Fréttablaðið - 20.03.2005, Blaðsíða 70

VORNÁMSKEIÐ
í Miðbæjarskóla og Mjódd
Húsgagnaviðgerðir
mánudaga / miðvikudaga kl.18-21
Glerlist / Mósaík
miðvikudaga kl.15-18 / 18:45-21:45
Skrautskrift
mánudaga kl. 18-21 í Mjódd
Spænska f. byrjendur
fimmtudaga kl.19:40-21:45 í Mjódd
Námskeiðin standa í sex vikur
tímabilið 4.apríl – 13.maí
Upplýsingar og skráning
í síma 5512992 og 5677050
Netfang: nfr@namsflokkar.is
Heimasíða: www.namsflokkar.is
Svo lengi lærir sem lifir
Bandaríski blaðamaðurinn Bart
Cameron hefur tekið við rit-
stjórn blaðsins Grapevine, sem
frá upphafi hefur verið í hönd-
um Vals Gunnarssonar. Bart
hefur áður skrifað greinar fyrir
Grapevine, starfað sem blaða-
maður hjá Iceland Review og er
fréttaritari Associated Press á
Íslandi. Hann hlakkar til að
takast á við nýja starfið og ætlar
að brydda upp á nýjungum.
„Ég mun leggja hart að blaða-
mönnum mínum að vera vel
klæddir og krefjast þess að þeir
leggi sér til munns trefjaríkt
fæði. Þá ætla ég að yngja upp í
hópi blaðamanna og ráða fleiri
íslenska penna. Grapevine er
glæsilegur stökkpallur fyrir
blaðamenn og stúdenta sem vilja
ná sér í reynslu og byggja upp
ferilskrá áður en þeir halda utan
til náms og starfa,“ segir Bart,
sem hyggst hjálpa blaðamönn-
um sínum að selja greinar til
erlendra dagblaða og tímarita.
„Annars fer enginn í skóna
hans Vals, enda maðurinn orðinn
almenningseign sem jarðar
geisladiska.
Ég neita að ganga um með
kúrekahatt eða pósa í Speedo-
sundskýlu á Laugaveginum til að
ná athygli lesenda. Ég er hins
vegar tilbúinn að segja skilið við
virðulegt starf mitt á Iceland
Review og sturta ferli mínum,
orðspori og fjárhag i klósettið
fyrir Grapevine.
Ég hef tekið áhættu áður,“
segir Bart hress í bragði og
bætir við að þeir Valur eigi ým-
islegt sameiginlegt. „Við erum
báðir 28 ára, með meistaragráðu
í ensku og ljúkum okkar fyrstu
skáldsögu í ár. Svo erum við báð-
ir í hljómsveit. Bandið mitt The
Foghorns spilar reglulega í
Reykjavík og hefur gefið út
diskinn So Sober. Aðeins á
Íslandi.“ ■
RITSTJÓRINN BART CAMERON Tekur við ritstjórn Grapevine úr höndum Vals Gunnars-
sonar, er með skáldsögu í smíðum og spilar í hljómsveit.
„Þetta leggst ágætlega í mig,
enda nóg af krefjandi verkefnum
fram undan,“ segir nýkjörinn for-
maður Stúdentaráðs, Elías Jón
Guðjónsson, sem tekur við af Jar-
þrúði Ásmundsdóttur á mánudag.
Elías Jón var kosinn með að-
eins tveimur atkvæðum af tutt-
ugu, þegar átján sátu hjá. Hann er
annar tveggja af Háskólalistanum
sem náðu kjöri í nýafstöðnum
kosningum og því í óvæntri stöðu
sem formaður.
„Við bjuggumst ekki við þessu
fyrir fram en þegar úrslitin voru
ljós gáfum við yfirlýsingu um að
ætla ekki í meirihlutasamstarf
með Vöku eða Röskvu.
Okkar markmið var að fólk
ynni saman, en okkur fannst eðli-
legt að fylkingarnar stóru töluðu
fyrst saman með sinn meirihluta
atkvæða. Það gerðu þær ekki en
Háskólalistinn samþykkti tillögur
þar sem annað hvort Vaka eða
Röskva færi með formennsku, háð
því skilyrði að hin fylkingin sætti
sig við niðurstöðuna með öllum at-
kvæðum. Það gekk ekki. Sem for-
maður var ég því ekki fyrsti kost-
ur því báðar fylkingar vildu for-
mennsku, en þær kusu þó ekki á
móti svo einhver sátt var um kosn-
inguna.“
Elías Jón segir Háskólalistann
hafa komið með nýja hugsun í há-
skólapólitíkina þegar hann bauð
fyrst fram 2003; hugsun sem hafi
verið á sveimi í Háskólanum árum
saman.
„Þetta snýst um að vera í hags-
munafélagi. Háskólanemar eru
einn hópur með sameiginlega
hagsmuni og því eðlilegt að við
stöndum saman í stað þess að
skipta okkur í fylkingar. Nemend-
ur hafa ekki almennilega skilið um
hvað fylkingarnar rífast, í stað
þess að vinna að hlutunum í sam-
einingu. Við gerðum ráð fyrir að
allar fylkingar væru með í starf-
inu, en ekki útilokaðar eins og
undanfarin tuttugu ár. Nú er eng-
inn meirihluti í Stúdentaráði og
allir kjörnir fulltrúar hafa um
starfið að segja, enda útgangs-
punktur að ná saman starfhæfu
stúdentaráði þar sem kraftur allra
einstaklinganna yrði nýttur. Þeir
sem sækjast eftir kjöri gefa sig út
fyrir að vinna að hagsmunum
stúdenta. Ef það er raunin, sem ég
reyndar trúi, þá munu allir leggja
sitt af mörkum í stað þess að
hugsa eingöngu um hag sinnar
fylkingar,“ segir Elías Jón og bæt-
ir við að sjálfur muni hann ekki
starfa öðruvísi en að ráðfæra sig
við aðra stjórnarliða.
„Ég er formaður í skjóli hlut-
leysis hinna. Gert er ráð fyrir að
bæði Röskva og Vaka séu í for-
mennsku í nefndum og leiði
nefndastarf, sem er mjög mikil-
vægt líka. Átján sátu hjá, en
greiddu ekki atkvæði á móti. Ég
var því kjörinn með öllum greidd-
um atkvæðum, sem er nóg, þar
sem hinir kusu að greiða ekki sitt
atkvæði. Það lýsir þeirri afstöðu
að þeirra fyrsti kostur hafi verið
formaður úr eigin röðum, en ég
finn meðbyr og sátt þótt ég hefði
glaðst yfir að vera kosinn með
fleiri atkvæðum. Ég hlakka um-
fram allt til að takast á við starf-
ið,“ segir Elías Jón, sem meðfram
formannsstarfinu leggur stund á
stjórnmálafræði.
thordis@frettabladid.is
38 20. mars 2005 SUNNUDAGUR
Starfsfólk RÚV á það til að veðjaum ólíklegustu hluti og áður en
ákveðið var að ráða Auðun Georg
Ólafsson í stöðu fréttastjóra var efnt
til veðmáls innanhúss um hver
myndi hreppa hnossið. Fréttamað-
urinn Logi Bergmann Eiðsson upp-
lýsti það á sameiginlegu Pressu-
kvöldi Félags fréttamanna og Blaða-
mannafélags Íslands í síðustu viku
að aðeins einn, Ari Sigvaldason
fréttamaður, hafi veðjað á réttan
hest og hirt pottinn eftir að hafa
hringt eitt símtal. Ari leiðrétti Loga
að bragði og sagðist hafa hringt tvö
símtöl, eitt í sjálfstæðismann sem
sagði allt óljóst um ráðninguna og
annað í framsóknarmann. Að því
símtali loknu velktist Ari ekki í vafa
og setti sinn pening á Auðun.
ELÍAS JÓN GUÐJÓNSSON: STJÓRNMÁLAFRÆÐINEMI TEKUR VIÐ STÚDENTARÁÐI
Formaður í skjóli hlutleysis
FRÉTTIR AF FÓLKI
HIN HLIÐIN
HIN HLIÐIN Á ELÍNU MARÍU BJÖRNSDÓTTUR, STJÓRNANDA BRÚÐKAUPSÞÁTTARINS JÁ.
Hvernig ertu núna? Ótrúlega skemmtileg.
Augnlitur: Blár.
Starf: Kennari, sýningarstjóri, sjónvarpskona og skartgripadrottning fyrir
Pilgrim.
Stjörnumerki: Hrútur.
Hjúskaparstaða: Gift.
Hvaðan ertu? Úr Garðabæ.
Helsta afrek: Börnin mín.
Helstu veikleikar: Ég tek að mér svolítið margt í einu.
Helstu kostir: Jákvæðni.
Uppáhaldssjónvarpsþáttur: Brúðkaupsþátturinn Já og Oprah.
Uppáhaldsútvarpsþáttur: Latabæjarútvarpið.
Uppáhaldsmatur: Gourmet heimagerður matur, t.d. grillmatur.
Uppáhaldsveitingastaður: Sowieso.
Uppáhaldsborg: London.
Mestu vonbrigði lífsins: Að Jónsi hafi ekki unnið í Eurovision.
Áhugamál: Samvera með fjölskyldunni og fara á skíði.
Viltu vinna milljón? Já, takk.
Jeppi eða sportbíll? Sportbíll.
Hvað ætlaðir þú að verða þegar þú yrðir stór?
Ég ætlaði að verða læknir og líka mamma.
Hver er fyndnastur/fyndnust? Daði rótari í Í
svörtum fötum.
Hver er kynþokkafyllst(ur)? Keli.
Trúir þú á drauga? Já, pínu.
Hvaða dýr vildirðu helst vera? Kanína.
Hvaða dýr vildirðu ekki vera? Slanga.
Áttu gæludýr? Nei.
Besta kvikmynd í heimi: Cinema Para-
diso.
Besta bók í heimi: Íslenska orðabókin.
Næst á dagskrá: Brúðkaupssýning Já.
8.4.1977
Langaði að verða læknir og mamma
...fær Galdrasetrið á Ströndum
en forsvarsmenn þess hafa boðist
til að reka út drauga sem hafa
verið að angra forsetann í
Malaví.
HRÓSIÐ
TEKUR VIÐ FORMENNSKU Í STÚDENTARÁÐI Á MORGUN Elías Jón Guðjónsson er
nýkjörinn formaður Stúdentaráðs og fulltrúi Háskólalistans. Hann var kjörinn með tveimur
atkvæðum af tuttugu en átján sátu hjá. Þrátt fyrir það segist Elías Jón finna sátt um sig í
formannsstóli.
FR
ÉT
TA
B
LA
Ð
IÐ
/E
.Ó
L.
Neitar að ganga með kúrekahatt í
sundskýlu
FR
ÉT
TA
B
LA
Ð
IÐ
/S
TE
FÁ
N