Fréttablaðið - 23.02.2006, Blaðsíða 65
23. febrúar 2006 FIMMTUDAGUR36
bio@frettabladid.is
Árið 1966 sló Truman Capote í
gegn með bók sinni In Cold Blood.
Með henni reyndi rithöfundurinn
fyrir sér með nýju sniði, færði
raunverulegan atburð í skáldsögu-
legt form. Morð á fjögurra manna
fjölskyldu í Kansas fangaði rithöf-
undinn, sem þá hafði getið sér gott
orð fyrir handrit að kvikmynd
sem John Huston kom á hvíta
tjaldið og skartaði sjálfum
Humphrey Bogart í aðalhlutverk-
inu. Þar að auki lá eftir hann bókin
Breakfast at Tiffany‘s, sem síðar
meir átti einnig eftir að verða
færð í kvikmyndabúning með eft-
irminnilegum hætti.
Umfjöllun um morðin á
Clutter-fjölskyldunni vöktu strax
áhuga Capotes, sem ákvað að
ferðast til Kansas og rannsaka
málið frekar fyrir blaðagrein.
Eftir því sem rithöfundurinn gróf
dýpra heltók málið hann og
Capote ákvað að greinin skyldi
verða að bók. Hann tók viðtal við
ógæfumanninn Perry Smith og
með þeim tókst mikill vinskapur.
Capote fór smám saman að reyna
að hjálpa honum en gerði sér
einnig grein fyrir því að eini full-
nægjandi endirinn á bókinni væri
aftaka Perrys.
Philip Seymour Hoffman, Cath-
erine Keener og Chris Cooper
leika aðalhlutverkin en leikstjóri
er Bennett Miller. Hann og Hoff-
man eru æskuvinir og kynntust
fyrst árið 1984. Myndin er byggð á
ævisögu sem Gerald Clarke skráði
en hann varð góður vinur rithöf-
undarins á meðan á því stóð.
Capote er tilnefnd til fimm Ósk-
arsverðlauna, þar á meðal sem
besta myndin.
Maðurinn á bakvið bókina
CAPOTE OG LEE Vinkona Capote, Nelle Harper Lee, skrifaði eina sögu, To Kill a Mocking-
bird, sem var lauslega byggð á ævi Capote. Hún uppskar Pulitzer-verðlaunin fyrir verkið.
Bresku gæðaleikararnir Emma
Thompson og Colin Firth eru í
aðalhlutverkum í barnagaman-
myndinni Nanny McPhee, auk
hinnar síungu Angelu Lansbury.
Cedric Brown er einstæður sjö
barna faðir sem veit ekki sitt rjúk-
andi ráð. Börnin hans virðast vera
óalandi og óferjandi og hafa sautj-
án barnfóstur gefist upp og tekið
pokann sinn. Börnin eru uppá-
tækjasöm með eindæmum og eru
lætin meira en margur þolir.
Brown gerir örvæntingarfulla
lokatilraun og fær til liðs við sig
enn eina barnfóstruna en gerir sér
þó ekki miklar vonir. Sú nýja ber
nafnið Nanny McPhee og er langt
frá því að vera neitt augnayndi.
Hún lætur sér hins vegar fátt um
finnast um lætin og leiðindin í
börnunum. Eftir því sem lengra
líður á dvöl hennar hjá Brown-
fjölskyldunni verður hegðun fólks
æ undarlegri. Brown fer allt í einu
að fara á fjörurnar við hvaða konu
sem er og hefur óþreyjufulla leit
að kvonfangi. Adelaide frænka
hans færist öll í aukana og hótar
að taka börnin af honum ef ástand-
ið fer ekki að batna.
FIRTH OG LANSBURY Leika aðalhlutverkin
í kvikmyndinni Nanny McPhee sem hefur
fengið prýðilega dóma erlendis.
Brjáluðu börnin
Spilling valdamikilla lyfja-
fyrirtækja, efasemdir eigin-
manns og Afríka eru helsta
umfjöllunarefni kvikmynd-
arinnar The Constant Gard-
ener. Mikið stórskotalið
kemur að þessari kvikmynd
og var hún tilnefnd til tíu
Bafta-verðlauna.
Á afskiptu svæði í norðurhluta
Kenía finnst Tessa Quayle myrt.
Líkið er illa farið og grunur fellur
strax á lækni sem var með henni í
för en er nú horfinn. Kringum-
stæðurnar benda til þess að Tessa
hafi átt í ástarsambandi við lækn-
inn en hún var gift sendiráðs-
starfsmanninum Justin Quayle,
sem stóð í þeirri trú að hjónaband-
ið stæði traustum fótum. Breskir
ráðamenn í Kenía vilja að Justin
leyfi lögreglunni að vinna sitt verk
en hann er ekki sáttur við útskýr-
ingarnar sem hann fær. Hann
hefur hingað til verið þekktur
fyrir hógværð og hálfgerðan rolu-
skap en ákveður nú að komast til
botns í málinu sjálfur. Fljótlega
verður honum ljóst að Tessu hafði
tekist að styggja valdamikla menn
og um leið sér hann hjónaband sitt
í nýju ljósi.
Þau Ralph Fiennes og Rachel
Weisz fara með aðalhlutverkin í
The Constant Gardener og hafa
þau bæði hlotið mikið lof fyrir
frammistöðu sína. Weisz hefur
fengið ívið meiri athygli fyrir
túlkun sína enda er Fiennes þekkt-
ur fyrir að standa sig vel. Weisz er
hins vegar frægust fyrir að kljást
við upprisnar múmíur með Brend-
an Fraser. Auk þeirra Weisz og
Fiennes eru Bill Nighy og Pete
Postlethwaite í stórum hlutverk-
um.
Brasilíski leikstjórinn Fern-
ando Meirelles leikstýrir mynd-
inni. Hann vakti mikla athygli
fyrir kvikmyndina Borg Guðs
(Cidade de Deus) og var meðal
annars tilnefndur til óskarsverð-
launa sem besti leikstjórinn. Afr-
íka er sögusviðið að þessu sinni.
Þessi fátæka heimsálfa hefur að
mestu verið í fréttum fyrir borg-
arastyrjaldir, óöld, alnæmi og
hungursneyð eftir að nýlendu-
herrarnir hurfu á brott.
Í kvikmyndinni er sjónum
beint að stóru lyfjafyrirtækjun-
um og spurningum velt upp um
siðferðislega ábyrgð þeirra.
Myndin er byggð á þekktri skáld-
sögu eftir John le Carré og er
haft eftir höfundinum að hann
hefði allt eins getað gert olíu- eða
tóbaksfyrirtækin að skotspæni
en þegar athygli hans hefði verið
vakin á hinum voldugu
lyfjafyrirtækjum og starfsemi
þeirra í Afríku hefði ekki verið
aftur snúið. „Lyfjafyrirtækin
standa vissulega fyrir allt það
sem við búumst við af þeim; vonir
og drauma. Hin hliðin á þeim er
mun dekkri og lituð af vænisjúkri
leynd, græðgi og spillingu,“ skrif-
aði rithöfundurinn í grein árið
2001. Eftir að Meirelles var ráð-
inn leikstjóri myndarinnar
afþakkaði hann öll verkefni eftir
myndina Borg Guðs sem kom út
fyrir fjórum árum og sökkti sér
niður í óaðgengilegan heim lyfja-
fyrirtækjanna. „Ég er sjálfur frá
Brasilíu og hef kynnst veldi
þeirra af eigin raun. Það er ótrú-
legt að fylgjast með viðbrögðum
stóru fyrirtækjanna þegar reynt
er að framleiða ódýrari lyf,“
sagði Meirelles.
Ábyrgð lyfjafyrirtækjanna
FRUMSÝNDAR UM HELGINA
DÓMAR Í ERLENDUM MIÐLUM
Nanny McPhee
Internet Movie Database 6,9 / 10
Rottentomatoes.com 75 % / Fersk
Metacritic.com 6,8 / 10
Capote
Internet Movie Database 8,1 / 10
Rottentomatoes.com 91% / Fersk
Metacritic.com 8,2 / 10
The Constant Gardener
Internet Movie Database 7,6 / 10
Rottentomatoes.com 81% / Fersk
Metacritic.com 6,7 / 10
Philip Seymour Hoffman er af mörgum talinn einn besti leikari
heims um þessar mundir. Hann hefur nú þegar hlotið Bafta-
verðlaunin og bandarísku leikaraverðlaunin fyrir leik sinn sem
Truman Capote og ófáir veðja á hann fyrir óskarinn. Ganga
jafnvel margir svo langt að segja þetta í höfn hjá drengnum.
Hoffman birtist fyrst á skjánum í Law & Order árið 1991 og
hefur síðan verið hamhleypa til verka og leikið í að minnsta
kosti einni mynd á ári.
Hoffman er menntaður leikari frá Háskólanum í New York.
Hann var sviðsleikari, lék í nokkrum sjálfstæðum kvikmyndum
og fékk nokkur smáhlutverk í draumaverksmiðjunni. Stjarna
Hoffmans fór þó ekki að rísa fyrr en hann komst í kynni við
leikstjórann Paul Thomas Anderson og er Hoffman í áskrift á
hlutverk í kvikmyndum hans.
Hoffman lék í hinni grátbroslegu Boogie Nights þar sem Burt
Reynolds stal senunni. Í kjölfarið fylgdu myndir á borð við The
Big Lebowski og Happiness þar sem Hoffman var mjög eftir-
minnilegur svo ekki sé meira sagt. Það er þó ekki fyrr en með
frumsýningu Magnolia sem Hoffman fékk viðurkenningu fyrir
leik sinn og eftir það hefur hann verið á grænni grein. Hoffman
vandar valið og lætur ekki gullhamra gagnrýnenda stíga sér
til höfuðs. Hann er trúr sjálfum sér og lætur ekki velgengnina
glepja sig.
Draumur leikstjórans
PHILIP SEYMOUR HOFFMAN Hefur á undanförnum árum skipað sér
í framvarðarsveit bandarískra leikara.
> Ekki missa af...
Það er sann-
kölluð gósentíð
hjá kvikmynda-
áhugafólki um
þessar mundir.
Good Night
and Good Luck
er sýnd í Laug-
arásbíói og er
óhætt að mæla
með henni. Transamerica er skemmtileg
viðbót. Hún fjallar um kynskiptinginn
Bree sem hefur uppi á syni sínum.
Felicity Huffman fer á kostum í hlutverki
kynskiptingsins og ekki kæmi á óvart að
hún hreppti óskarinn fyrir túlkun sína.
Þá má ekki gleyma Munich eftir Steven
Spielberg. Þar fer Eric Bana fyrir fríðum
flokki leikara. Myndin er tilnefnd til
óskarsverðlauna sem besta myndin. Það
ættu því allir að finna eitthvað við sitt
hæfi og varla hægt að klúðra bíóferðinni
þessa helgina.
And it is the humble opinion
of this narrator that strange
things happen all the time.
And so it goes, and so it goes.
And the book says, „We may be
through with the past, but the
past ain‘t through with us.“
Ein magnaðasta kvikmynd síðari tíma er tvímælalaust
Magnolia en hún er sannkallað meistaraverk úr smiðju
leikstjórans Paul Thomas Anderson.
JUSTIN QUAYLE Reynir að leysa morðið á
eiginkonu sinni en flækist fljótlega í mikinn
spillingarvef valdamikilla lyfjafyrirtækja.