Fréttablaðið - 20.03.2005, Blaðsíða 4
4 20. mars 2005 SUNNUDAGUR
Gangaslagur Menntaskólans í Reykjavík:
Bjallan glumdi ekki
SKÓLAMÁL Einu leyfilegu fjölda-
slagsmálin á Íslandi, árviss
gangaslagur Menntaskólans í
Reykjavík, fóru fram á föstudag.
Málið snýst um að nemendur
sjötta bekks reyna að hringja
bjöllu sem jafnframt hringir þá
inn í tíma. Neðri bekkingar reyna
að koma í veg fyrir að bjöllunni sé
hringt og tókst það í þetta skiptið,
þrátt fyrir olíuborna vígreifa
sjöttubekkinga með einbeittan
vilja. Skömmu síðar hringdu þó
skólayfirvöld inn í tíma og varð
fríið því stutt.
Rektor skólans, Yngvi Péturs-
son, segir þessa hefð ævagamla.
Fyrstu slagsmálin sem skráð séu í
sögu skólans hafi orðið 1861 en þá
á heimavistinni. Óljóst sé hvenær
hefðin mótaðist í núverandi mynd
en líklega hafi það verið í byrjun
20. aldar. Yngvi segir bæði stráka
og stelpur taka þátt í slagnum.
Ekki ganga allir heilir til skógar
eftir slagsmálin, segir Yngvi.
Nokkuð er um fleiður og skeinur
en að sögn Yngva hafa engin al-
varleg slys orðið á síðustu árum.
- sgi
Handahófskennd
vinnubrögð Alþingis
Ríkisborgararéttur Bobby Fischer verður tekinn til umræðu á Alþingi eftir
helgina. Búist er við að hann verði afgreiddur á mánudagskvöld. Ragnar
Aðalsteinsson telur vinnubrögð Alþingis handahófskennd.
ALÞINGI Mál skákmeistarans
Bobby Fischer fær flýtimeðferð á
Alþingi en Allsherjarnefnd Al-
þingis samþykkti fyrir helgina
með öllum greiddum atkvæðum
að veita honum ríkisborgararétt.
Sæmundur Pálsson, vinur
Fischers, gerir ráð fyrir að fara til
Japans til að sækja hann og bókar
flugið eftir helgina. „Ég býst við
að vera á þingpöllum á mánudag-
inn til að sjá hvernig þetta fer,“
sagði hann í gær.
Ragnar Aðalsteinsson hæsta-
réttarlögmaður segir að fjölmarg-
ir menn hafi dvalið á Íslandi árum
saman og tali íslensku jafn vel og
innfæddir. Þeir séu í raun orðnir
Íslendingar en sumir þeirra verði
ekki ríkisborgarar fyrr en eftir sjö
ár. Valdið sé hjá Alþingi. Stundum
hafi Alþingi notað það skynsam-
lega og stundum óskynsamlega.
„Alþingi hefur tilhneigingu til
að setja ýmis sérsjónarmið. Tví-
vegis hafa íþróttamenn fengið
fyrirvaralausan ríkisborgararétt
fyrir framgang keppnisíþrótta Ís-
lands á alþjóðlegum vettvangi.
Danska þingið hefur hins vegar
hafnað slíku og talið rangt að mis-
muna fólki af íþróttaástæðum,“
segir hann.
Bjarni Benediktsson, formaður
Allsherjarnefndar Alþingis, hefur
sagt að erfitt sé að segja til um
fordæmisgildi málsins og viljað
gera sem minnst úr því. Ragnar
telur hins vegar að málið hljóti að
hafa fordæmisgildi.
„Þeir sem sækja um ríkisborg-
ararétt og eru í erfiðri aðstöðu
munu auðvitað benda á þetta for-
dæmi eins og fordæmið með
íþróttamennina. Þetta er það sem
mælir gegn svona handahófs-
kenndum vinnubrögðum,“ segir
hann og óttast að hætt verði að
veita öðrum útlendingum ríkis-
borgararétt í bili því nóg þyki gert
með Fischer. Stjórnvöld séu hugs-
anlega að slá sig til riddara í
þessu máli.
Ragnar kveðst ekki skilja sam-
starf Japana og Bandaríkjamanna
í þessu máli. „Mér er enn algjör-
lega óljóst hvers vegna Fischer er
haldið föngnum svona lengi án
þess að framsalskrafa komi frá
Bandaríkjunum. Hann er búinn að
sitja meira en hálft ár í fangelsi
og það er auðvitað brot á mann-
réttindum hans.“ ghs@frettabladid.is
Afganistan:
Tugir látast í
flóðum
KABÚL, AP Að minnsta kosti 24 létust
og hundruð urðu heimilislaus eftir
mikil flóð í Afganistan í gær. Óttast
er að tala látinna muni hækka.
Eftir miklar rigningar í landinu
flæddi stærsta á landsins,
Helmand, yfir bakka sína með
þessum afleiðingum. Yfirvöld búa
sig nú undir meiri flóð, þar sem
miklar rigningar og hlýnandi veður
bræða nú þykk snjóalög eftir
kaldasta vetur landsins í mörg ár.
Þrátt fyrir eyðilegginguna ríkir
nokkur bjartsýni vegna rigning-
anna, þar sem miklir þurrkar hafa
hrjáð landið undanfarin ár. ■
Hvalveiðar:
Hafa lítil
áhrif á ímynd
FERÐAÞJÓNUSTA Ekki verður séð að
hvalveiðar sumarið 2003 hafi haft
áhrif á ímynd Íslands á helstu
markaðssvæðum ferðaþjónustunn-
ar. Þetta kemur fram í skýrslu um
áhrif hvalveiða á ímynd Íslands
sem ferðamannalands sem lögð var
fyrir á Alþingi í vikunni. Þar birt-
ast umsagnir aðila sem starfa á
helstu mörkuðum Íslands.
Þar er varað við því að hvalveið-
ar með meira umfangi og í atvinnu-
skyni gætu verið skaðleg ímynd
landsins. Mörður Árnason þing-
maður, sem bað um skýrsluna í
október 2003, segist hafa viljað sjá
meira í hana lagt. Þá hafi hún
borist allt of seint. Hann segir það
skína í gegn að ferðaþjónustan sé
mjög uggandi og vari við áfram-
haldandi veiðum. ■
■ RÚMENÍA ■ NÍGERÍA
GANGASLAGUR
Vígreifir sjöttubekkingar Menntaskólans í
Reykjavík. Þeir náðu ekki að hringja bjöll-
unni í þetta skiptið.
Forsætisráðherra Póllands:
Skiptir
um flokk
VARSJÁ, AP Forsætisráðherra Pól-
lands, Marek Belka, tilkynnti í gær
að hann myndi segja sig úr hinum
óvinsæla stjórnarflokki sínum og
ganga til liðs við nýstofnaðan Lýð-
ræðisflokk þann 5. maí. Þann dag
er áætlað að þingið kjósi um vant-
trauststillögu stjórnarandstöðunn-
ar. Tilkynningin þykir skýrt merki
um að hann sé að reyna að fjar-
lægjast stjórnarflokkinn fyrir
kosningar, sem gætu orðið í júní.
Lýðræðisflokkurinn var stofn-
aður af fyrrum kommúnistum og
meðlimum Samstöðu. ■
HVALVEIÐAR
Hrefna skorin í fiskbúðinni Sæbjörgu.
MENNTAMÁLARÁÐHERRA SAKAÐ-
UR UM MÚTUR Menntamálaráð-
herra Nígeríu, Fabian Osuji, hefur
verið handtekinn vegna ásakana
um að hann hafi mútað þingmönn-
um í menntamálanefnd til að sam-
þykkja útgjaldaáætlun ráðuneytis
hans fyrir næsta ár. Safnaði hann
fénu, 22 milljónum, hjá skólastjóra
nígerískra framhaldsskóla.
DÓTTIR CEAUSESCU Í MÁLAFERL-
UM Dóttir Ceausescu-hjónanna,
sem líflátin voru í kjölfar bylt-
ingar árið 1989, hefur stefnt yfir-
völdum í landinu. Hún vill að lík
foreldra sinna verði grafin upp
svo hægt verði að ganga úr
skugga um að líkin séu raunveru-
lega af þeim en um það efast hún
mjög.
KAUP
Gengisvísitala krónunnar
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
58,55 58,83
112,26 112,80
77,92 78,36
10,46 10,52
9,57 9,63
8,56 8,61
0,56 0,56
89,70 90,24
GENGI GJALDMIÐLA 18.03.2005
GENGIÐ
Heimild: Seðlabanki Íslands
SALA
106,61 +0,05%
SÆMUNDUR PÁLSSON
Vinur skákmeistarans Bobby Fischer ætlar
að fljúga til Japans til að sækja hann úr
haldi þegar Alþingi hefur afgreitt ríkisborg-
ararétt Fischers eftir helgina.
RAGNAR AÐALSTEINSSON HRL.
Ragnar telur að vinnubrögð Alþingis séu
handahófskennd og óttast að það komi
niður á öðrum umsóknum um ríkisborg-
ararétt.