Fréttablaðið - 23.02.2006, Blaðsíða 67

23. febrúar 2006 FIMMTUDAGUR38
maturogvin@frettabladid.is
DAX skammtari
snertifrír
DAX handspritt
í snertifr.
DAX handsápa
mild 600ml m.dælu
197kr.
5.973 kr.
650 kr.
Hreinar hendur
örugg samskipti
Jóhanna Runólfsdóttir
Sjúkraliði, ráðgjafi hjá RV
R
V
62
03
D
DAX handáburður
250ml
238 kr.
Í da
g 23
. feb
rúar
kyn
nir
Jóh
ann
a ha
nds
prit
t,
han
dsá
pu o
g kr
em
frá
DAX
í ve
rslu
n RV
mill
i kl.
14:
00 o
g 17
:00.
Kampavínið Moet & Chandon verð-
ur í öndvegi á sameiginlegum vín-
lista veitingastaðanna sem taka
þátt í Food & Fun. Jafnframt
hefur það verið valið hátíð-
arkampavínið á glæsilegum
gala-kvöldverði á Nordica á
laugardagskvöldið þar sem
verðlaun verða veitt í mat-
reiðslukeppninni sem fer fram
í Listasafni Reykjavíkur fyrr
um daginn. Moet-kampavín er
mest selda kampavín í ver-
öldinni og er úr sömu fjöl-
skyldu og „konungur“
kampavínsins, Dom Pérign-
on.
Kampavín á rætur að
rekja aftur til átjándu
aldar og var fundið upp
fyrir slysni. Franski
munkurinn Dom Pérign-
on var að brugga en
sökum mistaka í gerjunarferli
komu fram loftbólur í víninu.
Gerði munkurinn allt hvað hann
gat til þess að fjarlægja loft-
bólurnar úr víninu sem hann
var að búa til - en tókst ekki.
Sagan segir að Dom Pérignon
hafi sagt: „Ég drekk stjörn-
ur!“, þegar hann smakkaði
freyðandi vínið í fyrsta sinn.
Í stað þess að reyna að fjar-
lægja loftbólurnar úr vín-
inu fann hann þess í stað
aðferð til þess að gera
vínið tært og drykkjar-
hæft og fljótlega varð það
eftirsótt meðal frönsku
yfirstéttarinnar. Claude
Moet var einmitt vinur
munksins og var með
fyrstu mönnum til að
hefja framleiðslu á þess-
um magnaða drykk.
MOET & CHANDON:
Valið hátíðarkampavínið
> Ekki gleyma
...bragðdropunum frá Boyajian þegar þig
vantar romm, piparmyntu, möndlu eða
lakkrísbragð í baksturinn. Þeir fást í Kokku.
Þýsk vín hafa verið í mikilli sókn
undanfarin ár. Ekki er langt síðan
flestir litu niður á þýsk vín, hin
dísætu Liebfraumilch vín voru
nánast það eina sem fólk þekkti.
En á síðustu árum hafa orðið gríð-
arlegar framfarir í þýskri vín-
gerð og síðastliðin ár hafa þýsku
vínin slegið í gegn. Víntímarit
hafa hampað þeim og flestir bestu
veitingastaðir Vesturlanda leggja
sig fram um að bjóða uppá þau á
vínlistum sínum. Má nefna að á
veitingastað stórleikarans
Roberts De Niro í New York eru
fimmtíu þýsk riesling-vín á vín-
listanum. Þessi bylgja hefur ekki
skilað sér í sambærilegum mæli á
veitingastaði hérlendis og segja
reyndir vínþjónar skýringuna að
Íslendingar séu ennþá fordóma-
fullir gagnvart þýskum vínum,
ástkonumjólkin sé enn á sveimi í
hugum landans! Vonandi breytist
þetta hratt því bestu þýsku vínin
eru afbragðs matarvín og eiga
einkar vel við okkar ágæta
sjávarfang.
Í Vínbúðum hefur framboðið
aukist lítillega þótt áherslan sé
einkum á ódýrari og einfaldari
vínin. Ekki er mikið framboð af
dýrari vínum. En ódýru vínin
standa mjög vel fyrir sínu, þýsku
riesling-vínin eru afar hagstæð í
verði hér á landi vegna þess að
þau eru lág í alkóhóli og ofuralkó-
hólskattarnir leggjast því ekki af
eins miklum þunga og alkóhólrík-
ari vín. Vegna hins lága alkó-
hólmagns eru þau kjörin í sam-
kvæmi, hægt að dreypa á þeim
eins og bjór án þess að svífi um of
á mannskapinn.
Eitt helsta andlit nýju þýsku
vínbylgjunnar er Ernst Loosen,
sem valinn var maður ársins í
Decanter í fyrra. Hann hlaut við-
urkenninguna ekki aðeins fyrir
framúrskarandi vín sín, heldur
ekki síður fyrir þau miklu og góðu
áhrif sem hann hefur haft á aðra
víngerðarmenn Þýskalands. Hann
hefur kvatt kollega sína óspart til
að auka gæði framleiðslu sinnar,
barist gegn úreltu regluverki
þýskrar víngerðar sem fjötrar þá
bestu en hampar þeim slökustu,
og verið óopinber sendiherra
þýskrar víngerðar á erlendri
grundu. Það er ekki að ósekju að
hann er oft kallaður „Herra Riesl-
ing“ því enginn hefur átt jafn
mikinn þátt í því og hann að hefja
þá mögnuðu þrúgu til vegs og
virðingar á ný. Riesling-þrúgan
er þekkt fyrir að taka sérstaklega
vel við helstu sérkennum jarð-
vegsins þar sem hún er ræktuð og
í góðum víngörðum geta orðið úr
henni hreint stórkostleg vín.
Þetta veit Ernst Loosen og fyrir
tilstilli manna eins og hans hefur
þýsk víngerð tekið stakkaskipt-
um undanfarinn áratug og er leit-
un að vínum sem eru jafn spenn-
andi í dag og þýsk hvítvín.
Hátt flug á þýskum vínum
DR. ERNST LOOSEN Í víngarðinum Urziger
Wurzgarten.
Hvaða matar gætir þú síst verið án?
Það er sennilega grænt te. Ég er algjörlega
háð því.
Fyrsta minningin um mat?
Fyrsta minningin er agúrka sem ég fékk
beint úr gróðurhúsi þegar ég var um þriggja
ára, í aftursæti á gulum Volkswagen.
Besta máltíð sem þú hefur fengið?
Það er grillað villisvín sem ég fékk á
ítölskum fjallaveitingastað um árið.
Er einhver matur sem þér finnst vondur?
Ég held að kæstur hákarl sé það eina sem
ég get ekki látið ofan í mig.
Leyndarmál úr eldhússkápunum?
Munið að eiga alltaf ferskar kryddjurtir, þær
lífga upp á flestan mat.
Hvað borðar þú til að láta þér líða betur?
Þegar ég vil láta mér líða betur fæ ég mér
popp.
Hvað áttu alltaf í ísskápnum?
Ég lít ekki á það sem skyldu að eiga alltaf
til einhverja tiltekna fæðu en ég held ég
eigi þó oftast til ost í ísskápnum.
Ef þú yrðir föst á eyðieyju, hvaða mat
tækir þú með þér?
Ekkert sem ég gæti látið vaxa eða ræktað
þar. Ætli ég tæki ekki með mér harðfisk og
íslenskt smjör.
Hvað er það skrýtnasta sem þú hefur
borðað?
Það er sjálfsagt krókódílakjöt sem ég fékk á
kvikmyndasetti í Bretlandi. Við fengum líka
að smakka strútskjöt. Kjötið sjálft var svosem
ekki skrýtið, bara nokkuð gott, heldur var
það tilhugsunin að þetta væri krókódíll.
MATGÆÐINGURINN: ÁSTA SIGHVATS ÓLAFSDÓTTIR LEIKKONA
Át agúrku í aftursæti á gulum Volkswagen
Hrefna Rósa Jóhannsdóttir, kokk-
ur á Sjávarkjallaranum, valdi upp-
skrift að sjávarréttasúpu til að
deila með lesendum Fréttablaðs-
ins. „Þetta er mín útgáfa af jap-
anskri sjávarréttasúpu sem er
óskaplega góð. Þetta er tær súpa,
sjávarréttasúpa þarf ekkert að
vera rjómalöguð. Ég valdi létta
súpu sem er upplögð í forrétt. Við
erum með japanskan gestakokk
hérna á Sjávarkjallaranum og það
var hann sem hafði áhrif á ákvörð-
un mína um uppskrift,“ segir
Hrefna Rósa en hún vann á Apó-
tekinu þegar hún var nemi í starf-
inu.
„Ég byrjaði tuttugu ára að læra
að verða kokkur og hef alltaf haft
rosalega gaman af að elda. Alveg
frá því að ég var lítil hef ég horft
mikið á kokkaþætti og fundist
þetta starf voðalega spennandi og
mikið fyrir mig. Ég hélt samt að
starfið væri allt öðruvísi, en í
rauninni passaði þetta mér jafnvel
betur en ég hafði áttað mig á í
byrjun.“
Aðspurð hvað henni finnist
nauðsynlegt að eiga í matargerð
segir hún: „Ég nota mikið kókos-
mjólk í staðinn fyrir rjóma þegar
ég elda. Ég er frekar dugleg að
elda fyrir sjálfa mig og þá elda ég
helst ýmiss konar grænmetisrétti
í karrý, mikið af hrísgrjónaréttum
og núðluréttum. Það er ekkert sem
ég gæti ekki hugsað mér að elda,
ég er frekar opin fyrir öllu og alls
ekki matvönd.“

Aðferð: Pillið humarhalana og
tígrisrækjuna. Hitið pott og brún-
ið humarskelina ásamt tígris-
rækjuskelinni í pottinum. Setjið
tvo lítra af vatni út í ásamt söxuð-
um hvítlauknum, skalottlauknum
og lemongrassinu. Bætið anís-
stjörnunum og kardimommunum
út í ásamt tómatpurréinu. Sjóðið
við vægan hita í 30 mínútur og
sigtið. Setjið súpuna aftur í pott
ásamt limeberkinum og kryddið
með salti og pipar. Hreinsið skötu-
selinn og hörpuskelina. Hitið
súpuna upp ásamt skelfiskinum
(humar, hörpu og rækju) og fiskin-
um. Þá ætti fiskurinn að vera eld-
aður í súpunni.
Sjávarréttasúpa Hrefnu
HREFNA JÓHANNSDÓTTIR Hún valdi uppskrift að japanskri sjávarréttasúpu samkvæmt ráði gestakokks hjá Sjávarkjallaranum.
SJÁVARRÉTTASÚPA FYRIR 4:

8 humarhalar
8 tígrisrækjur
4 hörpuskel
100 g skötuselur
2 lemongrass
2 rif hvítlaukur
2 skalottlaukur
1 anísstjarna
2 kardimommur
2 msk. tómatpurré
1 lime (börkurinn)
salt og pipar