Fréttablaðið - 23.02.2006, Blaðsíða 20

23. febrúar 2006 FIMMTUDAGUR20
hagur heimilanna
„Ég tel mig hafa svo gott peningavit að það hefur bjargað mér oftar en einu
sinni og oftar en tvisvar,“ segir Hólmfríður Anna Baldursdóttir, upplýsinga-
fulltrúi Unicef, Barnahjálpar Sameinuðu þjóðanna, á Íslandi.
Hólmfríður þurfti að leggja haus í bleyti stundarkorn spurð um bestu
og verstu kaup sem hún hefði gert um ævina en eftir umhugsunar-
frest lá í augum uppi hver bestu kaup hennar voru. „Það er fyrsta
íbúðin mín sem ég keypti fyrir tæpum tveimur árum síðan. Hún
hefur hækkað svo mikið í verði eins og allar fasteignir að það verða
tvímælalaust að teljast bestu kaup sem ég hef gert og er ég þá að líta
til verðgildis. Á henni hef ég stórgrætt svo ekki sé meira sagt.“
Hvað verstu kaupin varðar fékkst ekkert verra út úr Hólmfríði en nokk-
ur fatakaup erlendis. „Það er í fljótu bragði ekkert sérstakt sem ég man
eftir sem einhver hræðileg kaup. Hins vegar á ég það til að versla frá
mér allt vit þegar ég er erlendis, sérstaklega ef ég er tímabundin, og það
hefur oft komið fyrir. Þá vakna ég daginn eftir með föt í töskunni minni
sem hvorki passa né eru sérlega falleg og stundum man ég ekkert hvar
eða hvenær ég keypti viðkomandi flík. Þetta er algengt enn þann dag í
dag hjá mér en verra verður það nú ekki í mínu tilfelli.
NEYTANDINN: HÓLMFRÍÐUR ANNA BALDURSDÓTTIR, UPPLÝSINGAFULLTRÚI UNICEF
Peningavitið bjargaði mér
Skrifstofa Landssambands kúabænda hefur flutt og er nú í húsnæði Osta- og
smjörsölunnar að Bitruhálsi 2. Með flutningunum breyttust
síma- og faxnúmer sambandsins. Nýtt símanúmer er nú 569
1661 og nýtt faxnúmer er nú 567 3465.
Á heimasíðu Landssambandsins segir að ástæða flutningsins
sé að nú skapist tækifæri til náins samstarfs með mjólkur-
iðnaðinum, í gegn um Samtök afurðarstöðva í mjólkuriðn-
aði, Osta- og smjörsöluna og MS.
■ Verslun og þjónusta
Skrifstofa LK flutt í Osta- og smjörsöluna
Símanotandi á oft á tíðum
mjög erfitt með að átta
sig á því hvar honum er
best borgið þegar kemur
að kostnaði við símnotkun.
Símafyrirtækin bjóða upp
á mikinn fjölda tilboða
sem gera gjaldskrár þeirra
óaðgengilegar. Ljóst er að
kostnaður hvers og eins
ræðst að miklu leyti af því
hvar viðmælendurnir eru í
viðskiptum.
Í könnun verðlagseftirlits Alþýðu-
sambands Íslands kom í ljós að
fyrir hinn almenna símnotanda
getur verið meira en að segja það
að ráða í gjaldskrár símafyrir-
tækjanna og ekki alltaf auðvelt að
átta sig á hvar hagkvæmast er að
eiga sín viðskipti. Bæði Síminn og
Og Vodafone bjóða ýmis tilboð
sem fela í sér að hringja megi í
ákveðið símanúmer innan kerfis
viðkomandi fyrirtækis án endur-
gjalds. Gjaldskrár fyrirtækjanna
eru þannig uppbyggðar að síma-
kostnaður einstaklinga fer að
miklu leyti eftir því við hvern
þeir sem þeir hringja í eiga við-
skipti. Þetta kemur til af því að
það er yfirleitt alltaf dýrara að
hringja í númer hjá öðru símafyr-
irtæki en því sem viðkomandi
skiptir við. Þetta á sérstaklega
við um farsíma.
Það kostar um 50 krónur að
hringja þriggja mínútna símtal úr
heimasíma í farsíma sem er hjá
sama símafyrirtæki og þú skiptir
við. Þetta sama símtal kostar 66
krónur ef þú hringir í númer sem
er skráð hjá öðru símafyrirtæki.
Sé notaður farsími kostar símtal-
ið 36 krónur ef viðtakandinn
skiptir við sama fyrirtæki, en 68
krónur að meðaltali ef hann gerir
það ekki.
Það er langtum dýrara að
hringja úr farsíma í heimasíma
en á milli tveggja heimasíma.
Fimm mínútna langt símtal í
heimasíma kostar að meðaltali
12,50 krónur ef hringt er úr öðrum
heimasíma en sama símtal kostar
79 krónur ef hringt er úr farsíma.
Munurinn á þessu tvennu er 530
prósent.
Í hnotskurn má segja að niður-
stöður verðlagseftirlits Alþýðu-
sambandsins hafi sýnt fram á að
gjaldtaka félaganna tveggja sé
áþekk. Þetta á til dæmis við um
mánaðargjöld heimasíma og far-
síma og gjaldtöku fyrir símtöl til
útlanda.
svavar@frettabladid.is
Símafyrirtæki með
villandi gjaldskrár
■ Besta ráðið
sem ég get gefið
er að þvo alls ekki
gardínur heldur
viðra þær fyrsta
árið, ef þess þarf,
og setja þær síðan
í hreinsun,“ segir
Signý Ólafsdóttir,
sölumaður og ráð-
gjafi í gluggatjaldabúðinni Z-brautum
& gluggatjöldum.
Signý segir eina ráðið á rimlagardínur sé
að nota á þær sérstakan bursta sem fæst
í versluninni þeirra. „Rimlagardínunum er
lokað og burstanum strokið yfir,“ segir Signý
og bendir á að ekki þurfi að taka gardínurn-
ar niður og að alls ekki megi nota vatn á
trérimla eða of heitt vatn á aðrar tegundir
rimla. „Þá verpast þeir og verða ónýtir.“
GÓÐ HÚSRÁÐ
GARDÍNUR Í HREINSUN
OG RIMLAR BURSTAÐIR
SIGNÝ ÓLAFSDÓTTIR
Ávaxtabíllinn, sem selur ávexti í áskrift til fyrirtækja
og í gegn um netverslun til heimila, hefur nú opnað
heilsusjoppu á Nýbýlavegi með úrvali hollra bita. Þar
má finna pastabakka, ávaxta- og grænmetisbakka, hollar
langlokur, grænmetissúpu, ávaxta/skyrdrykki, orkudrykki,
orkustangir og ýmislegt fleira. Allir réttirnir eru tilbúnir og
hægt að taka með sér.
■ Verslun og þjónusta
Heilsusjoppa í ávaxtabílnum
TALAÐ Í SÍMANN Enginn nútímamaður getur símalaus verið. Ekki er þó víst að allir viti hvar hag þeirra er best borgið þegar kemur að
símaþjónustu.
Útgjöldin
> Verð á 40W rafmagnsperu í febrúar hvers árs.
Miðað við verðlag á öllu landinu.
Heimild: Hagstofa Íslands
2003 2005 2006
84
K
r.
81
K
r.
76
K
r.
87
k
r.
2004
Miði á bíósýningu kostar 800 krónur á manninn hvort sem það er í bíó hjá Sam-
bíóunum eða Smárabíói. Á íslenskar myndir er þó heldur dýrara,
yfirleitt 1.000 krónur.
Ýmis tilboð eru gjarnan í gangi. Hjá Sambíóum kostar
þannig 550 krónur á manninn fyrir öryrkja og eldri
borgara, 400 krónur fyrir fimm ára og yngri og 650
krónur fyrir þá sem greiða með svarta kortinu. Svo eru
stundum tilboð 2 fyrir 1 á valdar myndir eða miðinn á
400 eða 600 krónur.
Hjá Smárabíói kostar bíómiðinn 800 krónur á allar sýn-
ingar nema íslenskar sýningar. Fyrir sex ára og yngri kostar
450 krónur og 500 krónur fyrir eldri borgara og öryrkja.
Stundum er boðið upp á 400 krónur á ákveðnar sýningar.
Í lúxussal, hvort sem það er hjá Sambíóunum eða í Smárabíó,
kostar 1.700 krónur og er inneignarnóta í sjoppu eða bar innifalin.
■ Hvað kostar... í bíó?
Almennt gjald er 800 krónur
Ótakmarkað niðurhal sem fyrir-
tæki í samkeppni á internetmark-
aði auglýsa er takmörkum háð.
Síminn og OgVodafone senda til-
kynningu þegar farið er yfir
ákveðinn fjölda gígabæta af sóttu
efni á mánuði og gerist það ítrek-
að áskilja þau sér rétt til að tak-
marka þjónustuna. Hive takmark-
ar þjónustuna sé farið yfir ákveðið
viðmið í niðurhali.
Síminn aðvarar viðskiptavini
sína þegar komið er yfir 100 gíga-
bæt í niðurhali á mánuði og gerist
það ítrekað er gripið til þess ráðs
að takmarka hraða tengingarinn-
ar.
Og Vodafone sendir tilkynn-
ingu til viðskiptavina sinna þegar
farið er yfir 40 gígabæt í niður-
hali á mánuði og áskilur sér rétt
til að synja rétthafa um þjónustu
um stundarsakir eða til frambúð-
ar gerist þetta ítrekað.
Hive sendir enga aðvörun en
áskilur sér rétt til að setja þá sem
fara fram yfir fjögur gígabæt á
sólarhring á sérstaka bandvídd í
einn sólarhring.
Þessar ráðstafanir fyrirtækj-
anna eru til þess að gæta að óhóf-
leg notkun einstakra notenda
komi ekki niður á internetnotkun
annarra viðskiptavina og alls stað-
ar er tekið fram að það sé fátítt að
notkun fari fram úr hámarksvið-
miðum. - sdg
INTERNETNOTKUN ER MIKIL Á ÍSLENSKUM
HEIMILUM Öll fyrirtækin tilgreina hámarks-
fjölda gígabæta sem má hala niður á
mánuðiog áskilja sér rétt til aðgerða sé
notkun umfram það.
FRÉTTABLAÐIÐ/GETTY
Síminn, Hive og Og Vodafone auglýsa ótakmarkað niðurhal:
Ótakmarkað með skilyrðum