Fréttablaðið - 13.03.2004, Síða 56
13. mars 204 LAUGARDAGUR
Leikmenn Leicester:
Komnir
heim
FÓTBOLTI Þrír leikmenn enska úr-
valsdeildarliðsins Leicester sem
hafa verið ákærðir fyrir kyn-
ferðislegt ofbeldi eru komnir
heim til Englands frá Spáni.
Þeir Paul Dickov, Frank
Sinclair og Keith Gillespie voru
látnir lausir gegn tryggingu eftir
að hafa dúsað í viku í Sangonera-
fangelsinu. Verði þeir fundnir
sekir um athæfið eiga þeir yfir
höfði sér allt að 14 ára fangelsi.
Þeir hafa allir neitað ásökunun-
um. Leicester spilar gegn
Birmingham í dag og verða þre-
menningarnir fjarri góðu
gamni.■
Íslenska kvennalands-liðið í fótbolta spilar í
dag sinn fyrsta vináttu-
landsleik á heimavelli í 18 ár þeg-
ar liðið mætir Skotlandi í Egils-
höll. Síðasti vináttulandsleikur
liðsins hér á landi var á Akranes-
velli 23. ágúst 1986 þegar Sviss-
lendingar komu í heimsókn.
Leiknum lauk með sigri Íslands,
1-0. Ísland lék síðast vináttulands-
leik 16. febrúar í fyrra þegar liðið
mætti Bandaríkjunum í Charl-
eston. Tapaðist leikurinn 1-0.
Leikurinn við Skota í dag er
einnig sögulegur fyrir þær sakir
að þetta er fyrsti A-landsleikurinn
sem leikinn er innanhúss á Ís-
landi. Þess má einnig geta að
fyrsti kvennalandsleikur Íslands
var einmitt gegn Skotum þann 20.
september 1981. ■
■ Tala dagsins
18
Skrítið að spila innanhúss
Kvennalandslið Íslands og Skotlands eigast við í vináttulandsleik í
Egilshöll í dag. Þetta er fyrsti A-landsleikurinn sem haldinn er
innanhúss hér á landi.
FÓTBOLTI Ísland og Skotland hafa
mæst fjórum sinnum áður. Ísland
hefur unnið tvær viðureignir, einn
leikur endaði með jafntefli og Skot-
ar hafa unnið einu sinni.
Helena Ólafsdóttir landsliðs-
þjálfari segir það rosalega jákvætt
að fá þennan leik á þessum tíma-
punkti. Skiptir hann miklu máli fyr-
ir undirbúning liðsins vegna und-
ankeppni EM. „Það verður svolítið
skrítið að spila innanhúss, en þetta
eru toppaðstæður og fást ekkert
betri á Íslandi á þessum tíma,“
sagði Helena í samtali við Frétta-
blaðið.
Undirbúningur landsliðsins fyrir
Skotaleikinn er knappur að sögn
Helenu og náði liðið aðeins tveimur
æfingum fyrir leikinn. „Stelpurnar
hafa spilað svolítið þétt í þessum
vormótum en það verður bara að
gera það besta úr öllu. Sumar stelp-
urnar eru ekki í mikilli leikhæfingu
og aðrar eru hafa verið meiddar en
þegar svona leikur er framundan þá
er fólk bara klárt,“ sagði hún.
Engu að síður er ljóst að þrír
leikmenn sem hafa verið í byrjunar-
liðinu verða ekki með. Laufey
Ólafsdóttir er með lungnabólgu og
spilar ekki með og hefur Sólveig
Þórarinsdóttir, KR, verið valin í
hennar stað. Auk þess er Þóra B.
Helgadóttir meidd og Edda Garð-
arsdóttir í námi erlendis.
Helena segir að skoska liðið hafi
verið að gera fína hluti undanfarið,
en þetta er fimmti æfingaleikur
liðsins í vor. Liðið spilaði tvo leiki
við Frakkland, sem er með Íslandi í
riðli í undankeppni EM, og gerði
við þær jafntefli og skoraði síðan
þrjú mörk gegn þeim í 6-3 tapi.
„Þessar stelpur sem hafa verið að
koma hérna heim og spila t.d. með
ÍBV hafa verið sterkar,“ sagði Hel-
ena. „Þannig að ég á von á hörku-
leik. Þær eru í rauninni komnar
lengra í undirbúningnum heldur en
við. Þær eiga að heita einhverjum
tíu sætum fyrir aftan okkur á
styrkleikalistanum en þetta eru
sterkar stelpur og tölurnar hafa
verið að sýna það.“
Næsta verkefni íslenska kven-
nalandsliðsins í fótbolta á eftir
Skotaleiknum er æfingaleikur við
Holland þann 15. maí. Síðan taka
tveir leikir í undankeppni EM við,
fyrst útileikur við Ungverjaland
29. maí og síðan heimaleikur við
Frakka 2. júní. freyr@frettabladid.is
8-liða úrslit meistaradeildarinnar:
Arsenal mætir Chelsea
FÓTBOLTI Arsenal mætir Chelsea í
miklum Lundúnarslag í 8-liða úr-
slitum meistaradeildar Evrópu. Í
hinum leikjunum eigast Real
Madrid og Mónakó við, AC Milan
mætir Deportivo og Lyon etur
kappi við Porto.
Í undanúrslitum mætir sigur-
liðið úr leik Arsenal og Chelsea
sigurliðinu úr leik Real og
Mónakó. AC Milan eða Deportivo
mætir Lyon eða Porto í hinum
leiknum. Chelsea hefur ekki unnið
Arsenal í síðustu 16 viðureignum
liðanna. Allir þrír leikir liðanna á
leiktíðinni hafa endað með sigri
Arsenal.
Hvorki Arsenal né Chelsea
hafa komist í undanúrslit meist-
aradeildarinnar og því mun liðið
sem kemst áfram skrá nafn sitt í
sögubækurnar. Leikirnir í 8-liða
úrslitum verða háðir dagana 23.
og 24. mars og 6. og 7. apríl. ■
REYES
Spánverjinn Jose Antonio Reyes fagnar
marki sínu gegn Chelsea í bikarkeppninni
á dögunum.
MARKI FAGNAÐ
Íslenska landsliðið fagnar einu af tíu mörkum sínum gegn Póllandi á Laugardalsvelli í
undankeppni EM síðasta haust.