Fréttablaðið - 10.12.2004, Blaðsíða 62
42 10. desember 2004 FÖSTUDAGUR
Við óskum...
... Jörundi Áka Sveinssyni til hamingju með að hafa hreppt starf landsliðsþjálfara kvenna í knattspyrnu. Á sama tíma óskum við honum velfarnaðar í starfi því eins og
Helena Ólafsdóttir veit manna best fylgir þessu starfi engin smá pressa og kröfurnar sem gerðar eru um árangur eru ekki af ódýrari gerðinni – en þær eru meiri en
gerðar eru til þjálfara karlalandsliðsins. Gangi þér allt í haginn, Jörundur!
sport@frettabladid.is
HVAÐ? HVENÆR? HVAR?
7 8 9 10 11 12 13
Föstudagur
DESEMBER
ÍÞRÓTTIR FATLAÐRA Sundfólkið
Kristín Rós Hákonardóttir og
Gunnar Örn Ólafsson hafa verið
kosin íþróttafólk ársins hjá fötluð-
um og fengu þau verðlaun afhent
í veglegu hófi í boði Radisson
SAS-hótelsins á Hótel Sögu á mið-
vikudaginn. Kristín Rós var að fá
þessi verðlaun tíunda árið í röð en
Gunnar Örn var einnig íþrótta-
maður ársins hjá fötluðum fyrir
tveimur árum.
Er hún að hætta?
Það kom örugglega fáum á
óvörum að Kristín Rós var kosin
íþróttakona ársins hjá fötluðum í
gær og það er tíunda árið í röð
sem hún fær þessa stærstu viður-
kenningu fatlaðs íþróttafólks hér
á landi.
„Undanfarin ár hafa gengið öll
rosalega vel hjá mér og þetta ár
er á meðal þeirra bestu á ferlin-
um,“ segir Kristín Rós, sem á dög-
unum fékk bæði verðlaun frá
sjónvarpsstöðinnni Eurosport
sem besta íþróttakona ársins úr
röðum fatlaðra og eins var hún
kosin kona ársins hjá tímaritinu
Nýju lífi.
„Þetta var heljarmikið og stórt
ár,“ segir Kristín Rós. „Það er svo-
lítil pressa á manni að standa sig.
Ég er nú reyndar róleg manneskja
og er ekki að láta þetta stressa
mig mikið og það hefur gengið
ágætlega að vinna með þessa
pressu,“ sagði Kristín Rós, sem er
ekki viss um hvað tekur við hjá
henni. „Stundum er gott að hætta
á toppnum. Ég ætla mér að hug-
leiða framhaldið, ætla að klára
námið sem ég er í og taka því ró-
lega á næstunni. Ég er búin að
æfa tíu sinnum í viku í heilt og ár
og mér finnst þetta vera orðið gott
í bili,“ sagði Kristín Rós, sem er á
leiðinni að útskrifast sem mynd-
listarkennari í vor.
Hefur mikla þýðingu
„Þetta hefur mikla þýðingu
fyrir mig og hvetur mig áfram að
æfa og halda áfram að bæta mig,“
sagði Gunnar Örn, hæstánægður
með viðurkenninguna, en hann á
að baki frábært ár. Hápunkturinn
var örugglega á Global Games í
Svíþjóð. Á þessum heimsleikum
þroskaheftra (Global Games)
nældi hann sér í þrjú gullverð-
laun, ein silfurverðlaun og ein
bronsverðlaun. Að auki setti
Gunnar 6 Íslandsmet, 4 heimsmet
og var valinn sundmaður mótsins
en vegna deilna innan Alþjóða-
ólympíuhreyfingar fatlaðra og
samtaka þroskaheftra íþrótta-
manna, varð ekkert úr þátttöku
þroskaheftra á Ólympíuleikunum
í Aþenu og komu Heimsleikarnir í
staðinn.
Gunnar segist hafa verið
svekktur þegar í ljós kom að ekki
yrði farið á Ólympíuleikana í Aþ-
enu. „Mér gramdist það mjög í
svona tvo daga en þegar ég frétti
að Global Games kæmi í staðinn
setti ég mig í startholurnar fyrir
þá keppni. Það þýddi ekkert að
svekkja sig enda Global Games
fín sárabót og ég náði að toppa
sjálfan mig þar, sem var mjög
gaman,“ sagði Gunnar en hann er
ákveðinn í því að halda sama
dampi og ná enn betri árangri.
„Stefnan er alltaf sú sama, að gera
betur en maður hefur gert. Ég er
jú bara tvítugur þannig að ég held
ég eigi eitthvað eftir.“
ooj@frettbladid.is
smari@frettbladid.is
TÍU ÁR Í RÖÐ Kristín Rós Hákonardóttir hefur verið á toppnum í tíu ár og hefur verið valin besta íþróttakona fatlaðra frá árinu 1995. Fréttablaðið/GVA
ANNAÐ SINN Á TVEIMUR ÁRUM Gunnar Örn Ólafsson var einnig valinn Íþróttamaður
ársins hjá fötluðum fyrir tveimur árum. .Fréttablaðið/GVA
SIGRÍÐUR FÉKK GUÐRÚNARBIKARINN
Sigríður Þórarinsdóttir, sjúkraþjálfari og
þjálfari Íþróttafélagsins Sólar í Snæfellsbæ,
fær Guðrúnarbikarinn í ár en hann er gefinn
af Össuri Aðalsteinssyni til minningar um
eiginkonu hans, Guðrúnu Pálsdóttur.
Bikarinn fær sú kona sem hefur starfað
sérlega vel í þágu fatlaðs fólks á árinu.
Glæsilegt ár að baki hjá báðum
Sundfólkið Kristín Rós Hákonardóttir og Gunnar Örn Ólafsson hafa verið kosin íþróttafólk árs-
ins hjá fötluðum, Kristín Rós í tíunda sinn í röð en Gunnar Örn í annað sinn á þremur árum.
■ ■ LEIKIR
16.15 HK og Fram mætast í
Digranesi í DHL deild karla
norður.
16.15 Haukar og Þór Ak. mætast á
Ásvöllum í DHL deild karla
norður.
16.15 FH og Afturelding mætast í
Kaplakrika í DHL deild karla
norður.
20.00 Björninn og Narfi mætast í
Egilshöll á Íslandsmótinu í
íshokkíi.
■ ■ SJÓNVARP
17.45 Olíssport á Sýn. Fjallað um
helstu íþróttaviðburði heima og
erlendis.
18.00 Upphitun á Skjá Einum.
Spekingar spá í leiki helgarinnar í
ensku knattspyrnunni.
19.00 Motorworld á Sýn. Allt það
nýjasta í heimi akstursíþrótta.
19.30 Enski boltinn á Sýn. Sýnt
beint frá leik West Ham og Leeds
United.
21.35 World Supercross á Sýn.
Nýjustu fréttir frá
heimsmeistaramótinu í
Supercross.
00.45 NBA körfuboltinn á Sýn.
Sýnt beint frá leik Minnesota og
Sacramento.
STÚLKNAMET Erla Dögg Haraldsdóttir úr
ÍRB setti stúlknamet í 50 metra bringu-
sundi á Evrópumótinu í stuttri laug í
Austurríki í gær.
Evrópumót í sundi:
Erla setti
stúlknamet
SUND Íslenskir keppendurnir stóðu
sig bærilega fyrsta daginn á Evr-
ópumeistaramótinu í sundi sem
fram fer í Austurríki. Fimm ís-
lenskir keppendur taka þátt og
setti einn þeirra, Erla Dögg Har-
aldsdóttir, stúlknamet í 50 metra
bringusundi og gamla metið átti
hún sjálf frá því í mars síðastliðn-
um.
Erla Dögg keppti einnig í 200
metra fjórsundi en varð næstsíð-
ust í þeirri grein af rúmlega 30
keppendum. Anja Ríkey Jakobs-
dóttir varð 21. í 100 metra
baksundi en náði ekki að bæta Ís-
landsmetið sem hún á sjálf.
Jakob Jóhann Sveinsson varð
19. af 40 keppendum í sinni grein
en var talsvert frá sínu besta og
komst ekki í milliriðla. Eva Hann-
esdóttir og Kolbrún Ýr Kristjáns-
dóttir náðu hvorugar góðum úr-
slitum í 100 metra skriðsundi. Eva
endaði í 36. sæti og Kolbrún, sem
á gildandi Íslandsmet í greininni,
náði aðeins 34. sæti.
62-63 (42-43) sport 9.12.2004 14.05 Page 2