Fréttablaðið - 17.02.2007, Blaðsíða 2

Opið: Alla virka daga kl. 9:00-18:00 og laugardaga kl. 12:00-16:00. Sími: 525 8020.
NOTAÐIR BÍLAR
BÍLL DAGSINS
OPEL ASTRA1.6
Nýskr. 01.06 - Beinskiptur - Ekinn 3 þús. km. - Allt að 100% lán.
Verð
1.670
.000.
-
„Ef þeir gefa ekki
út framkvæmdaleyfi eru þeir
búnir að rifta samningnum sem
þeir gerðu við okkur í haust,“
segir Gunnar I. Birgisson, bæjar-
stjóri í Kópavogi um fram-
kvæmdaleyfi sem Reykjavíkur-
borg hefur skuldbundið sig til að
gefa út vegna vatnslagnar yfir
Heiðmörk.
Gunnar vísar í samkomulag
sem hann undirritaði í haust ásamt
Vilhjálmi Þ. Vilhjálmssyni, borg-
arstjóra í Reykjavík. Að sögn
Gunnars felst samkomulagið í því
að Kópavogsbær fær að leggja
vatnslögnina yfir land Reykjavík-
ur gegn því að borgin fá umráða-
rétt yfir tilteknum borholum og
landi.
Jarðvegsvinna vegna vatns-
lagnarinnar hófst í janúar en var
stöðvuð þegar í ljós kom að fram-
kvæmdaleyfið var óútgefið. Gunn-
ar segir yfir-
völd í Kópavogi
hins vegar hafa
verið í góðri trú.
„Það fylgir í
samkomulaginu
að þeir eigi að
gefa út fram-
kvæmdaleyfi og
við erum ekkert
að spá í það –
höldum bara að
þetta sé fólk sem hægt er að
treysta. Við töldum að þeir væru
búnir að gefa þetta út og hefðu
bara gleymt að senda okkur það
því að Orkuveitan og allir starfs-
menn borgarinnar voru alveg
klárir á því hvað við ætluðum að
gera og hvaða leið við ætluðum að
fara,“ segir
Gunnar.
Bæjarstjór-
inn er ósáttur
við yfirlýsingar
sem hafa komið
frá yfirvöldum í
Reykjavík
vegna Heið-
merkurmálsins.
„Yfirlýsing-
ar formanns
skipulagsráðs Reykjavíkur, Hönnu
Birnu Kristjánsdóttur, valda mér
heilabrotum. Það er ljóst að hjá
borginni veit hægri höndin ekki
hvað sú vinstri er að gera,“ segir
bæjarstjórinn.
Gunnar segist munu ræða betur
við borgaryfirvöld. Verði fram-
kvæmdaleyfið ekki gefið út falli
samningurinn úr gildi. Reykjavík
verði af umsömdum rétti til vatns-
töku í landi Kópavogs og fái ekki
landspilduna. „Við aftur á móti
eigum holur Kópavogsmegin og
munum nýta þær á meðan við
þurfum að fara lagalegu leiðina til
að fá að leggja vatn okkar yfir
land Reykjavíkur,“ segir Gunnar
og vitnar til vatnalaga frá 1925.
„Þá þarf að fara í eignarnámsmál
sem getur tekið einhverja mánuði
og við munum bara fara í það.“
Orkuveita Reykjavíkur hefur
gert athugasemdir við fram-
kvæmdina í Heiðmörk. Gunnar
segir þessar athugasemdir vera
„furðulegar“ og að þeim verði
svarað með bréfi.
Boða eignarnám á
grunni vatnalaga
Bæjarstjóri Kópavogs segir borgaryfirvöld í Reykjavík brjóta samninga með því
að gefa ekki út framkvæmdaleyfi fyrir vatnslögn yfir Heiðmörk. Fáist leyfið
ekki verði farið í eignarnám á grundvelli ákvæða í vatnalögum frá árinu 1925.
Valgerður Sverrisdóttir utanríkisráð-
herra segir að vörugjöld séu úr sér gengin og næsta
verkefni stjórnvalda sé að taka þau til algerrar
endurskoðunnar. Hún vill einnig að stjórnvöld fari
af kostgæfni yfir hvaða áhrif hvalveiðar geti haft á
ímynd Íslands áður en ákvörðun verði tekin um
frekari stórhvalaveiðar.
Þetta var meðal þess sem kom fram í ávarpi
Valgerðar við upphaf aðalfundar Félags íslenskra
stórkaupmanna (FÍS) í gær. Valgerður fjallaði
ítarlega um tollamál í ræðu sinni; sagði tolla
almennt lága en það ætti ekki við um önnur opinber
gjöld. „Í því samhengi nefni ég sérstaklega vöru-
gjöldin, sem ég tel reyndar úr sér gengin og hljóta
að verða næsta verkefni stjórnvalda að taka til
algerrar endurskoðunar.“ Hún lítur á afnám
vörugjalda á matvörur um mánaðamótin sem
upphaf gagngerrar endurskoðunar þessa gjaldaliðs.
Valgerður lítur svo á að ímynd Íslands sé
þjóðinni afar mikilvæg. „Við þurfum að sýna
sérstaka aðgát þegar kemur að þeim málum sem
geta haft áhrif á ímynd Íslands. Hvalveiðar eru gott dæmi um það,“ sagði Valgerður, sem er þó sannfærð um
réttmæti málstaðar Íslendinga í hvalveiðimálum.
Vörugjöldin eru úr sér gengin
Vilhjálmur Þ. Vil-
hjálmsson borgarstjóri hefur
óskað eftir lögreglurannsókn á því
hvort þátttakendur á væntanlegri
ráðstefnu um klámefni kunni að
vera framleiðendur barnakláms
eða annars ólögmæts klámefnis.
Honum þykir miður að Reykjavík
skuli eiga að verða vettvangur
slíkrar ráðstefnu.
Þetta kemur fram í yfirlýsingu
frá borgarstjóra sem barst í gær.
Yfirlýsingin var svar við áskorun
Stígamóta þar sem ráðamenn
þjóðarinnar eru hvattir til að koma
í veg fyrir að ráðstefnan, sem kall-
ast SnowGathering, verði haldin.
Áætlað er að halda hana á Radis-
son SAS hótelinu í Reykjavík 7. til
11. mars næstkomandi.
„Við erum mjög sátt við þessi
viðbrögð borgarstjóra,“ segir
Guðrún Jónsdóttir, talskona Stíga-
móta. „Það er ánægjulegt að hann
skuli bregðast við af slíkri ábyrgð,
og við vonum innilega að ráða-
menn vinni vinnuna sína varðandi
þetta mál,“ segir hún.
„Þetta mál er í skoðun hjá
okkur í samvinnu við embætti rík-
islögreglustjóra,“ segir Stefán
Eiríksson, lögreglustjóri á höfuð-
borgarsvæðinu. „Við munum
athuga hvað er þarna á ferðinni og
hvort um ólögmæta háttsemi sé að
ræða,“ segir hann.
Ekki náðist í forsvarsmenn
SnowGathering við vinnslu
fréttarinnar. -
Lögreglan í Stokk-
hólmi hefur enn ekki komist að því
hver voru upptök eldsvoðans í
sorpgeymslu þar sem Hlynur
Heiðberg Konráðsson fannst látinn
í síðustu viku. „Við höfum enn ekki
fengið niðurstöður tæknilegrar
rannsóknar,“ segir Christer Collin,
sem stjórnar lögreglurannsókn-
inni. Dánarorsök Hlyns liggur ekki
fyrir. Hlynur, sem var í Stokkhólmi
í vinnuferð á vegum Iceland
Express, læstist inni í sorpgeymslu
veitingastaðarins Engelen. Collin
telur Hlyn hugsanlega hafa talið
sig vera að fara á salerni þegar
hann gekk inn í geymsluna.
Eldsupptökin
enn ekki kunn
Alls bárust ríflega 2.700
umsóknir til veiðistjórnunarsviðs
Umhverfisstofnunar um leyfi til
hreindýraveiða í sumar áður en
umsóknarfrestur rann út. Leyft
verður að veiða 1.137 hreindýr í
ár, þannig að ljóst er að draga
verður um það hver fær veiði-
leyfin, eins gert hefur verið
undanfarin ár.
Dregið verður úr gildum
umsóknum á mánudaginn kemur
og fer útdrátturinn fram í
húsnæði Þekkingarnets Austur-
lands. Unnt verður að fylgjast
með drættinum í beinni útsend-
ingu víða um land.
2.700 vilja veiða
1.137 hreindýr
Þúsund löggæslumenn
munu vakta skemmtistaði í
Bretlandi til að framfylgja
reykingabanninu, sem sett verður
í júlímánuði.
Eftirlitsmennirnir verða
klæddir sem almennir borgarar,
vopnaðir myndavélum, og munu
skrifa út sektarmiða á staðnum,
fimmtíu pund fyrir hvert brot.
Í júní verður svipað bann sett
á Íslandi. Geir Jón Þórisson
yfirlögregluþjónn segist „draga
það harkalega í pung efasemd-
anna“ að viðlíka aðferðum verði
beitt hér. Eðlilegra væri að setja
fyrst aukinn kraft í refsingar
fyrir alvarlegri brot.
Reykingalöggur
bíða á barnum
Bubbi, er nauðsynlegt að veiða
þá?
Sveitarfélög
landsins hafa engar tekjur af
einkahlutafélögum og einstakl-
ingum sem einungis gefa upp
fjármagnstekjur.
Fjármálaráðherra, félagsmála-
ráðherra og formaður Sambands
íslenskra sveitarfélaga ætla því
að kynna hugmyndir um tekjutil-
færslu, frá ríki til sveitarfélaga,
fyrir mánaðarlok.
Þetta kom fram á samráðsfundi
fyrrnefndra í gær. Á fundinum kom
einnig fram að útgjöld sveitar-
félaga hefðu vaxið meira en útgjöld
ríkisins, því þau sinntu æ meira af
þjónustu við borgarana.
Sveitarfélögin
fái meira til sín
Sumarbústaður við
Úlfarsfell brann til grunna í gær.
Vegfarandi tilkynnti um mikinn
reyk við bústaðinn um klukkan
eitt og var hann alelda þegar
slökkvilið kom á staðinn.
Talsmaður slökkviliðsins segir
ekki hafa verið hægt að bjarga
bústaðnum og reyndu slökkviliðs-
menn því að hindra að eldurinn
breiddist út í nálægan gróður. Það
tókst og lauk slökkvistarfi um
fimmleytið í gær.
Bústaðurinn var mannlaus og
eru eldsupptök ókunn.
Bústaður brann
til kaldra kola