Fréttablaðið - 23.02.2006, Blaðsíða 72
Fimmtudagur 2. mars
19.00 - 20.00 Setning skólans
Ingibjörg Sólrún Gísladóttir, formaður Samfylkingarinnar setur skólann.
20.00 - 21.00 Að starfa í stjórnmálum
Margrét Frímannsdóttir, formaður þingflokks Samfylkingarinnar
og Andrés Jónsson, formaður ungra jafnaðarmanna.
21.00 - 22.00 Félagsstörf, fundarsköp og ræðumennska
Flosi Eiríksson, oddviti Samfylkingarinnar í Kópavogi.
Föstudagur 3. mars
19.00 - 20.00 Efnahagsmál, helstu heiti og hugtök
Edda Rós Karlsdóttir, forstöðumaður Greiningardeildar Landsbankans.
20.00 - 21.00 Nýr flokkur – nýjar áherslur
Kristrún Heimisdóttir, varaformaður framtíðarnefndar Samfylkingarinnar.
21.00-22.00 Að koma skoðun sinni á framfæri, um leiðir til að
koma hugmyndum á framfæri
Össur Skarphéðinsson, þingmaður Samfylkingarinnar.
Laugardagur 4. mars
12.00 - 13.00 Jafnrétti / kvenfrelsi
Þórunn Sveinbjarnadóttir, þingmaður Samfylkingarinnar.
13.00 – 17.00 Framkoma í fjölmiðlum, ræðumennska,
tjáning og lokaverkefni
Mörður Árnason, þingmaður Samfylkingarinar, Skúli Helgason, framkvæmdastjóri
Samfylkingarinnar, Hilda Jana Gísladóttir, fréttamaður á Aksjón á Akureyri.
17.00 Ráðhús Reykjavíkur heimsótt
17.45 Alþingi heimsótt
Ágúst Ólafur Ágústsson, varaformaður Samfylkingarinnar og
Guðrún Ögmundsdóttir, þingmaður Samfylkingarinnar.
19.00 Lokahóf Stjórnmálaskólans
Helgi Hjörvar, skólastjóri Stjórnmálaskóla Samfylkingarinnar, slítur skólanum.
Aðgangur er ókeypis og öllum heimill.
Skráning er hafin á Samfylking@samfylking.is og í síma 414-2200
Stjórnmálaskóli Samfylkingarinnar
2., 3. og 4. mars 2006 Hallveigarstíg 1, 2. hæð.
Virkjum mannauðinn!
[ TÓNLIST ]
UMFJÖLLUN
Það er langt síðan ég hef beðið
svona spenntur eftir plötu ein-
hvers listamanns. Deep Cuts, síð-
asta afurð sænska systkinadúetts-
ins The Knife, var þvílíkt afrek.
Líklegast besta raftónlistarplata
sem ég hef heyrt. Sú plata fer auð-
veldlega inn á topp 10 listann minn
yfir bestu plötur síðustu 10 ára.
Það sem gerir The Knife svona
merkilega er hversu litlu máli
tæknin skiptir. Þetta er gegnheil
raftónlist, hér heyrir maður nær
aldrei í áþreifanlegum hljóð-
færum, en það er þó aldrei verið
að flassa einhverjum nýjum
tækniundrum á kostnað lagsins.
Lögin skipta mestu máli og það er
eins lítið notað og mögulegt er til
þess að koma þeim til skila. Stund-
um bara einföld bassatromma,
hljóðgervill og söngur. Söngkonan
Karin Dreijer, sem syngur á nýj-
ustu Röyksopp-smáskífunni, hefur
líka svo sérkennilega rödd og
sterkan sænskan hreim að það er
ekki annað hægt en að falla kylli-
flatur fyrir henni. Svo sannarlega
engri annarri lík, sem er mjög
dýrmætt á þessum tímum Idol-
meðalmennsku.
Miðað við hversu vel The Knife
hefur tekist að koma sér á kortið,
þrátt fyrir að spila popptónlist
sem er allverulega á kant við flest
annað, leyfði ég mér að dreyma
um að með næstu plötu myndi
sveitin ná heimsyfirráðum. En
auðvitað fara svo þessir sérvitru
Svíar í þveröfuga átt frá því sem
ég vildi heyra. Þau hafa svo ótrú-
lega næmni fyrir góðri popptón-
list að ég varð hálfsvekktur yfir
því að þau hafa kosið að fara enn
lengra út á kantinn. Silent Shout
er hvergi eins grípandi og flest
laganna á síðustu plötu.
Heimsyfirráð verða því að bíða
eitthvað lengur, því miður.
En er hægt að búast við öðru
frá hljómsveit sem neitar að spila
á tónleikum, mæta á
verðlaunahátíðir og bara almennt
að láta mynda sig til að kynna tón-
list sína? Þau trúa því nefnilega að
persónudýrkun sé að skemma
heim popptónlistar, og það er
kannski eitthvað til í því.
Lögin á Silent Shout eru fyllri
og meira fljótandi en fyrri plötur.
Það er ekki eins mikið tómarúm í
lögunum, og er það miður. Í stað
þess að skila af sér annarri skot-
heldri poppplötu kjósa þau að róa í
áttina til sveimtónlistar sem fer
þeim ekki eins vel. Karin kýs svo
að syngja minna, sem mér finnst
synd því hún er uppáhaldssöng-
konan mín.
En þrátt fyrir að þetta sé sísta
plata The Knife til þessa er hún
vel yfir meðallagi. Lög á borð við
Marble House, Silent Shout og The
Captain tryggja það að sveitin
heldur enn höfði sem ein af athygl-
isverðari rafsveitum okkar tíma.
Kaupið þessa, en ekki fyrr en þið
hafið orðið ykkur úti um hinar
tvær sem komu á undan.
Birgir Örn Steinarsson
Tími til að brýna
hnífinn!
THE KNIFE
SILENT SHOUT
Niðurstaða: Sænski systkinadúettinn The
Knife kýs að yfirgefa poppið á þriðju breiðskífu
sinni og færa sig nær tormeltari og sveim-
kenndari raftónlist. Samt nægilega sterk plata
til þess að halda athygli aðdáenda.
Hljómsveitin Guns N´Roses, sem
gerði garðinn frægan fyrir mörgum
árum síðan, mun koma fram á tón-
leikum í Dublin hinn 9. júní.
Mötley Crüe mun einnig koma
fram á tónleikunum, sem er vænt-
anlega beðið með mikilli eftirvænt-
ingu á Írlandi því tónleikar Guns
N´Roses hafa ekki verið á hverju
strái að undanförnu. Sveitin, sem
hefur þegar selt rúmlega áttatíu
milljónir platna, er að gera sína
fyrstu plötu í langan tíma um þess-
ar mundir. ■
Tónleikar í Dublin
AXL ROSE Axl Rose og félagar halda tón-
leika í Dublin í sumar. REUTERS