreifingu á tölvupósti
með viðvörunum um sprengju-
tilræði gegn íslenskri flugvél.
Að sögn Ástþórs hafði lögregl-
an samband við hann í gærmorg-
un og tilkynnti að komið yrði með
tölvurnar um ellefuleytið. Ljós-
myndari frá Fréttablaðinu var á
staðnum þegar óeinkennisklæddir
lögreglumenn á ómerktum bíl
komu á skrifstofur Friðar 2000.
Mennirnir stigu út úr bílnum en
þegar þeir sáu ljósmyndarann
snerust þeir á hæli og óku síðan
hratt á braut. Skömmu síðar var
hringt í Ástþór og sagt að hann
yrði að sækja tölvurnar sjálfur
niður á lögreglustöð.
Ljósmyndari Fréttablaðsins
segist hafa orðið vitni að því
þegar lögreglumennirnir óku á
100 kílómetra hraða niður Breið-
holtsbrautina og síðan áfram eftir
Reykjanesbraut og Sæbraut. Ljós-
myndarinn segir að lögreglu-
mönnunum hafi verið mikið niðri
ef marka má ökulag þeirra og
handapat. ■
Lögreglan ók burt á ofsahraða með tölvur Ástþórs:
Flúðu ljósmyndara Fréttablaðsins
ÁSTÞÓR MAGNÚSSON
Ástþór segist undrandi á háttalagi lögreglumannanna sem komu á skrifstofur Friðar 2000
til að skila til hans tölvubúnaði.
SAMSTAÐA Í VERKI
Hundruð þúsunda
fylktust út á torg í
Madríd og víðar á
Spáni í gær til að
sýna samstöðu með
fórnarlömbum hryðju-
verkanna í Madríd og
mótmæla hryðju-
verkunum.
Kári Gunnlaugsson:
Samstaða meðal
Spánverja áberandi
MINNAST FÓRNARLAMBA
Spánverjar minntust fórnarlamba hryðjuverkaárásarinnar í Madríd með því að kveikja á
kertum. Þessi mynd er tekin í Barcelona.
Þjóðarsorg á Spáni
Spánverjar sýndu samstöðu með því að fjölmenna á götum úti í gærkvöldi. Þjóðlíf er í lamasessi.
ETA neitar aðild að árásunum. Talið er að ódæðin geti haft áhrif á þingkosningar á morgun.